2017-05-09

خه‌بات: هاوار مورتكەیی

كاتێك لەگەڵ هاوكارم ئەردەلان ئاژگەیی‮ ‬سەردانی‮ ‬یاریگای‮ ‬كامپ نو‮ ‬مان كرد، تیپێكی‮ ‬رێكمان بینی‮ ‬بەنێو‮ ‬یاریگادا دەسوڕانەوە و ژمارەیان زیاتر لە‮ ‬20 ‮ ‬منداڵ دەبوو كە تەمەنیان لە نێوان‮ ‬10 تا‮ ‬15 ‮ ‬ساڵیدا بوو، كاتێك لەوێ پرسیمان ئەوانە كێنە و بۆچی‮ ‬هاتوونەتە ئێرە؟ گەیشتینە ئەو وەڵامە كە ئەوانە ئەكادیمیای‮ ‬یانەی‮ ‬بەرشلۆنەن‮.‬

ئەكادیمیای‮ ‬یانەی‮ ‬بەرشلۆنە رۆژانە لەسەر دەستی‮ ‬چەند شارەزایەكی‮ ‬ئەو‮ ‬یانەیە، مەشق و راهێنانی‮ ‬جۆراوجۆر ئەنجام دەدەن، بەتایبەتیش فێربوون و چۆنێتی‮ ‬كۆنتڕۆڵ كردنی‮ ‬تۆپ، هەروەها لێدان و مراوەغە كردن، لەپاڵ ئەو مەشقە بەردەوامەش، چەند كاتێكی‮ ‬دیكەیان بۆ تەرخان كراوە وەك سەردانی‮ ‬كردنی‮ ‬شوێنە گەشتیارییەكان و شاری‮ ‬یاری‮ ‬و تەنانەت‮ ‬یاریكردنی‮ ‬گۆلفیش لەنێو ئەو پرۆگرامەی‮ ‬ئەكادیمیاكەدا هەیە، هەموو ئەمانەش بۆ رەخساندنی‮ ‬ژینگەیەكی‮ ‬لەبار كە منداڵ لەو تەمەنەدا زیاتر خۆی‮ ‬بداتە بەر و بەرێكی‮ ‬پابەندی‮ ‬مەشق و راهێنانەكان بێت‮.‬

ئەو ئەكادیمیایە پرۆگرامێكی‮ ‬تێروتەسەلیان هەیە و بەشێوەیەكی‮ ‬زانستیانە پەیڕەوی‮ ‬دەكەن و ئەمە جگە لەوەی‮ ‬لەوەش رادەهێنرێن كە پێویستە رەوشتی‮ ‬ناو‮ ‬یاریگا رەوشتێكی‮ ‬وەرزشیانە بێت، كاتێك ئەو تیپەی‮ ‬ئەكادیمیای‮ ‬بەرشلۆنە لە نزیكەوە دەبینی، هەموو ئەو سیفەتانەیان لێ دەبینی‮ ‬و لە روخساریاندا داهاتوویەكی‮ ‬گەش بەدی‮ ‬دەكەی، ئەو رۆژەش ئەو تیپە دوای‮ ‬ئامادەبوونیان لە‮ ‬یەكێ لە مەشقەكانی‮ ‬تیپی‮ ‬یەكەمی‮ ‬یانەی‮ ‬بەرشلۆنە، سەردانی‮ ‬یاریگای‮ ‬كامپ نوویان كرد و لەویش چەند زانیارییەكی‮ ‬بەسوودیان پێ دەگوتراوە، بەردەوامیش ئامادەی‮ ‬یارییەكانی‮ ‬بەرشلۆنە دەبن لەو‮ ‬یاریگایەدا‮.‬

‮‬جێ باسەژمارەیەك ئەستێرەی‮ ‬دیاری‮ ‬ئەمڕۆی‮ ‬یانەی‮ ‬بەرشلۆنە لەو ئەكادیمیایەدا پێگەیشتوون و دەرچووی‮ ‬ئەم ئەكادیمیایەن لە نێویاندا لیۆ مێسی،‮ ‬ساڵانەش‮ ‬یانەی‮ ‬بەرشلۆنە لەگەڵ كۆتایی‮ ‬هاتنی‮ ‬وەرزی‮ ‬لالیگا، دەرگای‮ ‬ئەو ئەكادیمیایە بەڕووی‮ ‬ئەو منداڵانەدا دەكاتەوە كە نیازی‮ ‬ناو تۆماركردنیان هەیە و پاشان لەرێگای‮ ‬لیژنەیەكی‮ ‬پسپۆرییەوە ئاستیان هەڵدەسەنگێنرێت و ژمارەیەكیان لێ هەڵدەبژێرن‮.‬

 
چاپکردن   Share گه‌ڕانه‌وه‌