2017-06-18

ساڵح محەمەد تەیرۆ

د پروسیسا برێڤەبرنا دەستهەلاتا‮ ‬دیموكراسی‮ ‬دا‮ ‬زور سروشتی‮ ‬و رەوایە كو لایەنەك‮ ‬یان چەند لایەن ببنە ئوپوزسیون و چاڤدێربن لسەر دەستهەلاتی‮ ‬و دەزگەهێن وی‮ ‬لسەر چەوانیا برێڤەبرنا حوكمداریێ‮ ‬،‮ ‬ئوپوزسیون ژی‮ ‬فەرە‮ ‬یا ب وژدان بیت و بێژیتە باشی‮ ‬باش وخرابی‮ ‬خراب ودەستی‮ ‬دانیتە سەر برینێ بۆ چارەسەركرنێ نەك بۆ بەرفرەهكرنا برینێ هەروەكی‮ ‬مە ل ئوپوزسیونێ كوردستانێ دیتی‮ ‬كو ب تنێ دژایەتیا حكومەتێ دكرن وهاتنە دنێڤ دەستهەلاتێ دا ژی‮ ‬دیسان پێ‮ ‬یەك ل دەستهەلاتێ بو‮ ‬یێ دی‮ ‬ئوپوزسیون بون‮.

‬هەلبەت ل رۆژا‮ 7‮/‬6‮/‬ 7102 كومبونا‮ 15لایەنێن سیاسی‮ ‬ژ بلی‮ (‬گۆڕان و كومەڵ‮ ) ‬ب سەرپەرشتیا سەرۆك بارزانی‮ ‬سەرۆكێ هەرێما كوردستانێ ل هاڤینگەها سەلاحەددین هاتیە ئەنجامدان لسەر پرسا ریفراندومێ و پاش هەلبژارتنێن پەرلەمانی‮ ‬و سەروكایەتیا هەرێمێ ئەو بۆ گەهشتە وێ باوەریێ كو ل رۆژا‮ ‬25‮/‬9‮/‬2017‮ ‬هاتە دەست نیشانكرن‮ ‬و بریار لسەر هاتە دان بۆ رۆژا ریفراندومێ و دیاركرنا‮ ‬چارەنڤیسێ ئەڤی‮ ‬مللەتەیی‮ ‬كو ئەو ژی‮ ‬دێ ب وەرگرتنا رایا وان بیت‮ ‬و ئەڤە ژی‮ ‬مافەكێ رەوایێ ڤی‮ ‬مللەتەیە و كەس خێرێ و منەتێ لێ ناكەت و ئەڤ پرسە پرسەكا نەتەوی‮ ‬ونیشتیمانی‮ ‬یە و ملكێ هیچ لایەن و كەسان نیە‮ ‬،‮ ‬دیسان رۆژا‮ ‬6‮/‬11‮/‬2017‮ ‬ژی‮ ‬هاتە دیاركرن بۆ هەلبژارتنێن پەرلەمان و سەروكایەتیا هەرێمێ و ژلایێ تەڤایا هاتە واژوو كرن‮ ‬كو ئەڤە هیڤی‮ ‬و ئومێدین هەر كوردەكێ دلسوز ونیشتیمانپەروەر و وەلاتپارێزە‮.‬

لێ مخابن كۆ جارەكادی‮ ‬هندەك لایەنێن سیاسی‮ ‬و میدیایێن سێبەر و پەرلەمانتار و نڤیسەرێن ب ناڤ رەوشەنبیر و نەمازە ل زومینا سەوز دەست ب دژایەتی‮ ‬كرنا ئەڤێ پرسێ كو پرسا سەربخویا كوردستانێ‮ ‬یە و بوینە بەردەفك و راگەیاندكارێن‮ ‬دوژمن و نەحەزێن گەلێ كوردستانێ‮ ‬و چەوا دوژمن و داگیركەرێن كوردستانێ پیلان و ئاستەنگا دادنێن و ئەو ژی‮ ‬یێن لبەر وێ زورنایێ هەلدپەرن‮ ‬واتە بوینە ئوپوزسیون ل دژی‮ ‬پرسا چارەنڤیسا نەتەوێ كورد كو ئەڤە ب سەدان ساڵە خەبات و تێكوشین و قوربانیدان ژێرا تێتە كرن ودان‮ ‬،‮ ‬لڤێ سەیرتر هەر جارەكێ‮ ‬یێن هیجەتەكێ‮ ‬دگێرن تا دوهی‮ ‬هەر ئەڤە بون دگۆتن بارزانی‮ ‬و پارتی‮ ‬مزایەدا سیاسی‮ ‬ب پرسا ریفراندوم و سەربخویا كوردستانێ دكەتن‮ ‬،‮ ‬ئەڤرۆ لدەمێ كو بریار و رۆژا ئەڤێ پرسێ هاتە‮ ‬دیاركرن‮ ‬ب راستی‮ ‬ئەو هیجەتا ب درەو وان دگوتن ئەو ژی‮ ‬نەمان و نەزانی‮ ‬و نەڤیان بزانن ژی‮ ‬كو سەرۆك بارزانی‮ ‬و پارتی‮ ‬دیموكراتی‮ ‬كوردستان خودان بریار و هەلویستەیا خۆنە و بریار و فەرمانا ل چ لایەن و كەسان وەرناگرن و هەردەمێ زانی‮ ‬بەرژەوەندیا گشتی‮ ‬یا ڤێ مللەتی‮ ‬دكێرێ رایە ئێكسەر و بێ دوو دلی‮ ‬و ب وێرەكێ بریارێ ددەن چونكە قوتابخانا بارزانیێ نەمر وەها پەروەردە كرینە‮ ‬كو ئەگەر بەرگری‮ ‬كرن ل گەل و وەلاتی‮ ‬تاوان بیت ئەم مەزنتارین تاوانبارین‮.‬

زور خوزایی‮ ‬یە كو دژایەتیا‮ ‬سەرۆك‮ ‬بارزانی‮ ‬و‮ ‬پارتی‮ ‬دیموكراتی‮ ‬كوردستان بهێتە كرن‮ ‬لێ خیانەت و تاوانەك مەزنە دژایەتیا پرسا سەرخوبونا كوردستانێ بهێتە كرن كو ئەڤە هیڤی‮ ‬و ئومێدا هەر كوردەكێ خودان ویژدانە‮ ‬،‮ ‬لێ ئەگەر ئەم سرنجەكێ بدەینە هندەك ژ وان لایەن و چینین مە لسەری‮ ‬ئاماژە پێداین هیچ جوداهیەك ناهێتە كرن دنێڤبەرا دژایەتیكرنا‮ (‬دژی‮ ‬پارتی‮ ‬و بارزانی‮ ‬،‮ ‬دژی‮ ‬سەربخویێ‮) ‬واتە دگوتارو هەلویستێ وان‮ ‬نكارین ئەم لێك جودا بكەین‮ ‬،‮ ‬لڤێرە چەند پرس‮ ‬سەرێ خو هەلددەن‮ ‬،‮ ‬ئەرێ ئەو دژی‮ ‬بارزانی‮ ‬و پارتینە‮ ‬یان دژی‮ ‬سەربخویێنە‮ ‬یان دژی‮ ‬هەردوویانە؟ باشە ئەگەر بارزانی‮ ‬واز ل پرسا سەربخویێ ئینا و هەر چەندە ئەز‮ ‬یێ پشت راستم نائینیت‮ ‬ئەرێ‮ ‬د چ گورانكاری‮ ‬دهەلویستێن واندا روی‮ ‬دەن سەبارەت ب بارزانی‮ ‬و سەربخویا كوردستانێ؟ ئەرێ ما سەربخویا كوردستانێ ب تنێ داخوازیا سەرۆك بارزانیە‮ ‬یان داخوازیا تەڤایا خەلكێ كوردستانێ‮ ‬یە؟‮ ‬بهەرحال بەرسڤ دروهن و ئاشكرانە كو هەر ل ئاڤاكرنا هزرا هندەك لڤان لایەن وكەسان لسەر دژایەتیا بارزانی‮ ‬و پارتی‮ ‬هاتینە ئاڤاكرن و ئەگەر نە خو گەل دێ بریارا چارەنڤیسا خۆ دەت و هەر گەل ژی‮ ‬دێ سەروكێ‮ ‬هەرێمێ ل هەلبژارتنێن ئیسال و سەروكێ كوردستانێ ل ئاییندە هەلبژێریت‮ ‬،‮ ‬بەلێ پیشینا مەزنا گوتیە‮ (‬نەڤیانێ هیچ دەرمانەك بۆ نیە‮).

‬لەوما فەرە ئەم هەمی‮ ‬بەرەڤ ئەڤێ پرسا نەتەوی‮ ‬ونیشتیمانی‮ ‬ڤە بچین كو ئەو ژی‮ ‬گشتپرسی‮ ‬یە و رۆژا25 ‮ ‬ئیلونا ئیسال ب بیتە كەرنەڤالەكا مەزن و ب ئاهەنگ و دیلانڤە بەرەڤ صندوقێن دەنگدانێڤە بچین‮ ‬و هەروەكی‮ ‬سەرۆك بارزانی‮ ‬داخواز ل گەلێ كوردستانێ كری‮ ‬و بەس بیت دژایەتیا‮ ‬پرسەكێ بكەین كو ب هزاران قەهرەمانا گیانێ خو بەخت كری‮ ‬یە و شەهید بونە و ئەو هیڤی‮ ‬و ئومێد بن ئاخ كرینە‮ ‬،‮ ‬بێگومان پرسا چارەنڤیسا گەلێ كوردستانێ نابیت ب هیچ رەنگەكێ خەلكەك هەبیت ئەوێ جورئەتێ بدەتە خۆ كو ل دژی‮ ‬رابوەستیت چونكە دژایەتیا ئەڤێ پرسا گرنگ دژایەتیا كورد و كوردستانێ‮ ‬یە‮ ‬و دێ بیتە جهێ نەفرەت لێكرنا نفشی‮ ‬نوكە و داهاتی‮ ‬و دێ خالەكا رەش بیت لبەرپەرێن دیروكێ‮.‬

ئەم هەمی‮ ‬دزانین لدەمێ كو هەر گەفەك ل هەرێما كوردستانێ بهێتە كرن ئەو گەف ب تنێ ل پارتی‮ ‬و بارزانی‮ ‬ناهێتە كرن‮ ‬بەلكو ل تەڤایا كوردستانێ تێتە كرن و بەلگەه لسەر گوتنا مە لسەردەمێ كو مالیكی‮ ‬لەشكر بەرەف كەركوكیڤە ئینایی‮ ‬و تیروریستین داعش هێرش بۆ كوردستانێ ئینایی‮ ‬ب تنێ ئارمانجا وان پارتی‮ ‬دیموكراتی‮ ‬كوردستان و سەروك بارزانی‮ ‬نەبوینە بەلكۆ تەڤایا گەلێ كوردستانێ بو،‮ ‬ڤێجا بلا بەس بیت و تا كەنگی‮ ‬دویڤەلانكی‮ ‬و ببینە زورنابێژیت داگیركەرێت كوردستانێ و هەر گلە وگازندەیەك ژی‮ ‬هەبیت دكارن ب رەنگێت گفتوگو و دیالوكا چارەسەر بكەین‮ ‬نەك لسەر میدیا و كەنالێن راگەهاندنێ دلێ دوژمنان خوش بكەین،‮ ‬لدویماهیێ ئەگەر ئوپوزسیون ل هەر سیستەمەكێ حوكمرانیێ هەبیتن نابیت ئوپوزسیونا دژی‮ ‬پرسا ریفراندوم و چارەنڤیسا ئەڤی‮ ‬نەتەوەیی‮ ‬ل هەرێما كوردستانێ هەبیت‮ ‬و فەرە ژی‮ ‬دەزگەهێن پەیوەندیدار سنورەكێ‮ ‬دابنێن بۆ وان كەنالێن كو بوینە زورنابێژیت نەحەزێت كوردستانێ‮ ‬لسەر ئەڤێ پرسێ،‮ ‬دپشت راستین ژی‮ ‬دێ سەركەفتن بۆ ئیرادا گەلێ كوردستانێ بیت و نەمان‮ ‬و روی‮ ‬رەشی‮ ‬دێ بۆ نەحەزێن‮ ‬كوردستانێ بیت‮.‬

 
چاپکردن   Share گه‌ڕانه‌وه‌