2017-02-16

رەجائی‮ ‬فاید‮‬

دوای‮ ‬نیوەشەو بوو،‮ ‬كە شیركۆ حەبیب گەیشتە قاهیرە و لەگەڵ هاتنەخوارەوەی‮ ‬لە فڕۆكە لەلایەن دەسەڵاتدارانی‮ ‬میسری‮ ‬پێشوازی‮ ‬لێكرا و بە ئۆتۆمبێلی‮ ‬خۆیان گەیاندیانە هوتێل‮. ‬لە هوتێل چاوم پێی‮ ‬كەوت،‮ ‬كە مەلا‮ ‬یاسین بەرپرسی‮ ‬یەكێتی‮ ‬نیشتمانی‮ ‬كوردستان ـ قاهیرە،‮ ‬ی‮ ‬لەتەكدا بوو،‮ ‬لە خوێنەری‮ ‬ئازیز ناشارمەوە دڵم لەناو دەستم بوو لە ترسی‮ ‬ئەوەی‮ ‬نەك گرفتێك لە نێوانیاندا رووبدات بەو پێیەی‮ ‬دەمزانی،‮ ‬كە هەندێك ناكۆكی‮ ‬لە نێوان حزبەكانیاندا هەیە و لەمبارەیەوە،‮ ‬لە فەیس بوك،‮ ‬لەگەڵ برای‮ ‬بەڕێزم شێركۆ حەبیب قسەم كرد و جەختم لەوە كردەوە،‮ ‬كە لە قاهیرە هیچ لە نێوانیان روونەدات،‮ ‬چونكە هەر‮ ‬یەك لەوان بە نوێنەری‮ ‬هەرێمی‮ ‬كوردستانی‮ ‬عیراق لە قاهیرە دەژمێردرێن،‮ ‬هەروەك لەگەڵ مەلا‮ ‬یاسینیش هەمان قسەم دووبارە كردەوەو لە راستیدا هەردووكیان لەگەڵ من كۆك بوون و جەختیان لەوە كردەوە،‮ ‬كە ناكۆكی‮ ‬نێوان هەردوو حزب لە چوارچێوەی‮ ‬خێزانێك و لەسەر شتی‮ ‬لابەلایە و ئەو ناكۆكیانە بە هیچ شێوەیەك لە قاهیرە روونادەن‮.
‬لەگەڵ ئەوەشدا هێشتا دەستم لەسەر دڵم بوو و دەمگوت تۆ بڵێی‮ ‬شتەكە لە بەڵێنەوە ببێتە واقیع،‮ ‬بەڵام هەردوو لا دەستیان لە ملی‮ ‬یەكتر كرد و پاش فراڤین خواردن بۆ دۆزینەوەی‮ ‬شوێنێك بۆ نووسینگەیەكی‮ ‬گونجاو پێكەوە بە ئۆتۆمبێلی‮ ‬مەلا‮ ‬یاسین دەستیان بە گەڕان‮ ‬كرد‮، ‬بەس نازانم نهێنی‮ ‬چیە برایانی‮ ‬هەولێر ئاشقی‮ ‬ناوی‮ ‬گەڕەكی‮ ‬زەمالك و موهەندسین و ئەلدقین و زۆریشم هەوڵ دا مامۆستا شیركۆ ئەم نهێنیەم پێ بڵێ و بۆ ئەم مەبەستە هەندێك جار بە ئۆتۆمبێل و هەندێكیش بە پێیان دەگەڕیاین و لە كۆتاییدا بەو بڕوایە گەیشت،‮ ‬كە ئەم گەڕەكانە دەبێت دواهەمین گەڕەك بن بۆ ئەم مەبەستە بیری‮ ‬لێ بكرێتەوە‮. ‬راستە زەمالك لەسەر دەریای‮ ‬نیلە،‮ ‬كەنارەكەی‮ ‬یانەگەلێكی‮ ‬لێیە،‮ ‬كە بە تەواوی‮ ‬بینینی‮ ‬نیلی‮ ‬بزر كردووە‮.
‬ئەمە جگە لەوەی‮ ‬قەرەباڵغیەكی‮ ‬بێ‮ ‬غایەتی‮ ‬لێیە و شۆستەكانی‮ ‬پڕە لە فرۆشیارە دەستگێڕەكان‮، ‬رۆژی‮ ‬دواتر بردمە گەڕەكی‮ ‬شاری‮ ‬نەسڕ،‮ ‬كە بۆ خۆشم لەوێ دادەنیشم و دەمویست بارەگایەكی‮ ‬گونجاو بدۆزێتەوە هەتاوەكو لە منیش نزیك بێت و لەمەدا سەرنەكەوتین‮،‮ ‬چونكە كاك شێركۆ مەرجی‮ ‬قوڕسی‮ ‬هەبوو،‮ ‬گرنگترینیان دەیویست بارەگایەكی‮ ‬ئەوتۆ بێت شایەنی‮ ‬ناو و پێگە و مێژووی‮ ‬پارتی‮ ‬بێت.
چووینە گەڕەكی‮ ‬میسری‮ ‬تازە و ئەنجامەكەی‮ ‬لەوەی‮ ‬پێشتر باشتر نەبوو،‮ ‬چووینە گەڕەكی‮ ‬معادی،‮ ‬كە دەكەوێتە باشووری‮ ‬قاهیرە و پاش ماندووبوونێكی‮ ‬زۆر شوقویەكمان دۆزیەوە،‮ ‬كە خەونمان پێوە دەبینی‮ ‬و بە تەواوی‮ ‬لەگەڵ ناوی‮ ‬پارتی‮ ‬دەگونجا،‮ ‬شوقەكە لەسەر نیلە و خەڵكانێكی‮ ‬تایبەت لە میسر و عارەبان لێی‮ ‬دادەنیشن و گەر‮ ‬یەكێك بیهەوێت سەردانی‮ ‬بكات بۆی‮ ‬وەسف بكەیت و زۆر بە سانایی‮ ‬دەیدۆزێتەوە‮. ‬لە بەلەكۆنەی‮ ‬شوقەكەوە ئەهرامەكانی‮ ‬جیزە دیارن، ‬پاش تەواوكردنی‮ ‬هەموو رێوشوێنە‮ ‬یاساییەكان،‮ ‬دەستمان كرد بە فەرشكردنی‮ ‬شوقەكەو بەم جۆرە ئێستا شوقەكە ئامادەیە بۆ چالاكی‮ ‬هەر نووسینگەیەكی‮ ‬نوێنەرایەتی‮.
‬ئەمە چوارشەمەی‮ ‬رابردوو بوو،‮ ‬ئەوجا لەگەڵ بژاردەیەكی‮ ‬میسری‮ ‬بانگهێشت كراین بۆ ئاهەنگی‮ ‬یەكترناسین و تیایدا مامۆستا شێركۆ باسی‮ ‬چەند كێشەیەكی‮ ‬كوردستانی‮ ‬كرد و راوبۆچوون لەبارەیەوە گۆڕدرایەوە‮، ‬پاشان تەماشای‮ ‬ئەو سوتفە خۆشە بكە،‮ ‬ئەو رۆژە بەیانیەكەی‮ ‬سەردانی‮ ‬ئەنجوومەنی‮ ‬میسری‮ ‬بۆ كاروباری‮ ‬دەرەوەم كردبوو بۆ كۆتایی‮ ‬هێنان بە ئەندام بوونم لەم ئەنجوومەنە،‮ ‬كە ئەنجوومەنێكی‮ ‬زۆر گرنگە،‮ ‬كە وەزیرگەلێك و باڵوێزگەلێك و ئەكادیمیگەلێكی‮ ‬تێدا ئەندامە،‮ ‬منیش پاڵێورام ببمە ئەندام لەم شوێنە و وەك بەڕێوەبەری‮ ‬ئەنجوومەنەكە پێی‮ ‬وتم ئەندامبوونت لێرە بۆ پڕكردنەوەی‮ ‬ئەو شتانەیە،‮ ‬كە ئەنجوومەنەكە بایەخی‮ ‬پێ دەدات بە تایبەتی‮ ‬ئەوەی‮ ‬پەیوەستە بە كاروباری‮ ‬كورد،‮ ‬بە راستی‮ ‬من گەشبینم،‮ ‬كە شتی‮ ‬ئەرێنی‮ ‬بەڕێوەیە و روودەدات‮.‬
‮❊ ‬سەرۆكی‮ ‬سەنتەری‮ ‬میسری‮ ‬بۆ لێكۆڵینەوە و توێژینەوەی‮ ‬كوردی
لە عەرەبییەوە‮:‬شوان سەرابی

 
چاپکردن   Share گه‌ڕانه‌وه‌