2017-06-18

ڤەكولەرێ ئایینی‮: ‬ئەحمەد حسێن

فەلسەفا ئایینی‮ ‬ئەوە خودێ تەعالا‮ ‬یێ ئافراندی‮ ‬ژبو خزمەتكرنا مروڤاتیێ،‮ ‬لێ جهێ داخێ‮ ‬یە خەلكەك خەلەت‮ ‬یێ تێگەهشتی‮ ‬نها مروڤاتیێ تەرخان دكەن بو خزمەتا ئایینانی،‮ ‬ئەڤە هەڤدژە دگەل مەرەما سەرەكی‮ ‬ژهنارتنا ئایینان،‮ ‬وئەگەر ئایین هاتبن بو خزمەت كرنا مروڤاتیێ و وەلات بەشەكە ژڤی‮ ‬مروڤی‮ ‬بومە دیار دبیت كو ئایینی‮ ‬یێت هاتین بو خزمەت كرنا وەلاتی‮ ‬ومللەتان‮.‬

بدیتنا من گەلەكا گرنگە لدەسپێكێ دان پێدانێ بخەلەتیێ بكەین ودەستێ خو بدانینە سەر برینێ ورەخنێ بگرین وراستیێ وقوسیریێ دیاربكەین دا بزانین دێ چەوا شێین وێ خەلەتیێ چارەسەر بكەین‮ ‬،‮ ‬وپێنگاڤا پاڤێژین بەرەڤ پێشیێ‮.

جهێ داخێ‮ ‬یە ئەڤرو مللەتێ مە‮ ‬یێ هاتیە خاپاندن ژلایێ دوژمنانڤە بناڤێ دینی‮ ‬كو پالپشتی‮ ‬كرنا مللەتی‮ ‬تشتەكێ خەلەتە‮!‬،‮ ‬بەرز راگرتنا هێمایێن مللەتی‮ ‬تشتەكێ حرامە‮!‬،‮ ‬پیروزدانا بیرەوەریێن نەتەوەیی‮ ‬كفر و زەلالەتە‮!‬،‮ ‬چەسپاندنا هزرو هەستێ نەتەوەیی‮ ‬ددلاندا ئەڤە رامانا لادانا دینی‮ ‬وبنەمایێن دینینە‮!‬‘ ژدل ومێشكان بلند كرنا ئالای‮ ‬ونیشانێن شورەش و سەركەفتنان بلندكرنا ئالایێ دەمارگیریێ وزەلالەتێ‮ ‬یە‮!. ‬خەلكەكی‮ ‬ئەڤە‮ ‬یا كریەت سەرێ مەدا؟‮!.‬لێ دێ تەحدایێ كەین‮ ‬ئەگەر ئێك دەقێ ئایینی‮ ‬ئاماژە بڤێ چەندێ دابیت‮ ‬،‮ ‬لێ دوژمنان بگەلەك رێكان هاتنە كو مە پێ بشكێنن،‮ ‬ئێك ژوان رێكا برێكا ئایینیە‮ ‬،‮ ‬ئەڤان كەسان ئایین‮ ‬یێ مەزاختی‮ ‬بو بەرژەوەندیێن خو و دیسان‮ ‬یێ مەزاختی‮ ‬بو شكاندنا مللەتان،‮ ‬مینا مللەتێ مەیێ كورد بحجەتا ئایینی،‮ ‬لێ گەلەكا گرنگە بزانین هەچیێ بناڤێ ئایینی‮ ‬رێگری‮ ‬ل تەگرت كو تو كەسەكێ كوردپەروەربی‮ ‬یان كەسەك بی‮ ‬نەتەوەكێ دن پیروزترببینی‮ ‬ژ نەتەوەێ خو،‮ ‬بزانە ئەو‮ ‬یێ بو بەرژەوەندیان كاردكەت وتە سەردا دبەت‮.‬

ئاخفتنەكا هەی‮ ‬بەربەلاڤە دبێژیتن‮ (‬ئەگەر تەڤیا تشتەكی‮ ‬بەلاڤ بكەی‮ ‬وسەپینی‮ ‬ل سەر جڤاكی‮ ‬وخەلك وەربگریت بێ كو پێ ماندی‮ ‬ببی‮ ‬بكەت ناڤ چارچوڤەكێ دینیدا و كراسەكێ ئایینی‮ ‬بكەبەر و بڤی‮ ‬رەنگی‮ ‬هەمی‮ ‬خەلك دێ وەرگرن،‮ ‬بێ ماندی‮ ‬بوون‮)‬،ژبەر كو جهێ داخێ‮ ‬یە جڤاكێن مە ئەڤرو هند شارەزا نەبوینە دناڤا ئایینێ خودا كو بزانن ئایین رێكەكە كو مروڤ خو پێ پێشبێخیتن وخو ئاڤا بكەتن و وەلاتێخوژیك پێ ئاڤا بكەتن وەكی‮ ‬خودێ تەعالا دبێژیتن‮ (‬واستعمركم فیها‮) ‬كو گرنگییێ ددەتە ئاڤەدان كرنێ دوەلاتیدا نە بتنێ لایەنێ دینداریێ‮، ریفراندم وسەربەخویێ ئەڤروكە مافەكێ رەوایە وهەڤدژ نینە نە دگەل چ دەقێت ئایینی‮ ‬ونە دگەل چ‮ ‬یاسایێن دەستوری‮ ‬ونە‮ ‬یاسایێن ناڤ دەولەتی‮.

ئەگەر ژلایێ ئایینی‮ ‬بنێرین خودێ تەعالا دبێژیت‮ (‬یا ایها الناس انا خلقناكم من ذكر وانثی‮ ‬،‮ ‬وجعلناكم شعوبا وقبائل لتعارفوا ان اكرمكم عند اللە اتقاكم‮). ‬

ئانكو خودێ تەعالا دبێژیتن مە هنگ‮ ‬یێن ئافراندین ژ نێر ومێیان ومللەتێن جودا وهوزێن جودا ژبو وێ‮ ‬یەكێ ئێكتر بنیاسن وباشترین كەس ژهەوە‮ ‬یێ بتەقوا‮.

ئانكو بنێرینا ئایینی‮ ‬چ جیاوازی‮ ‬نینە دەف خودێ دناڤبەرا هەر مللەتەكی‮ ‬وهەر وەلاتەكی‮ ‬و كا چەوا نها هەر مللەتەكی‮ ‬وەلات هەیە ودسەربەخونە وماف هەنە دیاسایێن ناڤ دەولەتیدا و ئالایێن خو هەیە دناڤا وەلاتێن جیهانێدا،‮ ‬ئەڤرو مەژیك وەك مللەتێ كورد ئەو مافە هەیە وبفەرمانا خودایی‮ ‬كەسێ چ ماف سەرمە نینن وئەم دئازادین بو هاڤێتنا ئەڤان پێنگاڤان بەرف سەرخەبونێ وئازاد بونێ ژوان گرەیێن عیراقێ ئەو وەلاتێ بدەهان سالە ستەمێ لمەدكەت‮ ‬،‮ ‬وجهێ داخێ‮ ‬یە كو گەلەك جارا بناڤێ ئەڤی‮ ‬ئایینی‮ ‬زۆر و زولما خو ل سەرمە سەپاندییە،‮ ‬لێ ئایینی‮ ‬یێ ژێ بەریئە.دیسان ئیمام علی‮ (‬خودێ ژێ رازیبیتن‮) ‬دبێژیت‮ ( ‬لا تكن عبد‮ ‬غیرك وقد جعلك اللە حرا‮) ‬بەندێ خەلكی‮ ‬نەبە خودێ تەعالا تویێ ئافراندی‮ ‬ئازاد‮. ‬ئەڤروكە ئەم بوچی‮ ‬دێ بەنداتیا عەرەبان‮ ‬یان فورسان‮ ‬یان توركان‮ ‬یان هەر نەتەوەكێ دن كەین،‮ ‬ئەگەر خودێ تەعالا ئەم دابین كورد و دابین نەتەوەكێ جودا وخودان كەلتور وزمان وشارستانی‮، ‬ئەڤرو سەبەخویێ مافەكێ رەوایە‮ ‬یێ مللەتێ كوردە بنێرینا ئیسلامێ،‮ ‬ئەڤرو ئەركەكێ ئایینیە ونەتەوەییە لسەر مللێ هەر تاكەكێ ئەڤی‮ ‬مللەتێ بەرەڤ ئەڤێ ریفراندومێ بچیتن و دەنگێ خویێ ئازاد بهەمی‮ ‬هەست وسوزێن خو دەنگێ خو بدەتە ئازاد بونا مللەتێ خو‮.

لدوماهیكێ دێ بێژین كو بنێرینا قورئانێ و ئیسلامێ كوردژیك وەكو هەر نەتەوەێدن مافێن خو هەنە ودپاراستینە ومافێ جودابونێ و سەربەخویێ‮ ‬هەیە،‮ ‬وەكێ هەر مللەتەك ونەتەوكێ دن و ئەگەر تا نها نەبوینە تشتەك دگورەپانێدا ئەڤە بو كوردان بخو دزڤریت،‮ ‬چنكو گەلەك جاران دەرفەت هەبوینە لێ بوخو نەمەزاختینە،‮ ‬هەر جارەكا گەهشتبنە پلەیەكا گەلەك مەزن بو گەهشتن بهیڤی‮ ‬و ئومێدێن خو مە دیتیە كەسەكی‮ ‬خو فروتیە‮ ‬یان بەژەوەندێن خو‮ ‬یێن تاكەكەسی‮ ‬سەرئێخستیە وئەڤ پروژە هەمی‮ ‬هەرفاندیە‮.

 
چاپکردن   Share گه‌ڕانه‌وه‌