2017-07-13

ساسان دەروێش – هۆڵەندا
فۆتۆ – فیکرەت محەمحد تەها
لیژنەی هەڤکاری پارتە کوردستانیەکان لە هۆڵەندا ، بەمەبەستی تاوتوێکردنی چەند تەوەرێک لە شاری ئەمستردام کۆبوونەوە ، لە کۆبوونەوەکەدا سەرەتا عومەر زاوێتەیی وتەیەکی کورتی دەربارەی پرسی کورد و ئایندەیی کرد لەوچاوەڕوانیەیی کە چارەنووسی کوردی پێوە بەستراوە، لە گۆڕانکاریەکان، پێشکەشکرد، پاشان عەلی هروری ڕاپۆرتێکی خوێندەوە، هەروەها جەختکرایەوە بۆ خۆئامادەکردن سەبارەت بەپرسی ئەنجامدانی ڕیفڕاندۆم بۆ سەربەخۆیی کوردستان وبەشداریکردنی کوردستانییان لە چالاکیەکانی تاراوگە بوو ، چیمەن نەقشبەندی بەرپرسی کۆمیتەیی هۆڵەندا لە ئامادەکاری بۆ فیستیڤاڵی ڕیفڕاندۆم بۆ سەربەخۆی کوردستان کە بڕیارە لە 26/8/ 2017 شاری کۆڵن ئەنجام بدرێت ، خاتووچیمەن نەقشبەندی لە ووتەیەکدا تیشکی خستە سەر وردەکاری بەڕێوەچوونی فیستیڤاڵی شاری کۆڵن و کاراکردنی کارەکانیان و بەشداربوونی زۆرینەی کوردانی تاراوگە بۆ پرسی ڕیفڕاندۆم بۆ سەربەخۆی کوردستان، بۆ زیاتر زانیاری لەسەر بەڕێوەچوونی کاروچالاکیەکانی لیژنەی باڵا بۆ پرسی سەربەخۆیی لە هۆڵەندا ، عەلی هروری گوتە بێژی لیژنەی هەڤکاری پارتە کوردستانیەکان لە هۆڵەندا بە خەباتی ڕاگەیاند ، پرۆسەی ڕیفڕاندۆم وپشتگیری کردن لێی ئەرکێکی نەتەوەیی و نیشتیمانیە کە کوردانی تاراوگەش ئەوهەست وسۆزەیان بۆ نیشتیمان وئایندەی گەلەکەیان هەیە کە وەک میللەتانی ئازادیخواز دەوڵەتێکیان هەبێت بەناوی کوردستان، بۆیە بە پالپشتی 17 پارتی کوردستانی هەرچوارپارچەکەی کوردستان کە کۆکراوەنەتەوە لەم لیژنەیەدا لە هۆڵەندا پێکەوە ئەمڕۆ توانیمان کۆبوونەوەیەکی گشتی سەرکەوتوانە بەئەنجام بگەیەنین، لە دوای خوێندنەوەی ڕاپۆرتی لیژنە و بەدواداچوون بۆ کەموکوڕیەکانی چالاکیەکانی چەند مانگی ڕابردوو، هەروەها دارشتنی پلانی چەندمانگی داهاتوو کە تیدا لە گفتوگۆیەکی هەمەلایانەنە و بەڕۆحی کوردایەتی ودڵسۆزیان توانیمان باس لە کۆمەڵیک تەوەری گشتی بکەین لە نێویاندا پشتگیریکردنی پرۆسەی ڕیفڕاندۆم بۆ سەربەخۆیی کوردستان .

 
چاپکردن   Share گه‌ڕانه‌وه‌