2017-02-08


 ئا‮: ‬خەبات‮/ ‬شەقلاوە
هاتنی‮ ‬زۆری‮ ‬ئاوارەكانی‮ ‬عێراق بۆ كوردستان و‮ ‬ڕۆیشتنیان بەرەو دەرەوەی‮ ‬وڵات بەبێ جیاوازی‮ ‬ئایین و‮ ‬ڕەگەز و تەمەن دەنگدانەوەیەكی‮ ‬نێودەوڵەتی‮ ‬بەدوای‮ ‬خۆی‮ ‬هێنا،‮ ‬شارەكانی‮ ‬كوردستان بوونە نزیكترین و باشترین شوێنی‮ ‬حەوانەوەی‮ ‬ئەم ئاوارانە،‮ ‬لەو سەرو بەندە چەندین‮ ‬ڕێكخراوی‮ ‬نێودەوڵەتی‮ ‬ڕوویان لە كوردستان كرد بۆ‮ ‬یارمەتی‮ ‬ئاوارەكان،‮ ‬لە هەمان كاتدا چەندین‮ ‬ڕێكخرا و گروپی‮ ‬فەرمیش دروست بوون بۆ هاوكاری‮ ‬ئەم ئاوارانە‮ ‬و هەماهەنگی‮ ‬و بارسووككردنی‮ ‬حكومەتی‮ ‬هەرێم،لە شاری‮ ‬شەقڵاوە بەهۆی‮ ‬ڕوتێكردنی‮ ‬ئاوارەیەكی‮ ‬زۆری‮ ‬شارەكانی‮ ‬عێراق،‮ ‬لە ساڵی‮ ‬2014 لەلایەن دەستەیەكی‮ ‬خۆبەخش و شارەزا لەكاری‮ ‬ڕێكخراوەی‮ ‬لە كورد و عەرەب و خەڵكی‮ ‬خۆجێی‮ ‬شەقڵاوە‮ ‬ڕێكخراوی‮ (‬ساعی‮) ‬یان بۆ هاوكاری‮ ‬و گەشەپێدان بە مۆڵەتی‮ ‬فەرمی‮ ‬حكومەتی‮ ‬هەرێم دروست كرد دوای‮ ‬دامەزراندن و دەست كردنیان بە كاری‮ ‬ڕێكخراوی‮ ‬چەندین چالاكی،‮ ‬بە پێویستمان زانی‮ ‬فەرهاد عەبدوڵڵا خەیات‮ ‬،‮ ‬سەرۆكی‮ ‬ئەم‮ ‬ڕێكخراوە بدوێنین‮. ‬ ‮❊ ‬ڕیكخراوەكەتان كەی‮ ‬و بۆچی‮ ‬دامەزرا؟‮ ‬ ــ لە ساڵی‮ ‬2014 لەلایەن دەستەیەكی‮ ‬خۆبەخش بۆ هاوكاری‮ ‬و گەشەپێدان دامەزرا بەبێ جیاوازی‮ ‬كورد و عەرەب لەسەر ئاستی‮ ‬كوردستان و‮ ‬عێراق‮ ‬خزمەت پێشكەشی‮ ‬مرۆڤایەتی‮ ‬و گەشە پێدان دەكەین‮. ‬ ‮❊ ‬پشت بە چ سەرچاوەیەكی‮ ‬دارایی‮ ‬دەبەستن و كێ هاوكارتانە؟ ــ سەرەتا هەر لەلایەن دەستەی‮ ‬دامەزرێنەر ئەو داهاتە تەرخان كرا بۆ هاوكاری‮ ‬كردن و چەندین چالاكی‮ ‬بۆ خزمەتی‮ ‬خەڵك و ئاوارەكان،سنوری‮ ‬چالاكیەكانیشمان شەقڵاوە و دەووربەری‮ ‬دەگرتەوە‮.‬ ‮❊ ‬چالاكییەكان وەكو چی؟ ــ دابەشكردنی‮ ‬كەرەستەی‮ ‬خۆراك،‮ ‬جلوبەرگ‮ ‬،‮ ‬پێداویستییەكانی‮ ‬ناو ماڵ‮ ‬،‮ ‬هاوكاری‮ ‬مادیش بۆ نەخۆشەكان‮.‬ ‮❊ ‬هاوكاری‮ ‬ڕاستەوخۆتان هەیە لەلایەن سەرمایەدارانی‮ ‬عەرەب؟ ــ بەڵێ كەسایەتیەك بە ناوی‮ (‬حاجی‮ ‬یاسر‮) ‬بێ جیاوازی‮ ‬لە نێوان كورد و عەرەب هاوكارمان بووە لە چالاكییە خێرخوازییەكان بە تایبەتی‮ ‬بۆ شاری‮ ‬شەقلاوە و سلێمانی‮.‬ ‮❊ ‬جیاوازی‮ ‬لە نێوان كورد و عەرەب دەكەن؟ چونكە خەڵكی‮ ‬عەرەب ئاوارەن بەڵام كورد خۆجێیە؟‮ ‬ ــ نەخێر‮ ‬ڕەنگە لە هەندێ كات و بۆ هەندێ كەس زیاتر هاوكاری‮ ‬خەڵكی‮ ‬كورد بووینە بەهۆی‮ ‬ئەم قەیرانە داراییە،‮ ‬یاخود خەڵكی‮ ‬نەخۆش و خاوەن پێداویستی‮ ‬تایبەت‮.‬ ‮❊ ‬ئەم هەنگاوانەتان لەلایەنی‮ ‬هاوكاری‮ ‬لە بارەی‮ ‬كاری‮ ‬گەشەپێدان چیتان كردوو؟ ــ لەبەر پێویستی‮ ‬لایەنی‮ ‬هاوكاری‮ ‬خەڵكی‮ ‬ئاوارە زۆر بایەخمان بە گەشەپێدان نەداوە،‮ ‬بەڵام بە نیازین لەگەڵ‮ ‬ڕێكخراوی‮ ‬یونسێف چەند چالاكییەك لە شارەكانی‮ ‬كوردستان ئەنجام بدەین و پڕۆژەی‮ ‬هاوبەشمان هەبێ‮. ‬ ‮❊ ‬بە گشتی‮ ‬چالاكییەكانتان لە شارەكانی‮ ‬كوردستانە‮ ‬یان‮ ‬عێراق‮ ‬بەگشتی؟‮ ‬ ــ كوردستان و‮ ‬عێراق‮ ‬و هەموو شارەكان دەگرێتەوە لە كوردستان لە شەقڵاوە و دەوروبەری‮ ‬هەولێر و سلێمانی‮ ‬و لە‮ ‬عێراق‮ ‬وەكو حەبانییە و فەلوجە سوودیان لە ئێمە وەرگرتووە،‮ ‬ڕێكخراوەكەمان لە تەواوی‮ ‬شارەكانی‮ ‬عێراق‮ ‬ناسراوە‮. ‬ ‮❊ ‬چالاكییەكانتان بە بۆنە و‮ ‬یادە‮ ‬یاخود كاتی‮ ‬پێویست و لە ناكاو‮ ‬و بە پرۆژەیە؟ ــ نەخێر هەموو كاتێكە بە تایبەتی‮ ‬ئەو كاتانەی‮ ‬داهاتی‮ ‬بەردەستمان هەبێ‮ ‬یاخود خەڵك پێویستی‮ ‬خێرایی‮ ‬هەبێ‮ ‬،‮ ‬بۆنەكانیش هۆیەكن بۆ پڕكردنەوەی‮ ‬پێویستی‮ ‬خەڵك‮. ‬ ‮❊ ‬هەنگاو و چالاكیانە توانیوتانە خۆتان بناسێنن بە لایەنە پەیوەندیدارەكان؟ ــ بێگومان بە تایبەتی‮ ‬لەلای‮ ‬خەڵكی‮ ‬عێراق‮ ‬،‮ ‬بە سوپاسەوە لەو ماوەیە رێوڕەسمێكی‮ ‬ڕێزلێنانیان بۆ دەستەی‮ ‬كارگێڕی‮ ‬ڕێكخراوەكەمان‮ ‬و هەندێ لە دامودەزگای‮ ‬حكومی‮ ‬شەقڵاوە بەرێوەبرد‮. ‬ ‮❊ ‬جگە لەو كار و چالاكی‮ ‬و پڕۆژانە بە نیازی‮ ‬چیترن؟‮ ‬ ــ بە نیازین لە داهاتوودا پڕۆژەی‮ ‬بچوكی‮ ‬فێركردن و‮ ‬ڕاهێنان بكەینەوە وەكو‮: ‬بەرگدوری‮ ‬،‮ ‬سەرتاشین‮ ‬،‮ ‬جۆرە پیشەكانی‮ ‬تر ئەمەش وەكو هەنگاوێك لە بواری‮ ‬گەشەپێدان‮.‬ ‮❊ ‬هەنگاوەتان لەلایەن‮ ‬ڕێكخراو و دەزگا حكومی‮ ‬و خەڵك بە هەند وەرگیراوە؟ ــ بەڵێ بێگومان جێی‮ ‬خۆشحاڵی‮ ‬خەڵك و ئاوارەكان بە تایبەتی‮ ‬و‮ ‬ڕێكخراوە بیانییەكانیشە،‮ ‬تەنانەت هەندێ‮ ‬ڕێكخراوی‮ ‬بیانی‮ ‬دەرك بەو‮ ‬ڕاستییە دەكەن كە هەستی‮ ‬مرۆڤایەتی‮ ‬لە كورد شایەنی‮ ‬ڕێزە پێزانینە بۆ هەموو جیهان بەڵكو ئەم هیوا و پشتگری‮ ‬و ئەوانیش بووە بۆ ئێمە‮. ‬ ‮❊ ‬ئەوەی‮ ‬ماوە باسی‮ ‬بكەی؟ ــ ئامانجمان خزمەتە‮ ‬بۆ‮ ‬ڕەزامەندی‮ ‬خوا و نەتەوەكەمان و‮ ‬مرۆڤایەتی‮.‬

 
چاپکردن   Share گه‌ڕانه‌وه‌