2017-06-11

خەبات: ‬هەلز عەلی‮ ‬سەلیم - دهوك

دگەل هندیێ كو ریفراندۆم بویە روژەڤ،‮ ‬هەروەسا گەنگەشەكا زۆر‮ ‬یا ئیخستیە دناڤ لایەنێن سیاسی،‮ ‬كو هەتا رادەكێ بوویە ئەگەرێ سەرهلدانا نێرینێن جودا‮، ‬نێرینا سەرەكی‮ ‬خازیارا ئەنجامدانا ریفراندومێیە ژبو سەربخو بوونا كوردستان و زورینیا خەلكێ كوردستانی‮ ‬و حزب و لایەنێن سیاسیێن كوردستان پاڵ پشتن ژبو ڤێ پروسێ‮، ‬نێرینەكا دین هەیە كو‮ ‬دوو حزبێن سیاسی‮ ‬مەرجێن پێش وەخت هەنە بو ئەنجامدانا ریفراندۆمی‮ ‬و خوازیارێن هندەك دەسكەفتێن حزبینە؟‮، ‬لێ هیڤیدارین ژ بو بەرژەوەندیا بلندا هەمی‮ ‬خەلكێ كوردستانی‮ ‬ب هەمی‮ ‬نەتەوە و ئاین و مەزهەبێن جودا،‮ ‬تەڤایا لایەنێن سیاسی‮ ‬ئێك دەنگ و ئێك هەلوێست بن لسەر ڤی‮ ‬بڕیارا چارەنڤیس ساز‮.‬

دگەل هەمی‮ ‬ئەو گەفێن لسەر هەرێما كوردستانێ،‮ ‬وەكی‮ ‬بڕیانا بودجێ كوردستانێ ژ لایێ بەغداڤە و شەڕێ سێ ساڵیا داعش،‮ ‬بەلێ پروژەیێ ریفراندۆما سەربەخویێ نەك هەر پاشڤەنەچوو،‮ ‬بەلكی‮ ‬پێنگاڤ ب پێنگاڤ پا بەرەڤ پێش دچیت و سەركردایەتیا سیاسیا كوردستانێ بڕیاردایە كو روژا‮ ‬25ـێ ئەیلوولا ئەڤ ساڵ پڕوسا ریفراندۆم ژبو سەربخو بونا كوردستان بهێتە ئەنجامدان‮. ‬ژ بوو زێدەتر روناهیێ بدەینە سەر ئەڤی‮ ‬بابەتێ گرنگ،‮ ‬روژناما خەبات بفەر زانی‮ ‬د تەوەركێدا را و بووچوونێن چەند بەرێزەكان وەرگریت‮. ‬دڤێ خەلەكێدا رۆژنامەیا خەبات چەند پرسیارەك ئاراستەی‮ ‬مەلا ئیحسان مەلا محمدسلیم رێكانی،‮ ‬سەرۆكێ تایێ دهوك‮ ‬یێ ئێكەتیا زانایێن ئاینێ ئیسلامێ‮ ‬كرن و ب ڤی‮ ‬شێوەی‮ ‬بەرسڤ دا‮:‬

ریفراندوم مافەكێ سرۆشتیێ مللەتێ كوردە

ریفراندوم مافەكی‮ ‬سرۆشتی‮ ‬یه بو هەر مللەتەكی‮ ‬و ژوان بو مللەتێ كورد،‮ ‬چونكە كوردان ب خوینێ سنورێن خۆ دەست نیشانكرن و دێ ب ریفراندومێ دەولەتا كوردی‮ ‬ئیتنە هەبوونێ و هەر كارەك و كریارەك نوكە دژی‮ ‬ڤێ پرۆسیسێ بهێتە ئەنجامدان دێ مەترسیێن مەزن لسەر دۆزا مللەتێ كورد هەبیت‮.‬

ب ئەنجام نەدانا ریفراندومێ مللەتەك دێ هێت كوشتن

دڤێت خەلكێ كوردستانێ هەمی‮ ‬شیانێن خو بدەتە كاری‮ ‬بۆ بەشداری‮ ‬كرنا ریفراندۆمێ،‮ ‬بەلێ ئەز ب هەمی‮ ‬هێزا خۆ دگەل ریفراندوما سەرخوبونا كوردستانێ مە،‮ ‬چونكە مە ب هزاران شەهید داینە دا كو ئەڤرۆ ریفراندوم بهێتەكرن ژبو دیاركرنا چارەنڤیسێ ولاتێ خو،‮ ‬هەلبەت هەر تاكە كوردكوردستانێ‮ ‬یێ زەرەرمەند بووی‮ ‬ب دەستێ دوژمان و هەردەم دوژمنا مافی‮ ‬مە بن پێ كرییە و ژ مە ستاندیە و هەر دەم ئەم خاپاندینە،‮ ‬بلا ڤێ جارێ نەئینە خاپاندن و دهشیار بین‮.‬

بلا خەلكێ كوردستانێ‮ ‬بزانن كەس جارەنڤیسێ مە دیار ناكەت،‮ ‬ئەگەر ئەم بخو دووڤ نەچین

ئەڤرۆ باشترین وەختە كو ب ریفراندومێ ئەم بڕیارا سەربخوبونا خو بدەین،‮ ‬چونكە ئەڤرو جەنابی‮ ‬سەرۆك بارزانی‮ ‬و لایەنێن سیاسیێن كوردستانێ ئەوێن داخازا سەربخو بوونێ دكەن و پێشمەرگەیێ قەهرەمان ب شێوەكێ ئێكجار مەزن ناڤ و قەرهرەمانیا خەلكێ كوردستانێ و ئەو زۆرداریا ل كوردستانیا هاتیە كرن،‮ ‬بوێرانە گەهاندییە هەمی‮ ‬دونیایێ و هەلبەت جهان هەمی‮ ‬پشتگیرێ مافێن میللەتانە دەما میللەتەك ب ریفراندومەكا تەڤایی‮ ‬بڕیارا خو لێ ددەت‮. ‬ئەگەر مللەت داخۆازا جارەنڤیسێ خو نەكەت هیچ وەلاتەك نائێن بەحس و بڕیارێ ل جارەنڤیسێ مە بدەن،‮ ‬داكو پرۆژەیێ دەولەتا كوردستانێ بجه بێت‮.‬

ژلایێ سیادی‮ ‬و‮ ‬یاسایی‮ ‬ڤە دێ ژ دەستێن دۆژمنان رزگار بین

ب ئەنجامدانا ریفراندۆمێ دێ رێك و دەرگەهێن دەولەت بوونێ بوومە ڤەبن و بڤی‮ ‬رەنگی‮ ‬دێ ژلایێ سیادی‮ ‬ژبن دەستێ خوپەرست و دوژمن و خەلكێ بیانی‮ ‬رزگار بین‮. ‬ژلایی‮ ‬سیاسی‮ ‬ڤەژی‮ ‬دەما دبینە دەولەت ئێدی‮ ‬كەس نەشێت ب ساناهی‮ ‬هێرشێ بكەتە سەر ئاخا مە و مە ئەنفال و كیمیاباران كە و خەلكێ مە ژترس و رەڤینێ دی‮ ‬خلاس بیت‮. ‬هەروەسا سەرخوبوون دیسان باشترین رێكە بو نەهێلانا قەیرانێن سیاسی‮ ‬و ئابووری،‮ ‬هەر كەسەك و لایەنەك دێ سنۆر خو زانیت ب تایبەت ئەوێن هەردەم حەز دكەن گەندەڵی‮ ‬و تێكدان و بەرەلایێ پەیدا بكەن‮. ‬ژلایی‮ ‬ئابۆری‮ ‬ڤە سەرخوبوو دێ باشترین رێك بیت ژبو گەشبوونا ئابووری‮ ‬و زێدەبوونا داهاتا كوردستان و خەلكێ كوردستانێ و هەروەسا سەرخوە بوون تاكە رێكە بو چارەسەركرن و‮ ‬بن بنكرنا قەیرانێن ئابۆری‮ ‬ل هەرێما كوردستانی‮.‬

سەربخویی‮ ‬ناهێلیت دووبەركیا ئاینی‮ ‬سەربگریت

مللەتێ كورد‮ ‬یێ بەرنیاسە ب پێكڤە ژیانا ئاینی‮ ‬و ئولی‮ ‬و كومەلایەتی،‮ ‬ئەڤێن هەولا نەهێلان و تێك پێكڤەژیانا خەڵك كوردستانێ ددەن دێ بەرسڤا وان ب تەڤ دەنگ و تەڤگریا سیاسیا لایەن و خەلكێ كوردستانێ دان و دێ مافێ هەر ئاینەك و مەزهەبەك و نەتەویەكێ پاراستی‮ ‬بیت و دێ بیتە باشترین رێك بو رێگری‮ ‬كرن ل وان كەسێن هەردە م كار دكەن بۆ چاندنا دوو بەرەكیێ دناڤبەرا‮ ‬ئاینان و نەتەوێن كوردستانێ‮. ‬ل دووماهیكێ دێ بێژم بەلێ و هزار جارا بەلێ‮ ‬بو ریفراندوما سەربخو بونا كوردستانی‮ ‬و هەر كەسێ بێژیت نەخیر دبێژم ئەو نە كوردەك شەریفە و دڤێت ژ ئاخا كوردستانێ ب دەركەڤیت‮.‬

 
چاپکردن   Share گه‌ڕانه‌وه‌