2017-05-07

خه‌بات‮: ‬هەمزە سەرحان

فرمێسك مستەفا ژنە شانۆكاری‮ ‬كورد لە شانۆگەرییەكی‮ ‬نوێدا بەناوی‮ ( ‬ئێستاش لەم تەمەنەمدا بەنهێنی‮ ‬جگەرە دەكێشم‮ ) ‬كە بە زمانی‮ ‬ئەڵمانی‮ ‬نواندن دەكات،‮ ‬لەبارەی‮ ‬شانۆگەرییەكە لە دیمانەیەكدا لەگەڵ‮ ‬ڕۆژنامەی‮ (‬خەبات‮) ‬گوتی‮:‬ دەقی‮ ‬شانۆنامەكە بە فەڕەنسی‮ ‬نووسراوە،‮ ‬لە لایەن نووسەری‮ ‬جەزائیری‮ ‬رەیحانە،‮ ‬بۆ‮ ‬یەكەم جارە لەسەر سەكۆی‮ ‬ئەڵمانی‮ ‬بە زمانی‮ ‬ئەڵمانی‮ ‬پێشكەش دەكرێت،‮ ‬كەچەندین بابەتی‮ ‬كۆمەڵگەی‮ ‬جەزائیری‮ ‬لە خۆ دەگرێت،‮ ‬لە كاتێكدا لەدەرەوەی‮ ‬بازنەی‮ ‬كلتوری‮ ‬خۆیانن چۆن رەفتار دەكەن و بەرەو كوێ دەچن‮ ‬بۆ نمونە لە وڵاتێكی‮ ‬وەك فەڕەنسا،‮ ‬دایكی‮ ‬كوڕێكی‮ ‬جەزائیری‮ ‬دەگەڕێتەوە بۆ جەزائیر لە حەمامێكدا بۆ ژنێك دەگەڕێت بۆ كوڕەكەی‮ ‬كە نەخوێنەوار بێت و زۆر گەنج بێت و لەچك لەسەر بێت‮، ‬بتوانێت تەنیا كابانی‮ ‬ماڵ بێ و لە ژێر دەسەڵاتی‮ ‬كوڕەكەیدا بژیت‮.

‬هەروەها باس لە پەیوەندیی‮ ‬ژن دەكات بە كۆمەڵگە و خێزان و‮ ‬ئایین و دابونەریتەكانییەوە‮، ئەمانە هەمووی‮ ‬لە حەمامێكی‮ ‬ژناندا روودەدەن و لە كۆتاییدا چۆن ژنان خۆیان دەبنە پشتوپەنا و هاوكار و هاریكاری‮ ‬یەكتر دەكەن،‮ ‬لەوێوە شۆڕشێك بەرپا دەبێت‮.‬

ئەو ئاماژە بۆ ئەوەش دەكات كە ئەم شانۆنامەیە كراوەتە فیلم و لەلایەن نووسەر خۆیەوە كاری‮ ‬دەرهێنانی‮ ‬بۆ كراوە‮، ‬تا ئێستاكە لە دوو فستیڤاڵدا خەڵاتی‮ ‬باشترین فیلمی‮ ‬وەرگرتووە،‮ ‬یەكێك لەو فستیڤاڵانە‮ ( ‬فستیڤاڵی‮ ‬فیلمی‮ ‬بەرهەمی‮ ‬ژنان لە سینەمادا،‮ ‬لە میلانیۆ‮) ‬هەروەها لە فستیڤاڵی‮ ‬فیلمی‮ ‬عەرەبی‮ ‬لە‮ "‬شرم الشیخ‮" ‬سەبارەت بە دەرهێنەری‮ ‬شانۆكەش دەڵێت‮: ‬دەرهێنانی،‮ ‬دەرهێنەر و بەڕێوەبەری‮ ‬شانۆی‮ ‬تری‮ ‬بوونە لە شتوتگارت بوو‮. ‬یەكێكە لە دەرهێنەرە بەناوبانگەكانی‮ ‬ئەڵمانیا كە مێژوویەكی‮ ‬41‮ ‬ساڵەی‮ ‬هەیە لە نواندن و دەرهێنان و بەڕێوەبردنی‮ ‬ماڵێكی‮ ‬شانۆیی،‮ ‬كە‮ ( ‬ئێدت كۆربەر‮) ‬ی‮ ‬ناوە‮.‬

دواتر لەسەركارەكتەرەكانی‮ ‬شانۆگەرییەكە گوتی‮: ‬كەسایەتییەكان بریتین لە هەشت ژن،‮ ‬هەر كەسە و خولیا و خەم و ئەزموونی‮ ‬خۆی‮ ‬هەیە بە پێی‮ ‬تەمەن و پلەی‮ ‬خوێندەواری‮ ‬و پەروەردەی‮ ‬ناو خێزانەكەی‮ ‬كە هەموویان كەسایەتی‮ ‬جیاوازن و لە ناكاودا لە ناو ئەو حەمامەدا كۆدەبنەوە‮، ‬و لە كۆتاییدا پێكەوە وەك ژن دەبنە‮ ‬یەك دەست و‮ ‬یەك بیرو بۆ چوون تا كەسایەتی‮ ‬مریەم كە كچێكی‮ ‬16‮ ‬ساڵانەیە و براكەی‮ ‬لە فەڕەنسەوە دەگەڕێتەوە تا بیكوژێت و لە حەمامەكەدا ناترەكە شاردوویەتییەوە‮.

‬لێرەدا پێم خۆشە هەڵوەستەیەك بكەم،‮ ‬من وەك‮ ( ‬فرمێسك‮ ) ‬فێری‮ ‬پشتیوانی‮ ‬و پشتگیریم تێدا بەهێز بوو لە كاركردنم لەو تێكستەدا‮. ‬نەك هەر من بەڵكو هەموو ئەكتەرە ژنەكان ئەو هەستەیان هەیە ئەمەش سیحری‮ ‬شانۆیە‮. ‬كاتێك بۆ ژیان وانەیەكی‮ ‬گەورەیە سەبارەت بە‮ ‬ڕۆڵی‮ ‬خۆی‮ ‬لە كارەكەدا ئاماژەی‮ ‬بەوەدا‮:‬

رۆڵی‮ ‬من‮ (عایشە‮)یه‌ ‬ژنێكی‮ ‬بەتەمەنی‮ ‬بەناوبانگی‮ ‬ناوچەكەیە،‮ ‬باوكی‮ ‬ئیمامێكی‮ ‬گەورەیە و خۆی‮ ‬مامانی‮ ‬ناوچەكەیە‮، ‬لە ناوچەكەیشدا بە ژنێكی‮ ‬توند و توڕە ناسراوە‮، ‬ئەو ژیانی‮ ‬مریەم و كۆرپەكەی‮ ‬رزگار دەكات‮، ‬لەهەمان كاتدا خەسووی‮ ‬یەكێك لە كارەكتەرەكانە،‮ ‬كە ژنێكی‮ ‬لاوە خاوەن بڕوانامەی‮ ‬زانكۆیە و وازی‮ ‬لە كوڕەكەی‮ ‬هێناوە‮. ‬لە وێدا بەریەكتر دەكەونەوە‮. ‬

دواتر سەبارەت بە نواندنی‮ ‬خۆی‮ ‬بەزمانی‮ ‬ئەڵمانی‮ ‬لێمان پرسی‮ ‬تاچەند بۆ تۆ ئاستەنگی‮ ‬دروست كردبوو؟

لەم شانۆ نامەیەدا بە زمانی‮ ‬عەرەبی‮ ‬و ئەڵمانی‮ ‬نواندن دەكەم‮. ‬بێگومان بۆ من زەحمەت بوو،‮ ‬چونكە من ماوەی‮ ‬شەش ساڵێكە گەڕاومەتەوە كوردستان و هەر بە سەردانی‮ ‬كورت كورت دەگەڕامەوە لای‮ ‬خێزانەكەم‮.

‬بێ لەوە زمانی‮ ‬شانۆ زمانێكی‮ ‬زۆر بەرز و گرانە‮. ‬بەڵام لە كۆتاییدا توانیم وەك ئەڵمانیەك‮ ‬نواندنەكەم بكەم‮.. ‬ئەویش بە كۆششێكی‮ ‬شەو و‮ ‬ڕۆژانەم‮.  ‬هەروەها بە هاوكاری‮ ‬دەرهێنەرەكەم و‮ ‬یەكێك لە ئەكتەرەكان كە چەند رۆژێك پێش راهێنان نیوسەعاتێك لەسەر رستەكان كاری‮ ‬لەگەڵ دەكردم‮.‬

‬سەبارەت بە پڕۆژەی‮ ‬داهاتووی‮ ‬گووتی‮: پرۆژەی‮ ‬داهاتووم‮ ‬،‮ ‬كارێكی‮ ‬شانۆنامەی‮ ‬پەروەردەییە بۆ‮ ‬منداڵان و گەنجان،‮ ‬لەهەمان كاتدا بۆ گەورەكانیشە‮. ‬لەهەمان ماڵی‮ ‬شانۆیی‮ ‬و هەمان دەرهێنەر كە ماوەی‮ ‬هەفتەیەكە لە مەشق و راهێنانداین‮، ‬بەزمانی‮ ‬ئەڵمانییە و چەند رۆڵێكم هەیە،‮ ‬وەك مامۆستا‮ ‬،‮ ‬دوو دایك‮ ‬،‮ ‬یەكێكیان كوردی‮ ‬باكوورە و ئەوی‮ ‬دیكەیان دایكێكی‮ ‬ئەڵمانیە‮، ‬هەروەها حیكایەت خوان‮، ‬مانگی‮ ‬داهاتوو،‮ ‬لە‮ ‬82-5‮ ‬نمایش دەكرێت بۆ ساڵێك‮ ‬وشانۆییەكەی‮ ‬دیكەشم كە‮ ‬لە مانگی‮ ‬11‮ ‬وە لە نمایشداین تا ئێستاكە‮ ‬و بۆ دوو ساڵ بەردەوام دەبێت‮..   ‬

‮ ‬دواجار فرمێسك ئاماژە بەوە دەكات‮: ‬دڵم بەم ئەزموونە زۆر خۆشە،‮ ‬وەك ژنێكی‮ ‬كورد،‮ ‬لەسەر سەكۆیەكی‮ ‬ئەڵمانی‮ ‬بە زمانی‮ ‬عەرەبی‮ ‬و كوردی‮ ‬و ئەڵمانی‮ ‬نواندن دەكەم‮. ‬هەروەها‮ ‬لە‮ ‬ڕووی‮ ‬پرۆفیشناڵیەت و پیشەیی‮ ‬بوونەوە،‮ ‬بۆ‮ ‬یەكەمجارە كارێكی‮ ‬لەوجۆرە بكەم‮. ‬بێ لەوە كەڵەكەكردنی‮ ‬ئەزموونێكی‮ ‬دەوڵەمەندە بۆم وەك شانۆكار‮.‬

 
چاپکردن   Share گه‌ڕانه‌وه‌