2017-03-01

 ساسان دەروێش‮ -‬هۆڵەندا
بۆ بەرزڕاگرتنی‮ ‬خەبات و تێكۆشانی‮ ‬پتر لە نیو سەدەی‮ ‬جەنڕاڵە لێهاتووەكەی‮ ‬سەدەی‮ ‬بیستەم بارزانیی‮ ‬نەمر و بیرەوەری‮ ‬38 هەمین ساڵیادی‮ ‬كۆچی‮ ‬دوایی‮ ‬و بەردەوامی‮ ‬ڕێبازە پیرۆزەكەی‮ ‬و نزیكبوونەوە لە ئامانجەكانی‮ ‬و هەنگاونان بۆ سەربەخۆیی‮ ‬و دروستبوونی‮ ‬دەوڵەتی‮ ‬كوردستان،‮ ‬كوردانی‮ ‬تاراوگە بۆ دەربڕینی‮ ‬هەست و سۆزی‮ ‬خۆیان و تێڕوانینیان بۆ خەباتی‮ ‬ئەو سەركردە نەمرە بەم شێوەیە بۆ خەبات دوان‮:‬ ‮- ‬سەرەتا لەتیف عومەری‮ ‬شاعیر بۆ ئەم بیرەوەرییە كۆپلەیەكی‮ ‬شیعری‮ ‬لە قەسیدەیەكی‮ ‬درێژی‮ ‬بۆ بارزانیی‮ ‬نەمر و پێشكەشكردین‮:‬ ئەی‮ ‬بەرزەفڕی‮ ‬نێوان سێچوكڵەی‮ ‬تۆفان لە بارانی ئاگری‮ ‬دەم‮ ‬ڕەشەبای ئەفسەرانی‮ ‬هۆمایۆن گەلەگورگی‮ ‬عەرەبستان دڕندەسای‮ ‬ژەندرمەی‮ ‬مەغۆلیەكان ڕانەوەستای چۆمی‮ ‬گادەر قڕناو مامەشا باكۆ و ماكۆ ڕێ هەواڵی‮ ‬جەرگی‮ ‬تۆ بوون شایەتی‮ ‬زەمەنسازی باڵی‮ ‬هەڵۆتن دەنگی‮ ‬زوڵاڵی‮ ‬شەوی‮ ‬ترس و ڕۆژی‮ ‬نەواتن كوردە جاشی‮ ‬مەنۆچەری‮ ‬سییاڕوو لە‮ ‬ڕووتا هەم لە هەڵمەت شەرمەزاربوون سەرسام و سەرنەوی‮ ‬ملكەچی هەنگاوی‮ ‬ڕێت بوون ئەی‮ ‬بەژن ئەستووری وەتەن پەروەر قارەمانی‮ ‬لەسەرتاخواری‮ ‬سەروەر خەنجەری‮ ‬بەربەرۆكت بەسەیفی‮ ‬صەیف دەولە نادەم وەڵا ئەگەر‮ ‬ڕۆژی‮ ‬سەد جار لەبری‮ ‬جارێ لەبەر پێتا چۆك دانەدا  پڕ‮ ‬رێبواربێ رێبازە پیرۆزەكەت پاشان سەیران زاوێتەیی‮ ‬وەك كچی‮ ‬شەهیدێكی‮ ‬سەربەرزی‮ ‬نیشتیمان‮ ‬گوتی‮: ‬بۆ ئەم بۆنە پیرۆزە دەڵێم‮ ‬ڕۆحت شاد گەورەم‮ ‬،‮ ‬سەروەری‮ ‬شەهیدان‮ ‬،‮ ‬سوپاس بۆ بەخششت،‮ ‬سڵاو لە خەبات و بەرخۆدانت‮ ‬،‮ ‬سڵاولە مێژووی‮ ‬پڕ‮ ‬سەروەریت‮ ‬،‮ ‬كە ئێمەی‮ ‬بەم‮ ‬ڕۆژە گەیاند‮ ‬،‮ ‬ئەوە شۆڕشە مەزنەكەی‮ ‬ئەیلول بوو كە ببووە تەكیەی‮ ‬كوردایەتی‮ ‬و فیداكاری،‮ ‬ئەوە پارتە مەزنەكەی‮ ‬جەنابت بوو فەرهەنگی‮ ‬وشەی‮ ‬كوردایەتی‮ ‬لە نێوماندا داهێنا،‮ ‬دووبارە‮ ‬ڕۆحت شاد گەورەم‮ ‬ڕۆحی‮ ‬سەرجەم شەهیدانی‮ ‬نەتەوەكەمان شاد‮ ‬،‮ ‬پڕ‮ ‬ڕێبواربێ‮ ‬ڕێبازە پیرۆزەكەت‮.‬ هەردەم لە ناخ و مێشكمان دایە ‮ ‬دواتر هیوا عەلی‮ ‬بۆ ئەم‮ ‬یادوبیرەوەرییە گوتی‮: ‬بیرەوەری،‮ ‬ئەو وشەیەی‮ ‬كە هەردەم‮ ‬ناخمان دەجوڵێنێت لە سات و ناساتەكاندا وە بەدوامانەوەیە و لە بیرو هۆشماندایە و بەبەردەوامی‮ ‬لە ناخماندا تونێل لێدەدات،‮ ‬جا ئەگەر بیرەوەرییەك پەیوەست بێت بە‮ ‬ڕووداوێكی‮ ‬گرنگی‮ ‬ژیانتەوە،‮ ‬وەیان پەیوەست بێت بە بابەتێكی‮ ‬نەتەوەییەوە،‮ ‬وەیان پەیوەست بێت بە بنیادنانی‮ ‬تاكی‮ ‬نەتەوەییەوە،‮ ‬ئەبێت ئەو بیرەوەرییە تا چەند ناخمان پڕ‮ ‬بكات و جێی‮ ‬خۆی‮ ‬خۆش بكات و كاریگەری‮ ‬لەسەر خۆمان و دەوروبەرمان و داهاتوومان هەبێت‮ ‬،‮ ‬بارزانیی‮ ‬نەمر ئەوكەسەیە كە بیرەوەرییەكەی‮ ‬هەردەم لەناخ و مێشكماندایە بەكارەكانی‮ ‬بەخۆبەخشینەكانی‮ ‬بە بیروبۆچونەكانی‮ ‬بووە بە قوتابخانەیەكی‮ ‬فراوانی‮ ‬هزری‮ ‬نەتەوایەتی‮ ‬و فێری‮ ‬كاری‮ ‬خۆبەخشی‮ ‬كردین لە ژیانماندا بە تایبەتی‮ ‬لە پێناوی‮ ‬ناسنامەی‮ ‬كورد و كوردەواریدا،‮ ‬بەڕێزان بەبۆنەی‮ ‬بیرەوەری‮ ‬كۆچی‮ ‬دوایی‮ ‬بارزانی‮ ‬نەمرەوە وە بەبەراورد لەگەڵ دۆخی‮ ‬ناوخۆیی‮ ‬و هەرێمی‮ ‬كوردستان زۆر ناخ هەژێنە كە ئەو تێكۆشەرەماندوونەناسە نەیتوانی‮ ‬ڕەنج و ماندوو بوونی‮ ‬ڕۆڵەكانی‮ ‬ببینێت كە بەرەو ئەو ئامانجە دەڕۆن كە جەنابیان هەموو ژیانیان بۆ تەرخان كردبوو بۆ ئەوەی‮ ‬بەدیبێت،‮ ‬ئەمڕۆ‮ ‬ڕەنج و ماندووبوونی‮ ‬ئەو تێكۆشەرە ئاسۆكەی‮ ‬زۆر بەڕوونی‮ ‬دەركەوتووە،‮ ‬بەهەوڵ و تێكۆشانی‮ ‬دڵسۆزانی‮ ‬كورد بەرهەمەكەی‮ ‬لە پێگەیشتندایە،‮ ‬هیوادارین هەموو تاكێكی‮ ‬كورد‮ ‬ڕابردووی‮ ‬ئەم سەركردە نەمرە و پێشمەرگە قارەمانەكانمان بەرز بنرخێنێت وە سوود وەرگرێت لە مێژووی‮ ‬پڕ‮ ‬هەوڵ و تێكۆشان لەپێناوی‮ ‬ناسنامەی‮ ‬نەتەوەیەك كە هەموو بەهاكانی‮ ‬لێسەندرابووەوە وە بێبەش كرابوو لە كەمترین ماف كە ئەویش مافی‮ ‬هەبوونە،‮ ‬هیوادارم لەم بۆنەیەدا نەتەوەی‮ ‬كورد بەهەموو چین و توێژەكانیەوە بەشداربن لە دەربڕینی‮ ‬هەست و سۆزیان بۆ پێشمەرگە و شەهیدانی‮ ‬ڕێگای‮ ‬ئازادی‮ ‬و سەربەخۆیی‮ ‬كوردستان،‮ ‬وەك كەڕنەڤاڵێكی‮ ‬نەتەوەیی‮ ‬یادی‮ ‬بكرێتەوە و بكرێت بە بەشێك لە كەلتووری‮ ‬كوردی‮ ‬وەك هێمای‮ ‬خۆڕاگری‮ ‬و سەركەتن بەسەر ستەمكاریدا وە پاڵپشتی‮ ‬لە خۆبەخشكاران و مرۆڤایەتی‮.‬ بە وەفا و دڵسۆز بۆ نەتەوەكەی هەروەها خۆشی‮ ‬بانەیی‮ ‬بۆ هەمان بیروەری‮ ‬گوتی‮: ‬بارزانیی‮ ‬نەمر تەنها‮ ‬ڕابەری‮ ‬شۆڕشی‮ ‬پێشمەرگە و جەنگ نەبووە لە بەرامبەر دوژمنانی،‮ ‬بەڵكو دانەر و‮ ‬ڕێكخەری‮ ‬هەموو چین وتوێژەكانی‮ ‬نەتەوەكەی‮ ‬بووە هەر لە چینی‮ ‬كرێكاران و جوتیاران و قوتابی‮ ‬و مامۆستایان و تەواوی‮ ‬فەرمانبەران و بەتایبەت لاوان و دروستكردنی‮ ‬ڕێكخراوەكانی‮ ‬ئافرەتان هەرە خەمی‮ ‬مەزنی‮ ‬ئەو شۆڕشگێڕە مەزنە بوو،‮ ‬كە ئێستا ئەبینین ئەنجامی‮ ‬ماندووبوون و شەونخوونی‮ ‬سەنگەر‮ ‬،‮ ‬ئاواتەكانی‮ ‬لە پاش هەموو‮ ‬ڕەنجێكی‮ ‬خۆی‮ ‬بۆ پارتییەكەی‮ ‬دێتەدی‮ ‬بەرهەمەكەی‮ ‬نەوەكانی‮ ‬نەتەوەكەی‮ ‬ئەیچنێتەوە،‮ ‬ئەبێت هەموومان ئەوە بزانین نموونەی‮ ‬شۆڕشگێڕی‮ ‬و شۆڕش و پاكی‮ ‬و بەوەفا و دڵسۆز بۆ نەتەوەكەی‮ ‬بارزانی‮ ‬ئەو‮ ‬ڕۆحە شیرینە بوو كە فێڕی‮ ‬ڕاستگۆیی‮ ‬و خەباتی‮ ‬كوردایەتی‮ ‬كردین وفێری‮ ‬كردین پێش هەمووشتێ ئێمە كوردین بۆ كوردستان‮ ‬،‮ ‬بژین وهەموو مرۆڤێكمان خۆش بوێ ولە خزمەتی‮ ‬مرۆڤایەتی‮ ‬كوردستان پەروەردەكەین‮ ‬،‮ ‬هەزار سڵاولە گڵكۆی‮ ‬ئەوشۆڕشگێرە مەزنە كە هەردەم زیندووە لە بیری‮ ‬هۆشماندا‮.‬  بەرەو سەربەخۆیی‮ ‬كوردستان دواتر زمناكۆ حەمە عەلی‮ ‬بۆ ئەم‮ ‬یادو بیرەوەریە گوتی‮: ‬بارزانیی‮ ‬نەمر هەر مرۆڤێك و جەستەیەك نەبوو بەڵكو‮ ‬ڕێبازێكی‮ ‬فیكری‮ ‬كوردایەتی‮ ‬بووە بۆ دەرهێنانی‮ ‬گەلی‮ ‬كورد لە جەوروستەمەی‮ ‬كە دوژمنان لەگەلی‮ ‬كوردیان كردووە‮ ‬،‮ ‬یادی‮ ‬بارزانی‮ ‬تەنها‮ ‬یادی‮ ‬كەسێك نییە‮ ‬،‮ ‬بەڵكو‮ ‬یادی‮ ‬مێژوویەكی‮ ‬خوێناوی‮ ‬گەلەكەمانە كە بارزانیی‮ ‬نەمر سەركردایەتی‮ ‬كردووە‮ ‬،‮ ‬ئەمڕۆش چرایەكی‮ ‬ڕووناك لە باشوری‮ ‬كوردستان هەڵكراوە‮ ‬،‮ ‬كە‮ ‬یەكێك لە ئامانجەكانی‮ ‬بارزانیی‮ ‬نەمر بووە كە كورد لەسەر خاكی‮ ‬خۆی‮ ‬حوكمڕانی‮ ‬خۆی‮ ‬بكاو سەربەخۆبێ‮ ‬،‮ ‬هیوادارین‮ ‬یادی‮ ‬بارزانی‮ ‬ئەم ساڵ گوژم و تینێكی‮ ‬تر بێ بەرەو سەربەخۆیی‮ ‬كوردستان‮ ‬،‮ ‬بەرز و پیرۆزبێ‮ ‬یادی‮ ‬بارزانیی‮ ‬نەمر‮ ‬،‮ ‬هەزاران سڵاو لە گیانی‮ ‬پاكی‮ ‬ئەم سەركردە مێژووی‮ ‬گەلەكەمان كە هەتا كوردمابێ دەبێ ئەم‮ ‬یادە هەمیشە بەرز‮ ‬ڕاگڕێ‮ .‬ خاوەنی‮ ‬ئاڵای‮ ‬شەكاوەی‮ ‬خۆمانین فیكرەت تەها بۆ هەمان بیرەوەری‮ ‬بارزانیی‮ ‬نەمر گوتی‮: ‬بارزانیی‮ ‬نەمر ئەو سەركردەیە بوو كە هەموو ژیانی‮ ‬خۆی‮ ‬تەرخان كردبوو بۆ ئازادی‮ ‬و سەرفرازیی‮ ‬گەلی‮ ‬كورد و كوردستان‮ ‬،‮ ‬لە هەموو ژیانی‮ ‬سیاسی‮ ‬و شۆڕشەكانی‮ ‬خۆیدا بارزانیی‮ ‬نەمر سازشی‮ ‬لەسەریەك بستی‮ ‬خاكی‮ ‬كوردستان نەكردوە بۆ دوژمنانی‮ ‬و بەڵكو شۆڕشێكی‮ ‬14 ساڵەی‮ ‬لە پێناوی‮ ‬كەركووكی‮ ‬دڵی‮ ‬كوردستاندا دانا كە دەبوایە كەركووك لە دەرەوەی‮ ‬حوكمی‮ ‬زاتی‮ ‬بێت ئەویش ئەمەی‮ ‬قبوڵ نەبوو‮ ‬،‮ ‬لەگەڵ ئەوەشدا هەموو كوردستان و ناوچەكانی‮ ‬بەیەك چاو سەیر دەكرد و خۆش دەویست و هەر لەو‮ ‬ڕوانگەیەشەوە هەموو كورد بە چین و توێژەكانیەوە لە ژێر‮ ‬یەك چەتردا لە‮  ‬شۆڕشەكەیدا پێشمەرگە بوون بۆ ئازادی‮ ‬كورد و كوردستان و خوێن و گیانی‮ ‬خۆیان خەڵات و پێشكەشی‮ ‬سەرفرازیی‮ ‬كوردستان دەكرد لە ژێر دروشمی‮ ‬یان كوردستان‮ ‬یان نەمان،‮ ‬ئێستاش سەرۆك بارزانی‮ ‬تەواوكاری‮ ‬هەنگاوەكانی‮ ‬بارزانی‮ ‬باوكە كە هەنگاونانە بەرەو دەوڵەتی‮ ‬سەربەخۆیی‮ ‬كوردستان كە خەونی‮ ‬هەمیشەیی‮ ‬بارزانیی‮ ‬نەمر بوو كە كورد هیچی‮ ‬لە دەوڵەتانی‮ ‬تر كەمتر نییە كە خاوەنی‮ ‬ئاڵای‮ ‬شەكاوەی‮ ‬خۆیانن‮ ‬،‮ ‬ئەوەتا‮ ‬ڕەنج و خەباتی‮ ‬ئەو باوكە میهرەبانە لەسەر دەستی‮ ‬سەرۆك بارزانی‮ ‬خەریكە بێتە ئامانجی‮ ‬نەتەوەیی‮ ‬و سەرفرازیی‮ ‬كورد كە سەربەخۆیی‮ ‬و دروستبوونی‮ ‬دەوڵەتی‮ ‬كوردستانە‮ ‬،‮ ‬سڵاو لە باوكی‮ ‬كورد بارزانیی‮ ‬نەمر و‮ ‬یادو بیرەوەری‮ ‬بۆ هەمیشە لە دڵ و دەرونماندا زیندووەو بەزیندووێتی‮ ‬بۆ هەتاهەتایە دەمێنێتەوە‮.‬ بەردەوامیی رێبازەكەی دلاوەر نەسرەدین خەمزەیی‮ ‬بۆ ئەم‮ ‬یادو بیرەوەرییەیە گوتی‮: ‬لە‮ ‬یادی‮ ‬سەركردە و باوكی‮ ‬كورد بارزانیی‮ ‬نەمر سەری‮ ‬ڕێز و نەوازش دائەنەوێنم بۆ‮ ‬ڕۆحی‮ ‬پاكی‮ ‬و بۆ گشت شەهیدانی‮ ‬ڕێگایی‮ ‬كورد و كوردستان‮ ‬،‮ ‬دەمەوێت وەك گەنجێكی‮ ‬كورد لە تاراوگە و لە نێو بنەماڵەیەكی‮ ‬نیشتیمانپەروەرەو بۆ كورد و كوردستان بڵێم ئەگەر بە وێژدانەوە لە مێژووی‮ ‬پڕ‮ ‬سەروەری‮ ‬ئەم باوكە و سەركردە لێهاتووەی‮ ‬كورد بڕوانین و بەنێو وێستگەكانی‮ ‬ژیانیدا شۆڕبینەوە كە هەمیشە لەنێو چیا سەركەشەكانی‮ ‬كوردستان وەك هەڵۆیەكی‮ ‬بەرزەفڕ‮ ‬خەباتی‮ ‬لە پێناوی‮ ‬كوردو كرودایەتیدا كردوە هەڵبەتە ئەمەش جێگای‮ ‬دڵخۆشی‮ ‬هەمووانە و ئەمڕۆ لەسایەی‮ ‬خەباتەكەی‮ ‬ئێمەی‮ ‬نەوەی‮ ‬نوێ بە ئازادی‮ ‬و سەرفرازیی‮ ‬دەڵێین كوردین و هەنگاو دەنێین بۆ دروست بوونی‮ ‬دەوڵەتی‮ ‬كوردستان كە نابێت‮ ‬ڕۆڵی‮ ‬بارزانی‮ ‬كوڕیش لەبیربكەین بۆ بەردەوامی‮ ‬ڕێبازەكەی‮ ‬و هێنانەدی‮ ‬ئامانجە پیرۆزەكانی‮ ‬كە هەمان‮ ‬ڕێگایی‮ ‬بارزانی‮ ‬باوكی‮ ‬گرتۆتە بەر،‮ ‬ئەمەش سەربەرزییە بۆ هەموو تاكێكی‮ ‬كورد و هەڵبەتە مێژووی‮ ‬بارزانی‮ ‬و‮ ‬یادو بیرەوەری‮ ‬هێندە زۆرن لاپەرەكانی‮ ‬مێژووی‮ ‬پڕشنگدار كردووە و بەچەند ووشەیەك كۆتایی‮ ‬نایەت لە كۆتایدا دووبارە سەری‮ ‬ڕیزم بۆ‮ ‬ڕۆحی‮ ‬بارزانیی‮ ‬نەمر و گشت شەهیدانی‮ ‬كوردو كوردستان و كاكە ئیدریشی‮ ‬هەمیشە زیندوو دائەنەوێنم و سەركەوتنی‮ ‬هەمیشەیی‮ ‬بۆ پێشمەرگە قارەمانەكان و سەرۆك بارزانی‮ ‬دەخوازم كە لە سەنگەری‮ ‬بەرگریدان لە كورد و كوردستان دژی‮ ‬گروپی‮ ‬تاریكستانی‮ ‬داعش‮.‬

 
چاپکردن   Share گه‌ڕانه‌وه‌