2017-02-26

عەزیز وەیسی،‮ ‬هونەرمەندی‮ ‬گۆرانیبێژ،‮ ‬نوێترین ڤیدیۆ كلیپی‮ ‬بە ناوی‮ (‬شای‮ ‬گوڵان‮) ‬بڵاو كردەوە‮. ‬تێكست و ئاوازی‮ ‬گۆرانیی‮ (‬شای‮ ‬گوڵان‮) ‬فۆلكلۆرە،‮ ‬پێشتریش چەند گۆرانیبێژێك گۆرانییەكەیان گوتووەتەوە،‮ ‬هەروەها كاوە قادری‮ ‬لە ئێران كاری‮ ‬میوزیكی‮ ‬بۆ گۆرانییەكە كردووە،‮ ‬لە هۆڵێكی‮ ‬ئاهەنگگێڕانی‮ ‬خێزانی‮ ‬لە كوردستانی‮ ‬ڕۆژهەڵات وێنەی‮ ‬كلیپەكە گیراوە‮. ‬عەزیز وەیسی،‮ ‬لە پەیجی‮ ‬تایبەتی‮ ‬خۆی‮ ‬لە تۆڕی‮ ‬كۆمەڵایەتیی‮ (‬فەیسبووك‮) ‬كلیپەكەی‮ ‬پێشكەشی‮ ‬هەوادارانی‮ ‬كردووە،‮ ‬هپێشووتریش ئەوەی‮ ‬ئاشكرا كردبوو،‮ ‬كە لە ساڵی‮ ‬2017 و لە مانگی‮ ‬نەورۆزدا بەشێك لە ڤیدیۆ كلیپە نوێیەكانی‮ ‬بڵاو دەكاتەوە‮. ‬بڵاوكردنەوەی‮ ‬ئەو ڤیدیۆ كلیپە لەكاتێكدایە،‮ ‬كە ماوەیەكە عەزیز وەیسی‮ ‬ڕووبەڕووی‮ ‬ڕەخنەی‮ ‬هەوادارانی‮ ‬بووەتەوە و بەشێك لە هەوادارانی‮ ‬بەردەوام لە تۆڕە كۆمەڵایەتییەكان پەیامی‮ ‬بۆ دەنێرن و پێیانوایە،‮ ‬بەرهەمە هونەرییەكانی‮ ‬ئێستای‮ ‬ئەو هونەرمەندە وەك پێشتر دەنگدانەوەی‮ ‬نییە‮، ‬عەزیز وەیسی،‮ ‬خەڵكی‮ ‬شاری‮ ‬جوانڕۆی‮ ‬كوردستانی‮ ‬ڕۆژهەڵاتە،‮ ‬لە‮ ‬ڕێگەی‮ ‬بڵاوكردنەوەی‮ ‬گۆرانیی‮ (‬بۆ تۆرای‮) ‬نێوبانگی‮ ‬هونەری‮ ‬پەیدا كرد،‮ ‬خاوەنی‮ ‬چەندین ڤیدیۆ كلیپ و ئەلبوومی‮ ‬گۆرانییە‮.‬

 
چاپکردن   Share گه‌ڕانه‌وه‌