2017-03-08


 بەپێی‮ ‬ڕاپۆرتێكی‮ ‬ماڵپەڕی‮ (‬هەنگاو‮) ‬بۆ مافەكانی‮ ‬مرۆڤ لە ماوەی‮ ‬ئاداری 2016 تاكو ئاداری‮ ‬2017، 60 ئافرەتی‮ ‬كورد لە شار و شارۆچكەكانی‮ ‬ڕۆژهەلاتی‮ ‬كوردستان،‮ ‬بە هۆكاری‮ ‬جیاجیا خۆیان كوشتووە‮.‬‮ ‬بەرپرسی‮ ‬ماڵپەڕی‮ ‬هەنگاو كە گرنگی‮ ‬بەمافەكانی‮ ‬مرۆف لەڕۆژهەڵاتی‮ ‬كوردستان دەدات‮ " ‬بە‮ "‬خەبات‮"‬ی‮ ‬راگەیاند‮: ‬بە پشتبەستن بە ئامارە تۆماركراوەكان لە بەشی‮ ‬ئامارگیریی‮ ‬ماڵپەڕەكەیان لە ماوەی‮ ‬ئاداری 2016 تاكو ئاداری 2017 واتە لەماوەی‮ ‬تەنیا‮ ‬یەك ساڵدا 60 ئافرەتی‮ ‬كورد بە شێوازی‮ ‬جۆراوجۆر كۆتاییان بە ژیانی‮ ‬خۆیان هێناوە،‮ ‬لەو نێوانەدا چوار منداڵی‮ ‬تەمەن‮ ‬10، 12، 14 و15 ‮ ‬ساڵیش هەن هەر لە‮ ‬ڕەگەزی‮ ‬مێ‮. ‬ ئەرسەلان‮ ‬یارئەحمەدی‮ ‬بەرپرسی‮ ‬ماڵپەری‮ (‬هەنگاو‮) ‬دەڵێت ئامارەكانی‮ ‬تایبەت بە خۆكوژی‮ ‬لە شاری‮ ‬سەقز 11 حاڵەتیان تۆماركردوە كە،‮ ‬زۆرترین‮ ‬ڕێژە لەو شارەدا تۆمار كراوە‮. ‬گوتیشی‮: ‬لەدوای‮ ‬سەقز،‮ ‬سنە بە 6 حاڵەت و شارەكانی‮ ‬ورمێ،‮ ‬مەریوان،‮ ‬شنۆ و مەهاباد بە تۆماركردنی 5 حاڵەتی‮ ‬خۆكوشتن دێن‮. ‬ یار ئەحمەدی‮ ‬هەروەها گوتی‮: ‬بۆكان و دیواندەرە، 4 حاڵەت،‮ ‬كامیاران‮ ‬3؟ كرماشان،‮ ‬ڕوانسەر،‮ ‬پیرانشار و قوروە 2 حاڵەت و لە شارەكانی‮ ‬ڕەبەت،‮ ‬پاوە و نەغەدەش1 ‮ ‬حاڵەتی‮ ‬خۆكوشتن لە ماوەی‮ ‬ئەمساڵدا تۆمار كراون‮. ‬لەبارەی‮ ‬شێوازی‮ ‬خۆكوشتنەكانیش بەرپرسی‮ ‬ماڵپەری‮ (‬هەنگاو‮) ‬بە‮ (‬خەبات‮)‬ی‮ ‬راگەیاند‮: ‬ئامارەكان ئەوە دەردەخەن كە 26 لەو قوربانیانە لەڕێگای‮ ‬خۆهەڵواسینەوە،19 ی‮ ‬دیكەش لە‮ ‬ڕێگای‮ ‬خۆسووتاندنەوە،‮ ‬5 حاڵەت بە خواردنی‮ ‬دەرمان، 4 كەس بە چەك، 2 ئافرت لەڕێگای‮ ‬خۆبەردانەوە لە بەرزایی،2 ی‮ ‬دیكە بە شێوازی‮ ‬نەزانراو، 1 كەس بە بڕینی‮ ‬شادەمارو،‮ ‬هەروەها ئافرەتێكی‮ ‬دیكەش لەڕێگای‮ ‬خواردنی‮ ‬تیزاب،‮ ‬كۆتاییان بە ژیانی‮ ‬خۆیان هێناوە‮. ‬ بەپێی‮ ‬لێكدانەوەی‮ ‬ئەرسەلان‮ ‬یارئەحمەدی‮ ‬زۆرترین هۆكاری‮ ‬خۆكوشتنی‮ ‬ئافرەتانی‮ ‬كورد لە‮ ‬ڕۆژهەڵاتی‮ ‬كوردستان‮ (‬30 حاڵەت‮) ‬بەهۆی‮ ‬كێشەی‮ ‬كۆمەڵایەتی‮ ‬و خێزانی‮ ‬بووە‮ ‬یاخود وا‮ ‬ڕاگەیەندراوە‮. ‬ئەمە جگە لەوەی‮ ‬كە 6 حاڵەت لە خۆكوشتنەكان پەیوەستن بە هەژاری‮ ‬و نەدارییەوە و5 ‮ ‬حاڵەتی‮ ‬دیكەش بە شێوەی‮ ‬ڕاستەوخۆ كێشەی‮ ‬خێزانی‮ ‬بووە‮. ‬لەوانەش‮ ‬یەكیان لەسەر بەكارهێنانی‮ ‬مۆبایل و‮ ‬یەك دیكەش بەهۆی‮ ‬بڵاوبوونەوەی‮ ‬گرتەیەكی‮ ‬تاكەكەسیی‮ ‬ڤیدیۆیی‮ ‬خۆیان كوشتووە‮. ‬ ئەمە لەكاتێكدا كە هۆكاری‮ ‬خوكوژیی 16 ئافرەتی‮ ‬كوردی‮ ‬دیكە لەو ماوەیەدا،‮ ‬ڕوون نییە و‮ ‬ڕانەگەیەندراوە‮. ‬هاوكات روونیشیكردەوە كە تەمەنی‮ ‬زۆربەی‮ ‬قوربانیەكان لە نێوان 21 تا 30 ساڵە،‮ ‬و بەتەمنترینشیان ئافرەتێكی 84 ساڵی‮ ‬خەڵكی‮ ‬كرماشان بووە‮. ‬ لە كۆتایی‮ ‬لێدوانەكەشیدا،‮ ‬بەرپرسی‮ ‬ماڵپەڕی‮ (‬هەنگاو‮) ‬بۆ مافەكانی‮ ‬مرۆڤ گووتی‮ ‬بەپێی‮ ‬ئەوڕەوشه سیاسیەی‮ ‬لە رۆژهەڵاتی‮ ‬كوردستان هەیەو رەوشی‮ ‬چاودێری‮ ‬لەسەر كاری‮ ‬میدیایی‮ ‬لەلایەن حكومەتی‮ ‬تارانەوە،‮ ‬ڕەنگە نەتوانرێت ئاماری‮ ‬وردی‮ ‬قوربانیەكان‮ ‬دەستنیشان بكرێت‮.‬

 
چاپکردن   Share گه‌ڕانه‌وه‌