2017-02-25

خەبات‮: سەفەر‮ ‬یوسف میرخان ژاژوكی

پێشمەرگە واتە ئەو مرۆڤەی‮ ‬كە ئەو ئازادیەی‮ ‬كە مەرگی‮ ‬پێشی‮ ‬خۆی‮ ‬خستووە بۆ رزگاری‮ ‬نیشتمان و خاكەكەی‮  ‬و هەتا لە پێناو ئازادی‮ ‬وڵاتی‮ ‬گیانی‮ ‬فیدا دەكات و شەهید دەبێت،‮ ‬شەهید بوون لە پێناو رزگاریی‮ ‬كردنی‮ ‬نیشتمانی‮ ‬هەمیشە بە سەربەرزیەوە لە لاپەڕەكانی‮ ‬مێژووی‮ ‬باسی‮ ‬لێ دەكرد،‮ ‬یەكێك لە تێكۆشەرەكانی‮ ‬رێبازی‮ ‬بارزانیی‮ ‬نەمر كە گیانی‮ ‬فیدای‮ ‬رێبازەكە بۆ ئاواتەكانی‮ ‬كوردایەتی‮ ‬كرد ئەویش شەهیدی‮ ‬گیانفیدا‮ ‬شەهید‮ ‬سەدیق كەریم هەركی‮‬یە‮.‬

خەبات و تێكۆشانی‮ ‬شەهید

شەهید قارەمانسەدیق كەریم رەمۆناسراو بەسەدیق هەركی‮ ‬لە ساڵی‮ ‬1972 لە دەشتی‮ ‬هەریر لە بنەماڵەیەكی‮ ‬كوردپەروەر لە دایكبووە وهەروەها بنەماڵەكەیان بەشداریان لە بەرگری‮ ‬كۆماری‮ ‬كوردستان لە مەهاباد كردووە كە دوومامی‮ ‬بەناوەكانی‮ ‬حوسێن رەمۆ هەركی‮ ‬و جادر رەمۆ هەركی‮ ‬لە سەردەمە شەهید بوون،‮ ‬لەكاتی‮ ‬شۆڕشی‮ ‬مەزنی‮ ‬ئەیلوول و گوڵان‮ ‬و راپەرین ماڵباتیان كە پێشمەرگە و لەهەمان كات مەڕدا بوون هاوكاری‮ ‬پارتی‮ ‬دیموكراتی‮ ‬كوردستانیان كردووە،شەهیدلەتەمەنی‮ ‬لاویەتی‮ ‬هزری‮ ‬كوردایەتی‮ ‬دەچێتە ناخی‮ ‬دڵی‮ ‬و لەگەڵ كەسوكاری‮ ‬پێشمەرگەی‮ ‬بەشداری‮ ‬لە راپەرین ساڵی‮ ‬1991 دەكات،‮ ‬ساڵی‮ ‬2004 لە فەرماندەیی‮ ‬سەفین پەیوندی‮ ‬بەریزەكانی‮ ‬پێشمەرگایەتی‮ ‬دەكات و دەبێتە كەسێكی‮ ‬خۆشەویست لای‮ ‬هاوسەنگەرانی‮ ‬و هەردەم لەئەرك و واجب‮ ‬بەبەردەوامی‮ ‬خزمەت دەكات و لەگەڵ تشكیلاتی‮ ‬لیوایەكانی‮ ‬سەربەوەزارەتی‮ ‬پێشمەرگە شەهیدی‮ ‬تێكۆشەرسەدیق كەریم هەركی‮ ‬دەگوازریتەوە بۆ لیوای‮ ‬11ی‮ ‬پیادە سەربەوەزارەتی‮ ‬پێشمەرگە و لەفەوجی‮ ‬1 دەبێتەوە پێشمەرگە،‮ ‬لەگەڵ دەستپێكی‮ ‬شەڕی‮ ‬تیرۆریستانی‮ ‬داعش بۆ خاكی‮ ‬كوردستان شەهیدسەدیق كەریم هەركی‮‬بەشداری‮ ‬لەشەڕەكانی‮ ‬میحوەری‮ ‬كەركووك‮ ‬دەكات كە ئاواتی‮ ‬شەهید ئەوە بووە كە كوردستان ببیتە خاوەن دەوڵەتی‮ ‬سەربەخۆی‮ ‬بەسەرۆكایەتی‮ ‬سەرۆك بارزانی،رۆژی‮ ‬30-1-2015 لە دوای‮ ‬بەرگری‮ ‬سەخت لەگەڵ تیرۆریستان لەمەلاعەبدوڵڵالە میحوەری‮ ‬كەركووك‮ ‬لەگەڵ پۆڵێكی‮ ‬پێشمەرگە شەهید دەبێت و گیانی‮ ‬فیدای‮ ‬كوردستان دەكەن.شەهید لە دوای‮ ‬خۆی‮ ‬4كچ و‮ ‬1كوڕ‮ ‬بۆ كوردستان بەجێهشت.

بۆ‮ ‬یاد و بیرەورەیەكانی‮ ‬شەهیدسەدیق كەریم هەركی‮ ‬لە گەڵ هاوكارم هێمن گردەچاڵی‮ ‬لە رۆژنامەی‮ ‬خەبات و كادیری دڵسوز وریا خەیلانی ‮‬لە ناوچەی‮ ‬كۆڕێ سەربە لقی‮ ‬24ی‮ ‬پارتی‮ ‬دیموكراتی‮ ‬كوردستان لە كۆڕێ ئەو كەسوكاری‮ ‬شەهیدمان بەسەركردەووە و هەرچەندە‮ ‬یەكێك لە كچەكانی‮ ‬شەهید تووشی‮ ‬نەخۆشی‮ ‬ببوو،دواتر خۆشحاڵی‮ ‬خۆیان دەربڕی‮ ‬بۆبەسەركردنەوەیان‮.‬

سەرەتا چاومان بە پێشمەرگەعەلی‮ ‬هەركی‮‬برای‮ ‬شەهیدسەدیق هەركی‮ ‬كەوت كە ئەوەیش‮ ‬پێشمەرگەی‮ ‬پاسەوانی‮ ‬سنورە و لەمیحوەری‮ ‬گوێر و مەخموور خزمەت دەكات بەم شێوەیه‌ هاتە ئاخەوتن‮: ‬سەربەرزم بەشەهید بوونی‮ ‬برای‮ ‬قارەمانمان شەهیدسەدیق هەركی‮‬،‮ ‬ئەو هەمیشە حەزی‮ ‬لە پێشمەرگایەتی‮ ‬و خزمەتكردن بەكوردستان بوو و هەتا پێش ببێتە پێشمەرگە كە‮ ‬ماڵباتی‮ ‬ئێمە هەمیشە بەشداری‮ ‬لە شۆڕشەكان كردووە وەك لەسەرەوە ئاماژەم پێداوە كە دومامی‮ ‬ئێمە لەبەرگری‮ ‬كردن لە كۆماری‮ ‬كوردستان لە مەهاباد شەهید بوون و بنەماڵەی‮ ‬ئێمە كاری‮ ‬مەڕداریان دەكرد و لەهەمان كات هاوكاری‮ ‬پێشمەرگەكان ولە تەنزیماتی‮ ‬داخلی‮ ‬بۆ پارتی‮ ‬دیموكراتی‮ ‬كوردستان،‮ ‬شەهید سەدیق هەركی‮ ‬پێشمەرگەیەكی‮ ‬دڵسۆز و باوەڕی‮ ‬تەواو بەكوردایەتی‮ ‬و رێبازی‮ ‬بارزانیی‮ ‬نەمر هەبووە وبۆیە پێشمەرگایەتی‮ ‬خۆش دەویست و هەمیشە كەسێكی‮ ‬سادە و تێكەل لەگەڵ جەماوەر و هەردەم حەزی‮ ‬دەكرد كە هەموو كوردێك وەك برا بن و هەرچەندە ژیانیان زۆر بەسەختی‮ ‬دەگوزراند و لەكاتی‮ ‬گەڕانەوە بۆماڵ كاسبی‮ ‬بۆخۆی‮ ‬دەكرد،لەگەلأ دەستپێكی‮ ‬شەڕی‮ ‬تیرۆریستانی‮ ‬داعش ئەوەیش لە میحوەری‮ ‬كەركووك‮ ‬بەرگری‮ ‬كرد و من لە میحوەری‮ ‬گوێر و مەخموور و هەمیشە بەپەیوەندی‮ ‬ئاگامان لێك دەبوو وهەمیشە ئەو ئامۆژگاری‮ ‬من دەكرد كە خۆمان باش بپارێزن چونكە شارەزای‮ ‬تەواوی‮ ‬پێشمەرگایەتی‮ ‬هەبووە و هەمیشە دەیگوت‮ ‬ئەگەر مرۆڤ لە پێناو خاك شەهید بێت سەربەرزیە وبۆیە هەمیشە لەكاتی‮ ‬واجب لە جیاتی‮ ‬هاوسەنگەرانی‮ ‬لە سەنگەر دا بووە،‮ ‬بۆیە ئاواتی‮ ‬ئەوە بووە كە دەوڵەتی‮ ‬كوردستان بەسەرۆكایەتی‮ ‬سەرۆك بارزانی‮ ‬بەرپا بێت،بەڕاستی‮ ‬ئەو كەسێكی‮ ‬چاونەترس و قارەمان بوو،‮ ‬سەربەرزم بەشەهید بوونی‮ ‬و خێزان و منداڵەكانی‮ ‬شەهید ئەوان هەمیشە لە شوێنی‮ ‬برای‮ ‬ئێمە شەهیدسەدیق هەركی‮ ‬دەبن و ئێمەش بەردەوام دەبین لەسەر رێبازی‮ ‬براشەهیدمان و گشت شەهیدانی‮ ‬كوردستان بۆ ئامانجەكانیان‮.‬

دواتر چاومان بە خاتوو كوردستان محەمەد هەركی‮ ‬هاوسەری‮ ‬شەهیدسەدیق هەركی‮ ‬كەوت كە هێشتا جل وبەرگی‮ ‬ڕەشی‮ ‬لەبەردابووە وكاتێك باسی‮ ‬هاوسەرەكەی‮ ‬دەكرد دەگریا،‮ ‬دواتر وتی‮: ‬هاوسەرم مرۆڤێكی‮ ‬هەتا چەندباسی‮ ‬بكەم لە كەسایەتی‮ ‬و رەفتارەكانی‮ ‬و هەتا لە پێشمەرگایەتی‮ ‬ئەو بەچەندەها لاپەڕە تەواو نابێت وهەمیشە ئەو هەستی‮ ‬كوردایەتی‮ ‬بە قوەتی‮ ‬لای‮ ‬بوو،هاوسەرم مرۆڤێكی‮ ‬بەرەحم و كەسێك كە هەمیشە دەم بە پێكەنین بووە و هیچ كاتێك ناراحەتی‮ ‬لای‮ ‬ئەو نەبوو و هەمیشە خۆی‮ ‬بە خزمەتكاری‮ ‬خەڵك دەزانی‮ ‬بۆیە ئێوە بەخۆتان بچنە ناوچەی‮ ‬كۆرێ و هەتا فەرماندەیی‮ ‬سەفین وئەو لیوای‮ ‬كە خزمەتی‮ ‬دەكرد بپرسن كە ئەو لەوماوەی‮ ‬پێشمەرگایەتی‮ ‬چەند مرۆڤێكی‮ ‬دڵسۆز بووە بۆ رێبازەكەی،هاوسەرم هەمیشە لەكاتی‮ ‬گەڕانەوەی‮ ‬بۆماڵ كە بژیوی‮ ‬ژیان زۆر زەحمەت بوو كە ئیش و كاری‮ ‬خانووی‮ ‬دەكرد و هەمیشە هاوسەرم دەیگوت‮ ‬پێشمەرگایەتی‮ ‬ئێمەی‮ ‬فێرە زۆر شت كرد كە هەمیشە دەبێ خۆراگر بین،‮ ‬بۆیە ئەو هەمیشە خۆراگر و قەد ترسی‮ ‬لا نەبوو و هەمیشە كەسێكی‮ ‬تێكەڵ لەگەڵ جەماوەر و بەتایبەتی‮ ‬منداڵەكانی‮ ‬زۆر خۆش دەویست و هەمیشە ئەوەی‮ ‬لەدەستی‮ ‬دەهات دەریغی‮ ‬نەدەكرد،لەگەڵ دەستپێكی‮ ‬شەڕی‮ ‬تیرۆریستانی‮ ‬داعش بۆكوردستان لە میحوەری‮ ‬كەركووك‮ ‬بەرگری‮ ‬دەكات و هەمیشە پێم دەگوت‮ ‬ئاگات لەخۆبێت‮ ‬وئەودەیگوت‮ ‬هیچ نیە داعش شكست دەخوات و كوردستان بەسەرۆكایەتی‮ ‬سەرۆك بارزانی‮ ‬سەردەكەویت‮.‬

لە درێژەی‮ ‬قسەكانیدا،‮ ‬هاوسەری‮ ‬شەهید وتی‮: ‬ئەو سەفەرە كە پێش شەهید بوونی‮ ‬چەند رۆژ لەماڵ بوو و ئەو زۆر بە كەیف بوو دیاربوو شتێكی‮ ‬دەزانی‮ ‬و پێش چوونی‮ ‬ئێمەی‮ ‬كۆكردەنەوە و بەمنداڵەكانی‮ ‬گوت‮ ‬ئێوە هەموومان چاوتان لە دایكتان بێت و هەتا دەبێ ئێوە بخوێنین و بە خوێندن خزمەتی‮ ‬كوردستان بكەن كە ئاواتی‮ ‬بووە و هەروەها منداڵەكانی‮ ‬هەموو ماچ كرد و بەمنی‮ ‬گوت‮ ‬قەد چاكەكانی‮ ‬تۆ لە بیر ناكەم و پێم‮ ‬گوت‮: ‬تۆ بەسەلامەتی‮ ‬دەگەرێتەوە و ئەوەیش‮ ‬گوتی‮ ‬خوا دەزانی‮ ‬و ئەگەر شەهید بووم ئەو شەرفە و تۆ چاوت لەمنداڵەكان بێت و دواتر خواحافیزی‮ ‬كرد و دوای‮ ‬شەو رۆژێكدا كە هەوا زۆر سارد و تام مێژ بوو و پەیوەندیم پێوە كرد و بەمنی‮ ‬گوت‮ ‬وەزعمان باش و ئێرە هەوا زۆر باش نییە و سەردەكەوین و ئەوە بوو كە ئەو شەهید بوو و گەیشتە ئاواتەكانی‮ ‬خۆی‮ ‬و لە میحوەری‮ ‬كەركووك‮ ‬گیانی‮ ‬فیدای‮ ‬كوردستان كرد،سەربەرزم بە شەهید بوونی‮ ‬ئەو كە ئاواتی‮ ‬بووە و هەرچەندە ژیانمان زۆر سەخت بووە و هەموو وێنەكان وجل وبەرگی‮ ‬ئەو لای‮ ‬خۆم پاراستووە كە كوڕی‮ ‬تاقانم ومنداڵەكانم گەورە بن پێان دەلێم باوكتان لە پێناو چ شەهید بووە وپەیمان بەهاوسەری‮ ‬شەهیدم دەدەم كە منداڵەكانی‮ ‬لەسەر رێگای‮ ‬ئەو فێرە خۆشەویستی‮ ‬كوردستان بكەم‮. ‬دەمەویت سوپاسی‮ ‬ناوچەی‮ ‬كۆڕێ لە سنوری‮ ‬لقی‮ ‬24 ی‮ ‬پارتی‮ ‬دیموكراتی‮ ‬كوردستان بكەم كە هەمیشە ئێمە بەسەردەكەنەوە و هاوكاری‮ ‬ئێمە بوون وئەو خانووی‮ ‬كە ئێستا ئێمە تێدا دەژین لە لای‮ ‬خێرخوازیك چاك كراوە دەمەویت سوپاسی‮ ‬بكەم،‮ ‬داوا لە دەزگای‮ ‬شەهیدان دەكەم كەهاوكاری‮ ‬خانەوادەی‮ ‬شەهیدان بكەن و لەهەموو روویەكەوە لە وەزعیان بپرسن،وەك هاوسەری‮ ‬شەهید داوا لەهەموو لایەنەكانی‮ ‬كوردستان دەكەم كە خوێنی‮ ‬شەهیدانیان لە‮ ‬یاد بێت و هەموو پاڵپشتی‮ ‬سەرۆك بارزانی‮ ‬بۆ كوردایەتی‮ ‬بن‮.‬

ئینجا چاومان بە‮ ‬فاتیمە و ناهیدە و فەهیمە‮ ‬كچەكانی‮ ‬شەهید‮ ‬سەدیق هەركی‮ ‬كەوت كە گەنج بوون و‮ ‬یەكێك لەوان نەخۆش بوو،‮ ‬بەو شێوەیە هاتنە ئاخاوتن‮: ‬باوكی‮ ‬ئێمە زۆر كەسێكی‮ ‬بەرەحم بوو وەك مام و دایكمان باسیان كرد كەئەو نموونە باوكێكی‮ ‬دڵسۆز بووە و ئەو هەمیشە بێ جیاواز بووە و ئێمە وەك‮ ‬یەك خۆش دەویست هەمیشە ئێمە لەكاتی‮ ‬گەڕانەوەی‮ ‬باوكم لە واجب لە پێشوازی‮ ‬ئەو بووین و كە ئەو ماندوو دەبوو و دەچووینە باوشی‮ ‬ئەمڕۆ كە كۆدەبینەوە باسی‮ ‬بیرەورەیەكانی‮ ‬باوكی‮ ‬شەهیدمان دەكەین و هەمیشە باسی‮ ‬پێشمەرگایەتی‮ ‬خۆی‮ ‬بۆئێمە دەكرد و ئەمرۆش هیوا دەخوازین كە رۆژێك لە رۆژان بكرێتەوە و لەباوەشی‮ ‬دابین بەڵام ئەو لە پێناو كوردایەتی‮ ‬شەهید بوو و هەمیشە‮ ‬یادی‮ ‬دەكەینەوە و لەكاتی‮ ‬بۆنەكان و هەتا چەندەها جار كە دەچووینە سەیرانەگان وئەو چەند باسی‮ ‬ئەو چیایەكانی‮ ‬كوردستان دەكرد كە هەموو پێشمەرگەی‮ ‬پارتی‮ ‬و بارزانی‮ ‬پاراستووە و هەمیشە دەیگوت دەبێ ئەو ژینگەی‮ ‬باش بپارێزین و ئەمڕۆ دایكی‮ ‬ئێمە بۆشایی‮ ‬باوكمان پڕ‮ ‬كردوتەوە وە سوپاسی‮ ‬ئێوە دەكەین ئەو رێگا دوورە هاتووین و ئێمە ئاواتمان ببینە پێشمەرگە لە شوێنی‮ ‬باوكمان خزمەت بەكوردستان بكەین، سەربەزین بە شەهید بوونی‮ ‬باوكمان كە لە پێناو كوردایەتی‮ ‬شەهید بوو‮.

‬پاشان چاومان بە قوتابی‮ ‬نایابخالیداكچی‮ ‬شەهیدسەدیق هەركی‮ ‬كەوت كە قوتابی‮ ‬پۆلی‮ ‬حەوتە و ئاواتی‮ ‬ئەوەیە ببێتە پزیشك‮: ‬من دەزانم كە باوكم پێشمەرگە بووە و بۆكوردایەتی‮ ‬شەهید بوو وە هەمیشە خۆزگە دەخوازم بگەرێتەوە و دایكی‮ ‬بەمنی‮ ‬گوت كە ئەو شەهید بووە ومن زۆر لەگەڵ باوكم تێكەل بووم چونكە ئەو منی‮ ‬زۆر خۆش دەویست و من‮ ‬عەلی‮‬برام لەهەموویان بچووكترین و شانازی‮ ‬بەشەهید بوونی‮ ‬باوكم دەكەم و لە قوتابخانە مامۆستا و قوتابیەكان زۆر رێز لە ئێمە دەگرن كە منداڵی‮ ‬شەهیدین بۆیە ئاواتمە بەخوێندن خزمەتی‮ ‬كوردستان بكەم و ئاواتمە ببمە پزیشك‮ ‬و داوا لەمنداڵەكانی‮ ‬شەهید دەكەم بە خوێندن خزمەتی‮ ‬كوردستان بكەن بۆیە ئاواتی‮ ‬باوكم جێبەجێ دەكەم كە ئارەزووی‮ ‬ئەو بوو بخوێنین‮.‬

 
چاپکردن   Share گه‌ڕانه‌وه‌