2017-03-06

خەبات‮: ‬هەلز عەلی‮ ‬سەلیم‮/ ‬رەبیعە
هێزا دوو لەشكەرێ رۆژ ل رێكەفتی‮ ‬5‮/‬ 5‮/‬ 2015ێ پەیوەندی‮ ‬ب شەرێ دژی‮ ‬تیرۆرێ كریە و بەرەڤ گۆندێ سەهلج دناڤبەرا ناحیا زوممار و سكرێ مووسلدا چووینە،‮ ‬تێ زانین پێشمەرگەیێ ڤێ هێزێ ژ هەر چوار پارچەیێن كوردستانێ نە،‮ ‬لێ بەهرا پتر خەلكێ رۆژئاڤایێ كوردستانێ نە‮.‬
عەقید قادر شێخمەمی‮ ‬فەرماندێ هێزا‮ ‬2 ‮ ‬لەشكەرێ روژ گۆت‮: ‬ئەگەر ئاستەنگ ژلایێ هندەك پارتێن سیاسی‮ ‬ڤە وەك‮ ‬PKKە وYPGە و‮.... ‬هتد،‮ ‬نەبانە دا هەر ژ دەسپێكا شەری‮ ‬ل رۆژئاڤا جینە وێرێ،‮ ‬چونكە مە نەڤیایە كێشێن نەتەوەیی‮ ‬روو بدەن لەوا سەرۆك بارزانی‮ ‬بریاردا هیچ پێشمەرگە نەجیتە رۆژئاڤا،‮ ‬ژبەر ئەو لایەنێن سیاسی‮ ‬یێن كورد‮ ‬یێن لوێری‮ ‬تەقبلا هیچ هێزەكا دیتر ناكەن و چوونا مە ل رۆژئاڤا دا كێشە و نەخۆشیان دروست كەت.سەرارایێ هندێ خەلكێ ڤێ هێزێ بەهرا پتر خەلكێ رۆژئاڤانە وەك عەقید قادر گۆتی‮: ‬چاڤەریێ هندێ نە بجن دەڤەرێن خو ئازاد بكەن و پارێزێن و ب پشتراست دبێژم ئەگەر ئەڤ لەشكەرە نەجیتە رۆژئاڤا هیچ ئارامی‮ ‬ل دەڤەرێ پەیدا نابیت،‮ ‬چونكە ئەو لایەنێن سیاسیێن لوێرێ نەشێن بتنێ كوردستانا رۆژئاڤا پارێزن.قادر شێخمەمی‮ ‬گۆت ژی‮: ‬هیچ جیاوازیێ دناڤبەرا پێشمەرگەیێ ڤێ هێزێ ناكەین و ل كیژان پارچەیا كوردستانێ بن هەموو وەك ئێك دێ بەرەڤانیێ ژ كوردستانێ كەن،‮ ‬كا چەوان خەلكێ رۆژئاڤا بەرەڤانیی‮ ‬ژ ئاخا باشور كریە بوی‮ ‬رەنگی‮ ‬پێشمەرگەیێ باشور ژی‮ ‬دێ بەرەڤانیێ ژ كوردستانا رۆژئاڤا كەت و ئەم دێ خوبەخش جینە رۆژئاڤا و بەرەڤانیێ ژ ئاخا پیرۆزا كوردستانێ كەین.ئەم دناڤبەرا سنورێن كوردستانا باشور و رۆژئاڤا داینە وەك عەقید قادر شێخمەمی‮ ‬گۆتی‮: ‬تا نوكە هیچ لایەنەك نەشیاینە بۆ مە چ ئاستەنگا دروست بكەت،‮ ‬لێ دەمێ پێشمەرگەیێ مە دا جیت خالێن سنوری‮ ‬بگریت ل ناحیا سنونێ ل دەڤەرا خانە سور،‮ ‬هێزێن‮ ‬یەپەك و‮ ‬یەپەشە و پەكەكە هەولا شەری‮ ‬دگەل پێشمەرگەیی‮ ‬رۆژ كر،‮ ‬لێ پێشمەرگەیێ مە بەرسڤا وان دا‮.‬
لیوا عزیز ویسی‮ ‬بانی‮ ‬،فەرماندێ فەرماندەیا پێشمەرگەیێن زێرەڤانی‮ ‬گۆت‮: ‬مخابن بۆ وێ روودانا لرێكەفتی‮ ‬2‮/‬3‮/‬2017 ‮ ‬ل خانەسوورێ هاتیە ئەنجامدان و ل هەر لایەكی‮ ‬خسارەتی‮ ‬و باجا وێ كورد ددەن،‮ ‬زۆر خەمبارین كۆ‮ ‬PKKـە ڤێ‮ ‬یاریێ دكەت وهیچ دەستكەفتەك بۆ كوردان ژێ نائێت ژبلی‮ ‬مال خرابوون و وێرانكرنێ نەبیت‮. ‬PKKـە بڤی‮ ‬كارێ خو نە بەس نابیتە خۆدان دەستكەفتەك،‮ ‬لێ رۆژ بۆ رۆژێ مارجینال ژی‮ ‬دبیت و ئەڤەیە هزرا‮ ‬PKKێ،‮ ‬كۆ دشێت سوود ژ كارەساتا شنگال وەرگریت‮ ‬یا كۆ بدەستێ داعشێن هۆڤ هاتیەكرن بوێ رامانا‮ (‬مصائب قوم عند قوم فوائد‮).‬
جێوازی‮ ‬ل هەبوونا‮ ‬PKKێ ل باشور،‮ ‬رۆژئاڤا و رۆژهەلاتا كوردستانێ ل گەل پێشمەرگەیێن رۆژئاڤا ئەوە،‮ ‬PKKـە لدووڤ ڤالاتیێن سیاسی‮ ‬ولەشكەری‮ ‬ل پارچێن دی‮ ‬یێن كوردستانێ ب مەرەما دەست دانینا لسەر وان پارچەیان،‮ ‬داكۆ بەلانسەكێ دناڤبەرا شكەستن و كردارێن خۆ‮ ‬یێن دووری‮ ‬لۆژیك ڤەشێریت وپەنایێ دبەتە سەر ڤان رەنگە سیاسەتان ل پارچێن دیێن كوردستانێ وەك لیوا عزیز ویسی‮ ‬بانی‮ ‬گۆتی‮: ‬لێ لەشكرێ رۆژئاڤا دشەرتێن مەجبووریدا هاتینە باشور و سەروكایەتیا كوردستانێ وحكومەتا هەرێمێ دەستێ هاریكاریێ بۆ وان درێژ كریە وەكو بۆPYD ‮ ‬یا‮ ‬PKKێ ژی‮ ‬درێژكری‮ ‬وشەرڤانێن‮ ‬YPG یێن‮ ‬PKKێ،‮ ‬بڤی‮ ‬شێوەی‮ ‬لەشكرێ رۆژ بوو هێزەكا پڕۆفشنال كوبرێكێن زانستی‮ ‬ولەشكری‮ ‬و ئەمنی‮ ‬بشێن پاراستنا ئاخا خۆ بكەن وئەولەكاریا گەلێ خۆ ب‮ ‬پارێزن.مخابن‮ ‬PKKێ حەتا ڤێ چركەیا ژی‮ ‬دژی‮ ‬ڤەگەراندنا لەشكرێ رۆژە بۆ رۆژئاڤا وەك لیوا عزیز ویسی‮ ‬گۆتی‮: ‬لدەمێ مەترسی‮ ‬كەتیە سەر هەرێما كوردستانێ لەشكرێ رۆژ بوێ تەجروبەیا ل هەرێمێ وەرگرتی‮ ‬شیان رۆلەكێ‮ ‬یەكجار مەزن وبەرچاڤ ببینن ژبۆ پاراستنا هەرێما كوردستانێ و هەمی‮ ‬كەس دیدەڤانێ قارەمانی‮ ‬وقوربانیا وانن وخۆینا وان دیدەڤانێ هەرێ مەزنە،‮ ‬كۆ تا نوكە ژی‮ ‬ل سەنگەران ب سۆراتیا خۆیا دبرسقیت وهشكبوونا وێ مەحالە‮. ‬لێ مخابن هیچ جارەكێ بێ ئاستەنگ شەهیدێن لەشكرێ رۆژئاڤا ژلایێ‮ ‬PYDێ و‮ ‬YPG یا‮ ‬PKKێ نە ڤەگەریاینە‮ ‬جهێ باوەشا ئاخا دایكبوونا خۆ‮. ‬فەرماندێ فەرماندەیا پێشمەرگەیێن زێرەڤانی‮ ‬گۆت ژی‮: ‬لەشكرێ رۆژ وەك ئەو بخۆ دبێژن‮ " ‬ئەم گرێدای‮ ‬رێبازا بارزانی‮ ‬نەمرین‮"‬،‮ ‬ئانكۆ هێزەكا نەتەوەی،‮ ‬مرۆڤاتی‮ ‬نە بو هەر پارچەكا كوردستانێ پێویست بیت دێ هاریكار بیت و ئەركێ مرۆڤاتیێ لك‮ ‬یرێ بكەڤیتە سەر ملێ مە دێ‮ ‬جێبەجێ كەن‮. ‬لیوا عزیز ویسی‮ ‬بانی‮ ‬گۆت ژی‮: ‬نها لەشكرێ رۆژ دبن فەرمانا سەركردایەتیا لەشكەریا هەرێما كوردستانێ ل باشور كارێ خۆ بڕێڤەدبەت وەكو هێزەكا‮ ‬یاسایی‮ ‬ودبن فەرماناندا كار دكەت وهەولێن سەرۆكاتیا كوردستانێ وهەمی‮ ‬دۆستێن كوردان ئەوه كۆ،‮ ‬PKKـە قەبوول بكەت و بێ شەڕ‮ ‬و ب برایەتی‮ ‬ومل بملێ وان ل رۆژئاڤای‮ ‬كاربكەن.رێیا راست بۆ كوردایەتی‮ ‬ئەوە،‮ ‬بلەز‮ ‬PKKـە بڕیارا خۆ بدەت ودەست ژ باشوری‮ ‬بەردەت و مایتێكرنا كارێن نافخۆیا هەرێمێ نەكەت ونەبیتە ئامرازێ تێكبرنا پەیوەندیێن سیاسی‮ ‬وچڤاكی‮ ‬وئاساییشێ ل كوردستانێ و دڤێت ل هەر جهەكی‮ ‬بیت خەلكێ مە ب ئازادی‮ ‬ژیانا خۆ ببەتە سەری‮ ‬و بچنە سەر جهـ و وار ومال گوندێن خۆ وەك لیوا عەزیز بانی‮ ‬گۆتی‮.‬ئەگەر‮ ‬PKKە وYPGە‮.... ‬هتد،‮ ‬زانی‮ ‬دێ جینە رۆژئاڤا بێگومان دێ ئاریشان بوو مە لوێرێ دروست كەن وەك عەقید قادر شێخمەمی‮ ‬گۆتی‮: ‬هەر دەمێ بۆ مە بریار ژ سەركردایەتیێ هات دێ جینە رۆژئاڤا و رۆژانە خەلك‮ ‬یێ ژناڤ‮ ‬PKKێ وYPGێ خۆ رادەستی‮ ‬مە دكەن،‮ ‬چونكە بوو وان بێ ئومێدیەكا مەزن ژوان حزبا دروست بوویە و ب تایبەت پشتی‮ ‬PKKێ وYPGێ شكەستن ل رۆژئاڤا ئینایی،‮ ‬دیسان ژلایێ ئیداری‮ ‬ڤە ژی‮ ‬وان حزبان شكەستن ئینایە كۆ خەلكێ رۆژئاڤا پەیوەندیێ ب مە دكەن و داخوازا هاریكاریان دكەن و دبێژن مەترسی‮ ‬لسەر ژیانا مە هەیە،‮ ‬لەوا خەلكێ رۆژئاڤا‮ ‬یێ قەستا هەرێما كوردستانێ دكەت،‮ ‬ئەگەر وان حزبا سیاسەت و ئیدارەكا سەركەفتی‮ ‬هەبایە خەلكێ رۆژئاڤا جهێن خو نەدهێلان و ئاوارە نە دبوونە باشورێ كوردستانێ.شێخمەمی‮ ‬گۆت ژی‮: ‬هەتا خەلكێ دگەل‮ ‬PKKە وYPGە ژی‮ ‬بەرێ وان‮ ‬یێ ل پێشمەرگەیی‮ ‬دێ كەنگی‮ ‬جنە رۆژئاڤا دا وان پارێزن و دهەمان دەمدا خالەكا هەرە گرنگ هەیە،‮ ‬كۆ ئەو سەركردێن ژ ناڤ هێزێن‮ ‬PKKێ وYPGێ دئێنە ناڤ هێزێن پێشمەرگەیی‮ ‬دا،‮ ‬دبێژن ئەڤێن روژا عەملیاتان ل رۆژئاڤا پرێڤەدبەن پلەدارەكێ ئیرانی‮ ‬یە و خودانێ بریارێ‮ ‬یە و ئێكە دی‮ ‬سوری‮ ‬یە دگەل رژێما بەعسی‮ ‬یە و ئێكێ دیتر ژ حزب الله و‮ ‬یێ دیتر ژ حەشدا شەعبیە‮ ‬یا عیراقیە.لدووماهیێ عەقیدی‮ ‬گۆت‮: ‬هێزێن نیڤدەولەتی‮ ‬ژی‮ ‬گەهشتینە وێ باوەریێ،‮ ‬كۆ پێشمەرگە بتنێ دێ شێت كنترۆلا دەڤەرێ كەت،‮ ‬لەوا ئەو پشت بەستنێ لسەر مە دكەن‮. ‬
مقدم دلشاد سەلیم بەرپرسێ پشكا دیڤچوونا‮ ‬هێزا‮ ‬2 ‮ ‬لەشكەرێ رۆژ سەر ب فەرماندەیا زێرەڤانی‮ ‬ڤە گۆت‮: ‬لەشكەرێ رۆژ رۆلەكێ بەرچاڤ د شەرێ دژی‮ ‬تیرۆرێ دا هەبویە و پشكداری‮ ‬چەندین شەران بووینە،‮ ‬بگرە ژ شنگار كۆ‮ ‬340 ‮ ‬پێشمەرگەیێن ڤی‮ ‬لەشكەری‮ ‬پشكداری‮ ‬شەری‮ ‬ببون و دیسان ل شەرێ خازر و گۆندێ وەردەك و هەروەسان بۆ جارا دوویێ ل میحوەرێ خازر شەرەكێ مەزن هاتەكرن و هەمی‮ ‬هێزێن مە پشكدار ببوون و دووڤدا گوندێ شیلیخو و گۆندێن دەوروبەرێن وان هەموو مە ژ دەستێ داعشێ رزگار كرن و فەرماندەیێ زێرەڤانیی‮ ‬لیوا عەزیز وەیسی‮ ‬بخۆ پشكداری‮ ‬وان شەران ببوو‮. ‬لرێكەفتی‮ ‬17/ 10/ 2016ێ،‮ ‬ل گۆندێ بازگردان كۆ مە شەهیدەك دا و‮ ‬24 ‮ ‬جەنازێ تیرۆرستان مانە ددەستێ مەدا و رۆژا پاشتر شەرەكێ دژوارتر هاتە كرن و مە سەركەفتنێن مەزن توماركرن وەك مقدم دلشاد گۆتی‮: ‬ددوڤدا ب دوو رۆژا چووینە چەند گۆندێن دیتر تا گەهشتینە هێزێن پێشمەرگەیی‮ ‬ل میحوەرێ ناوەران و ل دەراویشێ ئەم ماین و سێ تەرمێ تیرۆرستێن داعشێ مانە دەستێ مەدا و ب شەڤ ژی‮ ‬تیرۆرستان هێرشەك ئینا هێزێن پێشمەرگەیی‮ ‬لێ شكەستن خوار و دووماهیك شەر مە پشكدار كری‮ ‬شەرێ كنترۆلكرنا ناحیا باشیك و بەحزانێ بوویە و شیایین سەركەفتنان لوێری‮ ‬ژی‮ ‬تومار بكەین و چەندین تیرۆرست مانە ددەستێن مە دا و لبەر ئەڤ لەشكەرە هێشتا بەرفرەهتر لێبهێت‮.‬
مقدم دلشاد گۆت ژی‮: ‬هێزا لەشكەرێ رۆژ چەندین شەهید و بریندار داینە و دبنیاتدا ئەڤ لەشكەرە بۆ رۆژئاڤا هاتیە دروستكرن،‮ ‬چونكە ئەڤە خودانێن رۆژئاڤانە و بەرهەڤیێن دئێنە كرن و ل نیزیك دێ جینە رۆژئاڤا و ئەم شەری‮ ‬دژی‮ ‬كەسێ ناكەین بتنێ بەرەڤانیێ ژئاخا خۆ دكەین ژ تیرۆرست و دۆژمنان،‮ ‬هەكو شەر بۆ مە هات ئەم نەجارین شەری‮ ‬بكەین‮.‬
مقدم سەلاح عەبدالغفار بەرپرسێ رەوشەنبیری‮ ‬و راگەهاندنا هێزا‮ ‬2 ‮ ‬لەشكەرێ رۆژ گۆت‮: ‬‮ ‬لەشكەرێ رۆژ ل دەسپێكێ چەند گەنجەك بوون دكرنە د راهێناندا كۆ دی‮ ‬چەوا شێن رۆلێ خو بینن و دووڤدا بوو هێزا ئێك و دووڤدا بوو ژبەر زێدەبوونا ڤی‮ ‬لەشكەری‮ ‬و چالاكی‮ ‬و شیانێن وان ئەڤ هێزە پتر لێهاتن،‮ ‬لەشكەرێ رۆژ پشكداری‮ ‬دچەندین ئۆپەراسیونێن شەرێ دژی‮ ‬تیرورستێن داعشێ كریە و چەندین سەركەفتن دگەل پێشمەرگەیێ قەهرەمان توماركرینە و بوونە جهێ باوەریا سەركردایەتیا لەشكەری‮ ‬ل هەرێما كوردستانێ.مقدم سەلاح عەبدالغفار گۆت ژی‮: ‬نوكە ژی‮ ‬بەرهەڤی‮ ‬یێ دئێنە كرن كۆ ئەڤ لەشكەرە بەرفرەه بیت و د راهێنانێن لەشكەری‮ ‬دانە و هوسا دێ لەشكەرێ رۆژ بیتە سەركردایەتیەكا تایبەت.تا نوكە سەر ب فەرماندەیا زێرەڤانی‮ ‬ڤەینە لێ پلان هەیە بجینە رۆژئاڤا ئەڤە و ئەڤ ژی‮ ‬ب سەرپەرشتیا هێزێن هەڤپەیمانە و سەركردایەتیا لەشكەری‮ ‬هەرێما كوردستانێ و ب شێوەكێ فەرمی‮ ‬لبن سیبەرا ناتویێ دێ جینە رۆژئاڤا وەك بەرپرسێ رەوشەنبیری‮ ‬و راگەهاندنا هێزا‮ ‬2 لەشكەرێ رۆژ گۆتی‮: ‬چوونا لەشكەرێ رۆژ بۆ رۆژئاڤا پاراستنا ئاخا كوردانە و ئەگەر پێدڤی‮ ‬كر دێ پشكداری‮ ‬شەری‮ ‬دژی‮ ‬تیرۆرێ بیت و نوكە بەرێ مە ل هندێ‮ ‬یە دێ كەنگی‮ ‬سەركردایەتیا لەشكەری‮ ‬و سیاسی‮ ‬بریارێ دەت ئەم بەرەڤ رۆژئاڤا ڤە بجین و مە ژی‮ ‬هەموو بەرهەڤین خو كرینە‮.‬
مقدم سەلاح گۆت ژی‮: ‬چوونا رۆژئاڤایێ و هەلبژارتنا پێشمەرگەیی‮ ‬دێ ژلایێ سەركردایەتیا لەشكەری‮ ‬ڤە ئێتەدان كا دێ بەس پێشمەرگەیێ خەلكێ رۆژئاڤا جن‮ ‬یان هەموو،‮ ‬لێ ئەز باوەرم دێ ل قوناغا ئێكێ هەموو پارچە پشكدار بن تا بشێن جهێن خو بگرن و دێ پێشتەڤانیەكا مەزن بین بۆ وان تا سەركردایەتیا خو دروست دكەن و لوی‮ ‬دەمی‮ ‬ژی‮ ‬دێ هەر بریارا سەركردایەتیا خو بجهئینین.پێشمەرگە ئیسكەندر شێخمەمی‮ ‬گۆت‮: ‬هەر دەمەكێ بریار هات ئەم دبەرهەڤین بجین رۆژئاڤا،‮ ‬چونكە ئەم پێشمەرگەیی‮ ‬كوردستانێ نە و ئەم ل هیڤیا هندێ‮ ‬ینە بجین‮.‬
پێشمەرگە بێكەس محەمەد نەزیر گۆت‮: ‬خەونا مە بوو ببینە پێشمەرگەیێ كوردستانێ و ئەڤرۆ سەربلندم ل باشوری‮ ‬دسەنگەراندا مە و ئەم ب هیڤینە بجینە رۆژئاڤا وێ ئاخا ژی‮ ‬رزگار بكەین و بەرهەڤم بجمە رۆژهەلاتا و باكور ژی‮ ‬بۆ كوردایەتیێ شەری‮ ‬بكەم‮.‬
نوژدار فازل ئیسماعیل،‮ ‬نوژدارێ هێزا‮ ‬2 ‮ ‬لەشكەر رۆژ گۆت‮: ‬هەر ژ دەسپێكا شەرێ دژی‮ ‬تیرۆرێ ل هەرێما كوردستانێ ئەز وەك خوبەخش د خزمەتا پێشمەرگەیی‮ ‬دا بووم و تا نوكە ژی‮ ‬بەردەوامم دگەل هێزا‮ ‬2 ‮ ‬لەشكەرێ رۆژ سەر ب فەرماندەیا زێرەڤانی‮ ‬ڤە،‮ ‬ژبلی‮ ‬پێشمەرگەیی‮ ‬رۆژ،‮ ‬پێشمەرگەیێ دیتر ژی‮ ‬من برینێن وان دەرمان كرینە و نوژدارا گرنگیەكا هەرە مەزن دناڤ هێزێن پێشمەرگەیی‮ ‬دا هەینە.هندەك كێماسێن تەندروستی‮ ‬هەبووینە لێ نوكە باشترە و هیڤیا مە ئەوە كەل و پەلێن تەندروستی‮ ‬بو مە بهێنە دابینكرن چونكە كارێ مە پێدڤی‮ ‬پتر خزمەتێ هەیە و هەر چەندە فەرماندەیا پێشمەرگەیی‮ ‬زێرەڤانی‮ ‬خەمساری‮ ‬نەكریە لێ هێشتا ئەم پێدڤی‮ ‬نە،‮ ‬چونكە ئەز نەبتنێ‮ ‬یێن هێزا رۆژ دەرمان دكەم لێ هەر پێشمەرگەیەك پێدڤی‮ ‬دبیت ئەز خزمەتا وی‮ ‬دكەم‮.

 
چاپکردن   Share گه‌ڕانه‌وه‌