2017-04-09

خه‌بات: ره‌مزی میره‌كانی

تیبۆ كۆرتوای‮ ‬گۆڵپارێزی‮ ‬یانەی‮ ‬چێڵسی‮ ‬ئینگلیزی‮ ‬و هەڵبژاردەی‮ ‬بەلجیكا،‮ ‬رەتیكردەوە بچێتە ریزەكانی‮ ‬یانەی‮ ‬ریال مەدریدی‮ ‬ئیسپانی،‮ ‬لە ماوەی‮ ‬گواستنەوەی‮ ‬هاوینەی‮ ‬داهاتوودا‮. ‬كۆرتوا دڵی‮ ‬خۆی‮ ‬بۆ رادیۆی‮ (‬كادێنا سێر‮)‬ی‮ ‬ئیسپانی‮ ‬كردەوە و وتی‮:"‬بایەخدانی‮ ‬ریال مەدرید بەمن و گواستنەوەم بۆ سانتیاگۆ برنابیۆ تەنیا قسەی‮ ‬رۆژنامەكانە،‮ ‬هێشتا ماوەی‮ ‬دوو ساڵ لە گرێبەستەكەم لەگەڵ چێڵسی‮ ‬ماوە‮". ‬ئەو گۆڵپارێزە نێودەوڵەتیە بەلجیكییە وتیشی‮:"‬لە وەرزی‮ ‬داهاتوودا من خۆم لە ریال مەدرید نابینم،‮ ‬بەڵكو لە چێڵسی‮ ‬خۆم دەبینم،‮ ‬من لێرە زۆر دڵخۆشم و نامەوێ بڕۆم‮". ‬ئەمەو چەندین راپۆرتی‮ ‬رۆژنامەوانی‮ ‬كۆرتوایان پاڵاوتبوو درێسی‮ ‬یانەی‮ ‬شاهانە لەبەر بكات،‮ ‬بۆ ئەوەی‮ ‬لە جیاتی‮ ‬كیلۆر ناڤاس پارێزگاری‮ ‬لە گۆڵەكەی‮ ‬بكات،‮ ‬كە لە ماوەی‮ ‬دواییدا چەندین هەڵەی‮ ‬زەقی‮ ‬كردووە،‮ ‬بەڵام كۆرتوا نایەوێ بچێتە ریال مەدرید و لە ستامفۆرد بریدج بەختەوەرە‮. ‬شیاوی‮ ‬باسكردنە‮ ‬یانەی‮ ‬چێڵسی‮ ‬یەكەمی‮ ‬ریزبەندی‮ ‬پریمەرلیگ،‮ ‬شەمەی‮ ‬رابردوو لەسەر‮ ‬یاریگەی‮ ‬خۆی‮ ‬بە ئەنجامی‮ ‬دوو گۆڵ بەرامبەر گۆڵێك بە كریستال پالاس دۆڕا،‮ ‬لەگەڵ ئەوەشدا هێشتا بە جیاوازی‮ ‬7 ‮ ‬خاڵ لە پێش‮ ‬یانەی‮ ‬تۆتنهام دووەمەوە دێت و كۆی‮ ‬خاڵەكانیشی‮ ‬69 ‮ ‬خاڵە‮.‬

 
چاپکردن   Share گه‌ڕانه‌وه‌