دیمانە - ‬مەریوان نەقشبەندی
لەدیمانەیەكی‮ ‬تایبەت بە‮ ‬ڕۆژنامەی‮ ‬خەبات راندی‮ ‬مایفیڵد كەسایەتی‮ ‬هونەریی‮ ‬و ئاینی‮ ‬ناسراوی‮ ‬ئەمەریكا و جیهان و هاوڕێی‮ ‬دۆناڵد ترەمپ سەرۆكی‮ ‬ئەو وڵاتە كە ئێستا بەسەردانێك لە هەرێمی‮ ‬كوردستانە،‮ ‬لە دیمانەیەكی‮ ‬تایبەت بە رۆژنامەی‮ ‬خەبات تیشك دەخاتە سەر ئایندەی‮ ‬كوردستان و ئاستی‮ ‬گرنگیدانی‮ ‬ئیدارەی‮ ‬نوێی‮ ‬ئەمریكا بۆ چارەسەركردنی‮ ‬كێشەی‮ ‬كورد و پشتگیریكردنی‮ ‬حكومەتی‮ ‬هەرێم لە تێپەڕاندنی‮ ‬كێشە سیاسی‮ ‬و سەربازی‮ ‬و داراییەكان‮. ‬
كۆنسێرتێك بۆ سەركەوتنی‮ ‬پێشمەرگە
سەبارەت بە ئامانجی‮ ‬سەردانەكەیان بۆ هەرێمی‮ ‬كوردستان راندی‮ ‬مایفیڵد گوتی‮: ‬لەگەڵ ژمارەیەك لە هاوڕێكانم هاتووین بۆ ئەوەی‮ ‬یارمەتی‮ ‬خەڵكی‮ ‬كوردستان و ئاوارەكانی‮ ‬نیشتەجێی‮ ‬ئەم هەرێمە و چۆنیەتی‮ ‬بەشداریكردن لەپرۆسەی‮ ‬ئاوەدانكردنەوەی‮ ‬ئەو ناوچانەی‮ ‬داعش وێرانی‮ ‬كردوونبدەین‮. ‬هەروەها هاتووین چەند كۆنسێرتێكی‮ ‬هونەری‮ ‬بۆ ئاشتی‮ ‬و ئازادی‮ ‬و بۆ سەركەوتنی‮ ‬پێشمەرگە پێشكەش بكەین،‮ ‬پێشتر لەسلێمانی‮ ‬دوو كۆنسێرتمان بۆ چین و توێژەكان پێشكەش كرد و لەهەولێریش لەگەڵ سەرۆك و ئەندامانی‮ ‬لیژنەی‮ ‬مادەی‮ ‬140ی‮ ‬دەستوری‮ ‬عێراق لەپەرلەمانی‮ ‬كوردستان كۆبووینەوە و لەگەڵ بەڕێز شوان شێخ ئەحمەد سەرۆكی‮ ‬لیژنەكە و دواتریش لەگەڵ سەرجەم ئەندامانی‮ ‬لیژنەكە گفتوگۆمان كرد لەسەر چۆنیەتی‮ ‬هاوكاریكردنی‮ ‬گەلی‮ ‬كورد و جێبەجێكردنی‮ ‬ماددە دەستووریەكە‮. ‬
لەچاوی‮ ‬پێشمەرگەدا ئازایەتی‮ ‬و خۆشەویستی‮ ‬بەدیدەكرێت
لەوەڵامی‮ ‬پرسیارێكدا لەسەر تێڕوانینی‮ ‬بۆ ئایندەی‮ ‬كورد و چارەنووسی‮ ‬داعش و دەوڵەتی‮ ‬عێراق لەدوای‮ ‬داعش ئەم كەسایەتیە ئەمریكیە بەناوبانگە گوتی‮: ‬كورد بەئازایەتی‮ ‬پێشمەرگەكانی‮ ‬و پەیڕەوكردنی‮ ‬سستمی‮ ‬ئازادی‮ ‬ئاینی‮ ‬و دیموكراسی‮ ‬و ئیدارەدانی‮ ‬شەڕی‮ ‬دژ بەتیرۆر و راگرتنی‮ ‬هاوسەنگی‮ ‬لەپەیوەندیە دبلۆماسیەكانیدا بۆتە جێگەی‮ ‬سەرنجی‮ ‬كۆمەڵگەی‮ ‬نێودەوڵەتی،‮ ‬هەربۆیە من چەندین جارمە دەڕۆمە سەنگەرەكانی‮ ‬پێشمەرگە و لەگەرمەی‮ ‬شەڕی‮ ‬داعشیشدا لەگەڵ چەند هاورێیەكی‮ ‬دیكەم سەردانی‮ ‬سەنگەرەكانی‮ ‬پێشمەرگەمان كرد و كۆنسێرتێكی‮ ‬گۆرانی‮ ‬و مۆسیقامان بۆ رێكخستن و برێك هاوكاری‮ ‬و پێداویستی‮ ‬رۆژانەشمان بەدیاری‮ ‬بۆ بردن و بۆ نانی‮ ‬نیوەڕۆش لەگەڵ ئەو پێشمەرگە قارەمانانە بووین كە لەچاویاندا ئازایەتی‮ ‬و خۆشەویستی‮ ‬بەدی‮ ‬دەكرێت‮. ‬
راگەیاندنی‮ ‬دەوڵەتی‮ ‬كوردی
راندی‮ ‬مایفیڵد لەوەڵامی‮ ‬پرسیارێكی‮ ‬دیكەی‮ ‬رۆژنامەی‮ ‬خەبات سەبارەت بە جیاوازی‮ ‬نێوان هەردوو ئیدارەی‮ ‬ئۆباما و ترەمپ لەبارەی‮ ‬گەلی‮ ‬كورد و ناوچەكە گوتی‮: ‬من پێش دوو هەفتە لەنانخواردێكی‮ ‬بەیانیدا لەگەڵ دۆناڵد ترەمپ سەرۆكی‮ ‬ئەمەریكا ئامادەبووم هەست دەكەم ئەم سەرۆكە و وەزیری‮ ‬بەرگری‮ ‬ئەمەریكا ئێجگار بەپەرۆشن بۆ پشتیوانی‮ ‬گەلی‮ ‬كورد و هێزەكانی‮ ‬پێشمەرگە،‮ ‬لێرەش لەدیداری‮ ‬چەند پەرلەمانتار و كەسایەتی‮ ‬سیاسی‮ ‬و ئاینی‮ ‬هەستم كرد هەموو خەڵكی‮ ‬كوردستان خوازیاری‮ ‬سەربەخۆیی‮ ‬و پشتگیری‮ ‬سەرۆك بارزانین لە راگەیاندنی‮ ‬دەوڵەتی‮ ‬كوردی‮ ‬كە پێشبینی‮ ‬دەكەم زۆربەی‮ ‬هەرەزۆری‮ ‬وڵاتانی‮ ‬دنیا پشتگیری‮ ‬بكەن و وڵاتانی‮ ‬ناوچەكەش بەجۆرێك لەجۆرەكان ناچارن مامەڵەی‮ ‬لەگەڵ بكەن‮. ‬