2016-12-14


خەبات‮: ‬میحوەری‮ ‬باشیك‮: ‬هەلز عەلی‮ ‬سەلیم
لرێكەفتی‮ ‬7/ 11/ 2016ێ،‮ ‬هێزێن پێشمەرگەیی‮ ‬دەست ب ئازادكرنا ناحیا باشیك كر و شیان كنترۆلێ لسەر دەڤەرێ بكەن،‮ ‬نوكە ژی‮ ‬دەڤەرا باشیك و بەحزانێ لبن كنترۆلا پێشمەرگەیی‮ ‬ڤە و خەلكێ دەڤەرێ حەز دكەت ڤەگەریتە جهێن خو،‮ ‬لەوا لایەنێن حكومی‮ ‬و حزبی‮ ‬كەفتینە كاری‮ ‬ژبۆ باقژكرنا دەڤەرێ و دابینكرنا كارەبێ ژبۆ ڤەگەراندنا ژیارا خەلكی‮ ‬ب شێوەكێ نورمال،‮ ‬رۆژنامەیا خەبات ئەڤ راپورتە ل میحوەر بلشیك دروستكریە‮.‬ مەتران‮ ‬یوحەنا بوتروس سەرۆكێ قەشێن‮ ‬یێن سیریانا كاسولیك ل مووسل و كوردستانێ گۆتی‮:‬ ‮ ‬نوكە ئەز ل دێرا مرەیما عەزرائم ل باشیك،‮ ‬من سەرەدانا ڤێ دێرا دێرین كر پشتی‮ ‬هاتیە ئازادكرن بدەستێن پێشمەرگەیێ كوردستانێ ژ دەستێ تیرۆرستێن داعشێ و خرابكرنا دیرێ ژ ئەنجامێ كەرەبا وان تیرۆرستانە‮ ‬یێن دڤیان دووبەركەیا ئایینی‮ ‬ل باشیكێ دروست بكەن و بتنێ حەز دكر ئاینێ پیرۆزێ ئیسلامی‮ ‬كرێت بكەن‮.‬ ئەڤ كریارێن تیرۆرستێن داعشێ كرین دژی‮ ‬هەمی‮ ‬ئایین و مرۆڤایەتی‮ ‬و شارستانیەت بووینە وەكی‮ ‬مەتران‮ ‬یوحەنا بوتروس گۆتی‮: ‬خودێ مرۆڤێ دایی‮ ‬دا ب پاقژی‮ ‬بژیت و ژ دلساخی‮ ‬خوپەرستیێ بۆ خودێ بكەت،‮ ‬چونكە هەمی‮ ‬مرۆڤ برێكا ئاینان نیزیكی‮ ‬ئێك دبن،‮ ‬خودێ ئەم نەداینە دا ئێك و دوو ب ناڤێ ئاینان بكۆژین و ئاینان خەلەت بۆ خەلكی‮ ‬شرۆڤە بكەین.باشیك و بەحزانێ دەڤەرێن پێكڤە ژیانێ نە،‮ ‬چونكە ژ ئایینێ مەسیحی‮ ‬و بوسلمان و ئیزیدی‮ ‬هەمی‮ ‬پێكڤە لدەڤەرێ دژین و لگور دیرۆكێ ژی‮ ‬وان چ ئاریشە دگەل ئێك نەبووینە وەكی‮ ‬سەرۆكێ قەشێن‮ ‬یێن سیریانا كاسولیك ل مووسل و كوردستانێ گۆتی‮: ‬تیرۆرستێن داعشێ نە چ مرۆڤایەتی‮ ‬و نە چ ئایین و نە چ رەوشت و نە چ كارێن باش هەنە‮. ‬مەتران‮ ‬یوحەنا بوتروس گۆت ژی‮: ‬ئەڤ دەڤەرە ب ئێكجاری‮ ‬یا خراب و تالان بوویی،‮ ‬بەلێ نوكە ئازاد بوویە و دشێن ئاڤا بكەنە ڤە ب هاریكاریا حكومەتێ و جهێن خیرخوازێن جیهانی‮ ‬و سەرۆكێ هەرێما كوردستانێ كاك‮ (‬مەسعود بارزانی‮) ‬گۆتیە چارەنڤیسێ مە ئێكە،‮ ‬پێكڤە دێ مرین‮ ‬یان پێكڤە دێ ژین و كێم خەمیی‮ ‬ژی‮ ‬دئازادكرنا دەڤەرێدا نەكریە و نوكە بارزانی‮ ‬بەرپرسە ژ دەڤەرێ و پاراستنا وێ‮.‬ ‮ ‬بەلێندەرێ باقژكرنا ناحیا باشیك ئەمین محەمەد مستەفا ژ كۆمپانیا شینال گۆتی‮: ‬ب بریارا پارێزگەها دهۆك و ب هەمانگەهی‮ ‬دگەل پارێزگەها مووسل ئەم رابووینە ب پاقژكرنا رێڤەبەرێن حكومی‮ ‬و جادەیان و مە پاقژكرنا رێڤەبەریێن حكومی‮ ‬ب دووماهیك ئیناینە و جادە ژی‮ ‬گەلەك نەمایە دێ ب دووماهیك ئێن‮.‬ ئەمین محەمەد مستەفا گۆت‮: ‬پێشمەرگە‮ ‬یێ مە دپارێزیت و بەردەوام تیمێن هەندسی‮ ‬یێن راكرنا تێنتیا دگەل مەنە هەر دەمێ مەترسی‮ ‬هەبیت پێشمەرگە‮ ‬یێ بەرهەڤە بۆ پاراستنا مە و تا نوكە حكومەتا عیراقێ ب هیچ رەنگەكی‮ ‬تشتەك بۆ مە دابین نەكریە‮.‬ نەقیب‮ ‬غازی‮ ‬شەهی‮ ‬ژ هێزا پێشتوانیا ئێك ل میحوەرێ باشیك گۆتی‮: ‬مە لرێكەفتی‮ ‬7/ 11/ 2016ێ،‮ ‬هێزێن پێشمەرگەیی‮ ‬دەست ب ئازادكرنا دەڤەرێ كر،‮ ‬نوكە ژی‮ ‬سنۆرێن كوردستانێ هاتنە دیاركرن و هەندەسا پێشمەرگەیی‮ ‬شیایە كولان كولان و مال مال تێنتیا و تەقەمەنیا راكەت.ئەگەر پاشمایەكێ داعشێ مابیت ژی‮ ‬دێ برێكا هەندەسێ و هەولاتیان ئێتە دیاركرن وەك نەقیب‮ ‬غازی‮ ‬شەهی‮ ‬گۆتی‮: ‬خەلكێ باشیكێ دزانیت دەڤەرا وانە و پێدڤی‮ ‬ب ئاڤاندانكرنێ‮ ‬یە،‮ ‬لەوا حەز دكەن زیكا بهێن ژ بۆ ژیانا خویا نورمال بژینەڤە و حكومەتا هەرێما كوردستانێ ژی‮ ‬ب هەمی‮ ‬رەنگا‮ ‬یا هاریكارە دگەل دام و دەزگەهێن حكومی‮ ‬و خەلكێ باشیك.دەمێ خەلك دڤەگەریتە دەڤەرێ و تشتەكێ مەترس‮ ‬یان‮ ‬یێ ڤەشارتی‮ ‬ببینن هیڤیە مە ئاگەهدار بكەن ژبۆ لادانا وێ مەترسیێ لسەر ژیانا وان وەك نەقیب‮ ‬غازی‮ ‬گۆتی‮.‬ ‮ ‬رێڤەبەرێ كارەبێ ل ناحیا باشیك وائیل ئیلیاس گۆت‮: ‬مە ژ ویستگەها باشیك‮ ‬یا كەفنا و ویستگەها بەحزانێ‮ ‬یا كەفن دەست ب جێكرنا كارەبێ كریە،‮ ‬تا نوكە مە ل گەلەك جهێن حكومی‮ ‬و جادەیان كارەب دروستكریە‮.‬ ئەندازیار عائید رەشید،‮ ‬رێڤەبەرێ باژێرڤانیا باشیك گۆت‮: ‬لرێكەفتی‮ ‬20/ 11/ 2016ێ مە دەست ب پاقژكرنا ناحیا باشیك كریە و تا نوكە رێژەكا زۆرا باشیك و بەحزانێ هاتیە پاقژكرن ژ پاشمایێن گلشێ تیرۆرستێن داعشێ هەمی‮ ‬ویستگەهێن كارەبێ ل باشیكێ دسوتی‮ ‬نە وەكی‮ ‬وائیل ئیلیاس گۆتی‮: ‬تا نوكە‮ ‬15%ێ مە كارێ خو ئەنجامدایە و ئەم كارەبێ ژ ویستگەهێن قەرەقوش دئینە باشیك و بەحزانێ،‮ ‬چونكە وان دوو ژێدەر هەنە ژ هەولێر تا مووسل و ئەم پێدڤی‮ ‬كەرەستەیێن كارەبێ نە ژبو پتر ئەنجامدانا كاری‮.‬ئەم سۆپاسیا پێشمەرگەیێ كوردستانێ دكەین كۆ شیایین دەڤەرا باشیك و بەحزانێ رزگار بكەن و پێشمەرگە‮ ‬یێ هەمی‮ ‬كارمەندێن كاری‮ ‬و خەلكێ زڤریە باشیك و بەحزانێ دپارێزن و ئەم ژ حكومەتا هەرێما كوردستانێ دخوازین دهاریكار بن ژبو پەیداكرنا پێدڤیێن دروستكرنا كارەبێ وەكی‮ ‬رێڤەبەرێ كارەبێ ل ناحیا باشیك گۆتی‮.‬ ئێكەم هەولاتیێ دوكان لدەڤەرا باشیك ڤەكری‮ ‬مەسعود عەلی‮ ‬نەبی‮ ‬گۆت‮: ‬ئەڤ دوكانە من بۆ پێشمەرگەیێ قەهرەمان و كادرێن حزبان و خەلكێ ناحیا باشیكێ هاتیە ڤەكرن و من دڤیا خەلك بزانیت ئێدی‮ ‬ئێمناهی‮ ‬گەهشتە باشیك و خەلك دشێت ڤەگەریت و باژێری‮ ‬ئاڤا بكەت‮.‬ خانم نوفا خەلیل خەلكا ناحیا باشیك گۆت‮: ‬ئەز هاتیمە ڤەگەریایە مالا خو،‮ ‬لێ تیرۆرستێن داعشێ مالا مە تالان كریە و چ تشت بوو مە نەهێلایە،‮ ‬لێ خانیێ مە خراب نەكریە و سۆپاس بۆ پێشمەرگەیی‮ ‬كۆ دەڤەرا مە ئازادكری‮ ‬و نوكە ئەم د ئێمناهیێ داینە و پشتراستین پێشمەرگە دێ مە پارێزیت‮.‬

 
چاپکردن   Share گه‌ڕانه‌وه‌