2016-12-13

خەبات‮ :‬راپۆرت‮: ‬فاتیح بەرزنجی
ماوەیەكە هاووڵاتیان گلەیی‮ ‬وگازندەیان لەژمارەیەك لەسۆپەر ماركێت ومۆڵەكانی‮ ‬خۆراك هەیەو هەریەكێك لەوانە نرخەكانیان جیاوازە وهۆكاری‮ ‬ئەو گرانیەش بۆبازرگانان دەگەڕێنەوە و كێبڕكێی‮ ‬بازرگانان و بازاڕی‮ ‬ئازاد وایكردووە كەنرخەكان وەكو‮ ‬یەك نەبن بەپێچەوانەوە هەندێ لەبازرگانان چاو چنۆك نین وچاویان لەقازانجێكی‮ ‬زۆر نییە وڕەچاوی‮ ‬باروگوزەرانی‮ ‬هاووڵاتیان دەكەن بۆئەوەی‮ ‬قەیرانی‮ ‬دارایی‮ ‬كاریگەری‮ ‬خراپی‮ ‬بەسەر هاووڵاتیانەوە دیار نەبێت ئەگەر چی‮ ‬بەلای‮ ‬هاونیشتمانیانەوە بابەتە خۆراكیەكان هەرزان بێت بۆئەوان زۆر گرنگ وباشترە و هاووڵاتی‮ ‬رووی‮ ‬تێدەكات ورۆژ لەدوای‮ ‬رۆژیش ژمارەی‮ ‬سۆپەر ماركێت ومۆڵەكانی‮ ‬كڕینی‮ ‬شتومەك زیاد دەكات ورێكلام بۆئەو مۆڵانە لەشاشەكانی‮ ‬كەناڵە لۆكاڵیەكان جمەی‮ ‬دێت تالەرێگەی‮ ‬ئەو رێكلامانەوە كڕیار زیاتربێت‮ .‬
دەربارەی‮ ‬ئەوبابەتە وزۆری‮ ‬ژمارەی‮ ‬مۆڵەكان وەك رۆژنامەی‮ ‬خەبات ئەوراپۆرتەمان ئامادە كرد‮.‬
‮ ‬هاووڵاتیان‮:‬
‮ ‬هەر سوپەرماركێت و مۆڵێك نرخەكان هەرزان بكات هەڕمێنی‮ ‬هەیەو دەبێت
جاران خەڵكی‮ ‬بۆكڕینی‮ ‬كەلوپەل وبابەتی‮ ‬خۆراكی‮ ‬روویان لەبازاڕی‮ ‬شێخەڵڵا دەكرد بەڵام ئێستا لەهەر مۆڵ وسوپەرماركێتێك نرخی‮ ‬كاڵاكان هەرزان بێت ئەوا هاووڵاتیان رووی‮ ‬تێدەكەن‮..‬
‮ ‬لەبازاڕی‮ ‬شێخەڵڵا ژمارەیەك لەهاووڵاتیان قسەیان بۆكردین‮ ‬سەرەتا مامۆستا عەلی‮ ‬یەكێك بوو لەوكەسانەی‮ ‬كەتا ئێستاش هەر لەبازاڕی‮ ‬شێخەڵڵا بابەتە خۆراكیەكان دەكڕێت گوتی‮:‬
‮ ‬لەبەر ئەوەی‮ ‬ماڵەكەم لەگەڕەكی‮ ‬سەیداوەیە روو لەبازاڕی‮ ‬شێخەڵڵا دەكەم ونرخەكانیان‮ ‬یەكجار گران نییە وبەشێوەی‮ ‬كۆ بابەتەكان دەفرۆشن وڕەچاوەی‮ ‬بارو گوزەرانی‮ ‬خەڵكی‮ ‬دەكەن وحەزناكەم لەسوپەرماركێتەكان كەرەستەی‮ ‬خۆراكی‮ ‬بكڕم‮. ‬
پوورە ئافتاو دەڵێ‮:‬
‮ ‬سوپەرماركێتەكان بۆكڕینی‮ ‬شتومەك سەردانی‮ ‬ئەوبازاڕە دەكەن ئەی‮ ‬بۆچی‮ ‬من لەو سوپەرماركێتانە شتومەكی‮ ‬خۆراك بكڕم بۆیە حەزدەكەم هەر لەوبازاڕە شتومەك بكڕم‮.‬
‮ ‬هاووڵاتی‮ ‬ئەیاد محەمەدیش گوتی‮:‬
‮ ‬لەبەر زۆری‮ ‬ژمارەی‮ ‬مۆڵەكان وسوپەرماركێتەكان نرخەكان لەئێستادا زۆرگران نین وبازاڕی‮ ‬شێخەڵلای‮ ‬هەولێر بۆتەشوێنی‮ ‬ساخكردنەوەی‮ ‬كاڵاو كەلوپەلی‮ ‬خۆراكی‮ ‬ونرخەكانیشیان گران نییە‮.. ‬
دواتر سەردانی‮ ‬سوپەرماركێتی‮ ‬هەفتە بازاڕمان لەشەقامی‮ ‬100 مەتری‮ ‬كرد كەبازاڕێكی‮ ‬گەورەیەو رۆژانە خەڵكێكی‮ ‬یەكجار زۆر سەردانی‮ ‬ئەو بازاڕە دەكەن بۆكڕینی‮ ‬كاڵاو بابەتی‮ ‬خۆراكی‮ ‬و لەوێش ژمارەیەك لەهاووڵاتیان قسەیان بۆكردین‮:‬
‮ ‬لەوێش ساڵح عوسمان گوتی‮:‬
‮ ‬ماوەی‮ ‬چەند هەفتەیەكە سەردانی‮ ‬سوپەرماركێتی‮ ‬هەفتە بازاڕ‮ ‬دەكەم بۆئەوەی‮ ‬كاڵاو بابەتی‮ ‬خۆراكی‮ ‬لەوسوپەرماركێتە بكڕم ونرخەكانیان‮ ‬یەكجار هەرزانە لەچاو سوپەرماركێتەكانی‮ ‬دیكە ودەستخۆشی‮ ‬لەكارمەندانی‮ ‬ئەوبازاڕە دەكەم چونكە نرخی‮ ‬كاڵاكان هەرزانەو رەچاوی‮ ‬باروگوزەرانی‮ ‬هاوڵاتیانیان كردووە خۆزگە شوێنەكانی‮ ‬دیكەش نرخەكانیان دادەبەزاندو هەرزانیان دەكرد‮.‬
‮ ‬خاتوو ڤیان محەمەد دەڵێ‮: ‬ژمارەی‮ ‬سوپەرماركێت ومۆڵەكان رۆژلەدوای‮ ‬رۆژ لەزیادبووندایە وكردنەوەی‮ ‬ئەوهەموو سوپەرماركێتانە كێبڕكێ دەخاتە بازاڕو نرخەكان هەرزان دەكات،‮ ‬دیارە ئەو هەفتە بازاڕە نرخی‮ ‬كاڵاكانی‮ ‬لەچاو شوێنەكانی‮ ‬دیكە هەرزانترە وژمارەی‮ ‬بابەتە خۆراكیەكانی‮ ‬زۆر زیاترە و پرۆژەیەكی‮ ‬گرنگە خۆزگە ژمارەی‮ ‬ئەو بازرگانانەی‮ ‬كەرەچاوی‮ ‬باروگوزەرانی‮ ‬خەڵكی‮ ‬دەكات زیاتر دەبوو.هەڵبەتا هاووڵاتیانیش دەستخۆشی‮ ‬لەوكارە دەكەن‮.‬
دەستخۆشی‮ ‬لەو سوپەرماركێتە دەكەین كەناسنامەی‮ ‬بۆكەسوكاری‮ ‬شەهید وپێشمەرگە دروستكردووە وهاوكاری‮ ‬خێزانی‮ ‬ئەمانە دەدات
كارتی‮ ‬تایبەت بۆ كەسوكاری‮ ‬پێشمەرگە و شەهیدان
هەرلەناو ئەو سوپەرماركێتەدا ناسنامە بۆكەسوكاری‮ ‬پێشمەرگە و شەهیدان دروستكراوە لەمبارەیەوە ژمارەیەك لەوكەسانە قسەیان بۆكردین‮:‬
‮ ‬خاتوو مەلیحە خێزانی‮ ‬شەهیدە ودەڵێ‮:‬
‮ ‬دەستخۆشی‮ ‬لەكارگێڕی‮ ‬ئەوسوپەرماركێتە دەكەین كەناسنامەی‮ ‬بۆكەس وكاری‮ ‬شەهید وپێشمەرگە دروستكردووە وهاوكاری‮ ‬خێزانی‮ ‬ئەمانە دەدات وسودێكی‮ ‬بەرچاوی‮ ‬بۆخانەوادەكانیان هەیە‮.‬
‮ ‬خاتوو سەبریە سلێمانیش دەڵێ‮:‬
‮ ‬خۆزگە سوپەرماركێتەكانی‮ ‬دیكە هاوشێوەی‮ ‬ئەوشوێنە هاوكاری‮ ‬كەسوكاری‮ ‬پێشمەرگەو شەهیدانیان دەكرد تا كەمێك لەمەینەتی‮ ‬ئەوانە كەم دەبۆوە‮. ‬سوپەرماركێتەكان كڕیاریان زۆرە‮.‬
دەربارەی‮ ‬هاوكاریكردنی‮ ‬هاووڵاتیان ورەچاوی‮ ‬بارو گوزەرانیان سەردانی‮ ‬سوپەرماركێتی‮ ‬هەفتە بازاڕمان لەشەقامی‮ ‬100مەتری‮ ‬كردو هێمن دارا مستەفا بەڕێوەبەری‮ ‬ئەو هەفتە بازاڕە گوتی‮:‬
‮ ‬هەركە بینیمان قەیرانی‮ ‬داراییەو بارو گوزەرانی‮ ‬هاووڵاتیان وەكو پێویست نیە بەهاوكاری‮ ‬لەگەڵ شاهۆ موئمین هاوڵماندا كارێكی‮ ‬خزمەتگوزاری‮ ‬بكەین ئەویش كردنەوەی‮ ‬سوپەرماركێتی‮ ‬هەفتە بازاڕبوو،‮ ‬ماوەی‮ ‬دووساڵە ئەوبازاڕەمان داناوە كەدەكاتە ساڵانی‮ ‬قەیرانی‮ ‬دارایی‮ ‬بۆیە خەڵكی‮ ‬خۆمان پێویستی‮ ‬بەدەستگرتن وهاوكاریكردنەو ماوەی‮ ‬زیاتر لە‮(‬9) مانگە جۆرەكە باشترو نرخەكەی‮ ‬هەرزانتر بێت ئەوشوێنانە بازاڕی‮ ‬بەهەڕمێنە لەلای‮ ‬ئێمە بابەتەكانی‮ ‬وەكو‮ (‬ئاڵتو ساو زێرو مەمەود وئازاد رایس ونەورەسی‮ ‬ورەز هتد‮...) ‬ئەو كاڵایانەو هاووڵاتیانیش ئازادن كە كام لەوجۆرانە هەڵدەبژێرن‮) ‬ئەوبابەتانە كوالیتیان بەرزەو ئەوانەی‮ ‬كەكوالیتیان نزمەرەواجی‮ ‬نابێت بەتایبەتی‮ ‬برنج كەخواردنێكی‮ ‬بەتام وچێژەو رۆژانە خەڵكێكی‮ ‬یەكجار زۆر روولەكڕینی‮ ‬دەكەن وئەوجۆرەیان هەڵدەبژێرن كەبەتام وچێژەو لەهەموویان گرنگتر برنجی‮ ‬مەحمودەو زۆربەی‮ ‬ئەوبرنجانە لەوڵاتی‮ ‬توركیاوە دێت رەواجی‮ ‬هەیە لەهەمووی‮ ‬گرنگتر‮ (‬پرۆژەی‮ ‬كارتی‮ ‬بژی‮ ‬پێشمەرگە‮ ) ‬وتایبەتە بەپێشمەرگە قارەمانەكان وشەهیدان وكەسو كاری‮ ‬ئەوان بەوكارتە كەسوكاری‮ ‬پێشمەرگە وخانەوادەی‮ ‬شەهیدە سەربەرزەكان خۆراك بەبێ قازانج و بەخانەوادەكانیان‮ ‬دەدرێت ونرخەكانی‮ ‬ئێمە لە30% جیاوازی‮ ‬هەیە لەچاو نرخ لەبازاڕەكان و كێبڕكێی‮ ‬بازرگانان ودوكانداران كارێكی‮ ‬شایستەیە بەڵام كێبركێی‮ ‬بازاڕ‮ ‬بۆقازانج وگیرفان پر كردن نابێت و زۆرترین كرێكاری‮ ‬خۆماڵی‮ ‬لەلای‮ ‬ئێمە كار دەكات وداواشمان لەهاووڵاتیانە هەركەسێك ئەگەر بابەتێكی‮ ‬ئێكسپایەری‮ ‬لەبازاڕەكە دۆزیەوە خەڵات دەكرێت هەموو كارەكانمان بۆبەرژەوەندی‮ ‬گشتی‮ ‬خەڵكیەو‮ ‬یاسای‮ ‬ئەو بازاڕە وایە كەكارمەندان دەبێ خەڵكی‮ ‬كوردستان بن وماوەماوە راپرسی‮ ‬لەسەر كاڵاكان ونرخەكان دەكەین‮ ‬،‮ ‬بۆئەوەی‮ ‬هاووڵاتیان هەرگیز گلەیی‮ ‬وگازندەیان نەبێت‮.‬

 
چاپکردن   Share گه‌ڕانه‌وه‌