2016-12-31

ئەمڕۆ شەممه‌ دوو تەقینەوەی دوای یەك بازاڕێكی قەرەباڵغی بەغدایان هەژاند و بەو هۆیەوە نزیكەی 65 كەس لە نێوان كوژراو و بریندار بوونە قوربانی، لای خۆیەوە داعش بەرپرسیارەتی لە ئەنجامدانی هێرشەكە راگەیاند.
سەرچاوە تەناهییەكانی عێراق دوای تەقینەوەكە ئاشكرایان كرد كە بەیانی ئەمڕۆ شەممه‌ دوو تەقینەوە بازاڕی سنەكیان هەژاند لە ناوەڕاستی بەغدا كە 25 كەسی تیادا كوژران و زیاتر لە 40 كەسی تریش بریندار بوون.
رێكخراوی داعش دوای تەقینەوەكە بەرپرسیارەتی ئەنجامدانی تەقینەوەكانی بازاری سنەكی لە ئەستۆ گرت كە تایبەتە بە فرۆشتنی پارچەی یەدەگی ئۆتۆمبێل لە دوا رۆژی ساڵی 2016 دا.

عەمید سەعد معەن گوتەبێژی سەركردایەتی كردەوەگەلی بەغدا لای خۆیەوە دووپاتی كردەوە كە تەقینەوەكان خۆكوژی بوونە و بەهۆی پشتێنەی بۆمڕێژكراوە ئەنجام دراون.

 
چاپکردن   Share گه‌ڕانه‌وه‌