2017-05-02

خەبات‮: ‬حەمید سورچی‮ ‬ــ هەریر
سیستەمی‮ ‬تۆماركردنی‮ ‬بایۆمەتری‮ ‬بەمشێوەیە ناسێندراوە،‮ ‬كە بریتییە لە‮: "‬زانستی‮ ‬پێوانەكردنی‮ ‬خەسڵەتە ژیانییەكانی‮ ‬مرۆڤ،‮ ‬زانستێكە لە كۆتایی‮ ‬سەدەی‮ ‬بیستەمەوە بایەخی‮ ‬زۆری‮ ‬پەیاكردووە،‮ ‬بەكار دەهێنرێ بۆ پێوانەكردن و جێگیركردنی‮ ‬هەموو ئەو نیشانە جیاكەرەوانەی‮ ‬لە مرۆڤێكەوە بۆ‮ ‬یەكێكی‮ ‬تر جیاوازن و هەرگیز لە دوو مرۆڤ دووبارەنابنەوە،‮ ‬وەكو مۆری‮ ‬پەنجە،‮ ‬مۆری‮ ‬ناولەپ،‮ ‬مۆری‮ ‬ژێرپێ،‮ ‬نیشانە جیاكەرەوەكانی‮ ‬سەر دەموچاو،‮ ‬گلێنەی‮ ‬چاو،‮ ‬تۆنی‮ ‬دەنگ‮".‬
تۆماركردنی‮ ‬بایۆمەتری‮ ‬یان كارتی‮ ‬زیرەك‮ (‬كارتی‮ ‬دەنگدان‮) ‬بۆ هەموو كەسێك دروست دەكات،‮ ‬كە لەكاتی‮ ‬هەڵبژاردنە گشتییەكاندا تەمەنی‮ ‬لە هەژدە ساڵ زیاتربێ،‮ ‬بۆ ئەوەی‮ ‬ئەوكارتە زیرەكەت دەست كەوێت،‮ ‬دەبێ بچیت بۆ ناوەندێكی‮ ‬تۆماركردنی‮ ‬بایۆمەتری‮ ‬لەوێ بەدەزگایەك وێنەی‮ ‬دەموچاو و مۆری‮ ‬هەر دە پەنجەی‮ ‬دەست ئەگیرێت،‮ ‬كە پێیدەوترێت‮ (‬دەزگای‮ ‬بایۆمەتری‮) .‬
هەروەها تۆماری‮ ‬ئەلیكترۆنی‮ ‬بایۆمەتری‮ ‬دەنگدان،‮ ‬بریتییە لە خۆ نوێكردنەوەی‮ ‬دەنگدەر بە شێوەی‮ ‬ئەلیكترۆنی،‮ ‬واتا وێنەو پەنجەمۆری‮ ‬ئەو كەسە وەردەگیرێت لەگەڵ پڕكردنەوەی‮ ‬فۆرمێكی‮ ‬تایبەت‮ (‬فۆرمی‮ ‬تۆماری‮ ‬بایۆمەتری‮) ‬بەزانیارییەكانی‮ ‬خودی‮ ‬ئەو كەسە‮. ‬لەم سۆنگەیەوە ئێمە لەڕۆژنامەی‮ (‬خەبات‮) ‬بۆ‮ ‬ڕۆشنایی‮ ‬خستنەسەر پرۆسەی‮ ‬بایۆمەتری‮ ‬دەنگدان،‮ ‬لەدەڤەری‮ ‬هەریر بە پێویستمانزانی‮ ‬لەنزیكەوە عەبدولغەفار عەبدوڵڵا شەریف بەرپرسی‮ ‬بەشی‮ ‬بایۆمەتری‮ ‬دەنگدان لەشارەدێی‮ ‬هەریر بدوێنین لەبارەی‮ ‬چۆنیەتی‮ ‬ئەنجامدانی‮ ‬پرۆسەكەو بەرێوەچوونی‮ ‬كارەكانیان و رێژەی‮ ‬بەشداری‮ ‬هاونیشتیمانیان و ئاستەنگ و لەمپەرەكانی‮ ‬بەردەم رەوتی‮ ‬كاركردنیان‮.‬
چۆنیەتی‮ ‬بەڕێوەچوونی‮ ‬كــارەكانیان
عەبدولغەفار عەبدوڵڵا شەریف بەرپرسی‮ ‬بەشی‮ ‬بایۆمەتری‮ ‬دەنگدان لەشارەدێی‮ ‬هەریر لەبارەی‮ ‬چۆنیەتی‮ ‬بەڕێوەچوونی‮ ‬كارەكانیان بە‮ (‬خەبات‮)‬ی‮ ‬راگەیاند‮: ‬تائێستا كارەكانمان زۆر بەباشی‮ ‬بەڕێوەدەچێت،‮ ‬هاووڵاتیان زۆر بەگەرموگوڕییەوە رۆژانە سەردانمان دەكەن،‮ ‬ئێمەش لە كاتژمێر هەشت و نیوی‮ ‬بەیانییەوە تا چواری‮ ‬ئێوارە دەوام دەكەین و لە خزمەتیانداین‮.‬
بەڵگەنامە پێویستەكان بۆ هاونیشتیمانیان
ئەم بەرپرسەی‮ ‬بەشی‮ ‬بایۆمەتری‮ ‬دەنگدان لەبارەی‮ ‬ئەو بەڵگەنامە پێویستانەی‮ ‬كە دەبێت هاووڵاتی‮ ‬لەگەڵ خۆیدا بیهێنێت گوتی‮: ‬هەر هاووڵاتیەك كە سەردانمان دەكات،‮ ‬پێویستە ئەم بەڵگەنامانە لەگەڵ خۆیدا بهێنێت،‮ ‬ناسنامەی‮ ‬باری‮ ‬كەسێتی،‮ ‬كارتی‮ ‬دەنگدان،‮ ‬كارتی‮ ‬زانیاری،‮ ‬فۆرمی‮ ‬خۆراك،‮ ‬رەگەزنامەی‮ ‬عیراقی‮.‬
شێوازی‮ ‬تــــۆماركردن
عەبدولغفار عەبدوڵڵا لەبارەی‮ ‬شێوازی‮ ‬تۆماركردن روونیكردەوە‮: ‬هەر هاووڵاتییەكی‮ ‬عێراقی‮ ‬كە ئەم پرۆسەیە ئەنجام دەدات دەبێ بەڵگەنامەی‮ ‬پێویست لەگەڵ خۆیدا بێنێت،‮ ‬دواتر كارمەندی‮ ‬بنكە فۆرمێكی‮ ‬تایبەت بەزانیاریەكانی‮ ‬ئەو كەسە پڕدەكاتەوە،‮ ‬دواتر دەخرێتە نێو كۆمپیوتەرو وێنەو پەنجەمۆری‮ ‬وەردەگیرێت و دەخرێتە نێو كۆمپیوتەر،‮ ‬پسوولەیەكی‮ ‬بچووكی‮ ‬تایبەت بە بایۆمەتری‮ ‬بە هاووڵاتیەكە دەدرێت‮.‬
ونبوونی‮ ‬كـــــارتی‮ ‬دەنــــگدان
لەبارەی‮ ‬ونبوونی‮ ‬كارتی‮ ‬دەنگدان لە هەڵبژاردنی‮ ‬پێشوو،ئەو بەرپرسە گوتی‮: ‬هەر هاووڵاتیەك كارتی‮ ‬دەنگدانی‮ ‬ونكردبێت،‮ ‬پێویستە مامەڵەی‮ ‬ونبوون ئەنجام بدات،‮ ‬تا بتوانێت خۆی‮ ‬تۆمار بكات‮.‬
یەك بنكەی‮ ‬بایۆمەتری‮ ‬دەنگدان و ئاستەنگ
بەرپرسی‮ ‬ناوبراو لە وەڵامی‮ ‬پرسیاری‮ ‬ئایا‮ ‬یەك بنكەی‮ ‬بایۆمەتری‮ ‬دەنگدان لەم دەڤەرە ئاستەنگ ناخاتە بەردەم چۆنیەتی‮ ‬راییكردنی‮ ‬كارەكانیان؟ گوتی‮: ‬بێگومان گوشارێكی‮ ‬زۆرمان لەسەرە،‮ ‬بەڵام ئێمە بەهەموو توانایەكمان هەوڵ دەدەین تاكو بتوانین لە خزمەتی‮ ‬هاووڵاتیان دابین،‮ ‬لە ئێستایشدا پرۆسەكە زۆر بەڕێكی‮ ‬بەڕێوەدەچێت،‮ ‬چونكە لە لەزۆربەی‮ ‬شارەدێیەكان بنكە كراونەتەوە‮.‬
ڕێژەی‮ ‬بەشداری‮ ‬هـــــاووڵاتیان
ــ لەبارەی‮ ‬رێژەی‮ ‬بەشداری‮ ‬هاووڵاتیان بۆ نوێكردنەوەی‮ ‬كارتی‮ ‬دەنگدان لەتۆماری‮ ‬ئەلیكترۆنی‮ ‬بایۆمەتری،‮ ‬ناوبراو بۆ‮ (‬خەبات‮) ‬گوتی‮: ‬لەسەرەتادا رێژەكە تۆزێك كەم بوو،‮ ‬بەڵام وردەوردە زیادی‮ ‬كرد،‮ ‬خۆشبەختانە ئێستا زۆرباشە،‮ ‬هاووڵاتیان زۆر بەگەرموگوڕیەوە سەردانمان دەكەن،‮ ‬تاكوئێستا رێژەیەكی‮ ‬باش تۆماركراوە،‮ ‬بەڵام هێشتاش زۆری‮ ‬ماوە‮.‬
بەشداری‮ ‬گوندنیشنان لەپرۆسەی‮ ‬ئەلیكترۆنی‮ ‬بایۆمەتری‮ ‬دەنگدان
هەر لەوەڵامی‮ ‬پرسیارێكی‮ ‬تری‮ (‬خەبات‮) ‬لەبارەی‮ ‬بەشداریكردنی‮ ‬گوندندنشینان لە پرۆسەی‮ ‬ئەلیكترۆنی‮ ‬بایۆمەتری‮ ‬دەنگدان،‮ ‬ئەو بەرپرسە گوتی‮: ‬لەراستیدا رێژەیەكی‮ ‬زۆری‮ ‬دەنگدەرانی‮ ‬ئەم سنوورە دانیشتووی‮ ‬گوندەكانن،‮ ‬لەبنكەش زۆر دوورن،‮ ‬ئێمەش ئەوەی‮ ‬لە تواناماندابێت بۆیان دەكەین،‮ ‬لە داهاتوودا هەوڵ دەدەین كارئاسانیان بۆ بكەین و تیمی‮ ‬گەڕۆك پێكبێنین،‮ ‬بەڵام پێویستە رەزامەندی‮ ‬بەڕێوەبەری‮ ‬گشتی‮ ‬وەربگرین بۆ ئەم مەبەستە‮.‬
رێنمایی‮ ‬بۆ هـاونیشتیمانیان
بەرپرسی‮ ‬بەشی‮ ‬بایۆمەتری‮ ‬دەنگدان لەبارەی‮ ‬رێنماییان بۆ هاونیشتمانیان گوتی‮: ‬داواكارین لە هاووڵاتیان سەردانمان بكەن و ناوی‮ ‬خۆیان تۆماربكەن و بەڵگەنامەی‮ ‬پێویست لەگەڵ خۆیاندا بێنن تا مافی‮ ‬دەنگدانیان لەدەست نەچێت‮.‬
ئـــــاریشەو لــــــەمپەرەكان
لەوەڵامی‮ ‬كۆتا پرسیاری‮ (‬خەبات)دا لەبارەی‮ ‬ئاریشەو لەمپەرەكانی‮ ‬بەردەم رەوتی‮ ‬كاركردنیان،‮ ‬بەرپرسی‮ ‬بەشی‮ ‬بایۆمەتری‮ ‬هەریر گوتی‮: ‬لەسەرەتادا خەڵك وەكو پێویست سەردانی‮ ‬نەدەكردین بۆ خۆ نوێكردنەوە،‮ ‬بەڵام ئێستا زۆرباشە،‮ ‬كارەكانمان بەڕێكی‮ ‬بەڕێوەدەچێت و كێشەمان نییە‮.  ‬

 
چاپکردن   Share گه‌ڕانه‌وه‌