2017-01-09

راپۆرت ـ پەری عومەر

بەگوێرەی پەیڕەو و پڕۆگرامەكانی وەزارەتی پەروەردەی هەرێمی كوردستان ، دوای دەستپێكردنەوەی دەوامی فەرمی و هاتنە نێو ساڵی نوێ، ئەوا تاقیكردنەوەی قوتابخانەكان دەست پێدەكات، هاوكات وەك هەموو لایەكیش دەزانین هەرێمی كوردستان بەهۆی شەڕی داعش و قەیرانە داراییەكان بە بارودۆخێكی ناجێگیر و دژوار تێپەڕدەبێت، هەر بۆیە ئەگەر كەناڵە راگەیاندنەكان ڕۆل نەبینن لە هێوركردنەوەی بارودۆخەكە ئەوا ئەستەمە قوتابیان بتوانن بەسەر دژوارییەكان دا سەركەون، وەك زۆربەی دایك و باوك و مامۆستا و شارەزاكانی بواری خوێندن ئاماژەیان پێكردووە لەم راپۆرتەی ئێمەدا.

سەرەتا مامۆستا پەروین سیاوەش وەك مامۆستایەكی ئامادەیی گوتی: ئێمە لەسەرەتای ساڵەوە وەك مامۆستایانی هەولێری پایتەخت درێخیمان نەكرد لەوانە گوتنەوە ، هەوڵیشماندا ڕۆڵی كارا بگێرین لە گەرمكردنەوەی پرۆسەی خوێند لەهەرێمی كوردستان، لەگەڵ هەموو سەختییەكان و خراپی باری گوزەرانی گشتی و مامۆستا بەتایبەتی، چونكە ئێمە جگە لەمامۆستایەتی هیچ كارو كاسبییەكی دیكەمان نیە، بەڵام هەرچۆن بێت بەردەوام دەبین، سەبارەت بە بەڕێوەچوونی تاقیكردنەوەكانی وەرزی یەكەم ئەوا داوادەكەم لەهەموو مامۆستایان هاوكاری زیاتری قوتابی بن بۆ گەیاندنە جێی كاروانەكە، هەروەها دەزگاكانی راگەیاندنیش زۆر كاریگەریان هەیە لەسەر بارو دۆخی دەروونی قوتابی پێویستە زۆر بەوریاییەوە هەوڵبدرێت ، كارێكی وا نەكرێت قوتابی تووشی داڕمان بێت، یان بە باسكردنی مانگرتن و بایكۆت قوتابی سەرقاڵبكەن ئەمە دوورە لەهەموو بەها مرۆییەكان چونكە تازە قوتابی دەستی پێكردووە نابێت بهێڵدرێت ساردبێتەوە، هەروەها مامۆستا پەروین گوتیشی : وەك دەبینن چەند ساڵێكە لەهەرێمی كوردستان ژیان ئاڵوزی تێكەوتووە بەهۆی شەری داعش و قەیرانی دارایی، بۆیە ئەگەر ماددە كێشەی تێكەوتووە ئەوا با مەعنەویاتمان كێشەی تێنەكەوێت من لەگەڵ ئەوەدام كەوا دۆخەكە دژوارە بەڵام پێویستە

 
چاپکردن   Share گه‌ڕانه‌وه‌