ڕاپۆرت‮:‬ سۆران گورون‮ - ‬ن‮. ‬سلێمانی‮
‬ بۆ كۆنترۆڵكردنی‮ ‬بازاڕ‮ ‬لە هەبوونی‮ ‬خۆراكی‮ ‬بەسەرچوو و پاكوخاوێنی‮ ‬و نرخ لە بەرواری‮ (‬3 - 1 ژ 2006) لیژنەی‮ ‬هاوبەشەكانی‮ ‬قایمقامیەتی‮ ‬سلێمانی‮ ‬دروست بووە كە پێكهاتووە لە ئەم بەڕێوەبەرایەتیانە‮ (‬قایمقامیەتی‮ ‬سلێمانی،‮ ‬چاودێری‮ ‬بازرگانی،‮ ‬ئاسایشی‮ ‬ئابووری،‮ ‬ڤێتەرنەری‮ ‬سلێمانی،‮ ‬بەڕێوەرەرایەتی‮ ‬خۆپاراستنی‮ ‬سلێمانی‮) ‬كارەكانی‮ ‬ئەم لیژنە بۆ چاودێری‮ ‬كردنی‮ ‬ماددە بەسەر چووەكان و مەرجی‮ ‬تەندروستی‮ ‬یە،‮ ‬هەروەها لەگەڵ هەبوونی‮ ‬هەندێك لیژنەی‮ ‬تری‮ ‬وەك لیژنەكانی‮ ‬سووتەمەنی‮ ‬و ئارایشتگاكان و مۆلیدە ئەهلیەكان مەلەوانگەكان و گەرماوەكان و كارە هەویریەكان و لیژنەی‮ ‬بەدواداچونی‮ ‬ریستۆرانت و ئوتێل و مۆتێلەكان و چێشتخانە گەشت و گوزاریەكان،‮ ‬هەروەها لیژنەیەك بۆ چاودێریكردنی‮ ‬عەلوەی‮ ‬سلێمانی‮ ‬پێكهێنراوە كە لەم هەفتەیەدا دەستبەكار ئەبن بۆ چاودێری‮ ‬كردنی‮ ‬ئەو میوە و سەوزە و خۆراكانە كە دێنە ناو شاری‮ ‬سلێمانیەوە‮. ‬بۆ خستنەڕووی‮ ‬ئیشوكاری‮ ‬لیژنەكان دیمانیەكمان لەگەڵ سەرۆكی‮ ‬لیژنە هاوبەشەكانی‮ ‬قەزای‮ ‬مەركەزی‮ ‬سلێمانی‮ ‬عوسمان ئەبوبەكر سازكردو ئەم‮ ‬ڕاپۆرتەمان ئامادەكرد‮ . ‬ كاتی‮ ‬دەرچوونی‮ ‬لیژنەكان دەربارەی‮ ‬ئیشوكاری‮ ‬ڕۆژانەی‮ ‬لیژنەكان سەرۆكی‮ ‬لیژنەی‮ ‬هاوبەشی‮ ‬قایمقامێت ووتی‮ "‬كاتی‮ ‬دەرچونی‮ ‬لیژنەكانمان بۆ چاودێری‮ ‬كردن لە بەیانیەوە تا نزیكی‮ ‬یانزەی‮ ‬شەو‮ ‬شوێنەكان ئەپشكنن،‮ ‬بەڵام لیژنەی‮ ‬یەك و دوو و سێ و چوار زۆربەی‮ ‬كات لە كاتژمیری‮ ‬چواری‮ ‬بەیانیەوە دەرئەچن بۆ ناو بازاڕ‮ ‬لەبەر ئەوەی‮ ‬لەو كاتەدا خۆراك ئەهێنرێت و ئەكەوێتە بازاڕ‮ ‬لەبەر ئەوە بەو كاتە دەست بەكار ئەبن،‮ ‬هەروەها لیژنەمان پێك هێناوە بۆمانگی‮ ‬رەمەزانی‮ ‬پیرۆز بۆ ئەو چێشتخانانەی‮ ‬كە لەمانگی‮ ‬رەمەزاندا ئەكرێتەوە بەڵێننامەمان لێوەرگرتوون كە ئەبێت لە رۆژانی‮ ‬جەژنیشدا كراوەبن لەبەر ئەوەی‮ ‬خەڵكانێكی‮ ‬زۆر سەردانی‮ ‬ئێرە ئەكەن بۆ گەشت و گوزار،‮ ‬لو ماوەی‮ ‬حەوت مانگدا ئەم لیژنانە كاریان كردووە كە تا ئێستا‮ ‬1700 پسوڵەی‮ ‬سەرپێچیمان هەیە كەهەر‮ ‬یەكەیان بەپێی‮ ‬جۆری‮ ‬سەرپێچیەكەی‮ ‬سزامان داوە، ئەمە كارو چالاكیەكانمانە بە شێوەیەكی‮ ‬گشتی‮.‬ سزاكان بۆ سزادانی‮ ‬ئەو شوێنانەی‮ ‬كەسەرپێچی‮ ‬دەكەن‮ ‬یان پابەندی‮ ‬پاكوخاوینی‮ ‬نابن عوسمان ئەبوبەكر ووتی‮ " ‬سزامان بەپێی‮ ‬جۆری‮ ‬سەرپێچی‮ ‬كردنەكەیە هەمانە لە‮ ‬30000 دینارەوە هەمانە تا‮ ‬3000000 سێ ملیۆن دینار،‮ ‬هەشمانە شوێنەكەیمان داخستوە،‮ ‬هەتا ئێستا‮ ‬36 شوێنی‮ ‬سەرپێچی‮ ‬كارمان داخستووە لەبەر ئەوەی‮ ‬سەرپێچیەكەی‮ ‬گەورە بووەكە خۆی‮ ‬لە چێشتخانە و كەبابخانە و ماركێت و كارگەی‮ ‬بچوكی‮ ‬هەویرەمەنی‮ ‬و دوكانی‮ ‬گەس و لەفە و فڕن و نانەواخانە كەلەناویاندا چێشتخانەی‮ ‬گەورەیە لەگەڵ داخستنی‮ ‬10 مەخزەن لە راپەڕین لەبەر ئەوەی‮ ‬هیچ مەرجێكی‮ ‬تەندروستیان تێدا نەبووە و بەڵننامەمان پێ پڕكردونەتەوە كە دەبێت هەموو مەرجەكانی‮ ‬تەندروستی‮ ‬جێبەجێ بكەن‮.‬ سەردانیكردنی‮ ‬قەزاو ناحیەكان هەروەها سەرۆكی‮ ‬لیژنەكە ئاماژەی‮ ‬بۆ ئەو كرد كاری‮ ‬ئەوان لە سنوری‮ ‬قەزای‮ ‬مەركەزی‮ ‬شاری‮ ‬سلێمانیە،‮ ‬بەكرەجۆ و عەربەت و بازیان سە بە قەزان ئەو شوێنانەی‮ ‬تر داوامان لێدەكرێت لەلایەن قایمقام‮ ‬یان بەڕێوەبەری‮ ‬ناحیەی‮ ‬ئەو ناوچانە كەلیژنەكانی‮ ‬ئێمە بچن،‮ ‬لیژنەی‮ ‬سوتەمەنیمان چوون‮ ‬بۆ رانیەو قەڵادزێ و چوارتا پشكنینمان بۆ بەنزینخانەكانی‮ ‬رانیە كرد لەكۆی‮ ‬22 بەنزینخانە‮ ‬17 دانەییمان داخستوە بەهۆی‮ ‬ئەوەی‮ ‬بەنزینەكانیان باش نەبووە، هەركەس داوای‮ ‬لیژنەی‮ ‬پشكنینمان لێبكات ئێمە بە سوپاسەوە بۆیان ئەنێرین‮. ‬ ڕووبەرووی‮ ‬دادگا دەكرێنەوە عوسمان ئەبوبكر ووتی‮ "‬هەركەسێك سەرپێچی‮ ‬بكات‮ ‬یەكەم جار‮ ‬غرامەی‮ ‬ئەكەین لەجاری‮ ‬دووەمدا‮ ‬غرامەكەی‮ ‬بۆ ئەكەین بەدوو ئەوەندە لەجاری‮ ‬سێهەمدا داخستنی‮ ‬شوێنەكەیە و لەچوارەمجاردا روبەروی‮ ‬دادگای‮ ‬ئەكەینەوە‮. ‬ئێمە لیژنەكانمان بەردەوام ئەبێت لەبەر ئەوەی‮ ‬ئێمە بەردەوام لەم كارەداین‮ ‬ئەزانین كوێ وەسلی‮ ‬بۆ كراوە و كوێ داخراوە و چەندەم جاریەتی‮ ‬ولافیتەی‮ ‬لێدەدرێت،‮ ‬بۆ بەرچاو رونی‮ ‬زیاتر‮ ‬یەكێك لە نانەواخانەكان لە شاری‮ ‬سلێمانی‮ ‬بەهۆی‮ ‬سەرپێچی‮ ‬كردن و دوبارەكردنەوەی‮ ‬سەرپێچیەكانی‮ ‬بڕیاری‮ ‬داخستنی‮ ‬دەرچووە بۆ ماوەی‮ ‬پێنج مانگ لەگەڵ هەڵواسینی‮ ‬لافیتە بە دوكانەكەیەوە كە پابەند نەبووە بە رێنماییەكانەوە‮. ‬تائێستا‮ ‬یانزە كەسمان داوە بە دادگا،‮ ‬لەدوای‮ ‬داخستنی‮ ‬شوێنەكە ئەگەر سەرپێچی‮ ‬بكاتەوە ئەوە روبەڕوی‮ ‬دادگای‮ ‬ئەكەینەوە‮.‬ دەزگاكانی‮ ‬راگەیاندن ‮ ‬بۆ بواری‮ ‬ڕاگەیاندن كە دەورێكی‮ ‬گرینگی‮ ‬هەیە لە هۆشیاركردنەوەی‮ ‬هاوڵاتیان سەرۆكی‮ ‬لیژەنەكە‮ ‬ڕایگەیاند‮ ‬پەیوەندیمان باشە پێمان خۆشە هەموو راگەیاندنەكان بێن و پێكەوە خزمەتی‮ ‬شارەكەمان بكەین بەڵام هەندێك لەكەناڵەكان دێن بەدەممانەوە و هەندێكیشیان نایەن‮. ‬تەنسیقمان لەگەڵ سەتەلایتی‮ ‬گەلی‮ ‬كوردستان هەبووە و كوردسات وتی‮ ‬بەرنامەتان بۆ ئەكەین بەڵام جارێ ماوەتەوە،‮ ‬هەروەها كاك سەعدون بەڕێوەبەری‮ ‬كەناڵی‮ ‬هەولێر هات وتی‮ ‬ئێمە روماڵتان بۆ ئەكەین،‮ ‬بەسوپاسەوە پێمان وتووە هەركات بڕیارمان دا ئەو كاتە ئێوەش‮ ‬یەكێك ئەبن لەو كەناڵانە،‮ ‬لەبەر ئەوەی‮ ‬لیژەكانمان زۆرن ئەو كارە بە‮ ‬یەك كەناڵ ناكرێت‮.‬ دابینكردی‮ ‬هێلێكی‮ ‬بێ بەرامبەر ‮ ‬عوسمان ئەبوبەكر سەبارەت بە هاوكاری‮ ‬هاوڵاتیان بۆ ئاگاداری‮ ‬كردنەوەیان بۆ هەبوونی‮ ‬سەرپێچی‮ ‬ووتی‮ "‬هەست بەوە ئەكەین كە جێ دەستمان دیارە لە شارەكەدا و خەڵكیش دەستخۆشیمان لێدەكات و هەروەها هاوڵاتیان خۆیان هۆشیار بونەتەوە كە ئەچێت بۆ هەرشوێنێك‮ ‬یەكەمجار سەیری‮ ‬باش و خراپی‮ ‬ئەكات‮ ‬یان سەیری‮ ‬مێژوی‮ ‬بەسەر چوون هەرحاڵەتێكیش ببینێ ئێمەی‮ ‬لێ ئاگادار ئەكاتەوە لەڕێی‮ ‬تەلەفۆن كردن بۆ خۆمان‮ ‬یان لەرێی‮  (‬JCC‮)‬ ئەوانیش ئێمەی‮ ‬لێ ئاگادار ئەكەنەوە‮. ‬نوسراومان كردووە بۆ‮ ‬یەكێك لە كۆمپانیاكانی‮ ‬مۆبایل كە ژمارەیەكی‮ ‬تایبەتمان بدەنێ بۆ ئەوەی‮ ‬هاوڵاتیان بەبێ بەرامبەر و لەهەموو كاتێكدا پەیوەندیمان پێوە بكەن بەسوپاسەوە ئەوانیش وەڵامیان داوینەتەوە،‮ ‬ئێستا چاوەرێی‮ ‬وەرگرتنی‮ ‬ژمارەكەین بە هەبوونی‮ ‬ئەو ژمارە دەبێتە سەنتەری‮ ‬لیژنە هاوبەشەكانی‮ ‬قایمقامیەتی‮ ‬سلێمانی‮ ‬كە هاوڵاتیان ئەتوانن لە هەموو كاتێكدا پەیوەندیمان پێوە بكەن‮. ‬ ‮ ‬ئاماری‮ ‬شەش مانگ لەماوەی‮ ‬شەش مانگی‮ ‬لیژنەی‮ ‬هاوبەشەكانی‮ ‬قایمقامێتی‮ ‬مەركەزی‮ ‬سلێمانی‮ ‬توانیویانە‮ ‬،‮ ‬1471 پسولە سەرپێچی‮ ‬كراوە و هەریەكەیان بەپێی‮ ‬جۆری‮ ‬سەرپێچیەكەی‮ ‬سزادراون،‮ ‬36 شوێنی‮ ‬سەرپێچیكار شوێنیان داخراوە،‮ ‬11 سەرپێچیكار دراون بە دادگا،‮ ‬كۆی‮ ‬پارەی‮ ‬غرامەی‮ ‬ئەم شەش مانگە‮ ‬79 حەفتاو نۆ ملیۆن و‮ ‬510000 پێنج سەد هەزار دینارە،‮ ‬425 كارتۆن گۆشتی‮ ‬مریشكمان گێراوەتەوە بۆ ئیبراهیم خەلیل و‮ ‬10000 دەهەزار تەن مریشكمان گێراوەتەوە بۆ دەرەوەی‮ ‬هەرێم،‮ ‬19 پسولەی‮ ‬ساختە وەرگرتنی‮ ‬سووتەمەنیمان گرتووەو خاوەنەكانیانمان داوە بە دادگا،‮ ‬37250 تەن كەلوپەلی‮ (‬خۆراك،‮ ‬خۆرازاندنەوە،‮ ‬پاكژكەرەوە‮) ‬دەستی‮ ‬بەسەردا گیراوە‮.‬