2017-01-11

بە بوێرییەوە لە قەفەزی‮ ‬تۆمەتباران وەستا،‮ ‬لە كاتێكدا كە خوێن بە لووت و دەمیدا دەهاتە خوارەوە و تەواوی‮ ‬لەشیشی‮ ‬بە هۆی‮ ‬لێدان و ئەشكەنجەدانەوە،‮ ‬شین و مۆر ببۆوە،‮ ‬بەهۆی‮ ‬ئەوەی‮ ‬دووەمجار هەوڵیدابوو لەبەردەستی‮ ‬چەكدارانی‮ ‬رێكخراوی‮ ‬داعش رابكات،‮ ‬بە هەموو شێوەیەك و ئامرازێكی‮ ‬وەك چەك،‮ ‬كێبڵ و بەستنەوەی‮ ‬دەستی،‮ ‬ئەشكەنجەیان دابوو‮. ‬لەمیا حاجی‮ ‬بەشار،‮ ‬لە ماوەی‮ ‬دەستگیركردنیدا لەژێر دەستی‮ ‬داعش،‮ ‬دووچاری‮ ‬ئەشكەنجەی‮ ‬زۆر و لێدان و كارەسات بووەتەوە‮. ‬بەناو دادوەری‮ ‬شەرعی‮ ‬داعش سەیری‮ ‬ناوچاوی‮ ‬لەمیای‮ ‬كردووە لەو كاتەی‮ ‬كە خوێن بە دەم و لووتیدا هاتووەتە خوارەوە،‮ ‬بەلام ئەمجارە لەمیا تەنها نەبووە،‮ ‬بەڵكو لەگەڵ ژمارەیەك كچی‮ ‬دیكەی‮ ‬لەگەڵدا بووە و لەلایەن گرووپێك چەكداری‮ ‬سەر بە داعش،‮ ‬دەستگیركراون‮.‬
دادوەرەكەی‮ ‬داعش
لەمیا زوو زوو ئەوەی‮ ‬بەبیردەهێنایەوە كە بەناو دادوەرەكەی‮ ‬داعش پێیگوتوون،‮ ‬یان بیكوژن،‮ ‬یانیش قاچێكی‮ ‬ببڕن بۆ ئەوەی‮ ‬نەتوانێت جارێكی‮ ‬دیكە رابكات‮. ‬ئەو كچە كوردە ئێزدییە،‮ ‬لە وەلامی‮ ‬بەناو دادوەرەكەدا گوتوویەتی‮: ‬ئەگەر قاچێكم ببڕن بە قاچەكەی‮ ‬دیكە رادەكەم پێمگوتن كە من بێئومێد نابم،‮ ‬ئەوانیش گوتیان لەسەر ئازار و ئەشكەنجەدانت بەردەوام دەبین ئەگەر هەوڵی‮ ‬راكردن بدەی‮. ‬لە كۆتاییدا لەمیا خۆی‮ ‬رزگاركرد وتوانی‮ ‬قاچی‮ ‬لە بڕین بپارێزێت،‮ ‬بەهۆی‮ ‬بەرپرسێكی‮ ‬بالای‮ ‬داعش كە رایگەیاندبوو،‮ ‬وەكو كۆیلە دەیفرۆشێتە كەسێكی‮ ‬دیكە‮. ‬لەمیا‮ ‬یەكێك بووە لەو هەزاران كچە كوردی‮ ‬ئێزدییەی‮ ‬دووچاری‮ ‬توندوتیژی‮ ‬و بوونەتەوە و لە لایەن چەكدارانی‮ ‬داعش كراونەتە كۆیلەی‮ ‬سێكسی‮ ‬و كڕین و فرۆشتنییان پێوە دەكرێت و وەك ئاژەڵ مامەڵەیان لەگەڵدا كراوە‮.‬
سەرەتای‮ ‬تراژیدیا
ئێستا لەمیا ئازادە،‮ ‬لە كاتی‮ ‬راكردنی‮ ‬و بەجێهێشتنی‮ ‬ژێر دەسەلاتی‮ ‬داعش،‮ ‬چیرۆكێكی‮ ‬دیكەی‮ ‬تراژیدییە بۆ ئەو،‮ ‬چونكە لە كاتی‮ ‬راكردن بۆمبێكی‮ ‬پێدا تەقیوەتەوە و بووەتە هۆی‮ ‬شێواندنی‮ ‬دەموچاوی،‮ ‬لەگەڵ ئەوەشدا برینی‮ ‬قووڵی‮ ‬كردووەتە دەروونی‮ ‬ئەو كچە‮. ‬رۆژنامەوان و پەیامنێری‮ ‬رۆژنامەی‮ ‬دەیلی‮ ‬مەیلی‮ ‬بەریتانی،‮ ‬IAN BIRRELL؟ چاوپێكەوتنێكی‮ ‬لەگەڵ ئەو كچەدا كردووە و باس لەوە دەكات،‮ ‬چیرۆكی‮ ‬ژیانی‮ ‬لەمیا لەو دوو ساڵەدا،‮ ‬یەكپارچە مۆتەكە و تراژیدیایە‮. ‬لەمیا لە‮ ‬یەكێك لە هۆتێلەكانی‮ ‬ئەڵمانیا،‮ ‬سەرەتای‮ ‬چیرۆكەكە بۆ ئەو رۆژنامەوانە دەگێڕێتەوە‮: ‬سەرەتا گوێم لە دەنگی‮ ‬گوللەبوو كە چەكدارانی‮ ‬داعش بوون،‮ ‬باوك و براكانمییان كوشت،‮ ‬دواتریش چەند چەكدارێك هاتن منیان برد و ماوەی‮ ‬دوو ساڵ لەلای‮ ‬خۆیان دەستبەرییان كردم،‮ ‬لەو ماوەیەشدا،‮ ‬دووچاری‮ ‬لێدان و ئەشكەنجە بووەتەوە،‮ ‬لەگەڵ ئەوەشدا،‮ ‬لەلایەن ژمارەیەك پیاوی‮ ‬بە تەمەن،‮ ‬دەستدرێژی‮ ‬سێكسیم كراوەتەسەر‮. ‬لە ماوەی‮ ‬مانەوەی‮ ‬لە نێوان سنوورەكانی‮ ‬سووریا و عێراق،‮ ‬لەمیا بەچاوی‮ ‬خۆی‮ ‬بینیویەتی،‮ ‬چۆن چەكدارانی‮ ‬داعش،‮ ‬كڕین و فرۆشتن بە مندالان دەكەن و دەستدرێژی‮ ‬سێكسییان دەكەنە سەر،‮ ‬لەگەڵ ئەوەشدا ناچارییان دەكەن بۆ دروستكردنی‮ ‬بۆمب و ماددە تەقەمەنییەكان هاوكارییان بكەن‮. ‬ئەو كچە خراوەتە ژوورێك و زیاتر لە چل پیاو هەوڵیانداوە دەستدرێژی‮ ‬سێكسی‮ ‬بكەنەسەر و دەڵێت‮: ‬ئەوان وەك دێو وابوون،‮ ‬بەلام من هەر بە بەهێزی‮ ‬مامەوە و بەرەنگاری‮ ‬ئەو ئاستەنگانە بوومەوە كە چەكدارانی‮ ‬رێكخراوەكە بەسەریاندا سەپاندبووم‮.‬
دانیشتووی‮ ‬گوندی‮ ‬كۆچۆیە
لەمیا مانگی‮ ‬تشرینی‮ ‬یەكەم‮/ ‬ئۆكتۆبەری‮ ‬2016 لە لایەن‮ ‬یەكێتی‮ ‬ئەوروپاوە،‮ ‬لەگەڵ نادیە مورادی‮ ‬هاوڕێی،‮ ‬خەلاتی‮ ‬ساخارۆڤی‮ ‬پێ بەخشرا،‮ ‬كە تایبەتی‮ ‬لە ئازادی‮ ‬هزر‮. ‬لەمیا چیرۆكی‮ ‬ئەشكەنجەدانی‮ ‬بۆ رۆژنامەوانی‮ ‬بەریتانییەكە دەگێڕێتەوە،‮ ‬بەهۆی‮ ‬ئەوەی‮ ‬لەمیا و نادیە،‮ ‬ئایینەكەیان جیابووە،‮ ‬بۆیە چەكدارانی‮ ‬داعش بە كافر و بێباوەڕییان لەقەڵەمداون‮. ‬لەمیا دانیشتووی‮ ‬گوندی‮ ‬كۆچۆیە،‮ ‬كە دەكەوێتە باشووری‮ ‬چیای‮ ‬شنگال،‮ ‬زۆربەی‮ ‬زۆری‮ ‬دانیشتووانی‮ ‬گوندەكەی‮ ‬كە نزیكەی 1800 كەسن،‮ ‬بە زۆركراون بە موسڵمان،‮ ‬ئەوەی‮ ‬رازیش نەبووە ئایینەكەی‮ ‬بگۆڕێت،‮ ‬لەلایەن چەكدارانی‮ ‬داعشەوە كوژراون‮. ‬تاكو رۆژانی‮ ‬سەرەتای‮ ‬ئابی‮ ‬2014؟ لەمیا كچێكی‮ ‬خۆشگوزەران بووە،‮ ‬لە كێڵگەیەكی‮ ‬خانەدان دەژیان و لەسەر خوێندنی‮ ‬خۆی‮ ‬جددی‮ ‬بوو و هەوڵی‮ ‬ئەوەی‮ ‬دەدا ببێتە مامۆستا‮. ‬لەمیا لە بارەی‮ ‬ئەو رۆژانە دەڵێت‮: ‬كاتێك گوێم لەناوی‮ ‬داعش بوو،‮ ‬هەر وامدەزانی‮ ‬جۆرێكی‮ ‬ئاژەڵە،‮ ‬نەمدەزانی‮ ‬كە ئەوانە چەتە و تیرۆریستن‮.‬
پێشبینی‮ ‬ئەوەیان نەكردبوو
لەمیا بەردەوامی‮ ‬بە گێڕانەوەی‮ ‬چیرۆكەكە دەدات و دەڵێت‮: ‬داوایان لە خەڵك كرد ئایینەكەیان بگۆڕن بۆ ئەوەی‮ ‬هیچ زەرەر و زیانێكیان پێنەگات،‮ ‬گوندەكە گەمارۆ درابوو و دەرفەتی‮ ‬ئەوە نەمابوو كەس رابكات،‮ ‬تەنها چەند خێزانێك لەسەرەتادا توانییان خۆیان رزگار بكەن‮. ‬لە ناوەڕاستی‮ ‬ئاب،‮ ‬هێزێكی‮ ‬زۆری‮ ‬داعش كە جلی‮ ‬رەشییان لەبەردابوو،‮ ‬گەیشتنە گوندەكە،‮ ‬خەڵكی‮ ‬كۆچۆ هەندێك لەو چەكدارانەیان ناسیوەتەوە كە دانیشتووی‮ ‬گوندەكانی‮ ‬دەوروبەری‮ ‬كۆچۆ بوونە‮. ‬تەواوی‮ ‬دانیشتووانی‮ ‬كۆچۆیان لە قوتابخانەی‮ ‬گوندەكە كۆكردەوە و سەرژمێری‮ ‬سامانەكانییان كردن و كچەكانیشیان گواستەوە نهۆمی‮ ‬یەكەم‮. ‬لەمیا دەڵێت‮: ‬زۆر دەترسام،‮ ‬بیرم لەلای‮ ‬باوكم و ئەندامانی‮ ‬خێزانەكەم و ژیانەكەم بوو،‮ ‬دواتر هەموو پیاوانەكانییان برد،‮ ‬ئەمەش دواجاربوو كە باوكم و براكەمم بینی‮. ‬دواتر چەكدارانی‮ ‬داعش پێیانگوتوون،‮ ‬پیاوەكانییان ناردووەتە چیای‮ ‬شنگال و ئەو ژنانەش وەكو دیل لە لایەن ئەوان ماونەتەوە،‮ ‬بەلام دواتر گوێبیستی‮ ‬دەنگی‮ ‬گوللـەبوون و بۆیان دەركەوت پیاوەكانییان لەسەر شەقام و كۆلانەكان كوژراون‮. ‬دواتریش كچ و ژنەكان لە‮ ‬یەكتر جیاكرانەوە،‮ ‬كچە بچووك و هەرزەكارەكانییان ناردە مووسڵ و ئەو ژنانەی‮ ‬هاوسەرگیریشیان كردبوو بۆ تەلەعفەر،‮ ‬ژنانی‮ ‬بە سالاچووی‮ ‬گوندەكەش،‮ ‬بۆ رۆژی‮ ‬دواتر گوللـەباران كران‮.‬
لە مووسڵ،‮ ‬بە سەدان كچی‮ ‬ئێزدی،‮ ‬لە باڵەخانەیەكی‮ ‬مووسڵ ئاخنرابوون،‮ ‬دواتر لەمیا بۆی‮ ‬روونبووەتەوە،‮ ‬ئەو شوێنە تەنها بۆ كڕین و فرۆشتنی‮ ‬كۆیلەی‮ ‬سێكسییە و چەكدارانی‮ ‬داعش بۆ ئەو مەبەستە بەكاریدەهێنن‮. ‬چەكدارانی‮ ‬رێكخراوەكە،‮ ‬هەموو كات سەردانی‮ ‬شوێنەكەیان دەكرد و كچەكانییان دەكڕی،‮ ‬هەر كەسێكیش رەتیكردباوە لەگەڵیان بچێت،‮ ‬بە كێبڵ لێیدەدرا و ئەشكەنجەیەكی‮ ‬زۆرییان دەدا‮. ‬لەمیان دەگێڕێتەوە‮: ‬شتێكی‮ ‬ئازاربەخشبوو كە دەمبینیی‮ ‬ئەو چەكدارانە وەكو دێو پەلاماری‮ ‬ئەو كچە بچووكانەیان دەدات كە تەمەنیان لەنێوان نۆ بۆ دە سالانە،‮ ‬ئەوان دەگریان و دەپاڕانەوە بۆ ئەوەی‮ ‬نەیانبەن،‮ ‬ناتوانم وەسفی‮ ‬تراژیدیای‮ ‬دیمەنەكە بكەم‮.‬
رێگەی‮ ‬رەققە
پیاوێكی‮ ‬عەرەبی‮ ‬چل سالان،‮ ‬لەمیا و‮ ‬یەكێك لە خوشكەكانی‮ ‬لەو بازاڕەدا كڕیوە و بردوونییەتەوە رەققەی‮ ‬سووریا،‮ ‬كە بەناوەندی‮ ‬دەسەلاتداری‮ ‬داعش دادەنرێت و زۆربەی‮ ‬كاتەكانیش،‮ ‬دەستەكانی‮ ‬ئەو دوو كچەكشی‮ ‬بە كەلەپچە بەستووە‮. ‬لەو بارەیەوە دەڵێت‮: ‬كەسێكی‮ ‬خراپ و پیس بوو،‮ ‬ماوەی‮ ‬سێ رۆژ لەگەڵی‮ ‬بووین و هەموو كات لێیدەداین و ئەشكەنجەی‮ ‬دەداین‮. ‬هەروەها دەڵێت‮: ‬جارێك هەوڵیدا ملم بگرێت و بمخنكێنێت،‮ ‬چونكە داواكانیم رەتكردەوە و جێبەجێم نەكرد‮، ‬دواتر ئەو پیاوە عەرەبە،‮ ‬ئەو دوو كچەی‮ ‬داوەتە كەسێكی‮ ‬دیكەش خراپتر،‮ ‬ئەویش هەردوو كچەكەی‮ ‬لە‮ ‬یەك ژوور داناوە و دواتریش نزیكەی 40 پیاو هەوڵییانداوە دەستدرێژییان بكەنەسەر‮. ‬سەبارەت بەو رووداوەكە لەمیا دەڵێت‮: ‬ئەو دیمەنە وەسف ناكرێت،‮ ‬دوو كچی‮ ‬بچووك لەژێر دەستی‮ ‬ئەو دێوانە كە خەریكە دەستدرێژییان دەكرێتە سەر،‮ ‬دیمەنەكە قێزەون بوو، ‬دواتر ئەو دوو كچە،‮ ‬بە دوو چەكداری‮ ‬دیكەی‮ ‬داعش،‮ ‬بە بڕی‮ ‬كەمتر لە 150 دۆلاری‮ ‬ئەمەریكی‮ ‬فرۆشران،‮ ‬ئەو دوو چەكدارەش لەوانی‮ ‬پێشووتر زۆر خراپتر بوونە‮.‬
مووسڵ و هەوڵەكانی‮ ‬راكردن
سەرەڕای‮ ‬ئەوەی‮ ‬لە مووسڵ لەمیا خرابووە ژوورێكی‮ ‬داخراو،‮ ‬بەلام‮ ‬5 جار هەوڵی‮ ‬راكردنیداوە،‮ ‬دواجار لە پەنجەرەكەی‮ ‬ژوورەكە لە باڵەخانەكە خۆی‮ ‬هەڵداوەتە خوارەوە و داوای‮ ‬هاوكاری‮ ‬لە پیاوێكی‮ ‬نیشتەجێی‮ ‬گەڕەكەیان كردووە،‮ ‬پیاوەكە ماوەی‮ ‬سێ رۆژ لە ماڵەكەی‮ ‬خۆیدا حەشاریداوە و پاراستوویەتی‮. ‬خەڵكی‮ ‬ئەو ماڵە پرسیاری‮ ‬ئەوەیان لێكردووە،‮ ‬ئایا هیچ كەسوكارت هەیە بێنە شوێنت و بتبەنەوە،‮ ‬بەلام هیچ وەلامێك نییە،‮ ‬چونكە تەواوی‮ ‬كەسوكارەكەی‮ ‬كوژراون،‮ ‬دواتریش ئەندامانی‮ ‬ئەو خێزانە بەهۆی‮ ‬ترسی‮ ‬زۆرییان لە رێكخراوی‮ ‬داعش،‮ ‬رێكخراوەكەیان لە دۆزینەوەی‮ ‬كچەكە ئاگاداركردووتەوە‮. ‬بەر لەوەی‮ ‬بگەڕێندرێتەوە ئەو چەكدارەی‮ ‬لەمیای‮ ‬كڕیوەتەوە،‮ ‬بە شەش چەكداری‮ ‬داعش،‮ ‬كەوتوونەتە گیانی‮ ‬و بە كێبڵ ئەشكەنجەیانداوە،‮ ‬ئینجا گەڕاندوویانەتەوە لای‮ ‬چەكداری‮ ‬یەكەم‮. ‬جاری‮ ‬دووەم كاتێك هەوڵ راكردنی‮ ‬داوە،‮ ‬چەكدارەكە ناچاربووە بیفرۆشێت‮. ‬رۆژنامەوانەكە دەڵێت‮: ‬كاتێك بە لەمیام گوت ببوویە سەرچاوەی‮ ‬كێشە بۆیان،‮ ‬زەردەخەنەیەكی‮ ‬شەرمنانەی‮ ‬كرد،‮ ‬ئەوەش‮ ‬یەكەمجار بوو رووبدات لەسەرەتای‮ ‬دەستپێكردنی‮ ‬گفتوگۆكە‮. ‬لەمیا دەشڵێت‮: ‬هەرجارێك هەوڵی‮ ‬راكردنم دابێت،‮ ‬زیاتر ئەشكەنجەیان داوم،‮ ‬بەلام ئەوە بەهێزتری‮ ‬دەكردم و وای‮ ‬دەكرد بێئومید نەبم،‮ ‬زۆر دیمەنی‮ ‬قێزەون و تاوانی‮ ‬گەورەم بینی،‮ ‬هەموو ئەمانەش هێزی‮ ‬زیاتریان دامێ بۆ بەرگریكردن لە دژیان‮.‬
گەشت بۆ ماڵێكی‮ ‬دیكە
ئەمجارە پیاوێكی‮ ‬دیكەی‮ ‬سەر سپی،‮ ‬لەمیا دەباتە ماڵەكەی‮ ‬خۆی‮ ‬لە مووسڵ،‮ ‬كە لەگەڵ ژن و كوڕەكەیدا دەژیان‮، ‬لەمیا دەڵێت‮: ‬پێمگوت ناتوانێت وەك كەسێكی‮ ‬لاواز بمباتە ماڵەكە و گوتم؛ تكایە لە ماڵەكەت هیچ شتێكم لەگەڵ مەكە،‮ ‬بەلام ئەو دەستدرێژی‮ ‬سێكسی‮ ‬كردە سەرم‮. ‬دەشڵێت‮: ‬تكام لە هاوسەر و دایكی‮ ‬كرد،‮ ‬رزگارم بكەن لە دەستی‮ ‬ئەو پیاوە بۆ ئەوەی‮ ‬چیدیكە دەستدرێژی‮ ‬نەكاتە سەرم،‮ ‬بەلام ئەوانەی‮ ‬گوتیان حەقی‮ ‬خۆیەتی،‮ ‬چونكە تۆ كافری‮. ‬لەمیا ماوەی‮ ‬دوو مانگ لە لای‮ ‬ئەو پیاوە ماوەتەوە،‮ ‬دواتر بۆی‮ ‬دەركەوتووە هاوسەرێكی‮ ‬دیكەی‮ ‬تەمەن بچووك،‮ ‬قژ زەرد و چاو شینی‮ ‬هەیە و بە ئەڵمانی‮ ‬قسە دەكات،‮ ‬لە بارەی‮ ‬ئەو ژنەوە لەمیا دەڵێت‮: ‬ئەو ژنە زۆر جوان بوو،‮ ‬باوەڕم نەدەكرد كە چۆن ئەو پیاوەی‮ ‬قەبووڵكردووە‮.‬
ئەمجارە لەگەڵ دروستكەری‮ ‬بۆمب
لەگەڵ دوایین هەوڵی‮ ‬راكردن بۆ رزگاركردنی‮ ‬ژیانی،‮ ‬جارێكی‮ ‬دیكە فرۆشرایەوە،‮ ‬بەلام ئەمجارە بە كەسێك پلەكەی‮ ‬لە ریزی‮ ‬داعش ئەمیرە و پیشەی‮ ‬لە رێكخراوەكە،‮ ‬دروستكردنی‮ ‬بۆمبە‮. ‬لەمیا لە بارەی‮ ‬ئەو پیاوە دەڵێت‮: ‬هەر‮ ‬یەكێك لە پیاوانی‮ ‬رێكخراوەكە،‮ ‬لەوانەی‮ ‬پێشتر خراپتر و دڕندەتر بوو‮. ‬دەشڵێت‮: ‬هەموویان دەیانگوت من كەسێكی‮ ‬سەر‮ ‬ڕەقم،‮ ‬بۆیە لە‮ ‬یەكەم ساتەوە دەستییان بە لێدانم دەكرد و هەموو جۆرە ئەشكەنجەكانییان لەسەر من تاقیدەكردەوە‮. ‬ئەو بەرپرسە داعش،‮ ‬پیشەی‮ ‬دروستكردنی‮ ‬بۆمب بووە و لە ماڵەكەیدا لە مووسڵ،‮ ‬خانووەكەی‮ ‬گەراجێكی‮ ‬گەورەی‮ ‬هەبووە پڕ‮ ‬بووە لە ئۆتۆمبێل و ماددەی‮ ‬تەقەمەنی‮ ‬شل و كەلوپەلی‮ ‬كارەبایی‮. ‬لێرەدا پێویست بووە لەسەر لەمیا،‮ ‬هاوكاری‮ ‬ئەو پیاوە بكا لە دروستكردنی‮ ‬بۆمپ و پشتێنەی‮ ‬بۆمبڕێژكراو،‮ ‬ئەویش دوای‮ ‬ئەوەی‮ ‬فێری‮ ‬چۆنیەتی‮ ‬بەستنی‮ ‬وایەرەكان كراوە،‮ ‬لە رۆژێكیشدا‮ ‬50 دانە پشتێنەی‮ ‬بۆمبڕێژكراو لە ماڵەكەدا دروستكراوە‮. ‬لەماوەی‮ ‬كاركردنیشدا لە خانووەكە،‮ ‬گوێبیستی‮ ‬گورزە ئاسمانییەكان و تەقینی‮ ‬مووشەكەكان بووە لە ناوچەكانی‮ ‬دەوروبەری‮. ‬لەمیا دەڵێت‮: ‬هیوام دەخواست هێرش بكەنە سەرمان و بمانكوژن،‮ ‬دەمویست كۆتایی‮ ‬بەو ژیانە ناخۆشە بهێنم،‮ ‬دەمەویست ئەو شوێنە تۆقێنەرە وێران بكەن،‮ ‬چونكە ئەوان بۆمبیان دروستدەكرد‮.‬
هاندانی‮ ‬كچان و دادگاییكردن
رۆژێك لە رۆژان ژمارەیەك كچی‮ ‬دیكەی‮ ‬ئێزدی‮ ‬هێنراونەتە خانووەكە،‮ ‬لەمیاش هانیداون بیر لە ئازادی‮ ‬خۆیان بكەنەوە و هەوڵی‮ ‬راكردن بدەن،‮ ‬ئەوەش بووەتە هۆی‮ ‬ناخۆشتربوونی‮ ‬ژیانی،‮ ‬دواتر لەمیا گیراوە و بردراوەتە بەردەم دادگای‮ ‬بەناو شەرعی‮ ‬رێكخراوەكە‮.‬
لەماوەی‮ ‬هەلاتنییاندا بە شەو،‮ ‬لە لایەن ئەو كەسەوە لەمیا و كچێكی‮ ‬دیكە بە ناوی‮ ‬كاسرین لە گوندەكە رفێندران،‮ ‬لەگەڵ كچێكی‮ ‬دیكەی 9 سالان بە ناوی‮ ‬ئەڵماس‮. ‬بەلام دەوروبەری‮ ‬چواری‮ ‬بەیانی،‮ ‬كاسرین پێی‮ ‬كەوتە سەر لوغمێك و پێیدا تەقییەوە،‮ ‬بەهۆیەوە كاسرین و ئەڵماسی‮ ‬تەمەن 9 ساڵە گیانییان لەدەستدا و لەمیاش بە برینی‮ ‬سەختەوە رزگاری‮ ‬بوو بەلام بەهۆی‮ ‬تەقینەوەی‮ ‬لوغمەكە،‮ ‬یادگای‮ ‬لاواز بووە،‮ ‬ئەمەش نزیكەی 9 مانگ بەر لە ئێستا روویداوە‮. ‬دواتر لە لایەن پێشمەرگەكانی‮ ‬سەنگەرەكەوە،‮ ‬رەوانەی‮ ‬نەخۆشخانەكراوە،‮ ‬بەلام پزیشكان پەردەیەكی‮ ‬سەر چاوی‮ ‬لابدەن و چارەسەری‮ ‬برینەكانی‮ ‬دەموچاوی‮ ‬بكەن‮.‬
بەرەو ئەڵمانیا بۆ چارەسەركردن
دوای‮ ‬گەیشتنی‮ ‬بە نەخۆشخانە،‮ ‬لە لایەن دامەزراوەیەكی‮ ‬خێرخوازی،‮ ‬بەناوی‮ ‬پردی‮ ‬ئاسمانی‮ ‬عێراق بۆ چارەسەری‮ ‬گەیەندرایە ئەڵمانیا و لەو پزیشكان هەوڵی‮ ‬گەڕاندنەوەی‮ ‬بینایی‮ ‬چاوی‮ ‬چەپیاندا و بە لێزەر،‮ ‬هەندێك لە شێواوی‮ ‬دەموچاوویان كەمكردەوە‮. ‬لەگەڵ وەرگرتنی‮ ‬چارەسەر پزیشكییەكان،‮ ‬بەلام تا ئێستاش لەمیا بەدەستی‮ ‬شۆكی‮ ‬دەروونییەوە دەناڵێنێت‮، ‬دەڵێت‮: ‬بیر لە مەینیەتییەكانی‮ ‬هەموو كچە ئێزدییەكان دەكەمەوە‮. ‬لەنێو ئەوانەش،‮ ‬خوشكێكی‮ ‬نۆ سالانیەتی،‮ ‬بە ناوی‮ ‬مەیادە،‮ ‬كە چەند جارێك لە گرتە ڤیدیۆییەكانی‮ ‬داعش،‮ ‬بە تەنیشت ئالا رەشەكەی‮ ‬ئەو رێكخراوەوە بینراوە،‮ ‬بەلام خۆی‮ ‬و‮ ‬5 خوشكی،‮ ‬لەدەست چەكدارانی‮ ‬رێكخراوەكە رزگارییان بووە‮.‬
داهاتوو‮.. ‬خوێندن و هۆشیاركردنەوە
لەمیا ئێستا بیر لەوە دەكاتەوە بگەڕێتەوە خوێندن و دواتر بچێتە زانكۆ،‮ ‬ئەوەش بەبیر جیهان دەهێنێتەوە،‮ ‬تا ئێستا زیاتر لە 3600 كچی‮ ‬ئێزیدی‮ ‬لە ژێر دەستی‮ ‬داعشدا ماون‮، ‬دەشڵێت‮: ‬داعش دەیەوێت گەل و ئایینەكەمان لەناوبەرێت،‮ ‬بەلام بەرگری‮ ‬دەكەین،‮ ‬ئەركی‮ ‬منیش ئەوەیە بە ژنان و كچانی‮ ‬ئێزدی‮ ‬بڵێم،‮ ‬ئێوە تەنها نین و ئێمە داوای‮ ‬جێبەجێكردنی‮ ‬سزای‮ ‬دادپەروەرانەی‮ ‬بەسەر چەكدارەكانی‮ ‬ئەو رێكخراوە،‮ ‬كە زیانێكی‮ ‬زۆرییان بە ئێمە گەیاندووە‮.‬

 
چاپکردن   Share گه‌ڕانه‌وه‌