2017-01-10

لەگەڵ دەستپێكردنی‮ ‬قۆناغی‮ ‬دووەمی‮ ‬ئۆپەراسیۆنی‮ ‬كۆنترۆڵكردنەوەی‮ ‬مووسڵ لە‮ ‬29‮/‬12‮/‬2016‮ ‬دەیان لاشەی‮ ‬چەكدارە كوژراوەكانی‮ ‬داعش،‮ ‬لە گەڕەكەكانی‮ "‬سەلام،‮ ‬ئینتیسار،‮ ‬وەحدە،‮ ‬فەلەستین و قودس‮" ‬لە رۆژهەڵاتی‮ ‬شارەكە لە كۆڵانەكاندا بڵاوبوونەتەوە‮. ‬لە گەڕەكەكانی‮ ‬دیكەش دۆخەكە بە هەمان شێوەیە،‮ ‬بە تایبەتی‮ ‬ئەو گەڕەكانەشی‮ ‬زووتر كۆنترۆڵكراونەتەوە،‮ ‬كەس ناوێریت ئەو لاشانە بشارێتەوە،‮ ‬دەترسن بۆمبرێژبن‮ ‬یان بە نەخۆشی‮ ‬مەترسیدار پیس بووبن،‮ ‬هەندێكیش لەوە دەترسن لە لایەن هێزە ئەمنییەكانەوە چاودێری‮ ‬بكرێن و وەك كەسوكاری‮ ‬چەكدارە كوژراوەكە ئەژمار بكرێن و دواتر تۆڵەیان لێبكرێتەوە.
لاشەی‮ ‬چەكدارەكان لە شەقام و كۆڵانەكاندا كەوتوون،‮ ‬تەنانەت بەشێك لەوانە جگە لە پەیكەرە ئێسكێك هیچی‮ ‬دیكەیان نەماوەتەوە و تا ئێستا نەخراونەتە ژێر خاكەوە،‮ ‬ئەوانە زۆربەیان سەگە برسییەكان گۆشتەكەیان خواردوون و تەنها ئێسكەكانیان ماوەتەوە‮. ‬هەشیانە پارچە قوماشیكیان بەسەردادراوە،‮ ‬لە تەنیشت ئەوانەش مانگا و ئاژەڵی‮ ‬كوژراو دەبینرێت كە جەنگ ئەوانیشی‮ ‬كردووەتە سووتوو‮. ‬
هەوای‮ ‬شارەكە بۆنی‮ ‬لاشەی‮ ‬مرۆڤی‮ ‬لێدێت،‮ ‬دەبێت دەست بە لووتتەوە بگریت تا بتوانیت بە تەنیشت لاشەكاندا تێپەڕیت،‮ ‬ئەوانەی‮ ‬بۆ دابینكردنی‮ ‬پێداویستی‮ ‬رۆژانە دێنە دەرەوە،‮ ‬ناچارن هەناسەكانیان رابگرن تا لاشەیەك لە كۆڵانەكانیان جیدەهێڵن،‮ ‬ئەم رەوشە لە بازارێكی‮ ‬میللی‮ ‬رۆژهەڵاتی‮ ‬مووسڵیش بەو جۆرەیە‮. ‬
لەگەڵ چوونە ژوورەوەی‮ ‬یەكەم كاروانی‮ ‬هێزەكانی‮ ‬عێراق بۆ گوندی‮ ‬گۆگجەلی‮ ‬رۆژهەڵاتی‮ ‬مووسڵ،‮ ‬خەڵكی‮ ‬لە تەلەفزیۆن و تۆڕە كۆمەڵایەتییەكان،‮ ‬دیمەنەكانی‮ ‬كوشتنی‮ ‬چەكدارانی‮ ‬داعشیان لە لایەن خەڵكەوە بینی‮ ‬چۆن تۆڵەیان لێدەكرایەوه،‮ ‬منداڵان بە دوای‮ ‬لاشەكانەوە رایاندەكرد،‮ ‬پەنجەی‮ ‬سەركەوتنیان بەرزدەكردەوە و بەرەو رووی‮ ‬كامێراكان پێدەكەنین،‮ ‬دوای‮ ‬پێشڕەوی‮ ‬هێزەكانی‮ ‬عێراق بۆ گەرەكەكانی‮ ‬رۆژهەڵاتی‮ ‬مووسڵ،‮ ‬لە پاش خۆیان لاشەی‮ ‬كوژراوەكانی‮ ‬داعشیان جێدەهێشت،‮ ‬بۆ ئەوەی‮ ‬ببنە خۆراكی‮ ‬سەگە برسییەكان،‮ ‬یان فرێیاندەدانە سەر زبڵ و خاشاكی‮ ‬ماڵان لە ناو كۆڵانەكاندا‮. ‬
ئەبو محەمەد خەڵكی‮ ‬گەرەكی‮ ‬تەحریرە،‮ ‬دەڵێت‮: ‬خەڵكی‮ ‬هەست بە بۆگەنی‮ ‬لاشەكان دەكەن،‮ ‬بۆیە ناوێرن بیانخەنە ژێر خاك،‮ ‬لە نزیك شوێنی‮ ‬كارەكەم پاشماوەی‮ ‬سەر و دەستی‮ ‬كەسێكی‮ ‬تێدایە،‮ ‬بە نیازم سبەینێ لەگەڵ خۆم بیخەمە نایلۆنێكەوە و هەندێك خۆڵ بكەم بەسەریدا بۆ ئەوەی‮ ‬لەو بۆگەنە رزگارمان بێت‮. ‬بەڵام فوئاد جابر هاووڵاتییەكی‮ ‬دیكەی‮ ‬خەڵكی‮ ‬مووسڵە و سەرەڕای‮ ‬نەیارێتی‮ ‬لەگەڵ ئامۆزایەكی‮ ‬كە چووبووە ناو داعش و كوژراوە،‮ ‬دەڵێت‮: ‬سەرەڕای‮ ‬ئەوەش ناچارم بە خاكی‮ ‬بسپێرم،‮ ‬ئەو لە شەڕی‮ ‬گەڕەكی‮ ‬ئەربەجییە كوژرا،‮ ‬خەڵكی‮ ‬گەڕەكەكە بەهۆی‮ ‬بۆنی‮ ‬لاشەكان نیگەرانن،‮ ‬ئەمە وایلێكردم بچم شۆفەڵێك بەكرێ بگرم و لاشەی‮ ‬ئامۆزاكەم و چەند چەكدارێكی‮ ‬دیكەش كە نەمدەناسین بخەمە ژێر خۆڵەوە،‮ ‬چاڵێكی‮ ‬قووڵم هەڵكەند و لاشەكانم خستە ناوی‮. ‬
لە كاتی‮ ‬ئۆپەراسیۆنی‮ ‬سەڵاحەدین و ئەنبار لە ساڵی2015 دا،‮ ‬داعش لاشەی‮ ‬كوژراوەكانی‮ ‬دەبردەوە پزیشكی‮ ‬دادیی‮ ‬مووسڵ،‮ ‬ئەوانەی‮ ‬خەڵكی‮ ‬شارەكە بوون دەیدانەوە دەست كەسوكارەكانیان و بیانی‮ ‬و عەرەبەكانی‮ ‬دیكەشی‮ ‬دەخستە ژێر خۆڵەوە،‮ ‬بەڵام ئێستا لەو شارەدا كە دوا مۆڵگەی‮ ‬سەرەكی‮ ‬داعشە لە عێراق،‮ ‬لاشەی‮ ‬چەكدارەكان دەكەونە سەر شەقام و ناو ماڵ و كۆڵانەكان،‮ ‬ئەو شوێنەی‮ ‬داعش لە دەستی‮ ‬دەدات،‮ ‬جارێكی‮ ‬دیكە ناتوانێت لاشەكانی‮ ‬بەرێتەوە،‮ ‬دۆخی‮ ‬شارەكە و داعش تەواو گۆڕاوە‮. ‬
بەڕێوەبەری‮ ‬شارەوانی‮ ‬مووسڵ ناوی‮ "‬عەبدولستار ئەلحەبو‮" ‬بە ئەلمۆنیتەری‮ ‬گوتووە‮" ‬تەنها لە گەڕەكی‮ ‬زەهرا و تەحریر17 ‮ ‬لاشەی‮ ‬چەكدارانی‮ ‬داعش لە پێش چاوی‮ ‬خەڵكی‮ ‬كەوتوون،‮ ‬ناتوانین لاشەی‮ ‬سێ كەسیان دەستكاری‮ ‬بكەین،‮ ‬چونكە هێشتا بۆمبەكانیان پێوەیە،‮ ‬تا ئەو كاتەی‮ ‬پشتێنە بۆمبڕێژكراوەكانیان پوچەڵ نەكرێتەوە ناتوانرێت دەستكاری‮ ‬بكرێن و رێگەی‮ ‬هاووڵاتیان بكرێتەوە و ئەو لاشە و پیساییەی‮ ‬لەو گەڕەكانەدایە كۆبكرێتەوە‮. ‬
بەڕێوەبەری‮ ‬شارەوانی‮ ‬مووسڵ هەروەها دەڵێت‮: ‬لە نێوان شارەوانی‮ ‬و هێزە تەناهییەكاندا هەماهەنگی‮ ‬بەردەوام هەیە،‮ ‬بەڵام قۆناغی‮ ‬یەكەم پێویستە بۆمب و پشتێنە بۆمبرێژكراوەكان لە لاشەكان بكرێتەوە و پوچەڵبكرێنەوە،‮ ‬ئەوكات رۆڵی‮ ‬ئێمە بۆ لادانی‮ ‬لاشەكان و خاوێنكردنەوەی‮ ‬بازاڕ‮ ‬و كۆڵانەكان لە لاشە و پاشماوە پیسەكان دەستپێدەكات،‮ ‬چونكە لاشە بۆمبرێژكراوەكان چەند رۆژێكە لەوێدان و سەرچاوەی‮ ‬مەترسین و دوور نییە بە خەڵكیدا بتەقنەوە‮. ‬
خەڵكی‮ ‬مووسڵ لەوەش دەترسن بەهۆی‮ ‬شاردنەوەی‮ ‬لاشەكانەوە لە لایەن هێزە ئەمنییەكانی‮ ‬عێراقەوە سەرنجیان لەسەر درووست ببێت،‮ ‬بەڵام ئەوان دەڵێن هیچ رێگرییەكمان نییە بۆ شاردنەوەی‮ ‬لاشەكان لە لایەن هاووڵاتیانەوە‮. ‬لەو بارەیەوە فەرماندەی‮ ‬فیرقەی‮ ‬ئاڵتوونی‮ ‬دژە تیرۆری‮ ‬عێراقی،‮ ‬فازڵ بەرواری‮ ‬رایگەیاند‮: ‬سەلامەتی‮ ‬خەڵكی‮ ‬مووسڵ و منداڵەكانیان لای‮ ‬ئێمە لە پێش هەر شتێكەوەیە،‮ ‬بۆیە رێگەیان لێناگرین بچن لاشەی‮ ‬چەكدارانی‮ ‬داعش بشارنەوە،‮ ‬هەر كەسێك بیەوێت بەو كارە هەڵبستێت ئێمە لاریمان نییە،‮ ‬لە كۆتاییدا بابەتەكە مرۆییە‮. ‬
هەروەها گوتی‮: ‬لە ئۆپەراسیۆنی‮ ‬مووسڵدا و لە هەر دوو بەرەی‮ ‬باكور و باكوری‮ ‬رۆژهەڵاتی‮ ‬شارەكەوە،‮ ‬ژمارەی‮ ‬كوژراوانی‮ ‬داعش2300 ‮ ‬كەسی‮ ‬تێپەڕاندووە،‮ ‬ژمارەیەكی‮ ‬زۆر لاشەی‮ ‬چەكدارانی‮ ‬داعش هیشتا لە ژێر داروپەردووی‮ ‬باڵەخانە و بارەگا رووخاوەكاندایە‮. ‬ئەو فەرماندە عێراقییە ئاماژەی‮ ‬بەوەش كردووە‮: ‬پاشماوەی‮ ‬تەرمی‮ ‬خەڵكی‮ ‬سڤیلیش لە ژێر داروپەردووی‮ ‬خانووە رووخاوەكاندا هەیە،‮ ‬زۆر قورسە بۆ هێزە ئەمنییەكان دەریانبهێنن،‮ ‬شارەوانی‮ ‬مووسڵیش ئەو توانایەیان نییە بە زوویی‮ ‬هەموو ناوچەكانی‮ ‬شەڕ‮ ‬لە شارەكەدا خاوێن بكەنەوە و تەرمی‮ ‬سڤیلەكانیش دەربهێنن،‮ ‬بەغداش هیچ پارەیەكی‮ ‬زیادەی‮ ‬بۆ تەرخان نەكردوون،‮ ‬تەنانەت هەندێك لە خەڵكی‮ ‬مووسڵ دەڵێن بەهۆی‮ ‬زەحمەتی‮ ‬گواستنەوەی‮ ‬تەرمەكان بۆ گۆڕستانەكان،‮ ‬لە باخچەكانی‮ ‬ماڵەكانیاندا بە خاكیان سپاردوون،‮ ‬چونكە شەڕ‮ ‬و بۆردوومان دەرفەتی‮ ‬ئەو كارەشی‮ ‬لێسەندوونەتەوە‮. ‬
بەگوێرەی‮ ‬گرتەیەكی‮ ‬ڤیدیۆیی،‮ ‬خەڵكی‮ ‬گەرەكی‮ ‬قودس خۆیان لاشەی‮ ‬چەكدارێكی‮ ‬داعش رادەكێشن و لە ماڵێكدا دەریدەهێنن و دەیبەن بۆ شوێنێكی‮ ‬دیكە،‮ ‬خەڵكی‮ ‬مووسڵ لەگەڵ لاشەكان راهاتوون و دۆخیك بەسەر شارەكەیاندا هاتووە،‮ ‬سەرەڕای‮ ‬ئەوەی‮ ‬هێزەكانی‮ ‬عێراق چەكدارەكانی‮ ‬داعشیان بە زیندوویەتی‮ ‬و دام و دەزگاكانیانەوە لێدوورخستوونەتەوە،‮ ‬بەڵام هیشتا لە زۆربەی‮ ‬گەرەكەكان،‮ ‬مۆتەكەی‮ ‬داعش بەرۆكی‮ ‬خەڵكی‮ ‬بەرنەداوە و هێشتا لەگەڵ لاشەی‮ ‬چەكدارە كوژراوەكانی‮ ‬داعشدا دەژین‮. ‬

 
چاپکردن   Share گه‌ڕانه‌وه‌