2017-06-17

خه‌بات: هاوار مورتكەیی

دوای‮ ‬بەشداریكردنیان لە پاڵەوانێتی‮ ‬شەترەنجی‮ ‬یانەكانی‮ ‬عێراق بۆ خوار تەمەنی‮ ‬14 ‮ ‬ساڵان،‮ ‬شاندی‮ ‬یانەی‮ ‬خانزاد بە میدالیای‮ ‬زێڕ‮ ‬لە بەغداوە بەسەلامەتی‮ ‬گەڕانەوە هەولێری‮ ‬پایتەختی‮ ‬كوردستان‮.‬

لەماوەی‮ ‬نێوان‮ ‬12-13/6/2017 پاڵەوانێتی‮ ‬شەترەنجی‮ ‬عێراق بۆ خوار تەمەنی‮ (‬14‮)‬بە ئامادەبوونی‮ ‬سەرۆكی‮ ‬یەكێتی‮ ‬شەترەنجی‮ ‬عێراق لە هۆڵی‮ ‬بورجی‮ ‬سەلام لە شاری‮ ‬بەغدا بەڕێوەچوو،‮ ‬یانەی‮ ‬خانزادیش بە پێنج شەترەنجزان بەشدارییان كرد و توانیان هەموو‮ ‬یارییەكان ببەنەوە پلەی‮ ‬یەكەمی‮ ‬پاڵەوانێتییەكە بەدەست بێنن و میدالیای‮ ‬زێر و نازناوەكە بهێننەوە كوردستان‮.‬

لەم پاڵەوانێتییەدا كە‮ ‬54 ‮ ‬شەترەنجزانی‮ ‬كوڕو كچ لە زۆربەی‮ ‬شارەكانی‮ ‬عێراق بەشدارییان كردبوو،‮ ‬یانە بەشداربووەكانیش بریتی‮ ‬بوون لە‮ ‬یانەكانی‮ ‬خانزاد،‮ ‬ئیتساڵات،‮ ‬قادسیە،‮ ‬سەماوە،‮ ‬نەهرەین،‮ ‬رافدەین،‮ ‬هەدەف،‮ ‬نەفتی‮ ‬ناوەراست،‮ ‬دوای‮ ‬ركابەرییەكی‮ ‬بەهێز دواجار تاكە نوێنەرەكەی‮ ‬كوردستان‮ ‬یانەی‮ ‬خانزاد سەرباری‮ ‬ئەو بارودۆخە خراپەی‮ ‬دارایی‮ ‬و مەترسی‮ ‬پاڵەوانێتییەكە لە بەغدا توانیان پلەی‮ ‬یەكەم بەدەست بهێنن و نازناوەكە ببەنەوە‮. ‬شاندی‮ ‬یانەی‮ ‬خانزاد پێكهاتبوون لە‮ : ‬ئازاد سابیر سەرۆكی‮ ‬شاند،‮ ‬كەمال جەلالەدین سەرپەرشتیاری‮ ‬تیپ،‮ ‬شەترەنجزانەكانیش بریتی‮ ‬بوون لە‮ ( ‬پۆڵا ئازاد،‮ ‬مستەفا كەمال،‮ ‬ئەحمەد جەزا،‮ ‬هیشام نەمیر،‮ ‬عومەر نەمیر‮).‬

 
چاپکردن   Share گه‌ڕانه‌وه‌