2017-04-09

خه‌بات: زانیار سەردار قڕگەیی

سەرەتای‮ ‬قۆناغی‮ ‬هەڵمەتی‮ ‬دەسپێكی‮ ‬ئازادی‮ ‬و راپەڕینی‮ ‬گەلی‮ ‬كوردستان لە بەهاری‮ ‬1991دا بوو كە ئازایەتی‮ ‬و جوامێری‮ ‬و خۆنەویستی‮ ‬رۆڵەكانی‮ ‬بوو بۆ بەرگریكردن لە خاكی‮ ‬كوردستان و نەتەوەكەی‮. ‬بۆ بەرقەراربوونی‮ ‬ئازادی‮ ‬و دیموكراسی‮ ‬و رزگاربوون لە ژێردەستەیی‮..‬نموونەی‮ ‬ئەو دەمەش بەرخودانی‮ ‬نەتەوەی‮ ‬كورد بەرامبەر هێرش و توانای‮ ‬سەربازیی‮ ‬دوژمنەكانی‮ ‬لە تۆماركردنی‮ (‬داستانی‮ ‬كۆڕێ)لە سنووری‮ ‬هەولێر و‮ (‬داستانی‮ ‬ئەزمڕ‮)‬،لە سنووری‮ ‬سلێمانی‮ ‬بوو‮..‬حكوومەتی‮ ‬عێراق بۆ سەركوتكردنی‮ ‬راپەڕینەكان هێرشی‮ ‬دەسپێكرد بۆ كوردستان،‮ ‬سەرەتا لە كەركووكەوە بەرەو هەولێر بەرگرییەكی‮ ‬ئەوتۆ نەكرا كە هێزی‮ ‬زەبەلاحی‮ ‬رژێم بە پشتیوانی‮ ‬فڕۆكە و تانكی‮ ‬زۆرەوە گەیشتە هەولێر و كۆچڕەوێكی‮ ‬گەورە دەستی‮ ‬پێكرد،‮ ‬دوایی‮ ‬بەرەو پیرمام سەركەوت كەس خۆی‮ ‬رانەگرت،لەو كاتەدا هێزی‮ ‬پێشمەرگەی‮ ‬قارەمانی‮ ‬پارتی‮ ‬و بارزانی‮ ‬لە رۆژی ‮ ‬7/4/1991 دا،لە دەربەندی‮ ‬كۆڕێدا وەك قەڵغانێكی‮ ‬پۆڵایین پێشی‮ ‬لە پێشڕەویی‮ ‬هێزی‮ ‬سەربازی‮ ‬رژێمی‮ ‬عێراقی‮ ‬گرت و تەلیسمی‮ ‬ئەو سوپا دڕندەیەیان شكاند‮.‬

لە دوو قۆناغدا سەركەوتنێكی‮ ‬گەورەیان تۆماركرد،‮ ‬لە قۆناغی‮ ‬یەكەمدا هێزی‮ ‬پێشمەرگەی‮ ‬بارزان بە ژمارەیەكی‮ ‬كەم گورزێكی‮ ‬كەمەرشكێنیان لە هێزی‮ ‬سەربازیی‮ ‬پێشڕەوكاری‮ ‬دوژمن دا،‮ ‬لە قۆناغی‮ ‬دووەمدا بە بەشداری‮ ‬لایەنەكانی‮ ‬دیكەی‮ ‬بەرەی‮ ‬كوردستانی‮ ‬گورزێكی‮ ‬دیكەیان لێوەشاندن و،‮ ‬سەلماندیان ئەو سەركەوتنە پەیامێكی‮ ‬راستەوخۆیە بۆ هێزی‮ ‬سەربازی‮ ‬دڕندەی‮ ‬بەعس‮. ‬كە پێشمەرگە توانای‮ ‬پاراستنی‮ ‬خاك و نەتەوەی‮ ‬كوردستانی‮ ‬هەیە،‮ ‬هەر بەهۆی‮ ‬ئەو سەركەوتنەوە هیوا و ئومێدی‮ ‬گەورە بۆ جەماوەر گەڕایەوە‮..‬

هەڤاڵ عومەر عوسمان،‮ ‬لەو سەردەمەدا كە بەرپرسی‮ ‬لقی‮ ‬دووی‮ ‬پارتیمان بوو،‮ ‬هاوكات بەشدار بووی‮ ‬داستانی‮ ‬كۆڕێ بوو،‮ ‬بەم شێوەیە باسی‮ ‬لە رۆژانی‮ ‬قۆناغی‮ ‬راپەڕین و جەربەزەیی‮ ‬و مێرخاسی‮ ‬و خۆنەویستی‮ ‬پێشمەرگە گیانلەسەردەستەكانی‮ ‬بۆ كردین،‮ ‬كە چۆن لە هەمبەر سوپای‮ ‬دڕندەی‮ ‬عێراق وەستانەوە و قارەمانانە بەرگرییان كرد و ئەو داستانەیان تۆمار كرد‮..‬

بەڕێز عومەر عوسمان،‮ ‬گوتی‮: ‬راپەڕینی1991سەلماندی‮ ‬هەركاتێك جەماوەر‮ ‬یەك بگرێ و‮ ‬یەكهەڵوێست هەنگاو بنێ هێزی‮ ‬سەربازی‮ ‬و تانك و تۆپ و فڕۆكە ناتوانێ‮ ‬ڕێگای‮ ‬لێ بگرێ،‮ ‬قەڵای‮ ‬توند و گەورە لە بەرامبەر هێزی‮ ‬جەماوەر زۆر بە ئاسانی‮ ‬تێكدەشكێنێت‮.

‬پاش ئازادكردنی‮ ‬كەركووك و بەهێزبوونی‮ ‬راپەڕینی‮ ‬باشووری‮ ‬كوردستان،‮ ‬هێزەكانی‮ ‬هاوپەیمانان بەتایبەتی‮ ‬ئەمەریكا بە بۆچوونی‮ ‬بەندە تووشی‮ ‬هەڵەیەكی‮ ‬مێژوویی‮ ‬بوون كە‮ ‬ڕێگایان بە سوپای‮ ‬ڕژێمی‮ ‬بەعس دا كەڵك لە فڕۆكەی‮ ‬هێلیكۆپتەر و تانك و زریپۆش و تۆپخانە و بزاوتنی‮ ‬هێزەكانی‮ ‬وەربگرێ،‮ ‬ئەوە بوو كە هێرشی‮ ‬هێنایە سەر شاری‮ ‬كەركووك و لە قۆڵی‮ ‬مووسڵ بەرەو گوێڕ‮ ‬و مەخموور هەروەها بەرەو گەرمیان و بەرەو پارێزگای‮ ‬سلێمانی،ئینجا بەرەو هەولێر و سلێمانی‮ ‬ودهۆك‮.‬

رژێم‮ ‬ڕابردوویەكی‮ ‬ترسناكی‮ ‬هەبوو وەك بەكارهێنانی‮ ‬گازی‮ ‬ژەهراوی‮ ‬و كیمیایی‮ ‬و كوشتنی‮ ‬بەكۆمەڵ و بۆمباران و تۆپباران و،‮ ‬تۆپبارانی‮ ‬زاڵمانە لەبەر ئەوە كە بەرەو پێش دەهات وایكرد كۆچڕەوێكی‮ ‬بێوێنەی‮ ‬ملیۆنی‮ ‬دروست ببێ كە لە دوایدا لە بەرژەوەندی‮ ‬كورد شكایەوە.كاتێ هێزەكانی‮ ‬عێراق لە هەولێر بەرەو هاوینەهەواری‮ ‬سەلاحەددین بەڕێكەوتن هێزەكانی‮ ‬پێشمەرگە بەگشتی‮ ‬و پارتی‮ ‬دیموكراتی‮ ‬كوردستان بەتایبەتی‮ ‬لە دارستانە بچووكەكەی‮ ‬مەلائۆمەر‮ ‬ڕێگایان بە سوپای‮ ‬عێراق گرت و قارەمانانە لەبەرامبەریان وەستان،‮ ‬بەڵام هێزەكانی‮ ‬دوژمن زۆر بەهێزتر بوون بەتایبەتی‮ ‬فڕۆكەی‮ ‬هێلیكۆپتەری‮ ‬شەڕكەر و تانك و زرێپۆش و تۆپخانەی‮ ‬بەهێزیان پێبوو،‮ ‬پێشمەرگەش بەو چەكە سادە و ساكارانە پاشماوەیەك ناچار بوون سنگیان بدەنە بەر ئەو هێرشە،‮ ‬كە ئەو قارەمانانەی‮ ‬لەبیرمن‮ (‬شەهیدخدرسوارە،‮ ‬شەهید وەستا‮ ‬یوونس،شەهید نەجمەدین گۆرۆنی،‮ ‬شەهید قادرەسوور،‮ ‬هەروەها كاك هەڵگورد‮) ‬و،‮ ‬ژمارەیەكی‮ ‬تر لە هەڤاڵانمان كە هەرهەموویان سەر بەلقی‮ ‬2 ی‮ ‬پارتی‮ ‬دیموكراتی‮ ‬كوردستان بوون،‮ ‬دوای‮ ‬ئەوەی‮ ‬هێزەكانی‮ ‬ئێمە لە خانزاد پاشەكشەیان كرد،‮ ‬دوژمن توانی‮ ‬سەركەوێتە سەر هاوینەهەواری‮ ‬سەڵاحەدین بە بێ بەرەنگارییەكی‮ ‬ئەوتۆ‮.‬

هەموو كەسێكی‮ ‬پسپۆڕی‮ ‬سەربازی‮ ‬وای‮ ‬بۆ دەچوو كە سوپای‮ ‬عێراق‮ ‬ڕۆژێك لە هاوینە هەواری‮ ‬پیرمام سەڵاحەددین دەمێنێتەوە تاشوێنە تازەكەی‮ ‬قایم بكات،ئەوسا بەرەوكۆڕێ و بەرەو شەقڵاوە بجوڵێتەوە،‮ ‬بەڵام بەپێچەوانەوە بوو‮. ‬هەموو هێزەكانی‮(‬بەرەی‮ ‬كوردستانی‮) ‬لەپیرمام هاتنەخوارەوە بە لقی2 و قوەتی‮ (‬بارزان‮) ‬یشەوە كەس وەك پێویست توانای‮ ‬خۆڕاگری‮ ‬نەبوو،‮ ‬تاكو هەموو هێزەكانی‮ ‬پەرتو بڵاو بوونەوە وپاشەكشەیەكی‮ ‬تەواو دروست بوو لەو كاتەی‮ ‬كە ئێمە لەگەڵ چەند هەڤاڵێكی‮ ‬تر گەیشتینە كۆڕێ تەنها ژمارەیەكی‮ ‬دیاریكراو لە قوەتی‮ ‬بارزان لە كۆڕێ مابوویەوە لەگەڵ شەهید دكتۆرسەعید.كارە مێژووییەكان دەبێ وەك خۆی‮ ‬باس بكرێن ئینجا چ نێگەتیڤانە بن چ پۆزەتیڤانە بن بۆ خاوەنەكەی‮ ‬یان بۆ ئەو لایەی‮ ‬لەگەڵ باسەكەدایە،‮ ‬بۆ مێژوو دەیڵێم‮: ‬كەسێك ولایەنێكی‮ ‬تر جگە لە قوەتی‮ ‬بارزان،‮ ‬مەفرەزەیەكی‮ ‬لقی‮ ‬دوو بەسەرپەرشتی‮ ‬بەرپرسی‮ ‬لق و خالید ئاژگەیی‮ ‬و مەفرەزەیەكی‮ ‬حالی‮ ‬دۆڵەمەڕی‮ ‬و حەمیدە فەندی‮ ‬لەوێ بوون،‮ ‬ئیتر كەسی‮ ‬تر لەوێ نەبوون كە ژمارەكەشیان زۆر نەبوون لەگەڵ هێزی‮ ‬دوژمن قەد بەراورد نەدەكرا‮. ‬ئەم كۆمەڵە پێشمەرگەیە بەسەر شاخی‮ ‬دەربەندی‮ ‬كۆڕێ بەلای‮ ‬ڕۆژئاوایەوە خۆیان گرتەوە و لەبەرامبەر تانك و زرێپۆشە توندڕەوەكانی‮ ‬دوژمن وەستان كە دەیانویست بەپەلە خۆیان بگەیێننە شەقڵاوە،‮ ‬ناكرێ لەوە بێدەنگ بم،‮ ‬بوونی‮ ‬سەرۆك مەسعوود بارزانی‮ ‬لە شەقڵاوە و سۆران و پیرمام هۆیەكەی‮ ‬زۆر كاریگەر بوو لەسەر پێشمەرگە و فەرماندەكان كە بەلای‮ ‬كەمەوە‮ ‬ڕێگا بەخۆیان نەدەن بەرەكانی‮ ‬شەڕ‮ ‬بەجێ بهێڵن و هەروەها توانا و گڕوتینێكی‮ ‬تریش بە ژمارەیەكی‮ ‬یەكجار زۆر لە جەماوەر كە‮ ‬ڕوولە سنوورەكان نەكەن.هەروەها ئەو وتارەی‮ ‬لە دەڤەری‮ ‬سۆران سەرۆك بارزانی‮ ‬پێشكەشی‮ ‬كرد،‮ ‬وتەكانی‮ ‬زۆر فیداكارانە بوون و كەسانێكی‮ ‬خاوەن‮ ‬غیرەت و بڕیاری‮ ‬خۆڕاگری‮ ‬و فیداكاریان دابوو،‮ ‬هەربۆیەش ژمارەیەك لە فەرماندە و كادیرانی‮ ‬سنووری‮ ‬لقی‮ ‬2بە خۆڕاگریەوە كاریان دەكرد بۆ نموونە بارەگای‮ ‬لقی2 لە شەقڵاوە تێپەڕ‮ ‬نەبوو لەكاتێكدا كە دوژمن گەیشتبووە‮ (‬كۆڕێ‮) ‬ئەمە خۆی‮ ‬لەخۆیدا نیشانەی‮ ‬مقاوەمە و خۆڕاگریە و شكستنەخواردنە،لەكاتێكدا دوژمن هێرشی‮ ‬هێنایە سەر(خانزاد‮) ‬بارەگای‮ ‬لقی‮ ‬2 لەپیرمام بوو كاتێك دوژمن گەیشتە‮ (‬پیرمام‮) ‬بارەگای‮ ‬لق بەهەموو شتەوە لە كۆڕێ بوو ئەمە جگە لە قوەتی‮ ‬بارزان و هەندێ لە هەڤاڵانی‮ ‬تر وەك كاك حەمید ئەفەندی‮ ‬و ماموستا مەحەمەد مەلا قادر و خورشید شێرە و شێخەڵڵا ئیبراهیم،‮ ‬كاتێ شەڕی‮ ‬یەكەم لە كۆڕێ دەستیپێكرد هەڤاڵان حەمید ئەفەندی‮ ‬و دكتۆر سەعید و حالی‮ ‬دۆڵەمەری‮ ‬و عومەر عوسمان و خالید ئاژگەیی‮ ‬لە شوێنی‮ ‬ئەو تانكانەی‮ ‬ئێستا دانراون لەسەر سەكۆیەكە لەوێ وەستابوون،‮ ‬شەڕ‮ ‬زۆری‮ ‬نەخایاند هێزی‮ ‬پێشمەرگە زۆر نەبوو هەمووی‮ ‬نەدەگەیشتنە پەنجا كەس،‮ ‬لە عەقڵدا دوورە پەنجا نەفەر بتوانێ بەلای‮ ‬كەمەوە لیوایەكی‮ ‬سوپای‮ ‬عێراق لەپێشڕەویدا بەتانك و زرێپۆش بشكێنێ،‮ ‬بەڵام ئەمە حەقیقەتێكە و من لەسەر وتەكەی‮ ‬خۆم بەرپرسم و،ئەو قوەتە شكاندیان كە ئەگەر بەدوایدا بڕۆیشتاینا تاپیرمام رژێم هەموو دەزگاكانیان بەجێ دەهێشت و رایان دەكرد،‮ ‬بۆیە دەڵێم‮: ‬هێزی‮ ‬زۆر و زەوەند مەرج نییە،‮ ‬فیداكاری‮ ‬گرنگە‮. ‬دوای‮ ‬ئەوەی‮ ‬ئەو هێزانەی‮ ‬سوپای‮ ‬عێراق شكان و پاشەكشەیان كرد بۆ دیوی‮ ‬نێوان پیرمام و كۆڕێ و برادەرانی‮ ‬بەرەی‮ ‬كوردستانی‮ ‬ژمارەیەك لەو لاوە پەیدابوون كە شەهیدی‮ ‬نەمر‮ (‬مامۆستا سەعد عەبدوڵڵا‮)‬یان لەگەڵدا بوو كاك كۆسرەت،‮ ‬رێباز،‮ ‬سەفینی‮ ‬مەلا قەرە،‮ ‬مامۆستا بەكر،‮ ‬پاڵە باوانی‮ ‬كانی‮ ‬گەورە،‮ ‬لە حزبی‮ ‬شیوعی،‮ ‬كە گەیشتنە لامان هێشتا تەوقەمان نەكرد،‮ ‬وت‮: ‬بارزانییەكان دووبارە سەلماندیانەوە كە كوڕی‮ ‬رۆژی‮ ‬تەنگانەن،‮ ‬دوای‮ ‬ئەوەی‮ ‬كۆبوونەوەیەكی‮ ‬سەرپێیمان ئەنجامدا بۆ ئەوەی‮ ‬بەرەیەكی‮ ‬شەڕ‮ ‬دروست بكەین.بڕیاردرا ملی‮ ‬رۆژئاوای‮ ‬دەربەندی‮ ‬كۆڕێ بدرێتە پارتی‮ ‬و سۆسیالیست و شیوعی‮ ‬و پارتی‮ ‬گەل،‮ ‬ملی‮ ‬خوارووی‮ ‬دەربەندەكە بۆ‮ ‬یەكێتی‮ ‬نیشتمانی،‮ ‬ئەمەشیان لەسەر داوای‮ ‬خۆیان بوو،‮ ‬بەو شێوەیە بەرەیەكی‮ ‬شەڕ‮ ‬لەو شێوەیە بەرەیەكی‮ ‬شەڕ‮ ‬لەو زنجیرە بەرزاییەی‮ ‬خواروو و رۆژئاوای‮ ‬دەربەندی‮ ‬كۆڕێ دامەزرا،‮ ‬بەڵام ئەو شەوە كەسێك وەك هێزێك دیار نەبوو كەسیان لە بەردەست نەبوو تەنها قوەتی‮ ‬بارزان هەبوو،‮ ‬ئەوانەی‮ ‬لەوێ بوون لەگەڵ ژمارەیەك هێزەكانی‮ ‬لقی‮ ‬دوو كە تا شەقڵاوە چووبوون هەوڵمان دا بیان نێرینەوە بۆ بەرزاییەكان ئەوە بوو شەهیدان خالید ئاژگەیی‮ ‬و شەهید خدر سوارە و هەڤاڵانی‮ ‬تر كە دوای‮ ‬هەر هەموویانمان ناردنەوە پێشەوە كاك حەمید ئەفەندی‮ ‬لەگەڵ دكتۆر سەعید داوایان لێم كرد كە ئەو قوەتانە بنێرمەوە لایان و داوای‮ ‬فیشەك و نانیشیان لێكردین‮. ‬من وەك بەرپرسی‮ ‬لقی‮ ‬دوو گەڕامەوە لای‮ ‬هەڤاڵان لە شەقڵاوە و زۆر بە توندی‮ ‬داوام لێكردن روو بكەنەوە بەرەی‮ ‬شەڕ‮. ‬یەكەم كەس كە هەڵسایە سەر پێ خدر سوارە لەگەڵ مەهدی‮ ‬عەزیز دوایی‮ ‬مەهدی‮ ‬برینداریش بوو و ئێستاش ماوە و قاچێكی‮ ‬شەل بووە و،‮ ‬ئەوان بەرەو كۆڕێ جوڵانەوە و منیش هەوڵی‮ ‬فیشەكم دا ئازادی‮ ‬كوڕی‮ ‬عوسمان بەگی‮ ‬میران هات گوتی‮: ‬لەسەر فەرمانی‮ ‬باوكم هەندێك فیشەكی‮ (‬بی‮ ‬كەی‮ ‬سی‮) ‬و‮ (‬كلاشینكۆف)م هێناوە‮. ‬بەڕاستی‮ ‬زۆر مەمنوونی‮ ‬بووم،‮ ‬گوتی‮: ‬ئەمە باوكم ناردوویەتی‮ ‬بۆ تۆ كە شەش سندووق بوون بەراستی‮ ‬من هەرگیز لەبیری‮ ‬ناكەم،‮ ‬نانەكەش هەر ئەو دەم شەهید محەمەد مام وسوئاغا كۆركەیی‮ ‬یەك پیكاب نان و خورما و هێلكەی‮ ‬پێگەیاندین،‮ ‬بە پەلە ئەو نان و فیشەكەم گەیاندە حوجران و دامە دەست كاك حەمید ئەفەندی‮ ‬و دكتۆر سەعید و دابەشیان كرد،‮ ‬ئەو شەوە جەبهەكەمان قایم كرد و دووسێ رۆژی‮ ‬پێچوو دووبارە دوژمن هێرشێكی‮ ‬كتوپڕی‮ ‬كردە سەر لای‮ ‬رۆژئاوای‮ ‬بەرەی‮ ‬شەڕ‮ ‬لە دەربەندی‮ ‬كۆڕێ سەرەتای‮ ‬شەڕەكە لەگەڵ قوەتی‮ ‬بارزان بوو و دەست بەجێ شەهید و برینداریان دا و شەوێكی‮ ‬باراناوی‮ ‬و سارد و ناخۆشیش بوو،‮ ‬بەڵام تەنها‮ ‬یەك دوو رەبایە گیران ئەوانی‮ ‬تر پاشاكشەیەكی‮ ‬كەمیان كرد،‮ ‬بۆیە بەیانیەكەی‮ ‬هێزەكانی‮ ‬تازە نەفەس لەلایەن سەرۆك‮ (‬مەسعوود بارزانی‮)‬یەوە هاتن و ئەوانیش سەركەوتنە سەرەوە،‮ ‬لەجێی‮ ‬خۆیەتی‮ ‬بڵێم سەید كاكە هات و من خۆم لە حوجران رێنماییم كرد بۆ لای‮ ‬سەرووی‮ ‬ئەرماوان كە د‮. ‬سەعید و ئەوانی‮ ‬لێ بوون‮.

‬تۆپەكەی‮ ‬حەسەن نەجاڕ‮ ‬كە‮ ‬106 بوو لە حوجران رۆڵێكی‮ ‬باشی‮ ‬دەگێڕا لە رەبییەكەی‮ ‬دوژمن،‮ ‬مەجالی‮ ‬سەرهەڵهێنانی‮ ‬پێنەدەدان منیش جاروبار دەچوومە لای‮ ‬و هاوكاریم دەكرد ئەو رۆژە جەماعەتێكی‮ ‬حزب ڵڵا بەشداری‮ ‬شەڕەكەی‮ ‬كرد شەڕ‮ ‬تا نزیكەی‮ ‬نیوەڕۆ بەردەوام بوو دوژمن بە هەموو چەكێ هەوڵی‮ ‬پاراستنی‮ ‬ئەو بەرزاییەی‮ ‬دەدا تاكو دەستەیەكی‮ ‬پێشمەرگەی‮ ‬قارەمان بە فیداكاریەكی‮ ‬كەموێنە لە دەربەندەكەوە بۆیان سەركەوتن بە‮ (‬نارنجۆك‮) ‬و(ئاڕبی‮ ‬جی‮) ‬رەبایەكانیان لێساندن و دوژمن شكستی‮ ‬ئەوتۆی‮ ‬هێنا كە دەیان لاشەی‮ ‬كەوتە مەیدان‮.‬

‮ ‬هێزەكانی‮ ‬بەرەی‮ ‬كوردستانی‮ ‬لە بەرزایی‮ ‬ئارماوان بۆیان هاتن و لەسەر جادەكەوەش پێشمەرگە بۆیان هاتن،‮ ‬سەرئەنجام بووە شكستێكی‮ ‬مێژوویی‮ ‬ئەوتۆ كە چەند تانك و زریپۆشیان لێگیراو دەیان پارچە چەك و هاوەن و چەكی‮ ‬ورد و درشت كەوتە دەست پێشمەرگە و ژمارەیەك ئەسیركران‮. ‬ئەوسا حكوومەتی‮ ‬عێراق پەیوەندیكرد و وەفدی‮ ‬وتووێژ بەڕێكەوت هەر لەو‮ ‬ڕۆژەوە دوژمن پاشەكشەی‮ ‬كرد و ئاگربەستیش لەلایەن هاوپەیمانانەوە راگەێندرا و كۆڕێ بووە داستانێكی‮ ‬لەبیرنەكراو،‮ ‬بووە سەروەرییەكی‮ ‬بێوێنەش بۆ‮ ‬ڕۆڵە نەبەزەكانی‮ ‬پارتی‮ ‬و بارزانی‮ ‬و گەلی‮ ‬كورد بەتایبەتی‮ ‬لەو قارەمانانەی‮ ‬ڕۆژی‮ ‬یەكەم،‮ ‬واتە شەڕی‮ ‬یەكەمی‮ ‬كۆڕێ كە حەقیقەت هونەرەكە بۆ ئەوانەی‮ ‬كە تەلیسمی‮ ‬ترسیان شكاند و لەشكرە بەهێزەكەی‮ ‬بەعسیان بۆ‮ ‬یەكەمجار پاش راپەڕین تاقیكردەوە بۆ‮ ‬یەكەمجار مستێكی‮ ‬ئاسنینیان لە لووتی‮ ‬سوپا هێرشكەرەكەی‮ ‬بەعسدا،بڕوانامەی‮ ‬قارەمانەیان لە رێبازە پیرۆزەكەی‮ ‬پارتی‮ ‬و بارزانی‮ ‬نوێ كردەوە و تا مێژوو هەبێت باسیان دەكرێ.داستانی‮ ‬كۆڕێ زۆر گرینگە و زۆر مەزنە بۆیە هەموو كەس دەیەوێ سەروەری‮ ‬خۆی‮ ‬لەو داستانەدا راست‮ ‬یا ناراست باس بكات،‮ ‬لەو كەسانەی‮ ‬كە لە داستانی‮ ‬كۆڕێ دانبوو زۆربەیان شەهیدی‮ ‬ناودارن،‮ ‬زۆربەیان بڕوانامەی‮ ‬قارەمانی‮ ‬و سەروەریان بە خوێنی‮ ‬خۆیان وەرگرت،‮ ‬هەزاران سڵاو لە گیانی‮ ‬پاكیان و سڵاو بۆ ئەو پێشمەرگە قارەمانانەی‮ ‬بەشداری‮ ‬داستانی‮ ‬كۆڕێیان كرد و سەروەرییان بۆ كورد و كوردستان تۆماركرد‮.

 
چاپکردن   Share گه‌ڕانه‌وه‌