2017-07-02

خەبات: هەلز عەلی‮ ‬سەلیم

دگەل هندیێ كو ریفراندۆم بویە روژەڤ،‮ ‬هەروەسا گەنگەشەكا زۆر‮ ‬یا ئیخستیە دناڤ لایەنێن سیاسی،‮ ‬كو هەتا رادەكێ بوویە ئەگەرێ سەرهلدانا نێرینێن جودا‮. ‬نێرینا سەرەكی‮ ‬خازیارا ئەنجامدانا ریفراندومێیە ژبو سەربخو بوونا كوردستان و زورینیا خەلكێ كوردستانی‮ ‬و حزب و لایەنێن سیاسیێن كوردستان پاڵ پشتن ژبو ڤێ پروسێ‮.

‬نێرینەكا دین هەیە كو‮ (‬دوو حزبێن سیاسی‮) ‬مەرجێن پێش وەخت هەنە بو ئەنجامدانا ریفراندۆمی‮ ‬و خوازیارێن هندەك دەسكەفتێن حزبینە؟‮!. ‬لێ هیڤیدارین ژ بو بەرژەوەندیا بلندا هەمی‮ ‬خەلكێ كوردستانی‮ ‬ب هەمی‮ ‬نەتەوە و ئاین و مەزهەبێن جودا،‮ ‬تەڤایا لایەنێن سیاسی‮ ‬ئێك دەنگ و ئێك هەلوێست بن لسەر ڤی‮ ‬بڕیارا چارەنڤیس ساز‮. ‬دگەل هەمی‮ ‬ئەو گەفێن لسەر هەرێما كوردستانێ،‮ ‬وەكی‮ ‬بڕیانا بودجێ كوردستانێ ژ لایێ بەغداڤە و شەڕێ سێ ساڵیا داعش،‮ ‬بەلێ پروژەیێ ریفراندۆما سەربەخویێ نەك هەر پاشڤەنەچوو،‮ ‬بەلكی‮ ‬پێنگاڤ ب پێنگاڤ پا بەرەڤ پێش دچیت و سەركردایەتیا سیاسیا كوردستانێ بڕیاردا كو روژا‮ ‬25ـێ ئەیلوولا ئەڤ ساڵ پڕوسا ریفراندۆم ژبو سەربخو بونا كوردستان بهێتە ئەنجامدان‮. ‬خەبات ب فەرزانی‮ ‬د تەوەرەكێدا راو بووچونێن چەند بەرێزەكا ل سەر سەربەخوییا كوردستانێ وەرگریت،‮ ‬دڤێ خەلەكێدا خەبات چەند پرسیارەك ئاراستەی‮ ‬رەڤەندا كوردی‮ ‬ل ئوروپا‮ ‬و ب ڤی‮ ‬شێوەی‮ ‬وانا بەرسڤ دا‮:‬

بێ باركرنا رەڤەندا كوردی‮ ‬ژ ریفراندومێ دێ كارەكی‮ ‬نەرینی‮ ‬بیت ونێزیكی‮ ‬ملیونەكا كوردێن باشور دێ هەست ب كێماسیەكا مەزن كەن‮.‬

چالاكڤانێ مەدەنی‮ ‬ژ رەڤەندا كوردی‮ ‬ل ئوروپا،‮ ‬ئازاد گولەیی،‮ ‬ئاكنجیێ وەلاتێ سویسرا گۆت‮: (‬من ب خو چ پەیام نینن بو هندێ،‮ ‬چونكە راگه هاندن و دەستنیشانكرنا روژا ریفراندومێ ژلایێ سەروك بارزانی‮ ‬و هەڤالێن وی‮ ‬ژ سەركردێن لایەنێن دی‮ ‬یێن سیاسی‮ ‬پەیاما مە هەمیا‮ ‬یە،‮ ‬لەورا من نە باوەرە كەسێ ژبلی‮ ‬وێ پەیامێ پەیامەكا دن هەبیت ژبلی‮ ‬خو ئامادەكرنێ و كاركرن بو سەركەفتنا وێ روژا دیروكی‮).‬

ئازاد گولەیی‮ ‬گۆتی‮: (‬پشتی‮ ‬سەرهلدانا سالا‮ ‬1991ێ ولدەمێ كوجا ملیونی‮ ‬بەرەف سنورێن ئیرانێ و توركیا چووین،‮ ‬رەڤەندا كورد ب تایبەت ل ئوروپا وئەمریكا وكەنەدا د وان بارودوخێن زور نەخوش دا دەستێ هاریكاریێ بو مللەتێ خو درێژ كر وپشتی‮ ‬زڤرینا خە لكی‮ ‬كوردستانێ ودەستپێكرنا چوونا ژ دەرڤهیی‮ ‬وەلاتی‮ ‬ژلایێ گەنج ولاو وخێزانێن كوردا ڤە،‮ ‬ژمارا رەڤەندا كوردێن باشور بەرەف زێدە بوونێ چوو و وێ رەڤەندێ دهەمی‮ ‬بواراندا كار وخەباتێن خۆ كرن بو بلندكرنا ناڤ وئالایێ كوردستانێ وئەگە ر بەحسێ كار وخەبات وخزمەتێن رەڤەندا كورد‮ ‬یێن كو بو كوردستانێ ومللەتی‮ ‬كرین بكەم دێ زور درێژ بیت،‮ ‬لەورا ئەز دبینم كو بێ باركرنا وێ رەڤەندێ ژ ریفراندومێ دێ كارەكی‮ ‬سلبی‮ ‬بیت ودێ نێزیكی‮ ‬ملیونەكا كوردێن باشور هەست ب كێماسیەكا مەزن كەن ئەگەر لایەنێن سیاسی‮ ‬وحكومەتا هەرێما كوردستانێ كار نەكەن بو هندێ داكو ئەو رەڤەند ژی‮ ‬پشكداریێ دریفراندومێ دا بكەت ومن باوەرە‮ ‬دێ پشكداریا رەڤەندا كورد ژ دەرڤه بیته سوپرایزەك بو هەمیان،‮ ‬ژبەر رێژه‮ ‬یا مەزنا پشكدار بوویان دریفراندومێ دا‮).‬

ریفراندۆم‮ ‬مافەكێ سروشتی‮ ‬بو مللەتەكێ وەكو مە كوردا كو بدرێژاهیا دەهان سالانەمە خوشی‮ ‬وتەناهی‮ ‬وئارامی‮ ‬لژێر دەستهەلاتێن جودا جودا‮ ‬یێن عیراقی‮ ‬نە دیتی‮ ‬وەك چالاكڤانێ مەدەنی‮ ‬ژ رەڤەندا كوردی‮ ‬ل ئوروپا گۆتی‮: (‬بو مللەتێن وەكو مە بەلێ زورا سروشتی‮ ‬یە وئەو نەتەوێن لژێر دەستهەلاتا هندەك نەتەوێن دی‮ ‬دژین ومافێ وان بەردەوام دهێتە خارن،‮ ‬ئەز ریفراندومێ ومافێ چارەنڤێسی‮ ‬ب مافەكێ رەوا دزانم،‮ ‬لێ بو هەرێمەكا وەكو كەتەلونیا لژێر وەلاتەكی‮ ‬دیموكرات دژیت وهەڤولاتیێ وێ پلە ئێك ودوو وسێ لێ نینن تشتەك سرۆشتی‮ ‬بیت،‮ ‬بمن وەرە ئەم كورد ل‮ (‬كەتەلونیا‮) ‬باین مە چ جارا بەحسێ جودا بوونێ وسەرخەبوونێ نە دكر،‮ ‬چونكە مە دەولەت بوون دڤێت دا كور ونەڤیێن مە ب تەناهی‮ ‬وئارامی‮ ‬وئازادی‮ ‬بژین،‮ ‬نەك وەكو مە و باب و باپیرێن مە ژیانا وان هەمی‮ ‬خوین رووشتن ودەربەدەری‮ ‬وئەنفال وكوشتن وگرتن وبەرزكرن بیت،‮ ‬لەوا هەر نەتەوەكا‮ ‬زولم لێ بهێتەكرن ئەز ریفراندوم وجودا بوونێ ب مافەكی‮ ‬وی‮ ‬یێ سروشتی‮ ‬دبینم چ كوردستان بیت‮ ‬یان جهەكی‮ ‬دی‮ ‬بیت‮).‬

دبلوماسیەتا كوردی‮ ‬ژی‮ ‬ب باوەریا من تا نوكە پێنگاڤێن باش‮ ‬یێن هاڤێتین

بدیتنا من ڤیابا مە پشتی‮ ‬روخاندنا رژێما سەدامی‮ ‬لسالا‮ ‬2003 ێ وبلەز وبەز كار بو هندێ كربا وهێشتا چ حكومەت وپەرلەمان ل عیراقێ نە،‮ ‬مەخو هندە نە گرتبا تا ئەڤرو ژنوو ئەم حسابەكێ بو حكومەتا عیراقێ وسیاسەتمەدارێن وێ بكە‮ ‬ین!؟‮. ‬لەورا ئە ز دبێژم هندی‮ ‬ئەم زووتر ڤێ پێنگاڤێ بهاڤێژین بو مەكوردا باشترە،‮ ‬چونكە بهێزبوونا حكومەتا عیراقێ دبیتە لاوازی‮ ‬بوونا مە ئەڤە ژلایێ سیاسی‮ ‬ڤە و ژلایێ دبلوماسی‮ ‬ڤە ژی‮ ‬براستی‮ ‬هێشتا باش‮ ‬یا رون وئاشكرا نینە كا دێ ب چ رەنگ بیت،‮ ‬چونكە سیاسەتمەدار‮ ‬یێن بیانی‮ ‬وكورد هەمی‮ ‬تشتا نابێژن دا مروڤ بزانیت‮!!‬،‮ ‬دیسان دبلوماسیەتا كوردی‮ ‬ژی‮ ‬ب باوەریا من‮ ‬تا نوكە پێنگاڤێن باش‮ ‬یێن هاڤێتین وسیاسەتمەدارێن كورد ب تایبەت‮ (‬سەروك بارزانی‮) ‬یێ بویە قیبلەیا دبلوماسیەتا دەڤەرێ هەمیێ،‮ ‬من ب خو وەكو كەس باوەریەكا موكم‮ ‬یا ب سەروكی‮ ‬هەی‮ ‬كو ئەگەر وی‮ ‬گەرەنتیەك نەبایە،‮ ‬هیچ روژا ریفراندومێ دەستنیشان نە دكر‮. ‬ئازاد گولەیی‮ ‬د درێژیا ئاخفتنێن خودا گۆتی‮: ‬چ وەلاتێن جیهانێ نابێژنە كێم نەتەوەكی‮ ‬فەرمون ئەڤە بو تە دەولەت،‮ ‬جودابوون ودەولەتبوون ئەگەر ب دەستێن خو مروڤ وەرنەگریت چ جارا ناهێتەدان وەكو دیاریەكا سە ر سێنیكەكا زێری،‮ ‬لەورا دڤێت كار بو بهێتەكرن‮.‬

ئازاد گولەیی‮ ‬بەردەوام بوو د گۆتنێن خودا‮: ‬ریفراندوم وێ چەندێ ناگەهینیت،‮ ‬كو ئەگەر مللەتی‮ ‬گوتی‮ ‬بەلێ ئە ڤە دێ ئێكسە ر بینە دەولەت،‮ ‬پشتی‮ ‬ریفراندومێ ودەنگدانا مللەتی‮ ‬ب بەلێ دێ ژ نوو بارەكێ ئێكجار گران ومەزن كەڤیتە سەر ملێن سەروك بارزانی‮ ‬وسەركردێن كوردستانێ وحزب ولایەنێن سیاسی‮ ‬ئەوێن دێ بێژن بەلێ بۆ ریفراندومێ،‮ ‬چونكە كارێ هەرە مەزنێ پشتی‮ ‬بەلێ‮ ‬یا ریفراندومێ وراگەهاندنا دەولەتێ خو بخو دێ مفایێن مەزن تێدا هەبن ژ لایێ سیاسی‮ ‬وئابوری‮ ‬وجڤاكی‮ ‬و وەرزشی‮ ‬وهەمی‮ ‬تایێن دی‮ ‬یێن ژیانێ و دێ بینە ئەندامێن فەرمی‮ ‬د دەهان رێكخراوێن جیهانیدا،‮ ‬دیسان دێ مە ئیتفاقیاتێن دووقولی‮ ‬دگەل وەلاتێن جیهانێ هەبن دهەمی‮ ‬بواراندا،‮ ‬تا دشێین ئیتفاقیاتێن دوو قولی‮ ‬بو نموونە دگەل ئە مریكا بكەین كو بەرەڤانیێ ژمە بكە ت دحالەتێن مەترسیێدا،‮ ‬وەكو وەلاتێن كەنداڤی،‮ ‬كۆ ب هەمی‮ ‬حالەتا مفایێن وێ دێ دزور بن لسەر هەڤولاتیێ كوردستانێ،‮ ‬لێ ئە ڤە هندێ ناگەهینیت كو دێ پشتی‮ ‬ریفراندومێ وراگە هاندنا دەولەتا كوردی‮ ‬ئێكسەر كوردستان بیتە بەحەشت،‮ ‬نەخێر،‮ ‬دێ لدەستپێكێ تووشی‮ ‬هندەك نەخوشیان بین ژبەر كو دێ هندەك وەلات نە رازیبوونا خو دیار كون و دوور نینە هندی‮ ‬ئەم هەین دانپێدانێ بمە نەكەن،‮ ‬وەكو وەلاتێ ئیسرائیلێ،‮ ‬لێ پا دەولەتبوون ب نەخوشیێن خوڤە دێ گەلەك و گەلەك باشتر وخوشتر بیت ژ ڤێ هەلاویستنا نوكە ئەم تێدا،‮ ‬كۆ نە ئەم خو ب عیراقێ دزانین ونە مە دەولەت هەیە،‮ ‬لدووماهیێ دێ بێژم سوپاس بو خودێ هەتا نوكە مەل كوردستانێ چ ئاریشە دناڤبەرا ئاین ومەزهەب وتایفا نینن ومن باوەرە نابن ژی،‮ ‬چونكە كوردستانێ بو هەمی‮ ‬جیهانێ سەلماند كو پارچەكا پێكڤە ژیانێ‮ ‬یە ل روژهەلاتا ناڤین وهەمی‮ ‬كەس تێدا ب ئازادی‮ ‬دژین‮. ‬ئەگەر دەلیڤە بو مە ل ئەورۆپا هەبیت كو پشكدراییا ریفراندۆمێ بكەین لوێ باوەریێ مە خەلكەكێ زۆر دێ بشكدار بیت‮.‬

تا نۆكە وەلاتێن ئەورۆپی‮ ‬و جیهانی‮ ‬دژی‮ ‬چارەنڤیسێ میلەتێ كورد نە راوەستاینە

گوهدار بوتانی‮ ‬نوونەرێ ئێكەتیا قوتابیێن كوردستانێ ل هولەندا گۆت‮: ‬پەیاما من بوو هەموو كوردا ئەوە كو گەلەكا گرنگە هەر كوردەكێ مافێ دەنگدانێ هەبیتن پێدڤییە دەنگێ خوە بدەت و بەلێ‮ ‬یا خوە دیاركەت بوو جیهانێ،‮ ‬بلا بەس بیتن بن دەستی‮ ‬و قۆربانی‮ ‬دان دناڤ وەلاتەكێ فاشێل وەكی‮ ‬عیراقێ دا،‮ ‬ئەڤرۆكە دەلیڤەكا زێرینە مە سەرۆكەك هەبیتن وەكی‮ ‬سەرۆك بارزانی‮ ‬خەمخۆرێ ڤی‮ ‬میلەتی‮ ‬بیتن و بلا ئەم خەبات و قۆربانیدانا سەدان سالان ل بەرچاڤ وەربگرین و ئاستەنگ نەبین بو پرۆسا سەربەخۆیا هەرێما كوردستانێ‮.‬

گۆهدار بوتانی‮ ‬گۆت ژی‮: ‬رەڤەندا كوردی‮ ‬ل ئەورۆپا و تایبەتی‮ ‬هۆلەندا‮ ‬95٪‮ ‬یێل گەل رێفراندۆمێ و ئەگەر ئەو دەلیڤە بو مە ل ئەورۆپا هەبیت‮ ‬یان چ بێت،‮ ‬كو ئەم ژی‮ ‬دەنگێ خوە بەدەین ئەز ل وێ باوەریێ مە خەلكەكێ زۆر دێ بشكدار بیت،‮ ‬بەس تا نوكە چ دیار نینە كا دێ رەڤەندا كورد ل وەلاتێن ئەورۆپی‮ ‬دەنگێ خوە شێن دەن و ل كیڤە د شێن دەنگێ خوە دەن‮ ‬یان نە و مخابنی‮ ‬ڤە تا نوكە چ بو مە نەهاتییە دیاركرن‮ ‬ژلایێ نوونەراتیا هەرێما كوردستانێ ل‮ ‬ئێكەتیا ئەورپا،‮ ‬هەروەسا ئەز‮ ‬یێ پێ ئاگەهدارم دێ خەلكەكێ زۆربوو رۆژا رێفراندۆمێ سەردانا هەرێمێ كەتن بوو وێ چەندێ دەنگێ خوە بدەتن‮. ‬

‮ ‬ئەگەر ئەم ل هیڤیا خەلكەكێی‮ ‬بین كو بێت ماڤێ مە بومە دیار بكەت،‮ ‬ئەم چ جارا نەشێین وەلاتەكی‮ ‬دروست بكەین و‮ ‬هەر مللەتەكی‮ ‬مافێ چارەنڤیسێ خو‮ ‬یێ هەی‮ ‬و هەر كەسەكی‮ ‬مافێ دەنگدانێ‮ ‬یێ هەی،‮ ‬رێفراندوم ژیك‮ ‬پرۆسەیەكا دیمۆكراسیە و مافێ گەلێ كوردە،‮ ‬لێ‮ ‬یا نە نۆرمال ئەوە كورد ناڤ وەلاتەكی‮ ‬دا بن وەكی‮ ‬عیراقێ حكومەتا فێدرال ئەڤە15سالە پابەندی‮ ‬دستۆرێ‮ ‬خو نینە و مافێن كوردان ژیك هەتا نوكە ب دروستی‮ ‬نەداینێ وەك نوونەرێن قوتابێن كوردستانێ ل هولەندا گۆتی‮: ‬كوردان قۆربانیەكا مەزن دایە و گرنگە جیهان و ب تایبەت وەلاتێن دورماندور و حكومەتا عێراقا فێدرال پشتگیریا خو دیار بكەن و پالپشت بن بو مللەتێ كورد،‮ ‬چونكە رێفراندۆم پرۆسەیەكا دیموكراسیە و بەرەف سەرخەبوونێ‮ ‬یە و گرنگە ئەڤ پرۆسە دەست ب كاركرنێ بكەتن،‮ ‬لەوا هەمی‮ ‬كورد پێدڤی‮ ‬یە دگەل ڤێ پرۆسێ بن‮.‬

نابیت كەسەك لسەر مللەتێ كورد فەرز بكەتن كا كەنگی‮ ‬و چەوا رێفراندۆمێ بكەن‮ ‬یان نەكەین

هەل و مەرجێن سیاسی‮ ‬و دیپلۆماسی‮ ‬یێن هەرێما كوردستانێ د بەرهەڤ بو ئەنجامدانا ریفراندۆمێ تا نۆكە وەلاتێن ئەورۆپی‮ ‬و جیهانی‮ ‬دژی‮ ‬چارەنڤیسێ میلەتێ كورد نە راوەستاینە،‮ ‬هەروەسا چ سال و رۆژێن نموونەیی‮ ‬نین بو ئەنجامدانا ریفراندومێ ئەگەر سەركرداتیا كورد ڤان پێنگاڤا زووكا نەهاڤێژن چێد بیت جارەكا دی‮ ‬ئەڤ دەرفەتە بومە نا ئێتەڤە‮. ‬وەكی‮ ‬بوتانی‮ ‬گۆتی‮: ‬هەر مللەتەك پێدڤیە خو بخو بریارا چارەنڤس و سەربەخویا خو بدەت و وەختێ ل سالا‮ ‬2005پێنچ وەلاتێن ئەورۆپی‮ ‬رێفراندۆم كری‮ ‬ما كەنگی‮ ‬هندەك وەلاتان بو وان ئەڤ پرۆسەیە هەلبژارت‮ ‬یان دیار كر،‮ ‬كا كەنگی‮ ‬بكەن‮ ‬یان نەكەن‮! ‬هەر مللەتەك باشتر دزانیت كا ئەوی‮ ‬چ دڤێت كەسەك نابیت لسەر مللەتێ كورد فەرز بكەتن كا ئەم رێفراندۆمێ بكەن و كەنگی‮ ‬یان نەكەین،‮ ‬چونكە ئەم كورد خۆدان سەركردەكێ حەكیمین ئو مللەتەكێ خودان ئیرادەینە كەسە نابیت‮ ‬یاریا ب هەست و مافێ مللەتێ كورد بكەتن‮. ‬

گوهدار بوتانی‮ ‬گۆت ژی‮: ‬خەونا هەر كوردەكی‮ ‬ئەوە هەرێما كوردستانێ بیتە دەولەت و رێفراندوم پرۆسەیەكە بو بەرەڤ سەرخەبوونا هەرێما كوردستانێ و ئەڤ پرۆسەیە پێدڤییە بهێتە كرن،‮ ‬دا بو جیهانێ دیار كەین كا كوردان چ دڤێت‮. ‬ئەگەر ئەم دەست ب ڤێ پرۆسێ نەكەین خەونا سەرخەبوونا هەرێما كوردستانێ د هەر مینیت خەون و ئەگەر ئەم‮ ‬بوینە وەلاتەكێ سەربەخو ژ لایێ سیاسی،‮ ‬ئابوری‮ ‬و سەربازی‮ ‬هەرێما كوردستانێ د‮ ‬یا ئازاد بیتن پێنگاڤێن مەزن پاڤێژیت و وەلاتێن بیانی‮ ‬ب ئاشكرا دێ پالپشتبن بو خەلكێ هەرێما كوردستانێ‮. ‬

لدووماهیێ بوتانی‮ ‬گۆت‮: ‬كوردستان نموونەیە‮ ‬بو پێكڤە ژیانێ ل رۆژهەلاتا ناڤەراست و كەسەك وەكی‮ ‬كوردان د ڤەكەری‮ ‬نینن بەرامبەر ئاین و نەتەوەیان،‮ ‬ئەز د وێ باوەریێ دامە كو‮ ‬هەرێما كودستانێ دێ بیتە‮ ‬یەك دەنگ و رێزیا هەمی‮ ‬ئاێن و نەتەوان.پەیاما من ئەوە،‮ ‬ئەم هەمی‮ ‬پێكڤە و بـ ئێك دەنگ بێژین بەلێ بۆ ریفراندۆمێ‮.‬

دەولەتا كوردستانێ بێ جوداهی‮ ‬دێ بیتە ملكێ هەمی‮ ‬ئەو خەلكێن ل كوردستانێ دژین

10رۆژنامەڤان ئازاد نزاركی،‮ ‬ئاكنجیێ وەلاتێ نەمسا گۆت‮ : ‬لدەستپێكێ پەیاما من ئەوە ئەم ل رۆژا‮ ‬25ێ ئەیلولێ پێكڤە و بـ ئێك دەنگ بێژین بەلێ بۆ ریفراندۆمێ،‮ ‬دیسان پەیاما مە بلا دگەل پەیاما سەرۆك بارزانی‮ ‬و وان لایەنێن سیاسی‮ ‬یێن دەستێن خۆ كرینە د دەستێن بارزانی‮ ‬دا و ئەڤ پەیامە راگەهاندی،‮ ‬و كارەكێ ب جدی‮ ‬بكەین بۆ وێ رۆژا دیرۆكی،‮ ‬دیسان دڤێت حكومەتا هەرێما كوردستانێ‮ ‬بابەتێ رەڤەندا كورد لدەرڤەی‮ ‬كوردستانێ بـ گرنگی‮ ‬وەرگریت،‮ ‬داكو ئەوژی‮ ‬بێ بار نەبن ژڤێ دەنگ دانێ،‮ ‬دهەمان دەمدا رەڤەندا كورد لدەرڤەی‮ ‬كوردستانێ گەلەك خەبات كریە بۆ دوزا گەلێ كورد و ئالایێ پیرۆزێ كوردستانێ و نێزیكی‮ ‬ملیونەك ژ كوردێن باشور لدەرڤەی‮ ‬كوردستانێ دژین بگرە ژ كیشورێ ئەوروپا و ئەمریكا و ئوسترالیا‮ ...‬هتد،‮ ‬و ئەز باوەرم پرانیا وان كوردا لهیڤیا وێ رۆژێ نە كو قەستا سندوقێن دەنگدانێ بكەن و بـ بەلێ بۆ ریفراندۆمێ‮ ‬وان سندوقا بـ خەملینن‮.‬

ئازاد نزاركی‮ ‬گۆت ژی‮: ‬مافێ هەر مللەتەكی‮ ‬یە بـ سەربوخوی‮ ‬بژیت ب تایبەتێ مللەتێ كورد،‮ ‬چونكە بـ درێژاهیا سالا مە قوربانی‮ ‬داینە وهەتا نوكە ژی‮ ‬رۆندك ژ چاڤێن مە زوها نەبوینە،‮ ‬ژبەر وێ زولم و ستەما ل مە هاتیە كرن،‮ ‬لەورا ماڤێ مەیە ئەم چارەنڤیسێ خۆ دیار بكەین و رێفراندومێ ئەنجام بدەین چونكە مافەكێ رەوا‮ ‬یێ مللەتێ مەیە،‮ ‬دا كو خەونێن دایكێن شەهیدا ببنە راستی،‮ ‬دڤێت ئەم چارەنڤیسێ خۆ دیار بكەین‮.‬

دڤێت هەمی‮ ‬پێكڤە كار بكەن ژبۆ درۆستكرنا دەولەتەكێ بناڤێ كوردستان

دڤێت بەری‮ ‬چەندەها سالا ئەڤ پێنگاڤە هاتبانە هاڤێتن ژلایێ ئالیێن سیاسی‮ ‬یێن هەرێما كوردستانێ ڤە،‮ ‬چونكە‮ ‬هاوكێشا سیاسی‮ ‬یا بەرەڤ ئاقارەكێ نە دیار ڤە دچیت و كەس نزانیت دێ لدوماهیێ گەمی‮ ‬ل كیرێ راوستیت،‮ ‬لەورا هندی‮ ‬زویتر كار بهێتە كرن لسەر ئەنجامدانا ریفراندومێ دێ كار بـ سەناهیتر لێ هێت بۆ دەولەت بونێ وەك رۆژنامەڤان ئازادی‮ ‬گوتی‮: ‬چ وەلات نابێژن كەرەمكەن ئەڤە گێز و مەقەس د دەستێ هەوە دا و بكەیڤا خۆ نەخشێ خۆ درۆست بكەن‮ ‬یان دەولەتا خۆ رابگەهینن،‮ ‬نەخاسمە دەردورێن مە،‮ ‬لەورا دڤێت هەمی‮ ‬پێكڤە كار بكەن ژبۆ درۆستكرنا دەولەتەكێ بناڤێ كوردستان‮.‬

بـ دیتنا من لدەسپێكێ كوردستان دێ‮ ‬توشی‮ ‬هندەگ گرفتێن ئابۆری‮ ‬بیت،‮ ‬ئەڤەژی‮ ‬وێ ناگەهینیت كو هەتا هەتایێ ئەڤ گڤاشتنە دێ‮ ‬یا بەردەوام بیت،‮ ‬چونكە هەر بازرگانیا وان بخو ژی‮ ‬دێ تێكچیت،‮ ‬و ژلایێ سیاسی‮ ‬ڤە دێ مفایەكێ ئێكجار زۆر بینین چونكە هەر وەكی‮ ‬یا دیار دێ بینە ئەندام د زۆربەیا رێكخراوێن جیهانی‮ ‬دا و دێ دانوستاندنێن مە‮ ‬یێن نیف دەولەتی‮ ‬زۆرتر بن دگەل هەمی‮ ‬وەلاتان،‮ ‬هەر چ نەبیت پەیاما من ئەوە ئەم ل رۆژا‮ ‬25ێ ئەیلولێ پێكڤە و بـ ئێك دەنگ بێژین بەلێ بۆ ریفراندۆمێ‮ ‬،‮ ‬دیسان دێ ناڤێ هەرێما كوردستانا عیراقێ لسەر مە رابیت و دی‮ ‬بینە خودانێن دەولەتا كوردی‮ ‬وەك ئازاد نزاركی‮ ‬گۆتی‮: ‬یا رون و ئاشكرایە كو بـ درێژاهیا چەندین سالا مە ژیانەكا ئاسایی‮ ‬و بەختەوەر پێكڤە بریە سەری‮ ‬دگەل هەمی‮ ‬نەتەوە و ئاین و ئولێن كوردستانێ،‮ ‬وەك رۆژنامەڤانی‮ ‬گۆتی‮: ‬لەورا دێ بێژم ریفراندۆم و سەربەخویا كوردستانێ وێ ناگەهینیت كو چ جیوازی‮ ‬هەبن دناڤبەرا ئول و مەزهەبان دا و چ جوداهی‮ ‬نابن دناڤبەرا نەتەوە و ئاینێن كوردستانێ،‮ ‬چونكە هەر لدەسپێكێ چ جوداهی‮ ‬نەبوینە،‮ ‬دیسان دەولەت دێ بیتە ملكێ هەمی‮ ‬خەلكێ د كوردستانێ دا بژیت،‮ ‬دڤێت هەمی‮ ‬ئول بـ دەنگەكێ بەرز و بلند پێكڤە گازی‮ ‬بكەن بەلێ و بەلێ و بەلێ بۆ ریفراندۆم و سەربەخویا كوردستانێ‮.‬

 
چاپکردن   Share گه‌ڕانه‌وه‌