2017-05-17

بەرپرسی لقی 20ی پارتی دیموکراتیی کوردستان لە شێخان ڕای گەیاند، پارتی کرێکارانی کوردستان (پەکەکە) بە ئەرکێک چووەتە شنگال کە ئەرکێکی کوردایەتی نییە و هەڵکردنی ئاڵای کوردستان قەبوڵ ناکات، بەڵام ئاڵای عێراق قەبوڵ دەکات.

مەحمود ئێزدی ئەوەشی بە (باسنیوز) ڕاگەیاندوه‌  کە پەکەکە لە شنگال ئەجێندایەکی هەرێمی پەیڕەو دەکات و  بووەتە داردەستی داگیرکەران . گوتیشی:  داگیرکەرانی کوردستان دەیانەوێت چیای شنگال بخەنە ژێر کۆنتڕۆڵی خۆیان و بۆ مەرامی خۆیان بەکاری بهێنن، لێرەشدا کوردانی ئێزدی ببنە قوربانی .

ئەو بەرپرسەی پارتی جەختی لەوە کردەوە کە پەکەکە و حەشدی شەعبی کار بۆ ئەوە دەکەن کە ڕیفراندۆم بۆ سەربەخۆیی کوردستان لە شنگال نەکرێت. گوتیشی:  پڕۆژەی پەکەکە و حەشدی شەعبی لە شنگال سەرناگرێت، ئێستا سنووری هەرێمی کوردستان دەستنیشان کراوە و شنگالیش لەنێو ئەو سنوورەدایە، دەبێت شنگال لەسەر پارێزگای نەینەوا نەمێنێت و بۆ سەر هەرێمی کوردستان بگەڕێتەوە .

 
چاپکردن   Share گه‌ڕانه‌وه‌