2017-04-04

خەبات‮: ‬تریفە ئازاد‮

رۆژنامەی‮ ‬خەبات ئەو رۆژنامەیەیە كە لە سەردەمی‮ ‬شاخەوە تا بە ئەمڕۆ دەگات،‮ ‬بەردەوامە لە كاری‮ ‬رۆژنامەوانی‮ ‬،‮ ‬ئەوەی‮ ‬بە درێژایی‮ ‬ئەو ماوەیەش‮ ‬كە دەكاتە‮ ‬57ساڵ و پێ دەنێتە نێو‮ ‬58 ‮ ‬ساڵی‮ ‬كاركردن‮ ‬مایەی‮ ‬تێبینیە،ئەوەیە كە ئەم رۆژنامە ئازیزە هەمیشە لە كاركردندا پشتی‮ ‬بە راستگۆیی‮ ‬و ئەتێكی‮ ‬رۆژنامەوانی‮ ‬بەستووە و هیچ كاتێك نەبۆتە مایەی‮ ‬گرفت و نانەوەی‮ ‬كێشە،هەمیشە لەگەڵ پرس و رووداوە گرنگەكان بووە،‮ ‬لەم راپۆرتەدا بۆچوونی‮ ‬چەندین كەسمان لەو بارەوە وەرگرتووە‮.‬

هەمیشە دەبێت شانازی‮ ‬بە رۆژنامەی‮ ‬خەبات بكرێت

هێرش مەلاجەوهەر،‮ ‬نوسەر و شرۆڤەكاری‮ ‬سیاسی‮ ‬لە‮ ‬یادی‮ ‬58‮ ‬ساڵەی‮ ‬رۆژنامەی‮ ‬خەبات وتی‮: ‬بە بڕوای‮ ‬من مێژووی‮ ‬ڕۆژنامەنووسی‮ ‬كوردی‮ ‬بۆ هەمیشە دەبێ شانازی‮ ‬بە‮ ‬ڕۆژنامەی‮ ‬خەباتەوە بكات،‮ ‬خەبات كە تاكو ئێستا دەیان و سەدان نووسەر و‮ ‬ڕۆژنامەوانی‮ ‬كارا و بە توانای‮ ‬پێگەیاندووەو،‮ ‬لە بوارە جۆراوجۆرەكانی‮ ‬ژیان ئەو كەناڵە میدیاییە بووە كە جێی‮ ‬بڕوا و متمانەی‮ ‬بەشی‮ ‬زۆری‮ ‬خەڵك و چاودێرانی‮ ‬سیاسی‮ ‬و خوێنەرانی‮ ‬هەواڵ بووە لە كوردستان،‮ ‬شانازیە گەورەكەی‮ ‬ڕۆژنامەی‮ ‬خەبات لەوەدا بەرجەستە دەبێت كە وێڕای‮ ‬بەردەوامی‮ ‬و نوێبوونەوە و خۆ گونجاندن لەگەڵ دونیای‮ ‬سەردەمی‮ ‬تازەی‮ ‬بواری‮ ‬ڕۆژنامەوانی‮ ‬هەمیشە‮ ‬ڕاستگۆیی‮ ‬و بە ئەمانەتەوە گەیاندنی‮ ‬هەواڵی‮ ‬كردۆتە ئامانجی‮ ‬سەرەكی،‮ ‬بە درێژایی‮ ‬مێژووێكی‮ ‬58 ‮ ‬ساڵە تاكو ئێستا خەبات خاوەنی‮ ‬دوو هەواڵی‮ ‬چەواشەكاری‮ ‬نیە،‮ ‬ئەوەش لە كاتێكدایە كە‮ ‬ڕۆژنامەی‮ ‬خەبات ئۆرگانی‮ ‬فەرمی‮ ‬پارتی‮ ‬دیموكراتی‮ ‬كوردستانیشە،‮ ‬بە بۆچوونی‮ ‬من‮ ‬یەكێك لە نهێنیە گەورەكەی‮ ‬بەردەوامی‮ ‬وپێشەنگی‮ ‬خەبات لە دوونیای‮ ‬ڕۆژنامەوانی‮ ‬كوردی‮ ‬لەوەدا خۆی‮ ‬دەبینێتەوە كە هەموو كات تا ئەوپەڕی‮ ‬ئیمكان بوون دوور بووە لە تەشهیرو ناوزڕاندنی‮ ‬نەیارانی‮ ‬خۆی‮ ‬و حزبەكەشی‮ ‬و،‮ ‬هەردەم ئیتیك و ئەخلاقی‮ ‬میدیایی‮ ‬خۆی‮ ‬پاراستووە‮. ‬زۆرن ئەو نووسەر و‮ ‬ڕۆژنامەنووسانەی‮ ‬كە لە خەباتەوە هاتنە نێو كاری‮ ‬ڕۆژنامەوانیەوە و لە زانكۆ پڕ‮ ‬لە ئەزموونەكەی‮ ‬ئەم‮ ‬ڕۆژنامەوە فێری‮ ‬بەها بەرزەكانی‮ ‬بواری‮ ‬میدیا بوون و دواتریش لە كەناڵەكانی‮ ‬دیكەوە درێژەیان بە خزمەتی‮ ‬میدیای‮ ‬كوردی‮ ‬دا،‮ ‬جا لەوانە تێیاندایە ئێستاش وەك چۆن خەبات فێری‮ ‬بوێری‮ ‬و‮ ‬ڕاستگۆیی‮ ‬كردن‮ ‬ڕەوشت و ئیتیكی‮ ‬ڕۆژنامەوانی‮ ‬خۆیان پاراستووە،‮ ‬لەناویشیان دا هەیە كەوتە داوی‮ ‬بێسەروبەری‮ ‬و فەوزای‮ ‬چەواشەكاری‮ ‬بەشێك لە كەناڵەكانی‮ ‬گەیاندن كە ساڵانێكە میدیای‮ ‬كوردی‮ ‬بە دەستیەوە گیرۆدە بووە،‮ ‬وەك باسمان كرد خەبات لەكاتێكدا ئۆرگانی‮ ‬حزبێكی‮ ‬سیاسیشە وەلێ هێشتا پانتایی‮ ‬ئازادی‮ ‬و فرە هەڵوێستی‮ ‬نووسەرانی‮ ‬و،‮ ‬تەنانەت خوێنەرانیشی‮ ‬زۆر لەپێش كۆمەڵێك‮ ‬ڕۆژنامەی‮ ‬ترە كە بانگەشەی‮ ‬سەربەخۆیی‮ ‬و بێلایەنی‮ ‬دەكەن،‮ ‬تا ئێستاش بۆ بەشێكی‮ ‬زۆری‮ ‬سیاسی‮ ‬و شرۆڤەكار و جووتیار و كاسبكار و وەرزشوانانیش خەبات سەرچاوەی‮ ‬سەرەكی‮ ‬هەواڵ و زانیاری‮ ‬تازەیە‮. ‬لە‮ ‬58 ساڵەی‮ ‬خەبات سڵاو بۆ خودانی‮ ‬هەر قەڵەمێك كە‮ ‬ڕۆژێك لە‮ ‬ڕۆژان خزمەتی‮ ‬لەو‮ ‬ڕۆژنامە ئازیزە كردبێ،‮ ‬سڵاو لەو كارمەندە ماندوونەناسانەی‮ ‬خەبات كە شەو و‮ ‬ڕۆژ بەیەكەوە گرێ دەدەن لە پێناو ئەوەی‮ ‬خزمەتێكی‮ ‬جوانتری‮ ‬خوێنەرانیان بكەن،‮ ‬ساڵیادی‮ ‬خەبات پیرۆزبێت،‮ ‬ئێمەش پشتیوانتانین بۆ ئەوەی‮  ‬تا ژیان مابێت خەباتیش بەردەوام بێت‮....‬

توانیویەتی‮ ‬گرەو لە خوێنەرانی‮ ‬بباتەوە

زەینەب سندی‮ ‬،نوسەر و رۆژنامەنووس لە ساڵیادی‮ ‬رۆژنامەی‮ ‬خەبات وتی‮: ‬رۆژنامەی‮ ‬خەبات ئۆرگانی‮ ‬ئاشكرای‮ ‬پارتی‮ ‬دیموكراتی‮ ‬كوردستانە لە‮ ‬ڕۆژی‮ ‬4 / 4 ی‮ ‬ساڵی‮ ‬1959 ‮ ‬لە بەغدا،‮ ‬دەرچووە و تا ئێستاش بە ناوونیشانی‮  ‬تا ژیان بەردەوام بێ‮ ‬،‮ ‬خەبات بەردەوامە‮  ‬درێژەی‮ ‬هەیە،رۆژنامەی‮ "‬خەبات‮" ‬بە درێژایی‮ ‬تەمەنی‮ ‬نموونەی‮ ‬راگەیاندنی‮ ‬پیشەیی‮ ‬بووە و لە هەموو قۆناغەكاندا بەرژەوەندە باڵاكانی‮ ‬میللەتەكەمان و پاراستنی‮ ‬دەستكەوتەكانی‮ ‬بە ئەركی‮ ‬سەر شانی‮ ‬خۆی‮ ‬زانیوە.من وەك رۆژنامە نووسێكی‮ ‬ئافرەت پێموایە كە رۆژنامەی‮ ‬خەبات‮ ‬یەكێكە لە قوتابخانە گەورەكانی‮ ‬پێگەیەنەرانی‮ ‬بواری‮ ‬رۆشنبیری‮ ‬و نووسین،‮ ‬لە ساڵانی‮ ‬پەنجاكانەوە ئێمە هەموو سەرچاوە و كەرەستەیەكی‮ ‬رۆشنبیریمان تەنها رۆژنامەی‮ ‬خەبات بوو‮ ‬،‮ ‬ئەم رۆژنامەیە لە ماوەی‮ ‬58 ساڵی‮ ‬تەمەنیدا دەیان لاو و كەسایەتی‮ ‬هێناوەتە ناو كایەی‮ ‬رۆشنبیری‮ ‬و رۆژنامەنوسی‮ ‬و بە كوردایەتی‮ ‬و نەتەوایەتی‮ ‬و زانیاری‮ ‬و پر چەككردنیان لە چەمكی‮ ‬رۆحیەتی‮ ‬پێكەوەژیان و رێزگرتن لە بیروڕای‮ ‬جیاواز و بیركردنەوەكانی‮ ‬بەرامبەر پەروەردەی‮ ‬كردوون‮ ‬،‮ ‬دەیان كەسی‮ ‬شارەزا و پسپۆری‮ ‬بواری‮ ‬میدیا و رۆژنامەگەری‮ ‬كوردی‮ ‬لەم قوتابخانەیەدا پێگەیشتوون‮ ‬،‮ ‬نەك هەرلەلای‮ ‬من بەڵكو لای‮ ‬خوێنەری‮ ‬كوردیش هەمیشە خەبات هێمای‮ ‬خەبات و كوردایەتی‮ ‬و نیشتمان پەروەری‮ ‬و بەرخودان و تێكۆشان بووە چ لە سەردەمی‮ ‬شاخ و چ لە سەردەمی‮ ‬شاردا‮ ‬،‮ ‬رۆژنامەی‮ ‬خەبات بەهۆی‮ ‬فرە رەهەندیەوە توانیویەتی‮ ‬گرەو لە خوێنەرانی‮ ‬بباتەوە‮ ‬،‮ ‬بە بڵاوكردنەوەی‮ ‬هەواڵی‮ ‬گرنگ و بابەتی‮ ‬ئەدەبی‮ ‬و كۆمەڵایەتی‮ ‬و هونەری‮ ‬و تەواوی‮ ‬لایەنەكانی‮ ‬ژیان‮ ‬،‮ ‬لە سەرووی‮ ‬هەمووشیانەوە رۆژنامەی‮ ‬خەبات خۆی‮ ‬لە عیچراقچێتی‮ ‬دوور خستۆتەوە و هەمیشە كوردستانی‮ ‬كاری‮ ‬كردووە و بەمەش وایكردووە كە خوێنەرانی‮ ‬تەنها لە كەسانی‮ ‬سەر بە پارتی‮ ‬دیموكرانی‮ ‬كوردستان نەبن بەڵكو كەسانی‮ ‬بێلایەن و سەر بە لایەنەكانی‮ ‬تریش بەپەرۆشەوە رۆژانە بەدوای‮ ‬رۆژنامەی‮ ‬خەباتدا دەگەڕێن و دەیكڕن و دەیخوێننەوە‮ ‬،‮ ‬لەم‮ ‬یادەدا هیوادارم كە رۆژنامەی‮ ‬خەبات هەنگاوی‮ ‬گەورەتر بنێت و زیاتر بەرەو پێش بچێت لە رووی‮ ‬زیادكردنی‮ ‬لاپەڕە و جوانتر كردنی‮ ‬لایەنی‮ ‬هونەری‮ ‬و دیزاین و گرنگی‮ ‬زیاتر بە بواری‮ ‬ئافرەتان بدرێت و ئافرەتانیش زیاتر بەشداربوون لە نووسین و شرۆڤەكردنی‮ ‬بابەتەكانی‮ ‬رامیاری‮ ‬و رۆشنبیری‮ ‬و كۆمەڵایەتیی‮ ‬و بۆ زیاتر پێشكەوتنی‮ ‬رۆژنامەی‮ ‬خەبات‮.

پێویستە خەبات تەكانێكی‮ ‬تر بدات

رۆژگار محەمەد ئەمین،‮ ‬مامۆستای‮ ‬زانكۆ لە ساڵوەگەری‮ ‬58ەمینی‮ ‬دەرچوونی‮ ‬رۆژنامەی‮ ‬خەبات وتی‮: ‬پیرۆزبایی‮ ‬گەرمم ئاراستەی‮ ‬خاوەنی‮ ‬ئیمتیاز و سەرنووسەر و تەواوی‮ ‬رۆژنامەنووسانی‮ ‬خەبات و كارمەندانی‮ ‬دەكەم،خەبات كە‮ ‬یەكەم ژمارەی‮ ‬لە‮ ‬4ی‮ ‬نیسانی‮ ‬1959‮ ‬دەرچوو،بۆ ئەو كات و سەردەمە گرنگی‮ ‬و بایەخی‮ ‬خۆی‮ ‬هەبوو لە كایەی‮ ‬سیاسی‮ ‬و فەرهەنگی‮ ‬و كۆمەڵایەتی‮ ‬گەلی‮ ‬ئێمە،لە ئاراستەكردنێكی‮ ‬هزری‮ ‬راست و دروستی‮ ‬تاكی‮ ‬كۆمەڵگای‮ ‬ئێمە ئەمەش بەو پێودانگەی‮ ‬كە رۆژنامەكە ئۆرگان و زمانحاڵی‮ ‬پارتی‮ ‬دیموكراتی‮ ‬كوردستانە و لەو سەردەمەشدا پارتی‮ ‬تەواوی‮ ‬پانتایی‮ ‬شەقامی‮ ‬كوردی‮ ‬كێش كردبوو‮. ‬ئێستاش لە دوای‮ ‬58‮ ‬ساڵ لە دەرچوونی‮ ‬وێڕای‮ ‬هیوای‮ ‬بەردەوامی‮ ‬لە كاروانی‮ ‬پڕ‮ ‬سەروەری‮ ‬خۆی،بەڵام خوازیارم خەبات تەكانێك بە رەوتی‮ ‬كاری‮ ‬خۆی‮ ‬بدات چ لە لایەنی‮ ‬پێڕست و ناوەڕۆكەوە بێت‮ ‬یانیش لە لایەنی‮ ‬هونەری‮ ‬و دیزایینەوە،هەروەها سنووری‮ ‬هەرێمی‮ ‬كوردستان ببڕێت و پێم باشە پاشكۆی‮ ‬تایبەت بەپارچەكانی‮ ‬دیكەی‮ ‬كوردستان هەبێت تاكو دوورترین مەودا ببڕێت،چونكە خەبات زمانحاڵی‮ ‬پارتیە و پارتیش شەڕەفی‮ ‬ئەوەی‮ ‬پێ بڕاوە سەركردایەتی‮ ‬پرۆسەی‮ ‬سەربەخۆیی‮ ‬كوردستان بكات‮. ‬دووبارە ساڵیادی‮ ‬دەرچوونی‮ ‬خەبات پیرۆزبێت‮.‬

رۆژنامەی‮ ‬خەبات مێژوویەكی‮ ‬پر لە شانازی‮ ‬تۆمار كردووە

فەرمان بەرزنجی‮ ‬وەك مامۆستایەك لە ساڵیادی‮ ‬رۆژنامەی‮ ‬خەبات وتی‮: ‬گەرمترین و جوانترین پیرۆزبایی‮ ‬لە‮ ‬57 ەمین ساڵەی‮ ‬دەرچوونی‮ ‬ڕۆژنامەی‮ ‬خەبات‮ ‬،‮ ‬زمان حاڵی‮ ‬پارتی‮ ‬دیموكراتی‮ ‬كوردستان دەكەم كە‮ ‬57 ‮ ‬ساڵە بەئاشكرا مێژوویەكی‮ ‬پڕشانازی‮ ‬تۆمار كردووە چ لە شاخ و چ لە‮ ‬ڕۆژگارە سەختەكانی‮ ‬سەردەمی‮ ‬نهێنیدا كە كۆمەڵێ كادر و هەڤاڵی‮ ‬دڵسۆز توانیویانە ئازایانە پەرە بە كاری‮ ‬ڕۆژنامەوانی‮ ‬خەبات بدەن چ وەك ئێستا كە خەبات لەگشت بوارەكاندا هەر لەبواری‮ ‬ڕۆشنبیری‮ ‬و سیاسی‮ ‬و كۆمەڵایەتی‮ ‬دەورێكی‮ ‬كاریگەری‮ ‬هەبووە لە مەیدانەكە وە داكۆكی‮ ‬كارێكی‮ ‬سەرسەختی‮ ‬مافە‮ ‬ڕەواكانی‮ ‬گەلی‮ ‬كوردمان بووە‮. ‬قوتابخانەیەك بووە بۆ پێگەیاندنی‮ ‬كادری‮ ‬كارامە و لێهاتوو‮ ‬یاخود لە دەورات كردنی‮ ‬بیرو هزرێكی‮ ‬نەتەوەیی‮ ‬كوردانە لەناو تاكەكانی‮ ‬گەلی‮ ‬كوردا دەستی‮ ‬باڵای‮ ‬هەبووە،‮ ‬لە ماوەی‮ ‬شەڕی‮ ‬داعشیش خەبات رۆڵێكی‮ ‬گرنگی‮ ‬هەبووە لە گەیاندنی‮ ‬پەیامەكەی‮ ‬خۆیدا كە ئەمەش خەباتێكی‮ ‬ترە كە جێگای‮ ‬خۆشحاڵیە‮ ‬پێویستە لەمەودوا خەبات زیاتر گرنگی‮ ‬بە بوارەكانی‮ ‬تریش بدات لە هەموو بەشەكانی‮ ‬كوردستان‮.‬

خەبات‮ ‬،پێشمەرگە ئاسا خزمەتی‮ ‬بە كوردستان كردووە

نێچیرڤان حوسێن وەك قوتابیەك لە ساڵیادی‮ ‬رۆژنامەی‮ ‬خەبات پەیامی‮ ‬خۆی‮ ‬دەگەیەنێت و دەڵێت‮: ‬لە‮ ‬58ەمین ساڵیادی‮ ‬بەئاشكرا دەرچوونی‮ ‬ڕۆژنامەی‮ ‬خەبات،‮ ‬پیرۆزبایی‮ ‬لە تەواوی‮ ‬ستافی‮ ‬ماندوونەناسی‮ ‬ڕۆژنامەی‮ ‬خەبات دەكەین كە پێشمەرگە ئاسا بە قەڵەمەكانی‮ ‬دەستیان خزمەتی‮ ‬كوردستان دەكەن لە بوارە جیاوازەكان‮. ‬وەكو قوتابییەك بە پێویستی‮ ‬دەزانم زیاتر گرنگی‮ ‬بە بواری‮ ‬پەروەردە و فێركردن بدات‮ . ‬لە‮ ‬ڕێگەی‮ ‬ئەو بەشە تایبەتەوە دەتوانرێت خزمەتێكی‮ ‬زیاتر بە پرۆسەی‮ ‬خوێندن لە كوردستان و چینی‮ ‬قوتابیان بگەیەنن،‮ ‬بە بڵاوكردنەوەی‮ ‬توێژینەوەی‮ ‬زانستی‮ ‬و بەدواداچوون بۆ كێشە و كەم و كوڕیەكانی‮ ‬پرۆسەی‮ ‬خوێندن بكرێت چونكە ئەم بوارە خزمەتی‮ ‬زۆر لە خۆ دەگرێت‮ ‬هەروەها پێویستە زیاتر كاربكرێت بۆ وشیاركردنەوەی‮ ‬كۆمەڵگا بە گشتی‮ ‬و چینی‮ ‬لاوان بە تایبەتی‮ ‬چونكە توێژێكی‮ ‬گرنگی‮ ‬ئەم كۆمەڵگایە‮ ‬،‮ ‬و كاركردن لە پێناو زیاتركردنی‮ ‬ئینتیمای‮ ‬تاك بەرامبەر خاك و نیشتیمان.بۆ ئەوەی‮ ‬لە داهاتوو لاوان بتوانن ببنە چەندین سەركردەی‮ ‬لێهاتوو بۆ وڵاتەكەیان‮.‬

 
چاپکردن   Share گه‌ڕانه‌وه‌