2017-01-09

بێهرۆز زكری‮ ‬ئێدلبی
سەرۆك بارزانی‮ ‬دەفەرمووێت‮: ‬بەغدا هەموو شتێكی‮ ‬كوردی‮ ‬قەبولە بەڵام كاتێك جێیان دێڵین و دەگەڕێینەوە بەغدا،‮ ‬پەشیمان دەبنەوە لەو سۆزانەی‮ ‬كە پێمان دەدەن.ئەوانەی‮ ‬عاشق و مەعشوقی‮ ‬بەغدان،‮ ‬بنی‮ ‬زمان و سەری‮ ‬زمانیان‮ ‬بەغدایە،‮ ‬تكایان لێدەكەم‮ ‬،پێیان دەڵێم خۆتان بە خۆڕایی‮ ‬بە دوژمن مەفرۆشن‮ ‬،دوژمن هەر ئەوەندە ئێوەی‮ ‬دەوێت تا كاری‮ ‬پێتانە.با بە دەستی‮ ‬خۆمان ماڵی‮ ‬خۆمان وێران نەكەین‮ ‬،بەغدا هەر بەغدای‮ ‬جارانە.جەعفەری‮ ‬بێت‮ ‬،مالیكی‮ ‬بێت‮ ‬یان عەبادی،‮ ‬شیعە بێت‮ ‬یان سوننی،‮ ‬هەر تا دەگات بە دەسەڵات كاری‮ ‬پێمانە‮ ‬،ئەگینا لە رەچەڵەكدا هەمان عەقڵن.ئێمە‮ ‬گەیشتووین بە لوتكە،‮ ‬تاكەی‮ ‬پەند لە مێژوو وەرناگرین‮ ‬،‮ ‬تاكەی‮ ‬خۆخۆربین‮ ‬،تاكەی‮ ‬ببین بە ئامرازی‮ ‬دەستی‮ ‬بێگانە‮ ‬،بە كەیفی‮ ‬خۆیان بمانسوڕێنن‮ ‬،تاكەی‮ ‬بۆ لە ناوبردنی‮ ‬یەكتر بژین.بێگانەپەرستی‮ ‬و ناپاكی‮ ‬و خۆفروشی‮ ‬وەك ئەوە وایە هەر كارێك بكەیت و هیچ داهاتووێكت نەبیت.ئێمەش وەك گەلانی‮ ‬جیهان شایەنی‮ ‬دەوڵەتی‮ ‬تایبەت بە خۆمانین‮ ‬،هیچمان لەوان كەمتر نییە تەنیا رێككەوتن نەبێت،‮ ‬راستە هەموو دەوڵەتانی‮ ‬جیهان تووشی‮ ‬كێشەی‮ ‬ناوخۆ بوونەتەوە،‮ ‬شەڕی‮ ‬براكوژیشیان ئەنجام داوە بەڵام ئەوان پەندیان لە مێژوو وەرگرتوە و دەستیان خستە نێو دەستی‮ ‬یەكدی‮ ‬و پێكەوە بەرەو ئامانج هەنگاویان نا.با ئێمەش وەك‮ ‬گەلانی‮ ‬جیهان‮ ‬یەكگرتوو بین،‮ ‬با ئێمەش وەك گەلانی‮ ‬جیهان خاوەن دەوڵەت بین،‮ ‬تكایە با كێشەكانمان بدەین بەلایەك و ئیتر با‮ ‬یەكگرتوو بین تا دەگەین بە لوتكەی‮ ‬سەركەوتن وەك گەلانی‮ ‬جیهان ئایندەیەكی‮ ‬گەشمان هەبێت و دواڕۆژێكی‮ ‬پرشنگدار بۆ نەوەكانمان بنیاد بنێین.ئیتر با كوردایەتی‮ ‬بكەین و واز لە بابەت و مەسەلە لاوەكیەكان بێنین،با چەقی‮ ‬ململانێكانمان هەولێر بێت و دەستبەرداری‮ ‬ئەملا و ئەولابین‮.

 
چاپکردن   Share گه‌ڕانه‌وه‌