2017-05-13

خه‌بات: ‬سەرهەنگ نەجمەدین

ئەم وەرزە‮ ‬یانەی‮ ‬پێشمەرگەی‮ ‬هەولێر و بەهەوڵ وهیمەتی‮ ‬یاریزانان و راهێنەر و پاڵپشتی‮ ‬دەستەی‮ ‬كارگێری‮ ‬یانەكە توانیان پلەی‮ ‬یەكەم و ناسناوی‮ ‬وی‮ ‬خولی‮ ‬نایابی‮ ‬پێشمەرگەی‮ ‬كوردستان بەشایستەیی‮ ‬بەدەست بهێنێت و ببێتە پاڵەوانی‮ ‬وەرزی‮ ‬2016-2017? كاپتن عیماد ئەسعەد‮ ‬یاریزانی‮ ‬پێشمەرگەی‮ ‬هەولێر لەدیمانەیەكی‮ ‬تایبەتدا لەبارەی‮ ‬چۆنیەتی‮ ‬بەدەستهێنانی‮ ‬پلەی‮ ‬یەكەمی‮ ‬خولی‮ ‬نایابی‮ ‬كوردستان ئەو بۆ خەبات بەوشێوەیە گوتی‮: ‬بێگومان ئەو دەستكەوتە گرینگە بەهەوڵی‮ ‬هەموولایەك بوو بەگشتی‮ ‬،‮ ‬بەتایبەتی‮ ‬پێش هەمووان پشتگیری‮ ‬بەردەوامی‮ ‬سەرۆكی‮ ‬یانەكە كاك جەمال شێروانی‮ ‬كەناوبراو‮ ‬یەكێك بوو لەوانەی‮ ‬لەسەردەستی‮ ‬ئەو ئەم دەستكەوتە گەورەیە بەدەست هاتووە،‮ ‬جگە لەمەیەش سەرجەم‮ ‬یاریزانان و ستافی‮ ‬دەستەی‮ ‬راهێنەران هەمووان بەشداربوون لەم دەستكەوتە‮ ‬گرینگ و مێژووییە كەهەمیشە شانازی‮ ‬پێ دەكەین،‮ ‬چونكە خولەكە بەناوی‮ ‬خولی‮ ‬نایابی‮ ‬پێشمەرگەی‮ ‬كوردستان ناوزەد كرا كەئەو ناوەش ناوی‮ ‬پیرۆزی‮ ‬پێشمەرگەی‮ ‬كوردستانی‮ ‬لەخۆگرتبوو،‮ ‬سەرەرای‮ ‬ئەمەیش‮ ‬بۆماوەی‮ ‬13 ساڵ دەبێت بەو ناسناوە نەگەیشت بووین و خۆشبەختانە ئەمجارەیان توانیمان بگەینە هیواو ئامانجی‮ ‬خۆمان كەئەویش بردنەوەی‮ ‬ناسناوەكە‮ ‬و پلەی‮ ‬یەكەمی‮ ‬خولەكە بوو‮.‬

لەبارەی‮ ‬دەنگۆی‮ ‬ڕویشتنی‮ ‬لەیانەكە و وازهێنانی‮ ‬لەیاری‮ ‬تۆپی‮ ‬پێ‮ ‬یاریزان عیماد ئەسعەد بەزەردەخەنەیەكەوە وەڵامی‮ ‬داینەوە و گوتی‮: ‬پێشتر بەڵێنم بەكاك جەمال شێروانی‮ ‬سەرۆكی‮ ‬یانەكە دابوو كەدەبێت بەدەست و پەنجەی‮ ‬خۆم جامی‮ ‬خولی‮ ‬نایابی‮ ‬كوردستان ئەم وەرزە بەرزبكەمەوە،‮ ‬سوپاس بۆخودا ئەو ئاواتەم هاتە دی،‮ ‬بەڵام لەبارەی‮ ‬ڕۆیشتم بۆ‮ ‬یانەیەكی‮ ‬دیكە‮ ‬ئەمەیان مەحاڵە و تاماوم هەر لەم‮ ‬یانەیە دەمێنمەوە‮ ‬،‮ ‬ئەگەر واز لەیاریكردنیش بهێنم بێگومان هەر لەم‮ ‬یانەیە دەمێنمەوە بۆ خزمەتكردنیان بەشێوەیەكی‮ ‬بەردەوام تالەتوانام دابێت‮.‬

ئەو‮ ‬یاریزانە لەدرێژەی‮ ‬قسەكانیدا زیاتر گوتی‮: ‬دوای‮ ‬دەستەبەركردنی‮ ‬نازناوی‮ ‬خولی‮ ‬نایابی‮ ‬كوردستان،‮ ‬بەسوپاسەوە رێزدار كاك مەنسور بارزانی‮ ‬خەڵاتی‮ ‬تیپەكەمانی‮ ‬كرد،‮ ‬هەروەها بۆ هەمان مەبەست‮ ‬سوپاسی‮ ‬دكتۆر شاكر سمۆ بەرێوەبەری‮ ‬گشتی‮ ‬وەرزش دەكەین كەئەمەیش لەلای‮ ‬خۆیەوە خەڵاتی‮ ‬تیپەكەمانی‮ ‬كرد‮.‬

دواجار عیماد ئەسعەد لەبارەی‮ ‬وەڕگرتنی‮ ‬ژمارەی‮ ‬كارتی‮ ‬زەردو سوور لەم وەرزەی‮ ‬خولی‮ ‬نایابی‮ ‬كوردستان‮ ‬،‮ ‬هەروەها ژمارەی‮ ‬ئەو گۆڵانەی‮ ‬لەم وەرزەدا‮ ‬بەرانبەر‮ ‬یانەكان تۆماری‮ ‬كردووە ئەو بۆ ئەم پرسەیش گوتی‮: ‬بۆ ماوەی‮ ‬13 ساڵ دەبێت هیچ كارتی‮ ‬سوورم وەڕنەگرتووە‮ ‬،‮ ‬بەڵام ئەم وەرزە تەنها دوو كارتی‮ ‬زەرد بەرووم بەرزكراوەتەوە لەخولەكەدا،‮ ‬هەروەها دوو گۆڵیشم تۆمار كردووە‮.‬

 
چاپکردن   Share گه‌ڕانه‌وه‌