2017-07-01

خه‌باتا: ‬هێمن ئاری

دەف، بەیەكێ لەو ئامێرە عیرفانیانە دادەنرێت كە لە سروت و بۆنە ئاینییەكان و‮ (‬تەراتیل و موەشەحاتە‮ ) ‬ئاینییەكان‮ ‬ڕۆڵی‮ ‬كارا دەبینێ، هاوكات دەف، یەكێكە لەو ئامێرانەی‮ ‬سەرەڕای‮ ‬مۆركە تەسەوەفییەكەی، بەڵام لەبەر ئاوازی‮ ‬دانسقەی‮ ‬تێكەڵ بەمیلۆدی‮ ‬نوێی‮ ‬میوزیك بووە،‮ ‬لەنێو میللەتی‮ ‬كوردیش هەر لەدێر زەمانەوە لەناو خانەقا و تەكییەكاندا لەلایەن دەروێش و عابیدەكان ژەنینی‮ ‬دەف بەئامێرێكی‮ ‬سەرەكی‮ ‬هاتۆتە هەژماردن، ئێستاش ژەنینی‮ ‬دەف سنووری‮ ‬عیرفانیەتی‮ ‬تێپەڕاندووە و لە بۆنەو كۆنسێرتە بەناوبانگەكان لەگروپەكاندا بەكاردەهێنرێت‮. ‬رێبوار عەبدوڵڵا،‮ ‬بەیەكێك لەو گەنجە دەف ژەنانە دادەنرێت لەگەڵ زۆربەی‮ ‬زۆری‮ ‬هونەرمەندان و گروپەكان ئامێری‮ ‬دەف دەژەنێت و شارەزاییەكی‮ ‬باشی‮ ‬لەم ئامێرە هەیە،‮ ‬لەدیمانەیەكی‮ ‬رۆژنامەی‮ ‬خەباتدا،‮ ‬وەڵامی‮ ‬ئەو پرسیارانەی‮ ‬داینەوە كە‮ ‬سەبارەت بە ژەنینی‮ ‬دەف و كارەهونەرییەكانی‮ ‬ئاراستەمانكرد‮. ‬

‮❊ ‬ئەگەر كورتە باسێكی‮ ‬ژیانی‮ ‬خۆت و كارە هونەرییەكانتمان بۆ بكەی؟

لەدایكبووی‮ ‬ساڵی‮ ‬1984ی‮ ‬گەڕەكی‮ ‬تەیراوەی‮ ‬شاری‮ ‬هەولێرم، دەرچووی‮ ‬پەیمانگای‮ ‬هونەرە جوانەكانی‮ ‬هەولێر و كۆلیژی‮ ‬هونەرە جوانەكانم، ئێستاش مامۆستام لەپەیمانگەی‮ ‬هونەرە جوانەكان‮. ‬هەروەها ئەندامی‮ ‬ئۆركیسترای‮ ‬كوردستان و ئەندامی‮ ‬سەندیكای‮ ‬هونەرمەندانم‮. ‬ئەندامی‮ ‬تیپی‮ ‬هونەری‮ ‬هەولێر و نەوای‮ ‬هەولێرم،‮ ‬ئەندامی‮ ‬گروپی‮ ‬میوزیكی‮ ‬چوارچرام،‮ ‬بۆ ماوە‮ ‬ی‮ ‬پێنج‮ ‬ساڵیش وەك میوزیك ژەن لەبەرێوەبەرایەتی‮ ‬هونەرەكانی‮ ‬میوزیك كارم كردووە و سەرۆكی‮ ‬گرووپی‮ ‬ریتمی‮ ‬هەولێریشم‮.‬

* تێكەڵبوونت بەدونیای‮ ‬هونەر،‮ ‬لەنێو هونەریش هەڵبژاردنی‮ ‬ئامێری‮ ‬دەف بۆچی‮ ‬دەگەڕێتەوە؟

لە ساڵی‮ ‬1999‮ ‬وەك قوتابی‮ ‬لەبەشی‮ ‬موزیكی‮ ‬پەیمانگەی‮ ‬هونەرە جوانەكانی‮ ‬هەولێر وەرگیرام.بینیم ئامێری‮ ‬ریتمی‮ ‬زۆر بایەخی‮ ‬پێنەدراوە.بۆیە منیش داوام لەمامۆستایان‮ (‬فەرهەنگ‮ ‬غفور،ئامانج‮ ‬غازی‮)‬كرد كەیارمەتیم بدەن بۆ فێربوونی‮ ‬ئامێرە ریتمیەكان.سەرەتاش بە ئامێری‮ ‬تیمپەنی‮ ‬دەستم پێكرد كە ئامێرێكی‮ ‬ریتمی‮ ‬ئۆركیسترای‮ ‬رۆژئاوایە،‮ ‬پاشان ئامێری‮ ‬دەف‮.‬

❊ ‬جگە لەئامێری‮ ‬دەف شارەزایت لە چ ئامێرێكی‮ ‬تر هەیە؟

جگە لە دەف شارەزایی‮ ‬تەواوم لەسەر ئامێرە ریتمیەكانی‮ ‬دیكە هەیە كەمێكیش عود‮.‬

‮❊ ‬بۆ شارەزابوون لەئامێری‮ ‬دەف تاچەند بە ئەكادیمی‮ ‬بوون گرنگە؟‮ ‬

ئامێری‮ ‬دەف لەم چەند ساڵەی‮ ‬دوایی‮ ‬زۆر گرنگی‮ ‬پێدراوە لەرووی‮ ‬زانستیەوە لەرووی‮ ‬نۆتە نوسینەوە‮ ‬یاخود میتۆدەوە.شێوازی‮ ‬فێربوونیشی‮ ‬چەندین شێوازی‮ ‬جۆراو جۆری‮ ‬زانستی‮ ‬هەیە‮.‬

‮❊ ‬لەكوردستان لەپەیمانگەكان بەشێوەی‮ ‬ئەكادیمی‮ ‬دەخوێنرێت؟

‮- ‬بەداخەوە تا ئێستا بەشێوەیەكی‮ ‬گشتی‮ ‬ناخوێندرێ.ئەوەی‮ ‬هەیە چەند هەوڵێكە لەپەیمانگاكانی‮ ‬هەولێر دهۆك سلێمانی‮ ‬بۆ فێرخوازانی‮ ‬دەف هەوڵەكان تاكەكەس‮. ‬رۆژانەش لەلایەن هەوادارانەوە پەیوەندیم پێوە دەكرێت بۆ كردنەوەی‮ ‬خولی‮ ‬تایبەت بە ئامێری‮ ‬دەف‮. ‬ئێستاش گروپێكم هەیە بەناوی‮ ‬گروپی‮ ‬ریتمی‮ ‬هەولێر كە سەرجەم‮ ‬ژەنیارەكانی‮ ‬ژەنیاری‮ ‬ئامێری‮ ‬دەف و ئامێرە ریتمییەكانن‮.‬

‮❊ ‬وەك شارەزایت هەبێ مێژووی‮ ‬دەف بۆ كەی‮ ‬دەگەرێتەوە؟ كورد لەكەیەوە ئاشنایەتی‮ ‬لەگەڵ پەیداكردووە؟‮

‮- ‬زۆر سەرچاوە هەن باسی‮ ‬سەرهەڵدانی‮ ‬دەف دەكەن.لەهەموویان زیاتر سەرەتاكانی‮ ‬پەیدابوونی‮ ‬ئەم‮ ‬ئامێرە دەگەرێننەوە‮ ‬بۆ سەردەمی‮ ‬بابلی‮ ‬و ئاشورییەكان‮. ‬كە لەپاشماوەكانی‮ ‬بەردی‮ ‬پەیكەر تاشراوەكانی‮ ‬نێو ئەشكەوتەكان دۆزراوەتەوە.كورد پێش هاتنی‮ ‬ئاینی‮ ‬پیرۆزی‮ ‬ئیسلام ئاشنایەتی‮ ‬پەیداكردووە لەگەڵ ئەم ئامێرە.پاشان گرنگی‮ ‬پێدراوە‮ ‬چ لەرووی‮ ‬ژەنین‮ ‬یاخود شێوەكەی‮.‬

‮❊ ‬گوێگرتن لەمیوزیك ئارامی‮ ‬بەروح دەبەخشێت،‮ ‬ئایا دەفیش وەك ئامێرێكی‮ ‬عیرفانی‮ ‬كە بەشێكە لە میوزیك پێتوایە بە گوێگرتن لەدەف هەمان ئارامی‮ ‬ببەخشێتە گوێگر؟‮ ‬

دەف ئامێرێكی‮ ‬عاریفانەیە لە بۆنە خۆش و ناخوشەكان بەكاردێ‮، بێگومان كاریگەری‮ ‬هەیە لەسەر روح و هەستی‮ ‬مرۆڤ‮.‬

‮❊ ‬دەف تاچەند شاكاری‮ ‬هونەری‮ ‬ئەو گروپانە جوانتر و بە خڕۆشتر دەكات بەبەراورد لەگەڵ گروپێك كە دەفی‮ ‬تیانەبێت؟

‮- ‬هەر ئامێرێك لە ئامێرەكان گرنگی‮ ‬و بایەخی‮ ‬تایبەتی‮ ‬خۆی‮ ‬هەیە،ئامێری‮ ‬دەفیش دەتوانم بڵێم بە شێوەیەكی‮ ‬جیاوازتر لە ئامێرەكانی‮ ‬تر جۆش و خڕۆشی‮ ‬زیاتر دەدات بە گروپەكە‮. ‬راگری‮ ‬تیمپۆری‮ ‬گروپە‮.‬

‮❊ ‬ئەو گروپەی‮ ‬كاری‮ ‬لەگەڵ دەكەی‮ ‬لە هیچ چالاكییەكی‮ ‬دەرەوە بەشداریتان كردووە؟ ئەوان تاچەند بە دەف سەرسامن؟

‮- ‬من لەگەڵ زۆربەی‮ ‬گروپەكانی‮ ‬كوردستان كارم كردووە‮. ‬ئێستا دەستەی‮ ‬كارگێری‮ ‬گروپی‮ ‬نەوای‮ ‬هەولێرم‮. ‬لەئۆركیسترای‮ ‬كوردستان و گروپی‮ ‬چوارچرا ئەندامم‮. ‬سەرۆكی‮ ‬گرووپی‮ ‬ریتمی‮ ‬هەولێرم‮. ‬لە28‮ ‬وڵاتی‮ ‬دونیا لەڤیستیڤاڵی‮ ‬جیا بەشداریم كردووە وەك دەف ژەنێك‮ (‬روسیا،‮ ‬رۆمانیا،‮ ‬بولغاریا،‮ ‬فەرەنسا،‮ ‬سویسرا‮. ‬مەغریب‮. ‬سوید‮. ‬یۆنان‮. ‬ئیتالیا‮....‬هتد‮) ‬لەگەڵ‮ ‬هو نەرمەندان زەكەریا عەبدوڵڵا،‮ ‬عارەب عوسمان،‮ ‬فەرهەنگ‮ ‬غەفور،‮ ‬وریا ئەحمد‮. ‬پەرواز حوسێن و زۆر كەسی‮ ‬دیكە ئەم گەشتانەم ئەنجامداوە وەك دەف ژەنێك‮. ‬هەروها لەگەڵ ئۆركیسترای‮ ‬كوردستان لەچەندین فستیڤاڵی‮ ‬نێو دەوڵەتی‮ ‬بەشداریم كردووە،‮ ‬بەجل و بەرگ و ئاڵای‮ ‬نەتەوەیم پەیامی‮ ‬هونەری‮ ‬كوردیم گەیاندووە‮.‬

‮❊ ‬كاتێ‮ ‬دەف دەژەنی‮ ‬چ هەستێكت لا دروست دەبێت؟

‮- ‬دەف ژەنین خۆراك‮ ‬بەروحم دەبەخشێ‮. ‬وزەی‮ ‬نەبیندراو دەداتە جەستەم‮.‬

 
چاپکردن   Share گه‌ڕانه‌وه‌