2017-05-06

خەبات‮: ‬سەفەر‮ ‬یوسف میرخان ژاژوكی

رابەری‮ ‬روحی‮ ‬نەتەوەیی‮ ‬كورد بارزانی‮ ‬نەمر و هەڤاڵانی‮ ‬لە دوایی‮ ‬بەرگری‮ ‬قارەمانانەیان لە كۆماری‮ ‬كوردستان لە مەهاباد،‮ ‬پاشان بارزانی‮ ‬نەمر بە خۆی‮ ‬و‮ ‬500 ‮ ‬كەس لە هەڤاڵانی‮ ‬18-6-1947 توانییان خۆیان لە رووباری‮ ‬ئاراس پەڕینەوە،‮ ‬بۆ درێژەدان بە خەبات و فیداكاری‮ ‬لە پێناو مافەكانی‮ ‬كوردستان چوونە ناو خاكی‮ ‬یەكێتی‮ ‬سۆڤیەتی‮ ‬جاران،‮ ‬لە‮ ‬یەكێتی‮ ‬سۆڤیەتدا چیرۆكە شیرن و تاڵەكانی‮ ‬كاروانی‮ ‬دوورو درێژی‮ ‬خەباتی‮ ‬ئازادیخوازی‮ ‬كوردستان كۆتایی‮ ‬نایەن‮.

تۆمارەكان زۆرن و پڕن لە‮ ‬یادەوەری‮ ‬رۆژە سەختەكانی‮ ‬ژیان،‮ ‬زۆرێك لە هەڤاڵانی‮ ‬بارزانی‮ ‬لە‮ ‬یەكێتی‮ ‬سۆڤیەتدا سەرەرای‮ ‬غوربەت و دوورە وڵات هەروەك چۆن درێژە بە خەباتی‮ ‬سیاسی‮ ‬و فیداكاریاندا،هەروەها بڕیاریاریاندا گرنگی‮ ‬بە بڕوابەخۆ بوون‮ ‬و درێژە بە ژیانی‮ ‬كەسی‮ ‬خۆیان بدەن و نەكەونە ژێر گوشار دوورە وڵاتی‮ ‬و گۆشەگیری‮ ‬رەشبینی،‮ ‬ئەوان بیرۆ باروەڕیان زۆر بەهێز بوو كە لە دەرفەتێكی‮ ‬گونجاودا بە سەربەرزی‮ ‬دەگەرێنەوە وڵات و قارەمانانە بەردوامی‮ ‬بە خەبات و ژیانی‮ ‬ئاسایی‮ ‬خۆیان دەدەن،‮ ‬بۆیە هەندێك لە هەڤاڵانی‮ ‬بارزانی‮ ‬خێزانیان لە‮ ‬یەكێتی‮ ‬سۆڤیەت پێكهێنا و هاوسەرگیریان لە گەڵ كچانی‮ ‬سۆڤیەت كرد‮. ‬رۆژنامەی‮ ‬خەبات لە‮ ‬58ساڵ‮ ‬یادی‮ ‬گەرانەوەی‮ ‬بارزانی‮ ‬و هەڤاڵانی‮ ‬لە‮ ‬یەكێتی‮ ‬سۆڤیەت،‮ ‬بە پێویستی‮ ‬زانی‮ ‬یەكێك لەو خێزانانەی‮ ‬هەڤاڵانی‮ ‬بارزانی‮ ‬بەسەر بكاتەوە كەلە‮ ‬یەكێتی‮ ‬سۆڤیەت پێكهێنرابوو،‮ ‬بۆ ئەم مەبەستە روومان كردە گوندی‮ (‬هەربۆ‮) ‬لە دەڤەری‮ ‬بارزان و بووینە میوانی‮ ‬خاتوو‮ (‬بلور قوربان ئاسلان‮) ‬كە لە‮ ‬یەكێتی‮ ‬سۆڤیەت هاوسەرگیری‮ ‬لە گەڵ‮ ‬یەكێك لە هەڤاڵانی‮ ‬بارزانی‮ ‬كرد و پاشان لە گەڵیان بە‮ ‬یەكجارەكی‮ ‬گەڕایەوە كوردستان‮.‬

‮ ‬خاتوو‮ (‬بلور قوربان ئاسلان‮) ‬ئێستا تەمەن‮ ‬78ساڵە و هاوسەری‮ ‬خوالێخۆشبوو‮ (‬مەلا تەها فەقی‮ ‬كۆلەكی‮)‬ە،‮ ‬هاوسەری‮ ‬خاتوو‮ (‬بلور‮) ‬وەكو پێشمەرگەیەكی‮ ‬كوردستان بەشداری‮ ‬لە شۆڕشی‮ ‬دووەمی‮ ‬بارزان و بەرگری‮ ‬لە كۆماری‮ ‬كوردستان لە مەهاباد كردووە،‮ ‬هەروەها‮ ‬یەكێك بووە لە هەڤاڵانی‮ ‬رێڕەوە مێژوییەكەی‮ ‬بارزانیی‮ ‬نەمر بۆ‮ ‬یەكێتی‮ ‬سۆڤیەت،‮ ‬دواتر بەشداری‮ ‬شۆڕشی‮ ‬ئەیلوولی‮ ‬كرد لە دەڤەری‮ ‬بادینان،‮ (‬مەلا تەها فەقی‮ ‬كۆلەكی‮) ‬ساڵی‮ ‬1970 كۆچی‮ ‬دوایی‮ ‬كردووە‮.‬

دایكە‮ (‬بلور‮) ‬زۆر بە شانازی‮ ‬و خۆشحاڵییەوە باسی‮ ‬رۆژی‮ ‬16/4/ 1959 بۆ ئێمە كرد،‮ ‬كە دەكاتە‮ ‬58‮ ‬مین ساڵیادی‮ ‬گەڕانەوەی‮ ‬قارەمانان بۆ نیشتمان‮، ‬هەرچەندە دایكە‮ (‬بلور‮) ‬چەند ساڵ تووشی‮ ‬نەخۆشی‮ ‬بووە و لەگەڵ كوڕەكەی‮ ‬پێشمەرگەی‮ ‬دێرین‮ (‬عەباس مەلا تەها‮) ‬و نەوەكانی‮ ‬كوڕی‮ ‬خوالێخۆشبوو شاهین مەلاتەها ژیان دەباتەسەر،‮ ‬بەڵام كە زانی‮ ‬ئێمە لە رۆژنامەی‮ (‬خەبات)ـەوە هاتووین،‮ ‬نەخۆشییەكەی‮ ‬بیر چووەوە بە شاد و شانازییەوە‮ ‬یادوەرەكانی‮ ‬بۆ ئێمە گێڕایەوە‮.‬

دایكە‮ (‬بلور قوربان ئاسلان‮) ‬لە بارەی‮ ‬چۆنیتی‮ ‬هاوسەر گیری‮ ‬و پێكەوە نانی‮ ‬خێزان لە گەڵ‮ (‬مەلا تەها فەقی‮ ‬كۆلەكی‮) ‬لە سۆڤیەت جاران دا گوتی‮:‬‮ ‬من لە سالی‮ ‬1940 لە ئازەربایجان‮ ‬سەر بە سۆڤیەت لە دایك بووم و موسلمانم،‮ ‬لە شەڕی‮ ‬نێوان ئالمانیا و سۆڤیەت،‮ ‬ئێمە نەفی‮ ‬گوندێكی‮ ‬نزیك ئوزبكستان‮ ‬كراین‮ ‬،‮ ‬ئەو كات بارزانیی‮ ‬نەمر و هەڤاڵانی‮ ‬لە ساڵی1947 هاتبوون بۆ خاكی‮ ‬سۆڤیەت،‮ ‬چەند كەسێك لە هەڤاڵانی‮ ‬بارزانی‮ ‬لە گوندی‮ ‬نزێك ئێمەدا نیشتەجێ بوون،‮ ‬ئەوان كەسانی‮ ‬بەرێز و نیشتیمان پەروەر و دڵسۆز و میهرەبان بوو،‮ ‬هەرچەند ئەوان لە سەرەتادا زمانی‮ ‬روسیان نەدەزانی،‮ ‬بەڵام پاش تێكەڵ بوون و لە نزیكەوە ئەوانمان ناسی،‮ ‬بۆمان دەركەوت كە ئەوان مرۆڤی‮ ‬بەرێز و لێهاتوو و نیشتمان پەروەر و شۆڕش گێرن،‮ ‬هەموو خەڵكی‮ ‬دڤەرەكە رێزیان لێ دەگرتن و دەیانگوت‮: "‬ئەمانە هەڤاڵانی‮ ‬مەلامستەفا بارزانین كە شۆرشگێرێكی‮ ‬مەزنە و رێبەری‮ ‬میللەتی‮ ‬خۆیەتی‮"‬،‮ ‬ئیدی‮ ‬ئەوە بوو لە گەڵ ئەوان تێكەڵاو بوون و پێكەوە دەچووینە سەر ئیش و كارمان دەكرد،‮ ‬چونكە روسیا ئەوكات باری‮ ‬ئابووری‮ ‬زۆر باش نەبوو،‮ ‬هەروەها مامی‮ ‬من‮ (‬پاشا ئاغا‮) ‬زۆر كەیفی‮ ‬بەئەو مرۆڤانە دەهات و لەگەڵ خۆی‮ ‬دەبرد سەر ئیش و‮ ‬گووتی‮ ‬ئەوان بەڕاستی‮ ‬لە پێناو وەڵاتیان لەگەڵ سەركردەیان هاتوونە و مرۆڤی‮ ‬دڵسۆز و دڵپاكن‮.

‬دایكە‮ (‬بلور‮) ‬بەردەوام بوو لە قسەكانی‮ ‬و گوتی‮: ‬لە ساڵی‮ ‬1953 من بوومە هاوسەری‮ (‬مەلا تەها فەقی‮) ‬كە مرۆڤێكی‮ ‬باش بوو و دواتر هاوسەرەكەم هەمووی‮ ‬سەرهاتی‮ ‬خۆی‮ ‬و میللەتی‮ ‬كوردی‮ ‬بۆ من گێرایەوە و باسی‮ ‬خۆی‮ ‬و هەڤاڵەكانی‮ ‬كرد كە بەمان و نەمان لەگەڵ بارزانیی‮ ‬نەمر لە پێناو مافەكانی‮ ‬وەڵاتیان پەنایان هێناوتە روسیا،‮ ‬ودواتر زانیم كە ئەوان مرۆڤانە كینە و بۆ مافی‮ ‬میللەتی‮ ‬خۆیان لە گەڵ بارزانیی‮ ‬نەمری‮ ‬رابەریان‮ ‬هاتوونە وەڵاتی‮ ‬ئێمە‮ ‬و ناوبانگیان دایەوە داوای‮ ‬مافی‮ ‬رەوای‮ ‬گەلی‮ ‬خۆیان دەكەن‮، ‬دواتر ژیانی‮ ‬هاوسەرگیرمان پێكهێنا،‮ ‬لە كاتی‮ ‬گەڕانەوەمان بۆ كوردستان،‮ ‬ئەوكات من خاوەن منداڵێك بووم بە ناوی‮(‬شاهین‮) ‬تەمن‮ ‬14 ساڵانە بوو لە كاتی‮ ‬گەڕانەوەمان،‮ ‬هەروەها‮ ‬خوشكی‮ ‬من‮ (‬گوڵ‮) ‬و‮ ‬2 كچەمامی‮ ‬من ئەوانیش ژیانی‮ ‬هاوسەرگیریان لە گەڵ هەڤاڵانی‮ ‬بارزانیی‮ ‬نەمر پێك هێناوە،‮ ‬ئەو چەند ساڵ لە‮ (‬تاشكەند‮) ‬بووین هاوسەرم‮ (‬مەلا تەها فەقی‮ ‬كۆلەكی‮) ‬سەرەرای‮ ‬سەرقاڵ بوونی‮ ‬بە دابین كردنی‮ ‬بژێوی‮ ‬ژیان بۆ خێزانەكەمان،‮ ‬بەڵام بەردەوام خوی‮ ‬و هەڤاڵانی‮ ‬لەو بارو دۆخەدا هەر بیریان لای‮ ‬نیشتمانەكەیان كوردستان بوو،‮ ‬بەراستی‮ ‬زۆر ریك و پێك بوون،‮ ‬بارزانیی‮ ‬نەمر لە گەڵ هەڤاڵەكانی‮ ‬لە سۆڤیەت بە قارەمانەكانی‮ ‬ئازادیخوازی‮ ‬ناسراوبوون‮ ‬،‮ ‬لەویشدا‮ ‬ئەوان بە هەستی‮ ‬نەتەوەایەتی‮ ‬و نیشتمان پەروەری‮ ‬یەكتریان جۆش دەدا‮.‬

لە بارەی‮ ‬پەیوندی‮ ‬بارزانیی‮ ‬نەمر بە هەڤاڵانی‮ ‬لە سۆڤیەتی‮ ‬جاراندا،‮ ‬دایكە‮ ( ‬بلور‮) ‬یادی‮ ‬بیرەوەرییەكانی‮ ‬ئەو كاتی‮ ‬گێڕایەوە و گوتی‮: ‬بەڕاستی‮ ‬رابەری‮ ‬كورد بارزانیی‮ ‬نەمر مرۆڤێكی‮ ‬ئازادیخواز بووە و لە گەڵ‮ ‬500 كەس لە هەڤاڵانی‮ ‬بۆ داخوازیەكانی‮ ‬میللەتی‮ ‬كوردستان هاتبوونە سۆڤیەت و داوای‮ ‬مافەكانیان كرد،‮ ‬ئینجا بارزانیی‮ ‬نەمر داوای‮ ‬لەبەرپرسانی‮ ‬حكومەتی‮ ‬سۆڤیەت‮ ‬كرد كە هەڤاڵانی‮ ‬بخرێنە بەربخوێنن‮ (‬چونكە ئەوكات هەموویان گەنج بوون‮) ‬و پێی‮ ‬دەوتن‮ "‬ئێمە بۆدابین كردنی‮ ‬بژێوی‮ ‬ژیان نەهاتووین بۆ ئێرە،‮ ‬ئێمە بۆ مەسەلەیەكی‮ ‬نەتەوەیی‮ ‬هاتووینە ئێرە‮"‬،‮ ‬ئێستاش هەر لە‮ ‬یادمە ئەو رۆژانە كە هەموو جار رابەری‮ ‬كورد بارزانیی‮ ‬نەمر لەوێشدا هەمیشە سەردانی‮ ‬هەڤاڵانی‮ ‬دەكرد،‮ ‬هەتا ئەگەر جارێك بەخۆی‮ ‬نەهاتبووایە ئەوا نوێنەری‮ ‬خۆی‮ ‬دەنارد‮.

‬ئەوان هەمیشە پێكەوە بوون و مرۆڤی‮ ‬زۆر باش بوون و زۆر رێزی‮ ‬ئێمەیان دەگرت،‮ ‬هەمیشە بارزانیی‮ ‬نەمر ورەی‮ ‬هەڤاڵانی‮ ‬خۆی‮ ‬جۆش دەدا و هەرچی‮ ‬لە توانایدا بوو بۆیان دەكرد،بۆیە زۆر باوەڕیان پێكەوە بوو بۆ ئامانجەكانی‮ ‬كوردستان‮. ‬لە خۆشی‮ ‬و ناخۆشی‮ ‬لە هەموو روویەكەوە لە گەڵ‮ ‬یەكتری‮ ‬دابوون و هاتووچوی‮ ‬یەكتریان دەكرد،‮ ‬هەردەم ئەوان دەیانزانی‮ ‬و چاوەروانی‮ ‬ئەوە بوون كە رۆژێك‮ ‬بە كوردستانیان شاد دەبنەوە‮.‬

لە بارەی‮ ‬گەڕانەوەی‮ ‬هەڤاڵانی‮ ‬بارزانیی‮ ‬نەمر لە سۆڤیەتی‮ ‬جاران بۆ كوردستان،‮ ‬كە مانگی‮ ‬رابردوو‮ ‬58 ساڵ‮ ‬یادی‮ ‬گەڕانەوەبوو،‮ ‬دایكە‮ (‬بلور‮) ‬بیرەوەریەكانی‮ ‬گێڕایەوە و گوتی‮: ‬ساڵی‮ ‬1958 كاتێك بارزانیی‮ ‬نەمر‮ ‬لەگەڵ هەندێك لە هەڤاڵانی‮ ‬دەگەڕێتەوە بۆ كوردستان‮ ‬،‮ ‬دواتر بۆماوەیەكی‮ ‬تر‮ ‬بارزانیی‮ ‬نەمر شەهیدی‮ ‬فەرماندە‮ (‬ئەسعەد خۆشەوی‮ ‬و میرحاج ئاكرەیی‮) ‬راسپارد كە هەڤاڵەكانی‮ ‬دیكەی‮ ‬بارزانی‮ ‬بێننەوە كوردستان،‮ ‬ئێمە ئەو كات لە‮ (‬تاشكەند‮) ‬بووین ودواتر ئێمە ئەو ئافرەتانەی‮ ‬روسی‮ ‬بووین و هاوژینی‮ ‬هەڤاڵانی‮ ‬بارزانیی‮ ‬نەمر بووین لە‮ (‬ڤرێڤیسكی‮) ‬كۆكراینەوە،‮ ‬پێش گەڕانەوەمان باسی‮ ‬وەزعی‮ ‬ژیانیان بۆ ئێمە كرد و‮ ‬شەهیدی‮ ‬فەرماندە‮ (‬ئەسعەد خۆشەوی‮) ‬گووتی‮: "‬بارزانی‮ ‬ئێمەی‮ ‬راسپاردووە كە هەموو بارودۆخی‮ ‬ژیانی‮ ‬كوردستان بۆ ئێوە باس بكەین لە هەموو روویەكەوە كە وەزعی‮ ‬كوردستان وەك ئێرە نیە،‮ ‬ئاو و كارەبای‮ ‬نیە،‮ ‬لەوانەی‮ ‬ژیان خۆش و ناخۆش بێت،‮ ‬جا ئەوەی‮ ‬پێی‮ ‬خۆشە با لەگەڵمان بێت و ئێمەش راستیتان پێ دەڵێین‮". ‬دایكە‮ (‬بلور‮) ‬بەردەوام و لە قسەكان و گوتی‮: ‬ماڵی‮ ‬باوكم بە منیان گوت بەخۆت دەتوانی‮ ‬رێگای‮ ‬خۆت هەڵبژێری،‮ ‬من هەرچەندە لەو ماوەیەی‮ ‬كە لەگەڵ هاوسەرم و هاوڕێیانی‮ ‬دابووم كە چ گرفتەكەم لەوان نەدیت و زۆرتر بارزانیی‮ ‬نەمر كە مرۆڤێكی‮ ‬دڵسۆز و بەرەحم بوو،پەیمانم بەهاوسەرم دا بەهەبوون و نەبوون وەڵاتی‮ ‬خۆم بەجێ بهێلم و ببمە هاوسەفەریان بۆ خاكی‮ ‬كوردستان‮. ‬جا ئێمە لە گەڵ هەڤاڵانی‮ ‬بارزانیی‮ ‬نەمر لەگەڵ‮ ‬120 ئافرەتی‮ ‬رووسی‮ ‬لەگەڵ چەندین منداڵ لە رۆژی‮ ‬27/3/1959 بۆ ماوەی‮ ‬4 رۆژ بە شەمەندەفەر هاتین تاكو گەیشتینە شاری‮ (‬ئوكرانیا‮) ‬و‮ ‬16 شەو و رۆژ‮ ‬لە ناو گەشتی‮ (‬گرۆسیا‮) ‬دابووین،‮ ‬كە لە ناو كەشتی‮ ‬دا بۆین هەر خانەوادەیەك جێگای‮ ‬تایبەتیان بۆ دابین كردبوون و هەموو جورە خزمەتگوزاری‮ ‬تیدا بوو،‮ ‬16/4/1959 گەیشتینە‮ (‬بەسرا‮)‬،‮ ‬خەڵكی‮ ‬كوردستان و عێراق بە هەموو چین و توێژێك‮ ‬هاتبوونە پێشوازی‮ ‬ئێمە،‮ ‬بارزانیی‮ ‬نەمر بەخۆی‮ ‬هاتبوو و چاوەڕانی‮ ‬ئێمەی‮ ‬دەكرد،‮ ‬دواتر پێشوازی‮ ‬لە ئێمە كرد وبەخێرهاتنی‮ ‬گەرمی‮ ‬لە ئێمە كرد و‮ ‬18-4-1959 گەیشتینە‮ (‬هەولێر‮) ‬و لەوێشدا خەڵكی‮ (‬هەولێر‮) ‬كە ناسراون بە مرۆڤ دۆستی‮ ‬و كورد پەروەری‮ ‬پێشوازییەكی‮ ‬گەرمیان لە ئێمە كرد و دواتر دابەش بووین،‮ ‬ئێمە چووین بۆ‮ (‬شەقڵاوە‮) ‬و لە رۆژی‮ ‬19-4-1959 لە‮ (‬شەقڵاوە‮) ‬خوالێخۆشبوو‮ (‬شێخ ئەحمەدی‮ ‬بارزانی‮) ‬پێشوازیەكی‮ ‬گەرمی‮ ‬لەهەموو هەڤاڵانی‮ ‬بارزانی‮ ‬كرد،‮ ‬بەتایبەتی‮ ‬ئێمەی‮ ‬ئافرەتانی‮ ‬روسی،‮ ‬هەرچەندە ئێمە كە زەمانی‮ ‬كوردیمان باش نەدەزانی،‮ ‬هەروەك هاوسەرم بۆمنی‮ ‬باس كرد كە‮ (‬شێخ ئەحمەدی‮ ‬بارزان‮) ‬دەیفەرموو‮: "‬ئێوەش وەكو ئەم میللەتە كوردن و ئێمە خزم و كەسی‮ ‬و كاری‮ ‬ئێوەین و نابی‮ ‬هیچ كاتێك‮ ‬غەریبی‮ ‬وڵاتی‮ ‬خۆتان بكەن و كوردستان ماڵی‮ ‬ئێوەیە‮، ‬دوایی‮ ‬لە گەڵ هاوسەرم چوومە‮ ‬گوندی‮ (‬كۆلەكی‮) ‬سەربەدەڤەری‮ ‬بارزان‮ ‬بۆ ناو خزم و كەسوكاری‮ ‬هاوسەرەكەم و لەوێ نیشتەجێ بووین‮.‬

لە بارەی‮ ‬فێر بوونی‮ ‬قسەكردن بە زمانی‮ ‬كوردی‮ ‬و ئاداب و نەریتی‮ ‬كوردستان دایكە‮ (‬بلور‮) ‬زۆر دەگریا و لە بیرەورەیەكانی‮ ‬دا گوتی‮: ‬راستە من لە وڵاتی‮ ‬خۆم هاتمە كوردستان چووینە گوندی‮ (‬كۆلەكی‮) ‬سەربەدەڤەری‮ ‬بارزان،‮ ‬وەزعەكە زۆر باش نەبوو،‮ ‬زمانی‮ ‬كوردیم باش نەدەزانی‮ ‬و نەمدەتوانی‮ ‬بە كوردیی‮ ‬قسە بكەم،‮ ‬ماوەیەك بە ئیشارەت دوای‮ ‬خۆم فێرە كوردی‮ ‬كرد،‮ ‬سەرەرای‮ ‬جیاوازی‮ ‬زمان و ئاداب و نەریتمان،‮ ‬بەڵام‮ ‬غەریبی‮ ‬وڵاتی‮ ‬خۆمم نەكرد،‮ ‬چونكە هاوسەرەكەم و بارزانییەكان و خزم و كەسی‮ ‬هاوسەرم زۆر بەرەحم بوون،‮ ‬ئەمەش بۆمن زۆر دڵخوشكەر بوو،‮ ‬پاشان فێری‮ ‬زمان و داب و نەریتی‮ ‬كۆمەڵگای‮ ‬كوردستان بووم‮. ‬تاكو شۆڕشی‮ ‬مەزنی‮ ‬ئەیلوول دەستی‮ ‬پێكردوو دواتر هاوسەرم وەك پێشمەرگەیەك چوویەوە ناو شۆڕش و لە شۆڕشی‮ ‬مەزنی‮ ‬ئەیلوول خزمەتێكی‮ ‬زۆری‮ ‬كوردستانی‮ ‬كرد و ساڵی‮ ‬1970 ‮ ‬لەكاتی‮ ‬گەڕانەوەی‮ ‬لە ئەركی‮ ‬پێشمەرگایەتی‮ ‬كۆچی‮ ‬دوایی‮ ‬كرد‮. ‬من لەگەڵ منداڵەكانم لەسەر هەمان هەڵویستی‮ ‬هاوسەرم خزمەتم بە شۆڕشی‮ ‬بارزانیی‮ ‬نەمر دەكرد و لە رووی‮ ‬خواردن لەگەڵ ئافرەتانەكانی‮ ‬دەڤەری‮ ‬بارزان پێداویستەكانمان رەوانەی‮ ‬بەڕەكانی‮ ‬شەڕ‮ ‬دەكرد،‮ ‬لە دوایی‮ ‬هاوسەرم من ئەركی‮ ‬بە خێوە كردنی‮ ‬منداڵەكانمان لە ئەستۆ كرد‮، ‬دوایی‮ ‬نسكۆی‮ ‬شۆڕشی‮ ‬مەزنی‮ ‬ئەیلوول زۆر دەردەبەریمان بینی‮ ‬و ساڵی‮ ‬1982 ئاوارەی‮ ‬ئێران بووین و لە‮ (‬كەرەج‮) ‬نیشتەجێ بووین و كوڕەكانم خوالێخۆشبوو شاهین و عەباس و كوڕەكانی‮ ‬تری‮ ‬هاوسەرم‮ ‬بوونە پێشمەرگە و بەشدارییان كرد لە شۆڕشی‮ ‬گوڵان و دووبارە دەستیان بە‮ ‬ڕاپەرین و بەرخودان كرد‮.‬

لە كۆتایی‮ ‬بۆ‮ ‬یادی‮ ‬58ساڵ گەڕانەویان بۆ كوردستان دا دایكە(بلور)گوتی‮: ‬خۆشحاڵم كە ئەمڕۆ لە ژێر سایەی‮ ‬خەباتی‮ ‬بارزانیی‮ ‬نەمر و هەڤاڵەكانی‮ ‬و خەباتی‮ ‬پێشمەرگە و خوێنی‮ ‬شەهیدان خاوەن كوردستانێكی‮ ‬ئازادین و لە ژێر سایەی‮ ‬سەرۆك مسعود بارزانی‮ ‬ئیدارە دەكرێت،‮ ‬جەنابی‮ ‬سەرۆك مسعود بارزانی‮ ‬درێژە پێدەری‮ ‬رێبازی‮ ‬باوكی‮ ‬یەتی‮ ‬بۆ سەرفرازی‮ ‬كوردستان،‮ ‬من لەم كوردستانەدا هیچ كاتێك هەست بە‮ ‬غەریبی‮ ‬ناكەم،‮ ‬چونكە هەموو خەڵكی‮ ‬كوردستان هەموویان بەرێز و ئیحتراممان دەگرن و خزمایەتی‮ ‬ئێمەیان كردووە و كوردستان بە ماڵی‮ ‬هەمیشەی‮ ‬خۆم دەزانم،‮ ‬من هەمیشە بارزانیی‮ ‬نەمر و هەڤاڵەكانی‮ ‬زۆرم خۆش دەویستن چونكە بەڕاستی‮ ‬دڵسۆز و ئازادیخواز بوون چونكە ئەوان ئەو هەموورێگا دوور و درێژەیان بڕیوبوو لە پێناومافەكانی‮ ‬تەواوی‮ ‬میللەتی‮ ‬كوردستان،‮ ‬سوپاس بۆ پێشمەرگە و خوێنی‮ ‬شەهیدا كە ئەو هەموو ماندووبوونە بە فیڕۆ نەچووە‮. ‬بۆیە دەبێ هەموومان شانازی‮ ‬بە رێبازی‮ ‬بارزانیی‮ ‬نەمر بكەین و هیوادارم هەموو میللەتی‮ ‬كورد‮ ‬یەك دەنگ و‮ ‬یەك ریز بێت و كورد دەوڵەتی‮ ‬سەربەخۆی‮ ‬خۆی‮ ‬بەسەرۆكایەتی‮ ‬سەرۆك بارزانی‮ ‬رابگەیێنێت،‮ ‬ئێمەی‮ ‬خەڵكی‮ ‬كوردستانیش وەكو نەتەوەكانی‮ ‬دیكەی‮ ‬جیهان بگەینە مافی‮ ‬راستەقینە و‮ ‬ڕەواكانی‮ ‬خۆمان،‮ ‬سوپاسی‮ ‬ئێوە‮ ‬و رۆژنامەی‮ ‬خەبات دەكەم كە هەمیشە ئێمەتان لە‮ ‬یادە و لە رێگای‮ ‬ئێوە هیوای‮ ‬سەركەوتن بۆ پێشمەرگەكان دەخوازم‮. ‬لە‮ ‬یادی‮ ‬58 ساڵەی‮ ‬گەڕانەوەمان پیرۆزبایی‮ ‬خۆمان لە هەموو خەڵكی‮ ‬كورد و كوردستان دەكەم‮.‬

 
چاپکردن   Share گه‌ڕانه‌وه‌