2017-02-12

تیمەكانی‮ ‬بەرەنگاربوونەوەی‮ ‬تیرۆر لە شاری‮ ‬مۆنتپەللیەری‮ ‬باشووری‮ ‬فەڕەنسا هەڵیانكوتایە سەر ماڵێك و چوار كەسیان دەستگیركرد كە سەرقاڵی‮ ‬ئامادەكاری‮ ‬بوون بۆ ئەنجامدانی‮ ‬هێرشی‮ ‬تیرۆریستی‮، لە ماڵەكەدا تاقیگەیەكی‮ ‬دروستكردنی‮ ‬ماددەی‮ ‬تەقەمەنی‮ ‬دۆزرایەوە‮. ‬میدیاكانی‮ ‬فەڕەنسا بە پشتبەستن بە زانیاری‮ ‬سەرچاوە ئەمنییەكان رایانگەیاندووە بەیانی‮ ‬ئەمڕۆ تیمەكانی‮ ‬بەرەنگاربوونەوەی‮ ‬تیرۆر لە شاری‮ ‬مۆنتپەللیەری‮ ‬باشووری‮ ‬فەڕەنسا هەڵیانكوتایە سەر ماڵێك و چوار كەسیان دەستگیركرد كە سەرقاڵی‮ ‬ئامادەكاری‮ ‬بوون بۆ ئەنجامدانی‮ ‬هێرشی‮ ‬تیرۆریستی‮.‬

لە ماڵەكەدا تاقیگەیەكی‮ ‬دروستكردنی‮ ‬ماددەی‮ ‬تەقەمەنی‮ ‬دۆزرایەوە‮. ‬تیمەكان بە مەبەستی‮ ‬دەستگیركردنی‮ ‬كەسێك كە ماوەیەكی‮ ‬زۆرە چاودێرییان دەكرد هەڵیانكوتایە سەر ئەو ماڵە و چوار كەسیان دەستگیر كرد كە‮ ‬یەكێكیان كچێكی‮ ‬تەمەن‮ ‬14 ساڵەیە‮.‬

ماوەیەكی‮ ‬زۆرە لە رێگەی‮ ‬تۆڕی‮ ‬كۆمەڵایەتییەوە چاودێری‮ ‬ئەو كچە دەكرا و زانیوویانە كە بەنیازە روو بكاتە سووریا‮. ‬دوای‮ ‬گەڕان و پشكنینی‮ ‬تیمەكان لە ماڵەكەدا تاقیگەیەكی‮ ‬دروستكردنی‮ ‬ماددە تەقەمەنییەكانیان دۆزیەوە،‮ ‬سەرچاوە ئەمنییەكان ئاماژەیان بەوە داوە لە ماڵەكەدا دەستگیراوە بەسەر ماددەی‮ ‬كیمایی‮ ‬كە بۆ تەقینەوەی‮ ‬خۆكوژی‮ ‬بەكار دەهێنرێت،‮ ‬ئەم چوار كەسەش بە تۆمەتی‮ "‬خۆئامادەكردن بۆ هێرشی‮ ‬تیرۆریستی‮" ‬دەستگیر كران و تا ئێستا لێكۆڵینەوە لەگەڵ ئەو چوار گومانلێكراوە كە تەمەنیان‮ "‬16و 20و 26 و‮ ‬33 ساڵە‮" ‬بەردەوامە‮. 

 
چاپکردن   Share گه‌ڕانه‌وه‌