2016-12-14

بەهۆی‮ ‬بەردەوامی‮ ‬شەڕ‮ ‬و پێكدادانەكانی‮ ‬نێوان هێزەكانی‮ ‬عێراق و داعش لە شاری‮ ‬مووسڵ،‮ ‬دەیان هەزار هاووڵاتی‮ ‬مەدەنی‮ ‬لەو شارە ئاوارە بوون كە زۆربەیان روویان لە كەمپی‮ ‬خازر كردووە كە لەلایەن وەزارەتی‮ ‬كۆچ و كۆچبەرانی‮ ‬عێراقەوە دروستكراوە و لە ئێستایشدا ئاوارەكانی‮ ‬ناو كەمپەكە بەهۆی‮ ‬نەبوونی‮ ‬پێداویستییە سەرەكییەكانی‮ ‬وەزری‮ ‬زستان لە رەوشێكی‮ ‬زۆر سەخت و دژورادان‮. ‬هاوكات ئەندامی‮ ‬لیژنەی‮ ‬كۆچ و كۆچبەران لە ئەنجوومەنی‮ ‬نوێنەرانی‮ ‬عێراق،‮ ‬مەهدی‮ ‬وردی‮ ‬ئاماژەی‮ ‬بەوەدا كە بەهۆی‮ ‬دژواری‮ ‬و سەختی‮ ‬رەوشی‮ ‬ئاوارەكانی‮ ‬ناو كەمپی‮ ‬خازر،‮ ‬كەمپەكە بووەتە گۆڕستانی‮ ‬زیندووان و روونی‮ ‬كردەوە كە لەلایەك دانیشتوانی‮ ‬مووسڵ بەدەست برسێتی‮ ‬و تینوویەتی‮ ‬و لەلایەكی‮ ‬دیكەشەوە ئاوارەكان بەدەست سەرماو سۆڵە دەناڵێنن‮. ‬ نەخۆشی‮ ‬جۆراجۆر مەهدی‮ ‬وەردی‮ ‬گوتی‮: ‬ژمارەیەك منداڵ بەهۆی‮ ‬ئاوارەبوونەوە سەرگەردان بوون و لە چارەنووسی‮ ‬خێزان و كەسوكارەكانیان بێ ئاگان،‮ ‬هەروەها ژمارەیەك ئاوارە بەهۆی‮ ‬خواردنەوەی‮ ‬ئاوی‮ ‬پیس تووشی‮ ‬نەخۆشی‮ ‬جۆراجۆر بوون و بە هاوشانی‮ ‬ئەوەش ئاوارەكان بەدەست نەبوونی‮ ‬دەرمان و خۆراك و كارەبا دەناڵێنن و چەندین حاڵەتی‮ ‬گیان لەدەستدانی‮ ‬ئاوارەكانمان بەهۆی‮ ‬نەبوونی‮ ‬پێداویستیە سەرەكییەكانی‮ ‬ژیانی‮ ‬رۆژانە تۆمار كردووە‮. ‬ بە دوای‮ ‬زانینی‮ ‬چارەنووسی‮ ‬خێزانەكانیانن مەهدی‮ ‬وەردی‮ ‬گوتیشی‮: ‬بۆردومانە هەڕەمەكییەكان،‮ ‬ژمارەیەك خێزانی‮ ‬لەیەك دابڕاندووە كە بەهۆیەوە سەدان منداڵ وەك پەناگە روویان لە كەمپی‮ ‬خازر كردووە و ئەوان بەهیوای‮ ‬ئەوەن بزانن چارەنووسی‮ ‬خێزان و كەسوكارەكانیان چی‮ ‬لێهاتووە،‮ ‬ئایە ئەوان زیندوون‮ ‬یان بەهۆی‮ ‬بۆردومانەكانەوە كوژراون‮. ‬ هۆشداری‮ ‬رووداونی‮ ‬كارەساتێكی‮ ‬مرۆیی لای‮ ‬خۆیەوە بەرپرسی‮ ‬رێكخراوی‮ ‬ئەمەل لە مووسڵ،‮ ‬شەریف راوی‮ ‬هۆشداری‮ ‬رووداونی‮ ‬كارەساتێكی‮ ‬مرۆیی‮ ‬لە عێراق دەدات و رایگەیاند كە بەهۆی‮ ‬ئەوەی‮ ‬ئێستا ئاوارەكان لەناو كەمپەكان و دانیشتوانی‮ ‬شاری‮ ‬موسڵ بەدەست نەبوونی‮ ‬پێداویستییەكانی‮ ‬ژیانی‮ ‬رۆژانە دەناڵێنن،‮ ‬لەوانەیە كارەساتێكی‮ ‬گەورەی‮ ‬مرۆیی‮ ‬رووبدات‮. ‬لە لێدوانێكدا راوی‮ ‬گوتی‮: ‬پێداوستییەكانی‮ ‬ژیانی‮ ‬رۆژانە بۆ ئاوارەكانی‮ ‬ناو كەمپی‮ ‬خازر لە ئاستی‮ ‬پێویستدا نییە و لەماوەكانی‮ ‬رابردوویشدا بەهۆی‮ ‬سەرماو سۆڵە و نەبوونی‮ ‬دەرمان،‮ ‬ژمارەیەك ئاوارە گیانیان لەدەستداوە كە لای‮ ‬خۆمان تۆمارمان كردووە‮. ‬بەگوتەی‮ ‬بەرپرسی‮ ‬رێكخراوەكە دانیشتوانی‮ ‬مووسڵ بەهۆی‮ ‬نەبوونی‮ ‬ئاوی‮ ‬پاك،‮ ‬ئاوی‮ ‬پیس دەخۆنەوە كە بەهۆیەوە ژمارەیەكی‮ ‬زۆری‮ ‬دانیشتوانی‮ ‬شارەكە تووشی‮ ‬نەخۆشی‮ ‬جۆراوجۆر بوون،‮ ‬ئەمە سەرباری‮ ‬ئەوەی‮ ‬كە دانیشتوانی‮ ‬مووسڵ لە قەیرانی‮ ‬سووتەمەنی‮ ‬و بێ كارەبایی‮ ‬دان‮. ‬ چاڵی‮ ‬گەورەیان دروستكردووە بۆ خۆگەرمكردنەوە لەلای‮ ‬خۆیەوە چالاكوان لە مووسڵ سەنا ئاغا رایگەیاند كە بەهۆی‮ ‬نەبوونی‮ ‬نەوتی‮ ‬سپی‮ ‬بۆ خۆگەرمكردنەوە،‮ ‬ژمارەیەك لە خێزانە ئاوارەكانی‮ ‬مووسڵ چاڵی‮ ‬گەورەیان دروستكردووە و بە پارچە پلاستیك سەریان داپۆشیوە و بۆ خۆ گەرمكردنەوە دەچنە ناوی‮ ‬بەڵام باران بارینی‮ ‬لەناكاو چاڵەكان پڕ‮ ‬دەكات لە ئاو‮. ‬سەنا ئاغا گوتی‮: ‬حكوومەت و رێكخراوە مرۆییەكانی‮ ‬ناوخۆ و نێودەوڵەتی‮ ‬لە دابینكردنی‮ ‬پێداویستییە سەرەكییەكان بۆ ئاوارەكان رووبەڕووی‮ ‬ئەستەنگی‮ ‬بوونەتەوە كە هۆكارەكەی‮ ‬بۆ قەیرانی‮ ‬دارایی‮ ‬و بەردەوامی‮ ‬شەڕ‮ ‬و پێكدادانەكان دەگەڕێتەوە‮. ‬چالاكوانەكە ئاماژەی‮ ‬بەوەش دا كە لایەنە پەیوەندیدارەكان پلانێكی‮ ‬دیكەیان داناوە كە بەپێی‮ ‬پلانەكە زۆربەی‮ ‬دانیشتوانی‮ ‬مووسڵ لەبری‮ ‬ئەوەی‮ ‬ئاوارە بن دەتوانن لە ماڵەكانیاندا بمێننەوە و لە بەرامبەردا حكوومەت پێداویستییەكانیان بۆ دابین دەكات‮. ‬ ریزبەستنی‮ ‬ئاوارەكان بۆ دەستكەوتنی‮ ‬نەوتی‮ ‬سپی بۆ دەستكەوتنی‮ ‬نەوتی‮ ‬سپی،‮ ‬ئاوارەكان ریز دەبەستن كە سەرۆكی‮ ‬لیژنەی‮ ‬كۆچ و كۆچبەران لە ئەنجوومەنی‮ ‬نوێنەرانی‮ ‬عێراق،‮ ‬رەعد دەهلكی‮ ‬ئەوەی‮ ‬بە زەلیلی‮ ‬و زەبوونی‮ ‬وەسف كرد‮. ‬لە لێدوانێكدا رەعد دەهلكی‮ ‬گوتی‮: ‬ریزبەستنی‮ ‬ئاوارەكان بۆ دەستكەوتنی‮ ‬نەوتی‮ ‬سپی،‮ ‬خۆی‮ ‬لە خۆیدا زەلیلی‮ ‬و زەبوونی‮ ‬ئاوارەكان نیشان دەدات و ئەوانەیشی‮ ‬لەناو شاری‮ ‬مووسڵ ماون لە رەوشێكی‮ ‬دژوار و سەختدان چونكە ئەوانیش نە ئاویان هەیە نە خواردن و دەرمان‮. ‬رەعد دەهلكی‮ ‬گوتیشی‮: ‬بەپێی‮ ‬زانیارییەكان كە دەستمان كەوتووە،‮ ‬نرخی‮ ‬یەك بەرمیل نەوتی‮ ‬سپی‮ ‬لە مووسڵ گەیشتووەتە‮ ‬600 هەزار دینار و فەردەیەك ئارد بووەتە‮ ‬200 هەزار دینار‮. ‬ دەرمان لە دەرمانخانەكانی‮ ‬شاری‮ ‬مووسڵ نەماوە لای‮ ‬خۆیەوە فەرماندەی‮ ‬هێزەكانی‮ ‬پۆلیسی‮ ‬فیدراڵ،‮ ‬فەریق رائید جەودەت لە بەیاننامەكەدا رایگەیاند كە دانیشتوانی‮ ‬ناوچەكانی‮ ‬ژێر كۆنترۆڵی‮ ‬داعش لە مووسڵ لە رەوشێكی‮ ‬خراپدان‮. ‬رائید جەودەت ئاماژەی‮ ‬بەوەدا كە نرخی‮ ‬نەوتی‮ ‬سپی‮ ‬و خۆراك لە ناوچەكانی‮ ‬ژێر كۆنترۆڵی‮ ‬داعش لە مووسڵ زۆر بەرزبوونەتەوە‮. ‬فەرماندەكەی‮ ‬پۆلیسی‮ ‬فیدراڵ لە بەیاننامەكەدا گوتوویەتی‮: ‬نرخی‮ ‬غاز و نەوتی‮ ‬سپی‮ ‬و فەردەی‮ ‬ئارد و خۆراك زۆر بەرزبوونەتەوە لە كاتێكدا داعش بە دەیان تۆنی‮ ‬گەنم و خۆراك لە كۆگاكانی‮ ‬نێوان تەلەعفەر و مووسڵ عەمباركردووە و وەك تۆڵەكردنەوە بەسەر هاووڵاتییاندا دابەشی‮ ‬ناكات‮. ‬سەبارەت بە رەوشی‮ ‬تەندورستیش،‮ ‬فەریق رائید جەودەت ئاماژەی‮ ‬بەوە داوە كە دەرمان لە دەرمانخانەكانی‮ ‬شاری‮ ‬مووسڵ نەماوە و بەهۆی‮ ‬نەبوونی‮ ‬كارەباش،‮ ‬نۆرینگەكان و سۆنار و تیشك لەكار وەستاون و داخراون و نەخۆشخانەكانی‮ ‬رۆژئاوای‮ ‬شارەكە پەكیان كەوتوو بۆیە ئێستا دانیشتوانی‮ ‬گەڕەكانی‮ ‬ژێر كۆنترۆڵی‮ ‬داعش بەدەست نەبوونی‮ ‬دەرمان و پێداوستی‮ ‬پزیشكی‮ ‬دەناڵێنن‮. ‬

 
چاپکردن   Share گه‌ڕانه‌وه‌