2017-06-10

هونەرمەندێکی دیار و ناسراوی کورد، ڕای دەگەیەنێت، هەرچەندە تا ئیستا هیچ گۆرانییەکم بۆ سەربەخۆیی کوردستان نەبووە، بەڵام بە دڵ و گیان لەگەڵ پرسی سەربەخۆیی و ئەنجامدانی ڕیفراندۆمم.

حەسەن هەیاس، هونەرمەندی ناسراوی کورد، بە (باسنیوز)ی ڕاگەیاندوه‌  : " پرسی ڕیفراندۆم پرسێکی گشتگیرە و پەیوەستە بە هەموو تاکێکی گەلی کوردەوە، بۆیان هەیە ڕای خۆیان لەسەر ئەو پرسە بە بەڵێ و نەخێر بدەن، هەر بۆیە ناکرێت ئاژاوە دروست بکرێت".

ئەو هونەرمەندە دەشڵێت :" دەیان ساڵە حزب و لایەنە سیاسییەکانی کوردستان خەبات لە پێناوی سەربەخۆیی کوردستان دەکەن، تاکە ئامانجیان ئەوە بووە، کە کورد ڕیفراندۆم بکات و ببتە خاوەنی دەوڵەتی خۆی، لەگەڵ ئەوەشدا سەربەخۆیی ئاواتی باب و باپیرانی ئیمە بووه‌، ئێستاش ئاواتی ئێمەیە، بەڵام هیوادارم نەبێت بە هیوای نەوەکانی داهاتوومان، بەڵکوو ئەوان لە دەوڵەتی کوردستاندا بن".

داواش لە هەمووان دەکات، دەست لە ناو دەست بن و بەرەو پیریی پرسی ڕیفراندم بڕۆن، بە پرسیکی چارەنووس ساز و ئەرکێکی نیشتمانی و ئەخلاقی دەزانێت، جه‌ختیش ده‌كاته‌وه‌، كه‌ نابێت هیج کوردیک خۆی لەو پرسە بدزێتەوە.

لە کۆتاییدا "حسەن هەیاس"، دەڵێت :" ڕێز و سڵاوم بۆ تەواوی ئەو حزبە سیاسییانەی کوردستان هەیە، کە دەستیان لە دەستی یەک ناوە و دڵەڕاوکێی هاووڵاتیانیان تاڕادەیک کەم کردووەتەوە، وا بەرەو پیریی ڕیفراندۆم و سەربەخۆی کوردستان هەنگاو دەنێن".

 
چاپکردن   Share گه‌ڕانه‌وه‌