2017-05-06

خەبات-سەنگەر حوسێن‮

لە رۆژی‮ ‬ 25‮/‬4‮/‬2017‮ ‬پرۆژەیەكی‮ ‬گرنگی‮ ‬ناساندنی‮ ‬هەرێمی‮ ‬كوردستان بە گەشتیارانی‮ ‬جیهان دەستیپێكرد،‮ ‬ئەویش بە هاتنی‮ ‬شاندێكی‮ ‬ماتۆرسوارانی‮ ‬جیهان بوو بۆ شاری‮ ‬هەولێر،‮ ‬كە پرۆژەیەكی‮ ‬گەڕان بە جیهانیان هەیە و دەیانەوێ كوردستانیش بخەنە خشتەی‮ ‬ئەو وڵاتانەی‮ ‬بە ماتۆرسكیل تێیدا دەسووڕێنەوە‮.‬

ئەم پرۆژەیە كە خاوەنەكەی‮ ‬ئەكتەری‮ ‬ناسراوی‮ ‬بەڕیتانی‮ ‬چاڕلی‮ ‬بۆرمانە،‮ ‬هەریەكە لە بیلی‮ ‬وارد،‮ ‬كەی‮ ‬بەهار،‮ ‬كلاودیۆ ڤۆن پڵانتە و میران دزەیی‮ ‬نوێنەرایەتی‮ ‬دەكەن،‮ ‬ئامانجیانە لە ماوەی‮ ‬10 رۆژدا گەڕانێك بە نێو شارەكانی‮ ‬كوردستان بكەن و زۆرترین وێنەی‮ ‬شوێنە گەشتیارییەكان بگرن‮. ‬ئەم بەرنامەیە زۆربەی‮ ‬وڵاتانی‮ ‬ئەفریقیا و ئەمەریكا گەڕاون و خەریكی‮ ‬ئامادەكردنی‮ ‬پلانێكن بۆ ئەوەی‮ ‬هەرێمی‮ ‬كوردستانیش بخەنە سەر هێڵی‮ ‬گەشتی‮ ‬ماتۆڕسكیلانی‮ ‬دونیا و لە كاتی‮ ‬گەشتەكانیاندا سەردانی‮ ‬شارەكانی‮ ‬كوردستانیش بكەن‮.‬

لەبارەی‮ ‬ئەم پرۆژەیەوە،‮ ‬دەرهێنەری‮ ‬كورد كەی‮ ‬بەهار كە هاوكاری‮ ‬سەرەكی‮ ‬تیمەكەیە،‮ ‬لە لێدوانێكی‮ ‬تایبەت بە‮ (‬خەبات‮) ‬گوتی‮: ‬ئامانجی‮ ‬سەرەكی‮ ‬ئەم پرۆژەیە ناساندنی‮ ‬هەرێمی‮ ‬كوردستانە بە گەشتیارانی‮ ‬جیهان،‮ ‬هەرچەندە ئەمان بە ماتۆرسكیل بە كوردستان دەسووڕێنەوە،‮ ‬بەڵام ئێمە دەیكەینە فیلمێكی‮ ‬دیكۆمێنتەری،‮ ‬بۆ ئەوەی‮ ‬روویەكی‮ ‬دیكەی‮ ‬وڵاتەكەمان بە خەڵكی‮ ‬جیهان نیشان بدەین‮.‬

گوتیشی‮: ‬پرۆژەكە گشت شارەكانی‮ ‬كوردستان دەگرێتەوەو ماوەی‮ ‬10 رۆژ دەخایەنێت،‮ ‬هەر لە شاری‮ ‬هەولێرەوە تا ئاكرێ و دهۆك و سۆران و رەواندوزو دۆكان و سلێمانی‮ ‬و هەلەبجەو قەرەداغ‮ ‬دواتر بۆ ئاغجەلەر و گۆپتەپە و كۆیە،‮ ‬هەروەها شەوێك لەگەڵ پێشمەرگە لەبەرەكانی‮ ‬جەنگ دەمێنینەوە‮.‬

كەی‮ ‬بەهار زیاتر باس لە پرۆژەكە دەكات و دەڵێت‮: ‬ئەو تیمە گەشت بۆ زۆربەی‮ ‬شوێنەكانی‮ ‬جیهان دەكەن،‮ ‬ماوەیەكە لەگەڵیان خەریكم بۆ ئەوەی‮ ‬باوەڕیان پێ بهێنم كوردستانیش ئەم گەشتە بگرێتەوەو بیخەنە نێو بەرنامەكەیانەوە‮.‬

سەبارەت بە پشتیوانی‮ ‬لە تیمەكە،‮ ‬كەی‮ ‬بەهار گوتی‮: ‬سوپاسێكی‮ ‬بێ پایانم بۆ بەرپرسانی‮ ‬حكوومەتی‮ ‬هەرێم،‮ ‬بەتایبەتی‮ ‬نەوزاد هادی‮ ‬پارێزگاری‮ ‬هەولێر و بەرێز ئیبراهیم شێخەلڵا قائیمقامی‮ ‬دەشتی‮ ‬هەولێر هەیە،‮ ‬كە هاوكاریی‮ ‬و كارئاسانیان بۆ تیمەكە كردووە ئەویش بە دابین كردنی‮ ‬دوو ماتۆرسكیلی‮ ‬هاتووچۆی‮ ‬هەولێر كە بۆ گەڕانی‮ ‬شارەكانی‮ ‬كوردستان بەكاری‮ ‬دەهێنن تەنها بۆ پشكنینی‮ ‬ناوچەكان،‮ ‬ئەوەش پاڵپشتییەكی‮ ‬بەهێزە بۆ ئەوان،‮ ‬چونكە لە هیچ شوێنێكی‮ ‬جیهاندا بەمجۆرە پاڵپشتی‮ ‬نەكراون،‮ ‬لەدوارۆژدا كە گەشتەكە دەكەن،‮ ‬كۆمپانیای‮ ‬جیهانی‮ ‬وەكوو‮ ‬BMW ‮ ‬و هونداو كۆمپانیا زەبەلاحەكان سپۆنسەری‮ ‬پرۆژەكە دەكەن و ماتۆرسكیلەكان دابین دەكەن‮.‬

سەبارەت بە وەرگرتنی‮ ‬كوردستان لە پرۆژەكە،‮ ‬كەی‮ ‬بەهار گوتی‮: ‬بریار لەدەست ئەو تیمەیە كە قەناعەت بە بەرنامەكە بهێنن بێنە كوردستان،‮ ‬هەر ئەوانیش بڕیار دەدەن بێنە چ بەشێكی‮ ‬كوردستان،‮ ‬بەش بەحاڵی‮ ‬خۆم گەشبینم كە لە كۆتایی‮ ‬بەرنامەكەدا بڵێن بەڵێ كوردستان شایانی‮ ‬ئەوەیە بیهێننە ناو بەرنامەكەو گەشتیارانی‮ ‬جیهانی‮ ‬بێن بە ماتۆڕسكیل گەشتی‮ ‬كوردستان بكەن‮.‬

بیلی‮ ‬وارد كە بەرەگەز خەڵكی‮ ‬بەریتانیایە،‮ ‬سەبارەت بە گەشتەكە، بۆ‮(خەبات‮) ‬دواو و گوتی‮: ‬ئێمە ئەم جۆرە گەشتانەمان بۆ زۆربەی‮ ‬كیشوەرەكانی‮ ‬جیهان كردووە،‮ ‬دەتوانم بە دڵنیاییەوە بڵێم كە كوردستان‮ ‬یەكێكە لە نازدارترین و خۆشترین و جوانترین و باشترین میوانداریكردن و بە زەردەخەنەترین ناوچەی‮ ‬جیهانە كە من تا ئێستا سەردانم كردبێت،‮ ‬هەستێكی‮ ‬زۆر سەیرم لا دروست بوو كە بە شێوەیەكی‮ ‬هاورێیەتی‮ ‬پێشوازیمان لێكرابێت،‮ ‬بۆ نموونە،‮ ‬لە زۆربەی‮ ‬وڵاتان كە دەچیتە ناو بازاڕەكەیان خەڵكەكە ئەوەندە رووخۆش نین،‮ ‬یان هەوڵدەدەن قۆڵت ببڕن،‮ ‬كەچی‮ ‬چوومە نێو بازاڕی‮ ‬گەورەی‮ ‬شاری‮ ‬هەولێر بەشێوەیەكی‮ ‬زۆر جوان پێشوازییان لێكردین و زۆر شادم كە هاتوومەتە ئێرە،‮ ‬بەراستی‮ ‬جێی‮ ‬سەرسووڕمانە‮.‬

لە وەڵامی‮ ‬پرسیاری‮ ‬ئەوەی‮ ‬كە ئایا جارێكی‮ ‬دیكە حەز دەكات دووبارە سەردانی‮ ‬كوردستان بكاتەوە،‮ ‬بیلی‮ ‬وارد گوتی‮: ‬بە دڵنیاییەوە حەز دەكەم،‮ ‬بیرۆكەكەشمان بۆ ئەوەیە تا قەناعەت بە خەڵكی‮ ‬دیكەی‮ ‬بیانیش بهێنین بۆ گەشت سەردانی‮ ‬كوردستان بكەن‮.‬

سەبارەت بەو پاڵپشتییەی‮ ‬لەلایەن بەرپرسانەوە لە پرۆژەكە دەكرێت،‮ ‬بێلی‮ ‬گوتی‮: ‬بەدڵنیاییەوە هەر لەسەرەتاوە پشتگیرییەكی‮ ‬زۆرباش كراین،‮ ‬ئەمەش دەبێتە هۆی‮ ‬ئەوەی‮ ‬زیاتر باوەڕمان بەخۆمان هەبێت كە گەشتیارانی‮ ‬بیانی‮ ‬تێبگەیەنین كە شایەنی‮ ‬ئەوەیە بێنە كوردستان،‮ ‬ئەو پێشوازییەی‮ ‬لە ئێمە كرا زۆر گەرم بوو،‮ ‬ئەوە زیاتر بۆ ئێمە دەسەلمێنێت كە بۆ هاولاتیانی‮ ‬بیانی‮ ‬لە دەرەوە روون بكەینەوە كە لە كوردستان ئارامییەكی‮ ‬تەواو هەیە و شەڕو كوشتار نییە،‮ ‬بە پێچەوانەوە شوێنێكە میوانداری‮ ‬زۆر دەكرێت،‮ ‬لەهەمووشی‮ ‬جوانتر ئەوەیە كە پێكەوەژیانێكی‮ ‬جوانی‮ ‬نێوان پێكهاتەكانی‮ ‬تێدا هەیە،‮ ‬خەڵكی‮ ‬جیاواز هەیەو خەڵكی‮ ‬ئاوارە بە ئارامی‮ ‬ژیان دەگوزەرێنێ،‮ ‬بۆ نموونە لەبەردەم‮ ‬یەكێك لە دوكانەكانی‮ ‬قەڵای‮ ‬هەولێر وێنەو تابلۆی‮ ‬جیاوازم لە تەنیشت‮ ‬یەكتر بینی‮ ‬كە هەریەكەو باس لە ئایینێك دەكات،‮ ‬ئەمەش شتێكی‮ ‬زۆر شارستانی‮ ‬و جوانە‮.‬

 
چاپکردن   Share گه‌ڕانه‌وه‌