2017-07-09

خه‌بات‮: ‬پەری‮ ‬عومەر

ریفراندۆم‮ ‬یان گشتپرسی‮ ‬بریتیە لەوەی‮ ‬كە هاوڵاتی‮ ‬بەشداری‮ ‬بكات بە بەڵێ‮ ‬یاخود نەخێر بۆ سەربەخۆ بوونی‮ ‬وڵاتەكەی‮ ‬،‮ ‬هەڵبەتە لەدوای‮ ‬ئەوەی‮ ‬لە لایەن سەركردایەتی‮ ‬سیاسی‮ ‬كوردی‮ ‬لەكۆبونەوەیەكی‮ ‬رەسمی‮ ‬بریاردرا‮ ‬25ی‮ ‬ئەیلولی‮ ‬2017 گشتپرسی‮ ‬لەهەرێمی‮ ‬كوردستان ئەنجام بدرێت،بەمەش زۆرێك لە رای‮ ‬جیاواز دروستبوو و هەموو چین و توێژەكان رای‮ ‬ئازادانەی‮ ‬خۆیان دەردەبڕن،مامۆستایانیش وەك هەمیشە بە چینی‮ ‬هۆشیاری‮ ‬كۆمەڵگە سەیردەكرین و ئەوان رۆڵدەبینن ئایا ئەوان چۆن بیردەكەنەوە و چۆن لە ریفراندۆم دەروانن؟لەم راپورتەمان دا ئاشنای‮ ‬بەشێك لە سەرەنج و رایەكانیان دەبین‮.‬

سەرەتا مامۆستا سابیرحەمەد نانەكەلی‮ ‬سەبارەت بە رۆڵی‮ ‬مامۆستایان لە پرۆسەی‮ ‬بەرەو ریفراندۆم گوتی‮: ‬مامۆستایان توێژێكی‮ ‬ڕۆشنبیری‮ ‬گەلەكەمانن‮ ‬،‮ ‬وەخەڵكی‮ ‬ئێمە هەمیشە كاریگەری‮ ‬ڕاوبۆچوون و باوەڕەكانی‮ ‬مامۆستایانیان لەسەر بووە و جێی‮ ‬متمانەی‮ ‬ئەوان بوون‮ ‬،‮ ‬بەوەی‮ ‬كە توێژێكی‮ ‬تێگەیشتوو وە پێگەیشتوو ودلسۆزن‮ ‬،‮ ‬بۆیە من دڵنیام لەوەی‮ ‬كە مامۆستایان‮ ‬ڕۆڵێكی‮ ‬كاریگەریان دەبێت لەسەر ئاڕاستەكردنی‮ ‬هاوڵاتیان بۆ بەشداریكردن و دەنگدان بۆ‮ ‬ڕیفراندۆم‮ ‬،‮ ‬بەتایبەت لەم كات و ساتەدا كە مامۆستایان نیمچە خۆبەخشانە كار دەكەن بۆ پێگەیاندنە نەوەكانی‮ ‬ئەم كۆمەڵگەیە‮ ‬،‮ ‬كە ئەمە بۆتە هۆی‮ ‬ئەوەی‮ ‬رێز و گەورەیی‮ ‬مامۆستایان لەلای‮ ‬كۆمەڵگە زیاد بكات و كۆمەڵگە خۆی‮ ‬بە قەرزاری‮ ‬مامۆستایان دەزانێت،لەكۆتاییشدا مامۆستا سابیر نانەكەلی‮ ‬داوایەكی‮ ‬لەهاوپیشەكانی‮ ‬كردو گوتی‮:‬ من وەكو مامۆستایەك داوا لە هاوپیشەكانی‮ ‬خۆم دەكەم كە ئەم هەلە مێژووییە لەدەست خۆیان نەدەن،‮ ‬بەوەی‮ ‬كە تێیدا دەستبار و هاوكار بن بۆئەنجامدانی‮ ‬ڕیفراندۆم و بەدەستهێنانی‮ ‬سەربەخۆیی‮ ‬كوردستان لە‮ ‬ڕێگەی‮ ‬ئامۆژگاری‮ ‬و هاندانی‮ ‬خەڵك بەرەو سندوقەكانی‮ ‬دەنگدان‮.‬

دواتر ماموستا عەدنان حەمەد ئەمین شیخانیش گوتی‮: ‬ریفراندم پرۆژەیەكی‮ ‬نیشتمانی‮ ‬و نەتەویی‮ ‬گشتگرە‮ ‬،‮ ‬لە پرۆسەیەكی‮ ‬دیموكراسی‮ ‬دا ئەنجام دەدرێ بۆ دیاری‮ ‬كردنی‮ ‬مافی‮ ‬چارەی‮ ‬خۆنووسینی‮ ‬هەر میللەتێك‮ ‬یان نەتەوەیەك بە بەشداری‮ ‬كردنی‮ ‬چین و توێژەكان،پرۆسەیەكی‮ ‬وا گەورە و گرنگ بۆ میللەتی‮ ‬كورد خەونێكی‮ ‬لەمێژینەوەیە‮ ‬و دروشمی‮ ‬زۆربەی‮ ‬بزووتنەوە و شۆڕەشە نوێكانی‮ ‬گەلی‮ ‬كورد بووە‮ ‬،‮ ‬لەدوای‮ ‬راپەڕینە مەزنەكەی‮ ‬1991 ی‮ ‬باشوری‮ ‬كوردستان و بەدرێژایی‮ ‬بیست و پێنج ساڵی‮ ‬رابردوو‮ ‬،‮ ‬هێنانەدی‮ ‬ئەو خەونە زیاتر چەكەرەی‮ ‬كردووە و نزیكتر بۆتەوە‮ ‬،‮ ‬ئەمرۆش كە سەركردایەتی‮ ‬سیاسی‮ ‬كورد ئەو بریارە بویرانەی‮ ‬داوە‮ ‬و كاتی‮ ‬ئەنجامدانی‮ ‬ریفراندمی‮ ‬دیاری‮ ‬كردووە‮ ‬،‮ ‬ئاسۆیەكی‮ ‬گەش و دوارۆژێكی‮ ‬پرشنگداری‮ ‬لێ دەبیندرێت‮ ‬،‮ ‬لەم پرۆسەیەدا تێكڕای‮ ‬میللەت بڕیار دەدات‮ ‬،‮ ‬بەواتەیەكی‮ ‬تر هەموو كەسێك بەشدار دەبیت لە بنیاتنان و دانانی‮ ‬بەردی‮ ‬بناغەی‮ ‬وڵاتێك‮ ‬،‮ ‬كە‮ ‬یەكەم جارە لە میژووی‮ ‬كورد هەوڵی‮ ‬دامەزراندی‮ ‬دەدرێت‮ ‬،‮ ‬بۆیە هەموو تاكێك دەبێت ئەركە نەتەوییەكەی‮ ‬بەجی‮ ‬بگەیەنێت و دەنگ بۆ ئەم پرۆسە ناوازەیە بدات‮.‬

هەروەها مامۆستا عەدنان لە درێژەی‮ ‬باسكردنەكەیدا گوتیشی‮:‬یەكیك لە توێژە هەرە گرنگ و كاریگەرەكان لە پرۆسەی‮ ‬ریفراندم‮ ‬،‮ ‬تویژی‮ ‬مامۆستایانە‮ ‬،‮ ‬مامۆستایان كە لە بنەڕەتدا ئەركی‮ ‬پێگەیاندن و پەروردەكردنی‮ ‬نەوەكانی‮ ‬كوردیان گرتۆتە ئەستۆ‮ ‬،‮ ‬بەر لە جاڕدانی‮ ‬پرۆسەكەش مندالانی‮ ‬كوردیان بەگیانی‮ ‬نەتەوایەتی‮ ‬و كورد پەروەری‮ ‬پەروەردە كردووە‮ ‬،‮ ‬هەمیشە ئەو پیشمەرگە قەلەم بەدەستە بوون كە هیچ كاتێك سەنگەرەكانی‮ ‬زانست و فێركردنیان چۆل نەكردووە،‮ ‬لە رۆژە سەخت و دژوارەكان،‮ ‬لەشاخ و لەدێهاتەكان،‮ ‬هەمووكاتێك مامۆستایان رۆڵی‮ ‬كارگەر و پێشەنگیان هەبووە و چاوساغ‮ ‬و رێگا روناككەرەوە بوون‮ ‬،‮ ‬بۆیە ئیستاش لە كەرنەڤالێكی‮ ‬وا گەورە و دەگمەن دا‮ ‬،‮ ‬كاتی‮ ‬ئەوەیە كە هەموو رەنگ و ئینتیمایەك بخەنە لایەك و هەمووان بەیەك دەنگ كار بۆ سەرخستن و بەئەنجام گەیاندنی‮ ‬گشتپرسی‮ ‬بكەن‮ ‬،‮ ‬چونكە مامۆستایان راستەوخۆ كاریگەریان دەبیت لەسەر توێژی‮ ‬گەنجان‮ ‬،‮ ‬كە چالاكترین و كاریگەترین تویژی‮ ‬كۆمەلگان بەتایبەتی‮ ‬ئامادەییەكان و زانكۆكان كە زۆربەی‮ ‬هەرەزۆریان مافی‮ ‬دەنگ دانیان هەیە،لەكۆتاییشدا مامۆستا عەدنان شێخانی‮ ‬گوتی‮: ‬ناكرێ لەئاست گەورەیی‮ ‬و پیرۆزی‮ ‬پرۆسەی‮ ‬ریفرادۆم مامۆستایان بچنە ژیر باری‮ ‬هیچ ئایدیۆلۆژیا و بۆچوونێكی‮ ‬پێچەوانەی‮ ‬رای‮ ‬گشتی‮ ‬میللەت هەر چاوەروانی‮ ‬ئەوەش لەمامۆستایان دەكری‮ ‬كە دلسۆزی‮ ‬و نیشتمان پەروەری‮ ‬خۆیان دووپات بكەنەوە وەك هەمیشە هەر وابوون‮.‬

لەكۆتاییدا مامۆستا لوقمان مەخموری‮ ‬ئەویش وەك مامۆستایەك گوتی‮: ‬كەس هەیە جورئتی‮ ‬هەبێ بلێ بەشداری‮ ‬لەو رۆژە مێژووییە ناكەم ساڵەهای‮ ‬ساڵە بە رووبار خوێنی‮ ‬بۆ دەرێژین،‮ ‬خەونی‮ ‬هەموو كوردێكە مامۆستایان هەموو كاتێك پیشنەگ بووینە لە هەموو شۆرشەكانیش دەستیان خۆش،مامۆستا لوقمان گوتیشی‮: ‬مامۆستایان حەز دەكەن نێو ماڵی‮ ‬خۆمان باشتر رێكبخەین و هەموو حزبەكانی‮ ‬كوردستان رێكبكەون لە سەر مێزی‮ ‬گفتو گۆ،‮ ‬ئەوەی‮ ‬ئێستا لە كوردستان دەگوزەرێ نەك مامۆستا هەموو چین و توژێك بێزارە لەو دۆخەی‮ ‬ئێستا‮ ‬،مامۆستاش بیرو بۆچونی‮ ‬جیاواز هەیە ئەویش لە بەرئەوەیە رێك نەكەوتنی‮ ‬حیزبەكانە لە نێو خۆیاندا‮.‬

 
چاپکردن   Share گه‌ڕانه‌وه‌