2017-07-02

خه‌بات‮: ‬بڕیار كۆیی

لەماوەی‮ ‬دوو هەفتەی‮ ‬ڕابردوودا بۆنێكی‮ ‬ناخۆش كە بەپێی‮ ‬گوتەی‮ ‬هاووڵاتیان هاوشێوەی‮ ‬بۆنی‮ ‬غاز بوو دانیشتووانی‮ ‬چەند گەڕەكێكی‮ ‬شاری‮ ‬هەولێری‮ ‬هەراسان كرد و ترس و دڵەڕاوكێی‮ ‬لەلای‮ ‬زۆرینەی‮ ‬دانیشتووانی‮ ‬شارەكە درووستكرد،‮ ‬لە ئەگەری‮ ‬بوونی‮ ‬زیانی‮ ‬ئەو بۆنە بۆ تەندرووستی‮ ‬مرۆڤ‮ . ‬دەستەی‮ ‬پاراستن و چاككردنی‮ ‬ژینگەی‮ ‬هەرێمی‮ ‬كوردستان بەدواداچوونی‮ ‬بۆ هۆكاری‮ ‬ئەو بۆنە ناخۆشە كرد و هۆكارەكانی‮ ‬بۆ هاووڵاتیان ئاشكرادەكات‮.‬

سیروان عەبدولكەریم دانیشتووی‮ ‬گەڕەكی‮ ‬كورانی‮ ‬شاری‮ ‬هەولێرە ئاماژەی‮ ‬بۆ ئەوەكرد كە زیاتر لە‮ ‬10 ڕۆژە بۆنێكی‮ ‬ناخۆش تەواوی‮ ‬دانیشتووانی‮ ‬ئەو گەڕەكەی‮ ‬بێزاركردووە و گوتی‮ : ‬لە‮ ‬ڕابردوودا چەند جارێك حاڵەتی‮ ‬بوونی‮ ‬بۆنی‮ ‬ناخۆش لە گەڕەكەمان هەبووە بەڵام هی‮ ‬ئەو جارە زۆر بێزاركەربوو و ترس و دڵەڕاوكێیەكی‮ ‬زۆری‮ ‬لای‮ ‬دانیشتووانی‮ ‬ناوچەكە درووست كردبوو‮.‬

لوقمان شێروانی‮ ‬گوتەبێژی‮ ‬پاراستن و چاككردنی‮ ‬ژینگەی‮ ‬هەرێمی‮ ‬كوردستان بۆ‮( ‬خەبات‮) ‬گوتی‮: ‬بۆ ماوەی‮ ‬چەند رۆژێكە ژمارەیەك لە كەناڵەكانی‮ ‬راگەیاندن پەیوەندیمان پێوە دەكەن لەمەڕ‮ ‬هەبوونی‮ ‬بۆنی‮ ‬ناخۆش و بۆنی‮ ‬غاز لە شاری‮ ‬هەولێر دوای‮ ‬بەدواداچوونم لەگەڵ نوێنەری‮ ‬ژینگە لە تیمەكانی‮ ‬قایمقامیەتی‮ ‬هەولێر،‮ ‬دەركەوت كە هۆكاری‮ ‬هاتنی‮ ‬ئەو بۆنانە دەگەرێتەوە بۆ بوونی‮ ‬ژمارەیەك لە پاڵاوگە نایاساییەكانی‮ ‬دەروبەری‮ ‬هەولێر،‮ ‬مادەیەك بەكار دەهێنن بۆ پاڵاوتنی‮ ‬گاز،‮ ‬بۆن بڵاو دەكاتەوە و لەگەڵ هەڵكردنی‮ ‬با،‮ ‬بەتایبەتی‮ ‬ئەو بایانەی‮ ‬ئاراستەی‮ ‬بەرەو شاری‮ ‬هەولێر دێت،‮ ‬بۆنەكە لەگەڵ خۆی‮ ‬دەگوازێتەوە بۆسەر گەڕەكانی‮ ‬شاری‮ ‬هەولێر هەروەها مۆلیدەی‮ ‬كۆڵانەكان،‮ ‬كاتێك گازی‮ ‬پلە‮ ‬یەك بە كارناهێنان كاریگەری‮ ‬لەسەر بڵاوبوونەوەی‮ ‬بۆنی‮ ‬گازەكان هەیە‮.‬

شێروانی‮ ‬سەبارەت بە هۆكارەكانی‮ ‬دیكەی‮ ‬ئەو بۆنە ناخۆشە گوتی‮: ‬كارگەی‮ ‬ئەو‮ ‬غازانەی‮ ‬لە نزیك شاری‮ ‬هەولێرن،‮ ‬هەندێك كات لە كاتی‮ ‬بەتاڵكردن و گواستنەوەی‮ ‬غازی‮ ‬شل بۆن دەردەكات بەهۆی‮ ‬باوە دەگوازرێتەوە سەر ناوچەكانی‮ ‬نیشتەجێبوون،‮ ‬هەروەها هۆكارێكی‮ ‬دیكە زۆری‮ ‬ئۆتۆمبێلەكان و هەبوونی‮ ‬هەندێك جۆری‮ ‬بەنزینی‮ ‬خراپ،‮ ‬هۆكارە بۆ بڵاوبوونەوەی‮ ‬بۆنی‮ ‬ناخۆش‮.‬

وەستانی‮ ‬تانكەرەكانی‮ ‬گواستنەوەی‮ ‬بەنزین و گاز لە كۆڵانەكان دەوەستن،ئەمانەش بۆن دەردەكەن هەروەها بۆنی‮ ‬گازە جۆراوجۆرەكانی‮ ‬زبڵدانی‮ ‬كانی‮ ‬قڕژاڵە،‮ ‬هۆكارێكی‮ ‬ترە لە بڵابوونەوەی‮ ‬بۆنی‮ ‬ناخۆش و هەستكردن بەو بۆنە‮".‬

شێروانی‮ ‬زیاتر گوتی‮: ‬ئەگەرچی‮ ‬دەستەی‮ ‬ژینگە چەندین جار ئەو پاڵاوگە نایاساییانەی‮ ‬سزا داوە و داوا كراوە لە لایەنە پەیوەندارەكان دابخرێن‮ ‬یان بە شێوەیەكی‮ ‬ژینگەیی‮ ‬مۆڵەتیان پێ بدرێت بە ئامانجی‮ ‬پاراستنی‮ ‬گیانی‮ ‬هاووڵاتیان،‮ ‬بەڵام بەداخەوە تائێستا ئەو پاڵاوگانە بوونیان هەیە‮.‬

جەختیشیكردەوە كە ئەو‮ ‬غازە جۆراوجۆرانە زۆربەیان هۆكاری‮ ‬مەترسیدارن لە سەر تەندروستی‮ ‬هاووڵاتیان و هۆكارێكە بۆ تووشیبوون بە شێرپەنجە‮.‬

دوای‮ ‬زانینی‮ ‬هۆكارەكانی‮ ‬بۆنە ناخۆشەكە شەوی‮ ‬سێشەممە‮ ‬20-6-2017 لە هەڵمەتێكی‮ ‬لیژنە هاوبەشەكانی‮ ‬قایمقامیەتی‮ ‬هەولێر بەهاوكاری‮ ‬هێزی‮ ‬پێشمەرگەی‮ ‬زێرەڤانی‮ ‬و پۆلیسی‮ ‬شارەوانی‮ ‬هەشت پاڵاوگەی‮ ‬نایاسایی‮ ‬لە دەوروبەری‮ ‬شاری‮ ‬هەولێر داخران‮.‬

‮ ‬گوتەبێژی‮ ‬دەستەی‮ ‬پاراستن وچاككردنی‮ ‬ژینگەی‮ ‬هەرێمی‮ ‬كوردستان گوتی‮: ‬ئەو هەشت پاڵاوگەیەی‮ ‬داخراون هۆكاربوون بۆ بڵاوبوونەوەی‮ ‬بۆنی‮ ‬ناخۆش و‮ ‬غازی‮ ‬مەترسیدار‮.‬

ئاماژە بۆئەوەشكرد لێژنەیەكیش پێكهاتووە بۆ بەدواداچوون بۆ گازی‮ ‬مۆلیدە ئەهلیەكان تا گازی‮ ‬باشتر بەكاربێنن تا كاریگەرییان كەمتر بێتەوە لەسەر پیسبوونی‮ ‬ژینگەی‮ ‬شاری‮ ‬هەولێر‮.‬

سەبارەت بە ئەوەی‮ ‬ئاخۆ داخستنی‮ ‬ئەو پاڵاوگە نایاساییانە كاریگەری‮ ‬لەسەر كەمبوونەوەی‮ ‬بۆنە ناخۆشەكە هەبووە‮ ‬یان نا‮ (‬خەبات‮) ‬بەدواداچوونێكی‮ ‬كردو بەپێی‮ ‬گوتەی‮ ‬دانیشتووانی‮ ‬ئەو گەڕەكانەی‮ ‬كە لە دوو هەفتەی‮ ‬ڕابردوودا ئەو بۆنە ناخۆشە بێزاری‮ ‬كردبوون،‮ ‬دەردەكەوێت ماوەی‮ ‬دوو‮ ‬ڕۆژە‮ ‬ڕێژەی‮ ‬بۆنەكە بەشێوەیەكی‮ ‬بەرچاو كەمی‮ ‬كردووە هەروەك زریان‮ ‬یونس دانیشووی‮ ‬گەڕەكی‮ ‬كوردستانی‮ ‬شاری‮ ‬هەولێر ئاماژەی‮ ‬بۆ ئەوە كرد كە تەنیا لەو كاتانەی‮ ‬كە ئاراستەی‮ ‬با دەگۆڕێت‮ ‬یاخود بایەكی‮ ‬توندی‮ ‬تێد زیاتر هەست بەبۆنە دەكەن و لەچاو دوو هەفتەی‮ ‬ڕابردوودا زۆر كەمی‮ ‬كردووە‮.‬

 
چاپکردن   Share گه‌ڕانه‌وه‌