2017-07-15

خەبات‮: ‬بەرهەم شێخ عزەدین‮ ‬

زاهیرسدیق لەدایكبووی‮ ‬شاری‮ ‬سلێمانییەو قۆناغەكانی‮ ‬خوێندنی‮ ‬تاتەواوكردنی‮ ‬پەیمانگای‮ ‬هونەرەجوانەكان بەشی‮ ‬پەیكەرسازی‮ ‬هەر لەو شارە تەواوكردووە،‮ ‬لەدوای‮ ‬راپەڕین هەوڵ وتێكۆشانی‮ ‬بەردەوام توانی‮ ‬پرۆژەی‮ ‬بوژانەوەی‮ ‬هونەری‮ ‬پەیكەرسازی‮ ‬دابمەزرێنێت وژمارەیەك لەهونەرمەندو پەیكەرساز لەپرۆژەكەی‮ ‬كۆبكاتەوە ئیدی‮ ‬هونەری‮ ‬پەیكەرسازی‮ ‬لەكوردستان قۆناغێكی‮ ‬نوێی‮ ‬بڕی‮ ‬كە پێشتر رێگری‮ ‬دەكرا لەدروستكردنی‮ ‬پەیكەر بەتایبەت لەسەردەمی‮ ‬حیزبی‮ ‬بەعسی‮ ‬لەناوچوو،‮ ‬له‌مباره‌یه‌وه‌ به‌مشێوه‌یه‌ وه‌ڵامی پرسیاره‌كانی ئێمه‌ی دایه‌وه‌.

‮❊ ‬چۆن لەهونەری‮ ‬كوردی‮ ‬دەڕوانیت بەگشتی؟

‮- ‬هونەری‮ ‬كوردی‮ ‬بەبەراووردلەگەڵ ساڵانی‮ ‬رابردووگەشەسەندنی‮ ‬زۆری‮ ‬بەخۆیەوە بینیوە هونەری‮ ‬شێوەكاری‮ ‬هونەری‮ ‬نوخبەیەو ئێستالەگەڵ گۆرانكاریەكانی‮ ‬بوارەكانی‮ ‬هزروفەلسەفە ئەم هونەرەش گۆڕانی‮ ‬بەسەرهاتووە بەڵام ئاستی‮ ‬پێشكەوتنەكە نەگەیشتۆتەئەو ئاستەی‮ ‬ئێمەخۆمان بۆئامادەكردووە هاوكات ئاستی‮ ‬بینەریش لەئاستێكی‮ ‬نزمدایەبەهۆی‮ ‬ئەوەی‮ ‬پرۆسەی‮ ‬بینین قورسەوشتێك هەیە لای‮ ‬ئێمە بایەخی‮ ‬پێنادرێت ئەویش رۆشنبینینی‮ ‬چاوە‮.‬

❊ ‬بۆ هونەری‮ ‬پەیكەرتاشیت هەڵبژارد؟

‮- ‬هەڵبژاردنی‮ ‬هونەری‮ ‬پەیكەرتاشی‮ ‬لای‮ ‬من خەون وهیوایەكی‮ ‬گەورەبوو پاشان بووبەعەشق ودواتر نەمتوانی‮ ‬دەسبەرداری‮ ‬ئەوعەشقەبم‮.‬

❊ ‬زاهیرسدیق خاوەنی‮ ‬چەند پەیكەرە لەدەرەوەی‮ ‬كوردستان؟

‮- ‬من خاوەنی‮ ‬هیچ پەیكەرێك نیم لەدەرەوەی‮ ‬كوردستان چونكە هەموو ژیانم هەرلەكوردستان بووەو بۆ سەفەركردن نەبێت كوردستانم جێنەهێشتووە‮.‬

‮❊ ‬شانازی‮ ‬بەكام كارت دەكەیت؟

‮- ‬شانازی‮ ‬بەهەموویانەوە دەكەم بە دیاریكراوی‮. ‬پەیكەرەكانی‮. ‬یەكگرتن لەسلێمانی‮ ‬كەبەداخەوە لابرا و رووخێنرا هەروەهاپەیكەری‮ ‬ئیبن مستەوفی‮ ‬بەردەم قەڵای‮ ‬هەولێر بەداخەوە ئەویش لابراپاشان پەیكەری‮ ‬برۆنزی‮ ‬عومەری‮ ‬خاوەر لەهەڵەبجە و چەندین كارێكی‮ ‬تری‮ ‬وەك پانۆرامای‮ ‬شەڕی‮ ‬دەربەندی‮ ‬بازیان بەسەرۆكایەتی‮ ‬مەلیك مەحمود‮.‬

❊ ‬چ پەیكەرێك خەونتەو‮ ‬تاكوئێستا نەتكێشاوەو دەتەوێت بینەخشێنیت؟

‮- ‬خەونی‮ ‬دروستكردنی‮ ‬مۆنۆمێنتی‮ ‬پێشمەرگەم هەیە زۆر لە مێژە دیزاین و فكرەی‮ ‬كارەكەم‮ ‬تەواو كردووە‮ ‬هەندێ هەوڵی‮ ‬گەورەمان دا بەداخەوە هەوڵەكان لەوەزارەتی‮ ‬پێشمەرگە شكستی‮ ‬هێنا،‮ ‬مەگەر تەنها ئەوانەی‮ ‬لەئاستی‮ ‬بەرپرسیاریەتی‮ ‬گەورەدان‮ ‬و بەراستی‮ ‬پێشمەرگەیان لا گرنگە‮ ‬بتوانن كار بۆ ئەو مۆنۆمێنتە بكەن كە بەلاشمەوە گرنگ نییە لە هەر شارێكی‮ ‬كوردستان دابنرێت گرنگ ئەوەیە شتیك بۆ گەورەیی‮ ‬پێشمەرگە بكرێت‮. ‬هەموو درووشمی‮ ‬بریقەدار دەڵێن بۆ پێشمەرگە بەڵام كەس ئامادە نییە مۆنۆمێنتێكی‮ ‬مەزن بۆ پێشمەرگەو ئازایەتیەكان و قوربانییەكانی‮ ‬پێشمەرگە بكات‮.‬

❊ ‬پێشمەرگەو شەهیدان لەكوێی‮ ‬كارەكانی‮ ‬زاهیر سدیقی‮ ‬پەیكەرتاشن؟

‮- ‬پێشمەرگەو شەهیدان هەمیشە و هەموو كات ئاوێتەی‮ ‬ژیان و كاری‮ ‬بەردەوامی‮ ‬من بووە بەشانازیەوە دەڵێم‮ ‬یەكەم كەس بووم پەیكەرم بۆ پێشمەرگە لەناوچە ئازاد كراوەكان لەدۆڵی‮ ‬جافایەتی‮ ‬لەگوندی‮ ‬چۆخماخ‮ ‬دروستكرد،‮ ‬ئەوكات بۆیەكەم جار هونەری‮ ‬پەیكەرسازیم لە شارەوە‮ ‬گواستەوە بۆ باوەشی‮ ‬شاخ و ژیانی‮ ‬پێشمەرگایەتی‮ ‬و‮ ‬یەكەم سمبوڵی‮ ‬پێشمەرگەم‮ ‬پێشكەش بە هەمو‮ ‬وپێشمەرگەی‮ ‬كوردستان كرد بە هەموو لایەنە سیاسیەكانی‮ ‬كوردستان بەبێ جیاوازی‮ ‬دوای‮ ‬راپەڕینیش‮ ‬یەكەم كار كە ئەنجامماندا پەیكەری‮ ‬پێشمەگەبوو لە سلێمانیەوە پێشكەشی‮ ‬شارۆچكەی‮ ‬رەواندوزمان كرد،‮ ‬ئیدی‮ ‬دەتوانم بڵێم من بە خۆشەویستی‮ ‬پێشمەرگە و بە خۆشەویستی‮ ‬شەهیدان‮ ‬دەستم پێكردووە،‮ ‬جوانترین و گەورەترین بیرۆكەم بۆ پێشمەرگەی‮ ‬هەمو پارچەكانی‮ ‬كوردستان وەك مۆنۆمێنتێكی‮ ‬هونەری‮ ‬ئامادەكردووە ئەگەر پشتگیری‮ ‬جێ بە جێ كردنی‮ ‬بكرێت من بەڵێنتان پێ ئەدەم دەبێتە كارێكی‮ ‬نموونەیی‮ ‬بە شێوەیەك هەرچی‮ ‬بێتە كوردستان سەردانی‮ ‬ئەو مۆنۆمێنتە بكات‮  ‬ئەوەی‮ ‬دەیڵێم واقیعەو بیرۆكەی‮ ‬كارەكەم‮ ‬،‮ ‬چەندین ساڵە‮ ‬گەڵاڵە كردووە‮ ‬وبە هاوكاری‮ ‬كەسانی‮ ‬پسپۆر و ئەندازیاری‮ ‬تەلارسازی‮ ‬و‮ ‬گەڕانەوە بۆ مێژووی‮ ‬خەبات و تێكۆشانی‮ ‬پێشمەرگە ئەو بیرۆكەیەمان داڕشتووە‮.‬

‮❊ ‬مەرجە پەیكەرتاش كەسێكی‮ ‬ئەكادیمی‮ ‬بێت؟‮ ‬یاخود پەیكەرتاشی‮ ‬دەكرێت بەهرە بێت؟

‮- ‬پەیكەرتاشی‮ ‬عەشقە خۆ شەویستییە هەوڵە‮ ‬تێكۆشانە‮ ‬ئەوەی‮ ‬بیەوێ بێتە ئەو بوارە‮ ‬دەبێت ئەو شتانەی‮ ‬وتومە تیایدا هەبێت كاتێكیش بیەوێ بە شێوە ئەكادیمیەكە فێر بێت دەبێت ئەو خاڵانەی‮ ‬تێدابێت‮.‬

❊ ‬تاچەند هاووڵاتیان پەیكەری‮ ‬پەیكەرتاشانی‮ ‬خۆمان دەكڕن؟ چی‮ ‬بكرێت لەم‮ ‬ڕوانگەیەوە باشە بۆبەرەو پێش چوونی‮ ‬بواری‮ ‬هونەری‮ ‬پەیكەرتاشی؟‮

‮- ‬بەداخەوە كاری‮ ‬كڕینی‮ ‬بەرهەمی‮ ‬هونەری‮ ‬لەكوردستان نەبۆتە مۆدیلێكی‮ ‬باو و‮ ‬بڵاو‮ ‬هۆكارەكەشی‮ ‬دەگەڕێتەوە بۆئەو كەڵچەرەی‮ ‬لەسەری‮ ‬پەروەردە بووین‮ ‬ئێمە تائێستا بە كەمی‮ ‬لە نرخی‮ ‬كاری‮ ‬دەستی‮ ‬و كاری‮ ‬هونەری‮ ‬تێ ئەگەین‮ ‬میللەتیكی‮ ‬سەركوتكراو و دابەشكراو و چەوساوە بووین‮ ‬ئێمە ژیانمان هەر ترس و پرس و راكردن بووە هەمووی‮ ‬چەند ساڵێكی‮ ‬كەمە ئازاد بووین ب ڵام هێشتا كۆمەڵێك ئاستەنگ و دۆخی‮ ‬نەخوازراو لە ژیانی‮ ‬رۆژانەماندا هەیە‮.‬

‮❊ ‬زاهیر سدیق چی‮ ‬دەكاتە هەوێنی‮ ‬كارەكانی؟

‮- ‬هەوێنی‮ ‬كارەكانی‮ ‬من تەنها خۆشەویستییە بە واتا فراوانەكەی‮ ‬خۆشەویستی‮ ‬گرانترین كارم‮ ‬دیواربەندێكی‮ ‬50‮ ‬سم‮ +‬50سم بووە ئەویش تایبەت بوو بە تراژیدیای‮ ‬ئەنفال‮.‬

‮❊ ‬ئەومادانەی‮ ‬بەكاری‮ ‬دەهێنیت چین؟ لەكوێ دەیان هێنیت؟‮ ‬‮

  - ‬ئەوماددانەی‮ ‬بەكارمان هێناون‮. ‬برۆنز و فایبەرگلاس و چیمەنتۆو بەردی‮ ‬داڕێژراوی‮ ‬مەڕمەڕ‮ ‬بوو‮.‬

❊ ‬وەكو هونەرمەندێك چی‮ ‬دەربارەی‮ ‬سەربەخۆیی‮ ‬دەڵێیت و چی‮ ‬بۆدەكەیت؟

‮- ‬سەربەخۆیی‮ ‬خەونی‮ ‬گەورەی‮ ‬هەمو كوردێكە كەخاكەكەی‮ ‬خۆی‮ ‬لەلاپیرۆز بێت هیوادارم ئەو خەونە لە كەشێكی‮ ‬گەورەدا بێتە دی‮ ‬و بژێوی‮ ‬ژیانی‮ ‬خەڵك ببووژێتەوە و لەم تەنگەژانەی‮ ‬ژیانی‮ ‬رۆژانە رزگارمان بێت‮.‬

 
چاپکردن   Share گه‌ڕانه‌وه‌