به‌رنامه‌ی پارتی دیموكراتی كوردستان بۆ هه‌ڵبژاردنی ئه‌نجوومه‌نی نوێنه‌رانی عێراق2018
کاندیدانی پارتی لە شنگال: کار دەکەین شنگال بکەوێتە دەست شنگالیان
داعش دوو پۆلیسی فیدڕالى عێراق گوله‌ باران ده‌كات

PDF Newspaper
Issue :
5491
Date:
2018-04-19
زیاتر بخوێنه‌وه‌

ئه‌مریكا هاوكاری پێشكه‌ش به‌ پارێزگای هه‌ڵه‌بجه‌ ده‌كات

باڵیۆزی‌ ئه‌مریكا له‌عێراق سه‌ردانی‌ شاری‌ هه‌ڵه‌بجه‌ی‌ كردو ڕایگه‌یاند: خه‌ڵكی‌ ئه‌م شاره‌ زیاتر له‌دانیشتوانی‌ هه‌ر ناوچه‌یه‌كی‌ دیكه‌ هه‌ست به‌ئازاری‌ به‌كارهێنانی‌ چه‌كی‌ كیمایی‌ ده‌كه‌ن.
دۆگڵاس سیلیمان باڵیۆزی ئەمریکا لە عێراق، له‌ كۆنگره‌یه‌كی رۆژنامه‌وانیدا، له‌ پارێزگای هه‌ڵه‌بجه‌ رایگه‌یاند، ئازاره‌كانی هه‌ڵه‌بجه‌ به‌سن بۆ ئه‌وه‌ی چه‌كی كیمیایی له‌ جیهان قه‌ده‌غه‌ بكرێت.
سیلیمان له‌ كۆنگره‌ رۆژنامه‌وانییه‌كه‌یدا راشیگەیاند: چاومان لەوەیە لە داھاتوودا دامەزراوە و ئێن جی ئۆکانی ئەمریکا ھاوکاری و ھەماھەنگی لەگەڵ ھەڵەبجە و زانکۆی ھەڵەبجە بکەن.
باڵیۆزی ئەمریکا لە عێراق لەگەڵ کونسوڵی وڵاتەکەی لە ھەولێر سەردانی پارێزگای ھەڵەبجەیان کرد و جەختیان کردەوە بیرەوەری و ئازارەکانی ھەڵەبجە بەسن بۆ ئەوەی بە جیھان بڵێین چەکی کیمیایی بە یەکجاری لە سەر گۆی زەوی لەناوببرێت.
دۆگلاس سیلیمان گوتیشی: خەڵکی ھەڵەبجە و ئەم ناوچەیە زیاتر لە ھەرکەسی دیکە لە مەترسی چەکی کیمیایی و دڕندەیی ئەو رژێمانە تێدەگەن کە چەک کیمیایی لە دژی خەڵکی خۆیان بەکاردەھێنن. لێرە لە ھەڵەبجە بێجگە لە باسی کردنی رابردوو گفتوگۆیەکی باشمان لەگەڵ پارێزگاری ھەڵەبجە ھەبوو.

ئه‌مریكا ناوچه‌یه‌كى ئارام له‌ سوریا دروست ده‌كات

نووسینگه‌ى وه‌زاره‌تى ده‌ره‌وه‌ى ئه‌مریكا له‌ بوودجه‌ى 2019دا، به‌مه‌به‌ستى پشتیوانى داواى ته‌رخانكردنى سندوقێكى بوودجه‌ كراوه‌ بۆ یارمه‌تیدانى گروپێكى سه‌ربازى 60-65 هه‌زار كه‌سى له‌ سوریا له‌ نێو گرووپه‌كه‌دا ناوى په‌یه‌ده‌شى تێدایه‌، بوودجه‌كه‌ به‌ ناوى "سندوقى جه‌نگ" به‌ ئه‌گه‌رى ئۆپه‌ڕاسیۆنه‌كانى ده‌ره‌وه‌ى ده‌ریا ناسراوه‌.

ئامانجى حكومه‌تى ئه‌مریكا ئه‌وه‌یه‌ كه‌ ناوچه‌یه‌كى ئارام و سه‌قامگیر له‌و هه‌رێمه‌ بێته‌ ئاراوه‌، گروپه‌ چه‌كداره‌كه‌ى پێك هاتووه‌ له‌ 60 بۆ 65 هه‌زار كه‌س له‌ نێو ئه‌م گرووپه‌ 30 هه‌زاریان به‌ مه‌به‌ستى شه‌ڕ و پێكدادان ته‌رخان ده‌كرین له‌و ناوچانه‌ى كه‌ هێشتا گرووپى جه‌كدارانى ئیسلامى توندره‌وى "داعش"ى تیدا ماون،  و هه‌روه‌ها 35 هه‌زار بۆ ئاسایشى ناوخۆى ئه‌و ناوچانه‌ داده‌نرێت كه‌ له‌ ده‌ست داعش رزگار كراون به‌مه‌ش بۆ هه‌ر 1000 كه‌سى سڤیل 20 پولیسى ئه‌منى ته‌رخان ده‌كرێت له‌ ناوچه‌ رزگاركراوه‌كان.

بەرشلۆنە دەستكەوتێكی‮ ‬مێژوویی‮ ‬لەخولی‮ ‬ئیسپانیا تۆمار دەكات

یانەی‮ ‬بەرشلۆنە توانی‮ ‬خەمەكانی‮ ‬ئەوروپا تێپەڕێنێت و هەنگاوێك لەخولی‮ ‬ئیسپانیا نزیك بێتەوە،‮ ‬دوای‮ ‬ئەوەی‮ ‬سەركەوتنێكی‮ ‬زەحمەتی‮ ‬بەسەر‮ ‬یانەی‮ ‬ڤالێنسیا بە ئەنجامی‮ ‬2-1‮ ‬گۆڵ تۆماركرد،‮ ‬لەو‮ ‬یارییەی‮ ‬لەگەڕی‮ ‬32ی‮ ‬خولی‮ ‬یاریگا بەڕێوەچوو‮. ‬گۆڵەكانی‮ ‬بەرشلۆنە لەلایەن لویس سوارێز لەخولەكی‮ ‬15 و ئۆمتیتی‮ ‬لەخولەكی‮ ‬51 ‮ ‬تۆماركران،‮ ‬تاكە گۆڵی‮ ‬ڤالێنسیا لەخولەكی‮ ‬86 ‮ ‬بەلێدانی‮ ‬سزا لەلایەن دانیال بارێخۆ تۆماركرا‮. ‬بەم سەركەوتنەش بەرشلۆنە پێشەنگی‮ ‬لیستی‮ ‬بێ شكستی‮ ‬تیپەكەی‮ ‬گرت لەخولی‮ ‬لالیگا،‮ ‬بە‮ ‬39یاری‮ ‬لەدوای‮ ‬یەك،‮ ‬كە ئەمەش ژمارەیەكی‮ ‬پێوانەییە لەخولی‮ ‬لالیگا‮. ‬ژمارەی‮ ‬پێوانەیی‮ ‬پێشوو بەناوی‮ ‬یانەی‮ ‬ریال سۆسیداد بوو كە لەوەرزی‮ ‬1979-1980 بە‮ ‬38 یاری‮ ‬تۆماری‮ ‬كردبوو،‮ ‬یانەی‮ ‬بەرشلۆنە لەگەڕی‮ ‬رابردوو بەرامبەر لیگانیس‮ ‬یەكسانی‮ ‬كردەوە‮. ‬بەمەش‮ ‬یانەی‮ ‬بەرشلۆنە توانی‮ ‬ببێتە خاوەنی‮ ‬32 سەركەوتن و‮ ‬7 یەكسان بوون،‮ ‬كە لەمیانیدا‮ ‬یاریزانانی‮ ‬كاتەلۆنی‮ ‬109 گۆڵیان تۆماركردووەو‮ ‬26 گۆڵیان لێ تۆماركراوە‮. ‬گۆڵپارێزی‮ ‬ئەڵمانی‮ ‬ئاندرێ تیر شتیگن زۆرترین بەشداری‮ ‬هەبووە لەم دەستكەوتە،‮ ‬كە‮ ‬39یاری‮ ‬ئەنجامداوە،‮ ‬پاشان لیۆنێل مێسی‮ ‬زۆرترین گۆڵی‮ ‬تۆماركردووە،‮ ‬كە‮ ‬29گۆڵە‮. ‬بەرشلۆنە ئێستا زۆر لە نازناوی‮ ‬ئەم وەرزە نزیك بۆتەوە،‮ ‬كە لە پلەی‮ ‬یەكەم دێت بە‮ ‬82 خاڵ و بەمەش‮ ‬یانەی‮ ‬كاتەلۆنی‮ ‬لە‮ ‬6یاری‮ ‬داهاتوو پێویستی‮ ‬بە‮ ‬7خاڵ هەیە بۆ ئەوەی‮ ‬بەفەرمی‮ ‬نازناوەكە‮ ‬یەكلایی‮ ‬بكاتەوە‮.