2017-05-07

خه‌بات: هاوار مورتكەیی

لە هەنگاوێكی‮ ‬تازەدا‮ ‬یەكێتی‮ ‬شەترەنجی‮ ‬ئەورووپا‮ ‬یەكەمین پاڵەوانێتی‮ ‬شەترەنجی‮ ‬قوتابخانەكان لە حوزەیرانی‮ ‬داهاتوو لە مۆنتینیگرۆی‮ ‬پایتەختی‮ ‬جەبەل ئەسوەد ئەنجام دەدات،‮ ‬بۆ ئەم مەبەستەش‮ ‬یەكێتی‮ ‬شەترەنجی‮ ‬ئەورووپا داوەتنامەیەكی‮ ‬ئاراستەی‮ ‬یەكێتییە شەترەنجەكانی‮ ‬ئەورووپا كرد كە بەشداری‮ ‬لەو پاڵەوانێتییەدا بكەن كە بەتایبەت بۆ ئەو قوتابخانانە رێك دەخرێت كە وانەی‮ ‬شەترەنجیان تیادا دەخوێندرێت‮.‬

ئەم هەنگاوەی‮ ‬یەكێتی‮ ‬شەترەنجی‮ ‬ئەورووپاش لەپەراوێزی‮ ‬ئەو پرۆگرامانەوە دێت كە چەند ساڵێكە وڵاتانی‮ ‬ئەورووپا بە خستنە وانەی‮ ‬شەترەنجی‮ ‬بۆ نێو پرۆگرامەكانی‮ ‬خوێندنەوە و تا ئێستاش لە زۆربەی‮ ‬وڵاتانی‮ ‬ئەورووپا شەترەنج وەك وانەیەكی‮ ‬سەرەكی‮ ‬و بەبایەخەوە دەخوێندرێت‮.‬

بۆ زیاتر سەرخستنی‮ ‬ئەم پاڵەوانێتییەش،‮ ‬یەكێتی‮ ‬شەترەنجی‮ ‬ئەورووپا هەوڵ دەدات لەپەراوێزی‮ ‬پاڵەوانێتی‮ ‬شەترەنجی‮ ‬لاوانی‮ ‬ئەورووپا ئەم پاڵەوانێتییە رێك بخات،‮ ‬لە پاڵ ئەمەش لەنێو پرۆگرامی‮ ‬پالەوانیتییەكە چەند گەشتێك بۆ قوتابیانی‮ ‬بەشداربوو رێك دەخرێت و چەندین بەرنامەی‮ ‬جۆراوجۆر و هەمەرەنگیان بۆ داندراوە،‮ ‬ئەمەش بۆ زیاتر پشتگیری‮ ‬قوتابیانی‮ ‬شەترەنجە لە بەشداریكردنیان‮.‬

جێی‮ ‬باسە لە هەفتەی‮ ‬رابردووش بۆ‮ ‬یەكەمین جار لە هەرێمی‮ ‬كوردستان وەرزشی‮ ‬شەترەنج خرایە نێوپرۆگرامی‮ ‬كۆڵێژی‮ ‬پەروەردەی‮ ‬وەرزشەوە،‮ ‬كە بەهەوڵ و كۆششی‮ ‬یانەی‮ ‬شەترەنجی‮ ‬خانزاد و پەیمانگای‮ ‬كاپابلانكا و سەرۆكی‮ ‬زانكۆی‮ ‬سەلاحەدین و حوسێن سەعدی‮ ‬راگری‮ ‬كۆلێژی‮ ‬پەروەردەی‮ ‬وەرزشی‮ ‬و جوتیار عەلی‮ ‬لە رێورەسمیكدا توانرا ئەم پرۆسەیە بە كردەیی‮ ‬جێبەجی‮ ‬بكریت‮.‬

 
چاپکردن   Share گه‌ڕانه‌وه‌