2017-03-27

خەبات‮: ‬میحوەرێ رۆژئاڤایێ دیجلە‮: هەلز عەلی‮ ‬سەلیم
پێشمەرگەیێ كوردستانێ ل رۆژێن نەورۆزێ ل چەپەرێن شەریدا بوویە و ب روحیەتەكا نەتەوەیی‮ ‬خوراگری‮ ‬كر و ئاگرێ نەورۆزێ هەلكر و ئاهەنگێن خو گێران،‮ ‬رۆژنامەیا خەبات ژی‮ ‬ل رۆژێن نەورۆزێ ل گوندێ قەسەریج و حوگنە و كارێز و بەنداڤا مووسل دگەل هێزێن پێشمەرگەیی‮ ‬بوویە‮.‬
عەقید عیسا بوتی‮ ‬ئەندامێ سوپایێ پێنچ سەر ب فەرماندەیا دهۆك ڤە گۆت‮: ‬نەورۆز بیرەوەریەكا نەتەوەیی‮ ‬یە و ئەڤرۆ رۆژەكا دیرۆكی‮ ‬یە بۆ مللەتێ مە،‮ ‬جونكە پێشمەرگەیێ قەهرەمان ب خوینا شەهیدان شیان سنورێن هەرێما كوردستانێ دەستنیشان بكەن و دەڤەرێن دەرڤەیی‮ ‬هەرێمێ ڤەگەرینە د باوەشا كوردستانێ دا،‮ ‬ئەڤە نیزیكی‮ ‬سێ سالایی‮ ‬پێشمەرگەیێ ل بەر سینگێ مەزنترین تیرورستێن دونیایێ راوستایی‮ ‬و شیان وان ژهەمی‮ ‬لایەكی‮ ‬ڤە بێ هێز بكەن.عەقید عیسا بوتی‮ ‬گۆت ژی‮: ‬ئەم وەكو پێشمەرگە د سەرڤەرازین ئەڤرۆ د جەپەرێن بەرەڤانیكرنێ د ئاخا كوردستانێ دا و هەر دەم د بەرهەفین ل هەر بارچەیەكا كوردستانێ شەری‮ ‬بكەین و ئاخا وەلاتێ خو رزگار بكەین و بێگومان شەهید بوون سەربلنداهی‮ ‬یە بۆ مە‮.‬
ئەم لوێرە دجەپەراداینە دا خەلكێ مە ب ئارامی‮ ‬و ب كەیفخوشی‮ ‬بجیتە گەریانا و كەیفێ بكەت وەك ئەندامێ سوپایێ پێنچ سەر ب فەرماندەیا دهۆك ڤە گۆتی‮: ‬هیڤیا مە ئەوە سالا سەركەفتن و گەهاندنا هەمی‮ ‬ئارمانج و ئۆمێدا بیت.ل بیرەوەریێن نەتەوەیی‮ ‬پتر ئەم حەز دكەین ل جەپەرا بیت و هزرا مە‮ ‬یا نەتەوەیی‮ ‬پتر مە هانددەت ئەم خوراگر بین و سەنگەرا پتر ب رێك و پێك بێخین ژ بۆ هندێ خەلكێ مە پتر ژیان و سەیرانێن خۆ ب خوشی‮ ‬پرێڤە بەت و نەورۆز رۆژەكا تایبەتە بۆ مللەتێ كورد،‮ ‬لەوا هەر دەم ئەم كار ژبۆ خوشكرنا ژیانا خەلكێ خو دكەین وەك عەقید عیسا بوتی‮ ‬گۆتی‮.‬
عەقید لوقمان رەشید گۆت‮: ‬ئەم مزگینیێ ددەینە خەلكێ خو هندی‮ ‬ئەم هەبین دێ بەرەڤانیێ ژئاخا وەلاتی‮ ‬خو كەین،‮ ‬لەوا ب دلەكێ خوش نەورۆزا خو بلا بكەن و كەیفا مللەتێ مە هەر‮ ‬یا مەیە‮.‬
مقدم چوغان شلی‮ ‬گۆت‮: ‬نەورۆز رۆژەكا پیرۆزە لدەڤ هەر تاكە كەسەك كورد،‮ ‬لەوا هیڤیا مە ئەوە ب خوشی‮ ‬و ب پێكڤەژیان و ب ئێكگرتن ئەڤ نەورۆزە دەرباس ببیت،‮ ‬دیسان دخوازم هەمی‮ ‬لایەك د ئێكگرتی‮ ‬بن‮. ‬
مقدم فازل ئەحمەد گۆت‮: ‬چەژنا نەورۆزێ ل هەمی‮ ‬پێشمەرگەیی‮ ‬دچەپەراندا پیرۆز دكەم،‮ ‬گەلەك پێخوشحالم ئەڤرۆ ل چەپەراندا داكو بەرەڤانیێ ژ ئاخا كوردستانێ بكەن دا خەلكێ مە ب كەیف چەژنا خو بگێریت.مقدم فازل خواست كۆ دووماهیك نەورۆز بیت پێشمەرگە د بەرۆكێن چەپەراندا بیت و ئێدی‮ ‬ئەو ژی‮ ‬دناڤا مللەتێ خودا و دباوەشا دەولەتا كوردیدا دگەل خێزانێن خو ب خوشی‮ ‬ئاهەنگ و سەیرانێن نەورۆزێ بگێرن.مقدم فازل ئەحمەد گۆت‮: ‬دبێژمە لایەنێن سیاسی‮ ‬بلا ئەڤ ناكوكیێن سیاسی‮ ‬بەس بن و بلا ئەم كورد هەمی‮ ‬پێكڤە كار بۆ دەولەتا كوردی‮ ‬بكەین و بەرەڤانیێ ژ ئاخا كوردستانێ بكەین،‮ ‬كا چەوا پێشمەرگە جوداهیێ نائێخیتە دناڤبەر پێشمەرگەیی‮ ‬كا چ لایەنە و هەمی‮ ‬پێكڤە شەرێ دۆژمنی‮ ‬دكەن،‮ ‬ئاها وەسا بلا لایەنێن سیاسی‮ ‬بخو ژ پێشمەرگەیی‮ ‬فێر ببن و خو ئێكگرتی‮ ‬بكەن‮.‬
مقدم عادل بەرواری‮ ‬گۆت‮: ‬
پێشمەرگەیێ كوردستانێ شیایە دوژمنی‮ ‬ژ ناڤببەت لەوا ب هەلكەفتا نەورۆزێ دخوازین هەمی‮ ‬لایەنێن سیاسی‮ ‬د ئێكگرتی‮ ‬بن‮. ‬
نەقیب تاهر ئەحمەد گۆت‮: ‬بۆ مە شانازی‮ ‬یە خەلكێ مە ئەڤرۆ‮ ‬یێ دلخوشە و مە ژی‮ ‬ل چەپەرا ئاگرێ نەورۆزێ هەلكریە،‮ ‬لەوا دبێژمە مللەتێ خویێ كورد خوشیێن خو بكەن پێشمەرگە ل پشتا هەوەیە.نەقیب تاهر گۆت‮: ‬ژ مللەتێ كورد ب گشت و سەركردایەتیا سیاسی‮ ‬ب تایبەت د خوازم د ئێكگرتی‮ ‬بین بەرامبەر هەمی‮ ‬پیلانێن دۆژمنان دا بگەهینە وێ رۆژێ‮ ‬یا سەربەخویا كوردستانێ رادگەهینێن،‮ ‬لەوا دبێژم ئێكگرتن و ئێكگرتن و هەر ئێكگرتن بۆ مللەتێ كورد‮. ‬
ئەفسەر ولیەم مەجید گۆت‮: ‬نەورۆز رۆژەكا دیرۆكی‮ ‬یە و لڤێ رۆژێ كاوەیی‮ ‬ئاسنگەر شیایی‮ ‬مللەتێ ئاری‮ ‬لبن زولمێ بینتە دەر و ئەم وەكو پێشمەرگە ژی‮ ‬هەست ب خوشیەكا مەزن دڤێ بیرەوەریدا دكەین و هەر وەسا ئەم پێخوشحالین كۆ ئەم وەك پێشمەرگە ئەركێ خو بەرامبەر وەلاتێ خو ئەنجامبدەین و دشیێن ب روحەكا بەرخودانیێ دا بەرەڤانیێ ژمللەتێ خو بكەین،‮ ‬جونكە شەرێ مە شەرەكێ رەوایە ژ بۆ ئازادیا ئاخا مەیە.ولیەم مەجید گۆت ژی‮: ‬چەوا پێشمەرگە ب گیانەكێ گەرم بەرەڤانیێ ژ ئاخا كوردستانێ دكەت،‮ ‬بلا لایەنێن سیاسی‮ ‬ژی‮ ‬ب گیانەكێ ئاشتخوازانە لسەر مێزا دان و ستاندنی‮ ‬ئاریشا جارەسەر بكەن و دەستبەردان ژ هندەك تشتان نە كێماسیە ئەگەر د پەرژەوەندیا كوردستانێ دا بیت‮.‬
پێشمەرگە كەمال فواد گۆت‮: ‬چەژنا نەورۆزێ ل مالباتا خۆ و هەمی‮ ‬خێزانێن شەهیدا و سەرۆك بارزانی‮ ‬پیرۆز دكەم و سەربلندم ئەڤرۆ ل جەپەرێن پێشیێ بەرەڤانیێ ژ ئاخا كوردستانێ دكەم و خەلكێ و مە ب ئارامی‮ ‬بەرەڤ گەریان و ئاهەنگا ڤە دجیت،‮ ‬ئەڤە ژی‮ ‬تاكە ئارمانجا پێشمەرگەیە‮

 
چاپکردن   Share گه‌ڕانه‌وه‌