2017-06-18

  سەرچاوەیەک لە پارتی دیموکراتی کوردستان، رەتی دەکاتەوە پارتی پێشنیازی بۆ (دكتۆر بەرهەم سالح) كردبێ لە كۆمیتەی ریفراندۆمدا بەرپرسیاریی وەربگرێت و رایدەگەیەنێ، "نە پێشنیازی لەو جۆرە كراوە و نە رەت كراوەتەوە. نەشمانزانیوە (دكتۆر بەرهەم) دژی ریفراندۆم بێت."


دەربارەی هەواڵێكی سایتی (شار پرێس) كە گوایە پارتی دیموكراتی كوردستان پێشنیازی بۆ (دكتۆر بەرهەم سالح) كردووە لە كۆمیتەی ریفراندۆمدا بەرپرسیاریی وەربگرێت، بەڵام ناوبراو رەتی كردووەتەوە، چونكە گوایە لەگەڵ ریفراندۆم نییە، سەرچاوەیەكی پارتی سەرلەبەری هەواڵەكەی بەدرۆخستەوە و رایگەیاند "نە پێشنیازی لەو جۆرە كراوە و نە رەت كراوەتەوە. نەشمانزانیوە (دكتۆر بەرهەم) دژی ریفراندۆم بێت."
سەرچاوەكەی پارتی دیموکراتی کوردستان هاوکات سەرسوڕمانی خۆی دەربڕی كە "ئەو جۆرە سایت و كەناڵانە لە كوێوە ئەم زانیارییە بێ ئەسل و ئەساس و چەواشەكارییانە دەهێنن و، چۆن رێ بە خۆیان دەدەن بڵاویان بكەنەوە. "


KDP.info

 
چاپکردن   Share گه‌ڕانه‌وه‌