2017-03-14

خه‌بات: نه‌به‌ز روستایی

رادمێل ڤالكاو هێرشبەری‮ ‬یانەی‮ ‬مۆناكۆی‮ ‬فەرەنسی‮ ‬تووشی‮ ‬پێكان هات و ناچار بوو لەیاریان بەرامبەر بۆردۆ‮ ‬یاریگا جیبهێڵێت،‮ ‬لەو‮ ‬یارییەی‮ ‬لەشەممەی‮ ‬رابردوو لەمیانی‮ ‬گەڕی‮ ‬29ی‮ ‬خولی‮ ‬فەرەنسا بەڕێوەچوو،‮ ‬هێرشبەری‮ ‬كۆلۆمبی‮ ‬دوای‮ ‬بەرەیككەوتنی‮ ‬لەگەڵ نكۆلاس بالۆیۆس كەوتە سەر زەوی‮ ‬و تووشی‮ ‬ئازاری‮ ‬حەوزی‮ ‬هاتەوە،‮ ‬هەموو هەوڵەكانی‮ ‬چارەسەری‮ ‬شكستیان هێنا،‮ ‬ئەمەش وایكرد ڤالكاو‮ ‬یاریگا جێبهێڵێت و راهێنەر لیۆناردۆ گاردیم ناچار بێت لەخولەكەكانی‮ ‬كۆتاییدا بە‮ ‬10‮ ‬یاریزان‮ ‬یاری‮ ‬بكات،‮ ‬بەهۆی‮ ‬ئەوەی‮ ‬گۆڕانكارییەكانی‮ ‬تەواو ببوو‮. ‬ئەم پێكانەی‮ ‬ڤالكاویش ترسی‮ ‬خستە ناو دەستەی‮ ‬هونەری‮ ‬مۆناكۆ،‮ ‬ئەمەش بەر لەیاریان بەرامبەر‮ ‬یانەی‮ ‬مان سیتی‮ ‬هات،‮ ‬كە لە‮ ‬4‮ ‬شەممەی‮ ‬داهاتوو لەمیانی‮ ‬یاری‮ ‬گەڕانەوەی‮ ‬قۆناغی‮ ‬16ی‮ ‬خولی‮ ‬یانە پاڵەوانەكانی‮ ‬ئەوروپا بەیەك دەگەن،‮ ‬جێگای‮ ‬وەبیرهێنانەوەیە لەیاری‮ ‬چووندا‮ ‬یانەی‮ ‬مان سیتی‮ ‬لەسەر‮ ‬یاریگای‮ ‬ئیتحاد بە‮ ‬5-3‮ ‬گۆڵ سەركەوتنی‮ ‬تۆماركرد،‮ ‬ڤالكاو توانی‮ ‬2‮ ‬ گۆڵ لەمان سیتی‮ ‬تۆمار بكات،‮ ‬بەڵام دەرچوونی‮ ‬بەهۆی‮ ‬ئازار لەیاریان بەرامبەر بۆردۆ،‮ ‬كاریگەری‮ ‬لەسەر ئەنجامەكە نەبوو،‮ ‬كە بە‮ ‬2-1‮ ‬گۆڵ سەركەوتنیان تۆماركردو ئێستا بە‮ ‬68‮ ‬خاڵ پێشەنگی‮ ‬خولەكەیان گرتووە‮.‬

 
چاپکردن   Share گه‌ڕانه‌وه‌